Réttur


Réttur - 01.04.1981, Blaðsíða 3

Réttur - 01.04.1981, Blaðsíða 3
í minningu Magnúsar Kjartanssonar f. 25. febrúar 1919 — d. 28. júlí 1981 Magnús Kjartansson fyrrv. ritstjóri var jarðsunginn 6. ágúst s.l. Þann dag birtust fjölmargar minningargreinar um hann í Þjóðviljanum. Réttur fékk heimild Svavars Gestssonar formanns Alþýðubandalagsins lil að birta grein hans í Rétti: Hver eru áhrif einstaklingsins á pólitíska framvindu? Slíkum spurningum er oft reynt að svara almennt og sértækt með því að virða fyrir sér feril einstakra forystumanna í stjórnmálum, en enginn á fullnægjandi svör við þeim og þess vegna leita þessar spurning- ar stöðugt á hugann. Þær verða aldrei áleitn- ari en á slíkum stundum þegar Magnúsar Kjartanssonar er minnst. Áhrif hans á sam- tíðina voru ótvíræð, stundum engum ljósari en andstæðingum hans, sem réðust gegn honum af óvenjulegri heift. En allan þann tíma sem hann var ritstjóri Þjóðviljans var glöggt tekið eftir þessum manni. Blaðið var pólitískt afl sem enginn gat gengið framhjá, enda þótt útbreiðsla blaðsins væri oft lítil og útgáfa þess unnin af miklum vanefnum. Magnús Kjartansson gat opnað þúsundun- um nýja sýn á vandamál stór og smá með skarpri rökhugsun og heitum orðsins brandi, sem oft var napur og hæðinn, en umfram allt skýr og afdráttarlaus. Þegar Magnús varð forystumaður sósíal- ista í Reykjavík vorið 1967 voru nokkrir í vafa um að þessi skapheiti ritstjóri hefði til að bera nægilegt pólitískt raunsæi til þess að valda forystuhlutverki. Sá vafi þurrkaðist út á skömmum tíma, ekki síst þegar reyndi á Magnús í vinstri stjórninni 1971 —1974. í starfi stjórnmálaleiðtogans kom áratuga- þjálfun við skriftir Magnúsi Kjartanssyni að miklum notum, ræður hans báru oft merki hins snjalla rithöfundar. Hann átti það til að fjalla um hversdagslegustu mál þannig að hann skýrði eðli þessara mála með nýjum og ferskum hætti. Ekkert mál er leiðinlegra orð- ið í eyrum almennings en síbyljufas stjórn- málamanna um verðbólguna. í ræðu gat Magnús Kjartansson fjallað um þetta leiði- gjarna eilífðarfyrirbæri með þeim hætti að lengi varð til vitnað. í ræðum sínum og blaða- greinum notaði hann orð og setningar sem síðan urðu fleyg eins og þjóðvísan og enginn veit lengur hver ort hefur. 67

x

Réttur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Réttur
https://timarit.is/publication/319

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.