Morgunblaðið - 13.03.2006, Page 9

MORGUNBLAÐIÐ MÁNUDAGUR 13. MARS 2006 9
FRÉTTIR
TÆPLEGA helmingur af þyrlupalli Kolbeinseyjar er
hruninn og nú er ekki lengur hægt að lenda þyrlu á eyj-
unni. Áhöfn Synjar, eftirlitsflugvélar Landhelgisgæsl-
unnar, var í venjubundnu gæsluflugi í síðustu viku og
kom í ljós er flogið var yfir Kolbeinsey að tæpur helm-
ingur af þyrlupalli eyjarinnar var horfinn. Áhöfn Óðins
og starfsmenn Vita- og Hafnamálastofnunar byggðu
þyrlupallinn árið 1989 og hefur eyjan jafnt og þétt
minnkað síðan þá. Til að mynda er þyrlupallurinn nú
hæsti punktur eyjarinnar en þegar hann var byggður
voru aðrir hlutar eyjarinnar hærri.
Syn flaug yfir Kolbeinsey fyrir um einum og hálfum
mánuði og var þyrlupallurinn þá í heilu lagi að sögn
Tómasar Helgasonar sem var flugstjóri í eftirlitsfluginu.
Landhelgisgæslumenn hafa skoðað eyjuna bæði úr
lofti og neðansjávar.
Helmingur þyrlupallsins horfinn
VEGNA breytinga sem Alþingi
samþykkti á þjóðkirkjulögunum í
síðasta mánuði var kallað saman
auka Kirkjuþing sl. föstudag þar
sem starfsreglum um kirkjuþings-
kjör og þingsköp Kirkjuþings var
breytt. Að sögn Guðmundar Þórs
Guðmundssonar, framkvæmda-
stjóra kirkjuráðs, miðar breytingin
að því að fjölga þátttakendum á
Kirkjuþingi úr 21 í 29, jafnframt því
að víkka út kjörgengi leikmanna.
Segir hann þetta í síðasta sinn sem
núverandi kirkjuþingsmenn koma
saman, því kosið verður eftir nýju
reglunum í vor þegar kosið verður
til nýs Kirkjuþings.
Að sögn Guðmundar felast meg-
inbreytingarnar í því að djáknar eru
teknir inn í tölu vígðra manna hvað
kjörgengi varðar, fulltrúum er
fjölgað, einkum á höfuðborgarsvæð-
inu, auk þess sem töluverð breyting
verður á því hvernig leikmenn er
kosnir á þingið auk þess sem leik-
mönnum er fjölgað í hlutfalli við
vígða menn. „Fyrir breytingu var
það svo að þeir leikmenn sem vildu
bjóða sig fram til þingsetu á Kirkju-
þingi urðu að vera í sóknarnefnd.
En nú eru allir leikmenn sem skráð-
ir eru í þjóðkirkjuna kjörgengir,“
segir Guðmundur og bendir á að
leikmenn geti þannig gefið sig fram
við sína sóknarnefnd og óskað eftir
tilnefningu til þingsetu.
Stefna að rafrænni kosningu
Aðspurður segir Guðmundur
Kirkjuþingið hafa gengið vel fyrir
sig, en heitar umræður urðu um það
hvort vígðir menn, þ.e. prestar og
djáknar, þyrftu að vera í fullu starfi
til þess að mega kjósa. Segir Guð-
mundur niðurstöðuna hafa verið þá
að ákveðið var að aðeins þeir sem
væru í fullu starfi hefðu kosninga-
rétt til Kirkjuþings.
Á aukaþinginu var einnig sam-
þykkt að marka þá stefnu að næstu
kosningar til Kirkjuþings verði raf-
rænar og fari þá fram á netinu í stað
póstkosninga áður. Segir Guðmund-
ur kosti rafrænna kosninga mikla,
þar sem þetta sé bæði ódýrari, fljót-
legri og skilvirkari leið.
Starfsreglum um
kirkjuþingskjör breytt
á auka Kirkjuþingi
SVAVAR Sigurðsson, bar-
áttumaður gegn fíkniefnum, sagðist
í samtali við Morgunblaðið skora á
fjármálaráðherra að veita fé til
kaupa eða leigu á gegnumlýs-
ingabíl fyrir tollyfirvöld. Hann
sagði að slíkur bíll gæti gegnumlýst
um 30 gáma á klukkustund en í dag
er notast við mun afkastaminni
tækni.
Svavar sagði að auk þess sem
hann hefði þrýst á fjármálaráð-
herra, hefði hann rætt við banda-
ríska, breska og sænska sendiráðið.
Hann bíði eftir svari frá fjár-
málaráðherra en dómsmálaráð-
herra hefur einnig lýst yfir áhuga á
þessu tæki. Tæki sem þetta kostar
um 80 milljónir króna en hann seg-
ir einnig hægt að leigja það. Kost-
urinn við tæki sem þetta er að það
er færanlegt þar sem það er á hjól-
um. Því sé hægt að flytja það mjög
auðveldlega á milli hafna.
Skorar á yfirvöld
að leggja fé í
gegnumlýsingar-
tæki fyrir gáma
MINNI björgunarþyrla Landhelgisgæslunnar, TF-
Sif, var kölluð út á laugardag kl. 14.55 til leitar að
neyðarsendi. Sendirinn sendi stöðugt neyðarsend-
ingar um gervihnött sem bárust stjórnstöð gæsl-
unnar og hófst leit á föstudag. Þegar hún bar ekki
árangur var þyrlan kölluð út til að miða út sendinn.
Áhöfn Sifjar tókst að staðsetja neyðarsendinn í bíl-
skúr í Smáíbúðahverfinu í Reykjavík og fór starfs-
maður Póst- og fjarskiptastofnunar ásamt lögreglu
á staðinn og slökkti á honum. Ekki er vitað hvernig
kviknaði á sendinum.
Þyrlan lenti við flugskýli gæslunnar rétt fyrir
fjögur en var skömmu síðar kölluð út á nýjan leik,
nú vegna flugvélar sem lenti í vandræðum yfir
Þingvöllum. Var þar á ferð tveggja sæta Cesna í
eigu Flugskóla Íslands en flugmaður hennar hefur
ekki blindflugsréttindi og lenti því í erfiðleikum
þegar gekk á með éljum og hann sá ekki til jarðar.
Þegar allt kom til alls náði flugmaðurinn að bjarga
sér úr vandræðunum án hjálpar Gæslunnar en
þyrlan fylgdi flugvélinni þó eftir til Reykjavíkur.
Leit úr lofti að
neyðarsendi
Opið virka daga frá kl. 10-18 laugardaga frá kl. 10-16
• Engjateigi 5
• sími 581 2141
Nýr gallafatnaður
Mánudagur 13.03
Engiferpottur m/kartöflubakstri
Þriðjudagur 14.03
Hummus, buff & bakað grænmeti
Miðvikudagur 15.03
Burritos m/chillisósu & guacamole
Fimmtudagur 16.03
Thailenskur pottur m/asísku salati
Föstudagur 17.03
Grænmetislasagna m/pestó
Helgin 18.-19.03
Afrískur pottur m/steiktum banönum
SKRÁNING Í SÍMA 544 4500 OG Á NTV.IS - HLÍÐASMÁRA 9 - 201 KÓPAVOGI
FJÁRMÁL & REKSTUR
Helstu námsgreinar:
Rekstrarfræði
Farið er í grunnatriði rekstrarhagfræði,
rekstur fyrirtækja, umhverfi þeirra,
mismunandi rekstrarform, markmið
og skipulag fyrirtækja.
Fjármálastjórnun
Kenndur er arðsemisútreikningur, fjallað
um ávöxtunarkröfur, áætlunargerð
fyrirtækja og aðferðir við að meta virði
verðbréfa og fjárfestinga.
Notkun Excel við fjármál og rekstur
Nemendur eru þjálfaðir við notkun Excel í
rekstri, einkum við gerð rekstraráætlana,
notkun fjármálafalla og arðsemismats.
Kvöldnámskeið:
Þri. - fim. kl. 18:00 - 22:00
og á lau. kl. 13:00 - 17:00.
Byrjar 4. apríl og lýkur 3. júní.
Morgunnámskeið:
Þri. - mið. - fim. kl. 8:30 - 12:30
Byrjar 18. apríl og lýkur 1. júní.
Frábært námskeið fyrir þá sem
vilja bæta við sig þekkingu í
fjármálum og rekstri fyrirtækja.
Námið snýr m.a. að rekstrar-
fræðum, fjármálastjórnun og
áætlanagerð með áherslu á
efnistengdri verkefnavinnu.
Námskeiðið er ætlað þeim sem
hafa reynslu í Excel og grunn-
þekkingu á bókhaldi.
„Eftir Fjármála- og rekstrarnámið hjá NTV hef ég
öðlast viðamikla og dýrmæta þekkingu sem mun
nýtast mér í öllu sem ég á eftir að taka mér fyrir
hendur í framtíðinni. Ég er mun verðmætari starfs-
kraftur eftir námið!“
Kári Sigurfinnsson
Sölumaður hjá Tölvulistanum