Réttur


Réttur - 01.10.1973, Blaðsíða 33

Réttur - 01.10.1973, Blaðsíða 33
í HÖGGI VIÐ HAKAKROSSINN HAUSTIÐ 1933 Þýska auðmannastéttin hafði í ársbyrjun 1933 gripið til nasismans, blóðugrar ógnar- stjórnar sinnar gegn verkalýðshreyfingunni. „Sjálfstæðisflokkurinn" íslenski og Morg- unblað hans hafði boðið Hitler og kumpána hans vel komna til valda og trúað hverri lygi þeirra sem nýju neti, kennt kommúnistum ríkisþinghúsbrunann og spurt „hvenær færi að loga við Austurvöll". Sumpart var hér á ferð næstum því ótrúleg glámskyggni, — sbr. Morgunblaðið 26. apríl 1933, er það segir: „Vafalaust sér Hitler um að ekki verði skert hár á höfði Gyðinga", — en sumpart og raunar mestmegnis réði ferðinni fögnuður yfir því að hafa eignast voldugan fóstbróður í herferðinni gegn „kommúnismanum". Þegar íslensk ungmenni tóku að fylkja sér undir hakakrossfána Hitlers fagnaði Morg- unblaðið. „En óþarft er að taka það fram, að þjóðernissinnum detta engin spjöll lýðræð- isins í hug, en fylgja af alhug eflingu ríkis- valds, er spornar við hvers konar yfirgangi," segir Mgbl. 14. maí 1933. Og einn af þing- mönnum „Sjálfstæðisflokksins" býður nasista- hreyfinguna velkomna í Morgunblaðinu 25. maí: „Með þeim formála bjóðum vér þjóð- ernishreyfinguna velkomna. Hvort sem þeir, er að henni standa, kallast þjóðernissinnar eða annað því um líkt, eiga þeir að tilheyra hinni íslensku sjálfstæðishreyfingu — og eru hluti af Sjálfstœdisflokknum." (Leturbr. í Mgbl.). Verkalýðshreyfing heimsins hafði víða tek- ið að sýna þýska verkalýðnum samúð sína og nasismanum andúð sína og hatur á ýmsan 241

x

Réttur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Réttur
https://timarit.is/publication/319

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.