Réttur - 01.10.1973, Blaðsíða 25

6.8
Til athugunar
Fjöldi manna telur hlutverk kvenna, sem eiga
börn, eingöngu vera á heimilunum. En hvað yrði
um starfsemi frystihúsanna, sjúkrahúsanna og skól-
anna, ef hugmyndir þeirra yrðu ofan á? Hvernig
væri að venja þá af þessu þulli með því að allar
konur með börn undir vissum aldri legðu niður
vinnu, þótt ekki væri nema í einn dag?
7.0
FRAMI KVENNA í STARFI
Séu konum falin forystustörf á vinnustöðum,
heyrir slíkt til undantekninga. Þær eru ekki for-
stjórar, deildarstjórar, skólastjórar eða banka-
stjórar.
Forsendur þess, að maður hljóti slíkt starf eru
oftast sérstakir eiginleikar viðkomandi, góð mennt-
un eða langur starfsaldur, en eigi bæði kona og
karl í hlut, virðist fyrsta forsendan vera kynferðið,
þ.e. viðkomandi þarf að vera karlkyns. Konum, sem
vilja ná langt í starfi, nægir ekki að vera eins góðar,
jafn hæfar og karlmennirnir, þær þurfa að vera
mun betri. Þetta viðhorf er m. a. réttlætt með þvi,
að konur séu óáreiðanlegur vinnukraftur, þær komi
og fari, taki upp á þvi að hætta vegna giftingar eða
barna, þurfi barneignafrí o. s. frv. Sumir segja, að
kona sé alls ekki til forystu og ábyrgðar fallin,
sbr. málsháttinn: ..Aldrei er kvennastjórn affara-
góð."
Börnin eru framtíð okkar, það er kaldhæðni, að
hið mikilvæga hlutverk konunnar, að halda mann-
skepnunni við, hefur snúist gegn henni og er undir-
rót kúgunar hennar í stað þess, að hún hljóti verð-
skuldaða umbun fyrir það. Það er það, sem að-
greinir hana frá karlmanninum. Þess vegna má
hún ekki velja sér starf, þess vegna fær hún lægri
laun, þess vegna nýtur hún ekki sannmælis á
vinnustað, þess vegna er hún ekki sett til mennta,
þess vegna er henni ekki treyst til ábyrgðarstarfa,
þess vegna ber henni að þjóna karlinum.
Það virðist gleymast, að konur eru ekki í barn-
eign nema hluta æfinnar, eða af hverju fær ungur
óreyndur karlmaður frekar launa- og stöðuhækkun
en 40 ára kvenmaður? Einnig verður æ sjaldgæfara,
að konur eignist fleiri en þrjú börn um ævina.
233