Réttur - 01.04.1981, Síða 24

Reiknimeistarar hinna evrópsku Ragna-
raka búa hins vegar við þann „vanda” að í
Evrópu allri eru ekki nema tæpar 800 millj-
ónir íbúa og vantar því 1000—2000 milljónir
manna til að fullnýta drápsgetu forðabúrs-
ins. í þessu dæmi er sérhver sál í Sovétríkj-
unum öllum, líka Asíuhlutanum, talin með
Evrópu og auk þess allir karlar og kerlingar
norðan og sunnan Alpafjalla, út með sjó og
inn til dala, frá nyrstu íshafsmiðum til
Napólí við Miðjarðarhaf. Nýju eldflaugarn-
ar gætu einar sér drepið allan þennan mann-
skap fjórum sinnum. Máltakinu um Ein-
björn, Tvíbjörn og þá bræður mætti umsnúa
í einkunnarorð hins nýja vígbúnaðar: Ein-
dauður, tvídauður, þrídauður og fjórdauður
— það eru örlög þín, Evrópumaður.
Þessar áætlanir eru alvörumál stríðsrek-
enda sem meta ábyrgð sína í megatonnum.
Svo fáránleg dæmi eru hluti af hversdagsleg-
um reikningskúnstum þeirra manna sem
mæla árangur verka sinna í hundruðum
milljóna saklausra borgara sem breyta má í
hvítgráa ösku á sem skemmstum tíma. í
þessum fína reikningsklúbbi er margfeldi
gereyðingargetunnar mælikvarði á orðstír
leiðtoganna.
Evrópu fórnað — Bandaríkin
bjargast
Áformin um hin nýju helvopn hafa knúið
hundruðir þúsunda Evrópubúa til fylgis við
málstað friðarhreyfingarinnar. Friðarsóknin
88