Réttur - 01.04.1981, Blaðsíða 37

En fórnirnar voru ægilegar. íhugum hvað
féll í stríðum fyrri alda:
Á 17. öld féllu 3 miljónir manna í styrjöld-
um í Evrópu. Á 18. öld voru stríðsfórnirnar
5 miljónir mannslífa. Á 19. öld komst sú tala
upp í 6 miljónir.
En á vorri öld, hinni 20., kostaði fyrri
heimsstyrjöldin um 10 miljónir mannslifa.
Og í heimsstyrjöldinni síðari létu yfir 50 mil-
jónir manna lífið, — þar af 20 miljónir
barna, kvenna og karlmanna Sovétríkjanna.
Þyngstu og blóðugustu byrðina báru þau. —
Og þá er ekki rætt um efnahagslega tjónið.
Um þriðjungur alls efnahagskerfis Sovétríkj-
anna (verksmiðjur, orkuver, vélar, sam-
göngutæki, hús o.s.frv.) er lagður í rúst.
En á sama tíma græða Bandaríkin á stríð-
inu og missa ekki fleiri menn, en ella farast
þar í umferðarslysum. Það er ekki að furða
þótt harðsvíruðum auðmönnum Bandaríkj-
anna dytti það í hug, er nasisminn þýski var
fallinn og öll Evrópa í sárum og Sovétríkin
verst útleikin, — að nú væri timinn fyrir þau
til að drottna í heiminum, koma á hinni
„amerísku öld” i krafti einokunar á atóm-
sprengjunni.
Við vitum hvernig það fór og lifum í
skugga þeirrar ógnar, er heimsdrottnunar-
stefna ameríska auðvaldsins hefur leitt yfir
mannkynið — og höfum oft rætt og skýrt þá
ógn.
En á þessum tímamótum, 40 árum eftir
1941, þá skulum við íhuga: hvernig liti ver-
öldin út í dag, ef Sovétríkin hefðu verið brot-
in á bak aftur, — ef nasisminn hefði sigrað
þau.
Ef Sovétríkin hefðu tapað stríðinu?
Hefði nasistaherjunum tekist að brjóta
Sovétríkin á bak aftur, drepa flestalla
kommúnista sterkasta kommúnistaflokks
heimsins — eins og fyrirskipað var, og
hneppa alþýðu þá, sem af lifði í þrælahald,
þá hefði kné verið látið fylgja kviði gagnvart
allri verkalýðshreyfingu Evrópu: England og
Svíþjóð hefðu farið sömu leið og verkalýðs-
flokkar meginlandsins. í fangabúðum og á
aftökustöðum hefðu kommúnistar og sósíal-
demókratar staðið hlið við hlið, fyrst þeir
báru ekki gæfu til að standa saman um að
ráða niðurlögum fasismans strax í byrjun.
Að líkindum væri þá veröldinni skipt í
þrjú meira eða minna fasistísk stórveldi: 1)
Nasistískt Þýskaland, harðstjóri Evrópu og
olíulanda Asíu. — 2) Japan herdrottnanna,
ráðandi allri Vestur-Asíu, máski Ástralíu
með, — og 3) Bandaríki Mac-Carthy-ismans,
— máski öll þrjú nú með atómbombur, — en
sósíalistísk verkalýðshreyfing barin niður
um aldir — ef til vill svipað og í „Járnhæl” —
martröð Jack Londons.
Þessi mynd er ekki of dökk og hún ætti að
sýna og sanna hverjum þeim, sem ann lýð-
ræði og sósíalisma frá hvílíkum skelfingum
Sovétríkin björguðu veröldinni með hinum
miklu fórnum sínum og fádæma hetjuskap í
heimsstríðinu 1941—45. Því má alþýða
heims aldrei gleyma. E.O.
101