Morgunblaðið - 05.04.2006, Blaðsíða 12
12 MIÐVIKUDAGUR 5. APRÍL 2006 MORGUNBLAÐIÐ
FRÉTTIR
FJÁRMÁLARÁÐHERRA hefur
lagt fram á Alþingi frumvarp um að
Áfengis- og tóbaksverslun ríkisins
(ÁTVR) verði gerð að hlutafélagi í
eigu ríkisins. Í frumvarpinu er jafn-
framt lagt til að sala ÁTVR hf. eða
hluta þess, sameining þess við önnur
félög eða slit þess verði óheimil.
Lagt er til að hlutafélagið taki yfir
allar eignir og skuldbindingar núver-
andi verslunar hinn 1. janúar 2007. „Í
frumvarpinu er ekki gert ráð fyrir
neinum verulegum breytingum á
starfsemi fyrirtækisins heldur snýr
það fyrst og fremst að því að færa
hana í það rekstrarform sem þykir
vera sveigjanlegast og gefast best í
verslunarrekstri,“ segir í fylgiskjali
með frumvarpinu. Áfram er því gert
ráð fyrir því að ÁTVR hf. hafi með
höndum einkaleyfi á smásölu áfengis
og heildsöludreifingar tóbaks. Sömu-
leiðis er gert ráð fyrir því að ÁTVR
hf. tryggi merkingar tóbaks og álagn-
ingu tóbaksgjalds.
Frumvarpið gerir ráð fyrir því að
öllum núverandi starfsmönnum verði
boðið starf hjá hlutafélaginu og að
þeir haldi áunnum réttindum sínum,
þar með töldum lífeyrisréttindum, í
samræmi við það sem kveðið er á um í
lögum um réttindi og skyldur starfs-
manna ríkisins.
Góður hagnaður
Í fylgiskjali fjárlagaskrifstofu fjár-
málaráðuneytisins segir m.a. að
tekjum af vörusölu ÁTVR umfram
innkaup á vörum og rekstrarkostnað
hafi að mestu verið ráðstafað sem arð-
greiðslum til ríkissjóðs. Arðgreiðslan
var 133 milljónir króna árið 2003, 649
milljónir árið 2004, og 670 milljónir
árið 2005. „Góður hagnaður hefur
verið af versluninni undanfarin ár
sem á m.a. rætur að rekja til hag-
stæðrar gengisþróunar,“ segir í fylgi-
skjalinu.
Í frumvarpinu er lagt til að ÁTVR
hf. greiði tekjuskatt sem fyrirtækið
hefur ekki þurft að greiða fram til
þessa. „Verði fyrirtækinu breytt í
hlutafélag má gera ráð fyrir að rík-
issjóður hafi svipaðar tekjur af
rekstrinum eftir sem áður. Tekjurnar
verði þá að mestu í mynd tekjuskatts
af hagnaðinum en árleg arðgreiðsla
verði fyrir vikið ákvörðuð lægri með
hliðsjón af afkomu eftir skatta. Ekki
er því ástæða til að ætla að samþykkt
frumvarpsins hafi áhrif á þessa tekju-
öflun ríkissjóðs,“ segir í fylgiskjalinu.
Þar segir einnig að heildareignir
fyrirtækisins hafi verið um 3,2 millj-
arðar samkvæmt ársreikningi 2005.
Óráðstafað eigið fé var um 2,2 millj-
arðar en heildarvelta það ár var um
16,6 milljarðar.
Frumvarp um Áfengis- og tóbaksverslun ríkisins
ÁTVR verði gert að
hlutafélagi í ríkiseigu
Eftir Örnu Schram
arna@mbl.is
MENNTAMÁLARÁÐHERRA hef-
ur lagt fram á Alþingi frumvarp um
að niður falli ákvæði í lögum um sam-
ræmd stúdentspróf. Lagt er til að
lagabreytingarnar, verði þær sam-
þykktar, öðlist gildi þegar í stað. Það
þýðir m.ö.o. að samræmd lokapróf í
framhaldsskóla verða ekki haldin í
vor.
Frumvarpið felur í sér breytingar á
lögum um framhaldsskóla, en í þeim
er kveðið á um samræmd stúdents-
próf. „Reglugerð um prófin var gefin
út árið 2002 og breytt 2003. Prófin
komu síðan til framkvæmda skólaárið
2003–2004 og voru þá valfrjáls því að
rétt þótti að veita nemendum og skól-
um aðlögun að þessu nýja prófafyrir-
komulagi. Ekki var prófað nema í
einni grein, íslensku. Í maí 2005 var í
fyrsta skipti prófað í þremur greinum
og þá var nemendum skylt að taka
prófin. Síðan var aftur prófað í þrem-
ur greinum í desember 2005,“ segir í
skýringum frumvarps ráðherra.
„Við framkvæmd prófanna árið
2005 komu í ljós ýmsir annmarkar og
nemendur sáu lítinn tilgang með próf-
unum, auk þess sem lítil merki sáust
um að skólar á háskólastigi kölluðu
eftir því að nemendur hefðu lokið slík-
um prófum. Nokkrir framhaldsskól-
anna hafa talið það vandkvæðum
bundið að bæta samræmdum stúd-
entsprófum við prófahald sem þar
hefur tíðkast um árabil, bæði í lok
vor- og haustannar. Þykir sýnt að
prófin í núverandi mynd henti misvel
einstökum nemendum, námsbrautum
og framhaldsskólum.“ Því er lagt til
að lagaákvæði um samræmd stúd-
entspróf verði afnumin.
Frumvarp menntamálaráðherra um breytingar á lögum um framhaldsskóla
Ákvæði um sam-
ræmd stúdents-
próf verði afnumin
Morgunblaðið/Þorkell
ÞINGMENN stjórnarandstöðunnar í menntamálanefnd Al-
þingis leggja til að frumvarpi menntamálaráðherra um Rík-
isútvarpið hf. verði vísað frá. Önnur umræða um frumvarpið
hófst á Alþingi í gær. Í nefndaráliti stjórnarandstöðunnar segir
m.a. að löngu hafi verið orðið tímabært að skapa Ríkisútvarpinu
nýjan lagaramma, en að fyrirliggjandi frumvarp menntamála-
ráðherra sé því miður ekki fullnægjandi.
Mörður Árnason, þingmaður Samfylkingarinnar, mælti fyrir
nefndaráliti stjórnarandstöðunnar, en Sigurður Kári Kristjáns-
son, formaður nefndarinnar, mælti fyrir nefndaráliti þingmanna
stjórnarflokkanna. Þeir síðarnefndu leggja til að frumvarpið
verði samþykkt með fáeinum breytingum. Í frumvarpinu er m.a.
lagt til að stofnað verði hlutafélag í eigu ríkissjóðs um rekstur
Ríkisútvarpsins. Umræðan um frumvarpið stóð fram eftir
kvöldi í gær.
Mörður sagði að með frumvarpinu væri ekki skapaður til
frambúðar sá starfsrammi sem Ríkisútvarpinu hæfði og þar
með ekki sá starfsfriður sem Ríkisútvarpinu væri nauðsynlegur.
Með því að breyta Ríkisútvarpinu í hlutafélag væri stigið var-
hugavert skref sem í langflestum tilvikum öðrum hefði leitt til
sölu viðkomandi stofnunar eða fyrirtækis. „Þá gera margir laus-
ir endar í frumvarpinu og málatilbúnaði í tengslum við það að
verkum að málið er vanreifað,“ segir ennfremur í áliti minnihlut-
ans í menntamálanefnd, en hann skipa þingmenn Samfylking-
arinnar og Vinstri grænna. Í nefndaráliti minnihlutans segir
jafnframt m.a. að því miður sé engin trygging fyrir því að flokks-
pólitískum tökum á Ríkisútvarpinu linni með frumvarpinu. Að
ýmsu leyti hafi menntamálaráðherra og ríkisstjórnarmeirihluti
á Alþingi hverju sinni meiri möguleika en áður á að beita áhrif-
um sínum á starfsemi og rekstur Ríkisútvarpsins.
Vilja vísa frá frum-
varpi um RÚV hf.
Morgunblaðið/ÞÖK
Mörður Árnason, Sigurður Kári Kristjánsson og
Kristinn Gunnarsson hlýða á umræður á Alþingi.
FJÓRIR þingmenn stjórnarandstöð-
unnar hafa lagt fram á Alþingi frum-
varp um að Tryggingastofnun rík-
isins skuli greiða kostnað við
loftslagsmeðferð allt að 40 psoriasis-
sjúklinga árlega á viðurkenndri með-
ferðarstöð erlendis, beri meðferð
þeirra ekki fullnægjandi árangur hér
á landi. Fyrsti flutningsmaður frum-
varpsins er Þuríður Backman, þing-
maður Vinstri grænna. Meðflutnings-
menn eru Ásta R. Jóhannesdóttir,
Samfylkingu, Guðjón A. Kristjánsson,
Frjálslynda flokknum og Ögmundur
Jónasson, Vinstri grænum.
Með frumvarpinu er lagt til að eft-
irfarandi málslið verði bætt við lög
um almannatryggingar: „Beri með-
ferð hér á landi ekki fullnægjandi ár-
angur að mati sérfræðinga skal
Tryggingastofnun greiða kostnað við
loftslagsmeðferð allt að 40 psoriasis-
sjúklinga árlega á viðurkenndri með-
ferðarstöð erlendis í allt að fjórar vik-
ur eftir því sem nánar er ákveðið í
reglugerð sem heilbrigðisráðherra
setur.“
Í greinargerð segir m.a. að psorias-
is sé ólæknandi húðsjúkdómur sem
hrjái að því er talið er um fimm til
átta þúsund Íslendinga í einhverjum
mæli. Þar af séu um 100-200 manns
þungt haldnir. „Sjúkdómur þessi er
ættgengur og langvarandi og lýsir
sér í útbrotum, sárum og fleiðrum
sem valda sjúklingnum miklum
óþægindum, kláða og vanlíðan. Mjög
mismunandi er á hve háu stigi sjúk-
dómurinn er, en í alvarlegum til-
vikum geta sjúklingar verið al-
gjörlega óvinnufærir öryrkjar.“
Helstu aðferðir til að lina þjáningar
sjúklinga séu lyfja- og/eða ljósa-
meðferð. Auk þess gefi leirböð og sjó-
böð í mörgum tilvikum góðan árang-
ur. „Mörgum sjúklingum með
psoriasis á háu stigi hefur gefist vel
loftslagsmeðferð í hlýju loftslagi þar
sem sólböð og sjóböð eru stunduð
undir eftirliti lækna og hjúkr-
unarfólks,“ segir einnig í grein-
argerðinni.
Flutningsmenn gera ekki ráð fyr-
ir því að samþykkt frumvarpsins
hafi kostnað í för með sér fyrir rík-
issjóð. „Áætlaður kostnaður af lofts-
lagsmeðferð eins psoriasis-sjúklings
í þrjár vikur er um 150.000 kr. en
gera má ráð fyrir að annar kostn-
aður falli niður á meðan, svo sem
sjúkrahúsvist hér á landi, auk þess
sem lyfjanotkun verður minni á
meðan árangur af loftslagsmeðferð-
inni varir.“
TR greiði kostnað við
loftslagsmeðferð psoriasis-
sjúklinga erlendis
FRUMVARP iðnaðarráðherra um
Nýsköpunarmiðstöð Íslands verð-
ur sérstaklega kynnt í þing-
flokkum stjórnarandstöðunnar í
dag og næstu daga, samkvæmt
upplýsingum Morgunblaðsins.
Fulltrúar ráðherra munu kynna
frumvarpið.
Páll Magnússon, aðstoðar-
maður ráðherra, segir að ráð-
herra hafi lagt áherslu á að málið
hlyti viðamikla kynningu. Þegar
hafi verið haldnir á fimmta tug
kynningarfunda með hags-
munaaðilum. Þá hafi málið verið
kynnt þingflokkum stjórnarflokk-
anna áður en það var afgreitt úr
ríkisstjórn.
Valgerður Sverrisdóttir iðn-
aðarráðherra upplýsti á þing-
fundi í byrjun vikunnar að hún
hefði boðist til að kynna frum-
varpið sérstaklega í þingflokkum
stjórnarandstöðunnar. Þeir hafa
samkvæmt upplýsingum Morg-
unblaðsins þekkst boðið.
Kynnt í þing-
flokkum stjórnar-
andstöðunnar
ÁTTA þingmenn hafa lagt fram á
Alþingi tillögu til þingsályktunar
um að heilbrigðisráðherra verði
falið að standa fyrir faralds-
fræðilegri rannsókn á mögu-
legum áhrifum rafsegulsviðs far-
síma og rafsegulbylgna á
mannslíkamann.
Fyrsti flutningsmaður tillög-
unnar er Drífa Hjartardóttir,
þingmaður Sjálfstæðisflokks.
Meðflutningsmenn eru þingmenn
Sjálfstæðisflokks, Samfylkingar
og Vinstri grænna. Þingmenn-
irnir leggja til að rannsóknin
verði gerð á næstu tíu árum og
að niðurstöðum hennar verði skil-
að fyrir 1. október 2016.
„Flutningsmenn telja mikilvægt
nú á tímum ört vaxandi tækni-
væðingar að fram fari upplýst
umræða um áhrif rafsegulsviðs
farsíma og rafsegulbylgna á
mannslíkamann og telja að rann-
sóknir séu mikilvæg forsenda
þess,“ segir m.a. í greinargerð
tillögunnar. „Margs konar bún-
aður og tæki eins og farsímar
byggjast á rafsegulbylgjum og
rafsegulsviði og skipar æ ríkari
sess í daglegu lífi mannsins hvort
sem litið er til heimilis eða vinnu-
staða.“
Áhrif rafsegul-
sviðs síma verði
rannsökuð
DÓMSMÁLARÁÐHERRA
hefur lagt fram á Alþingi frum-
varp um að Happdrætti Dval-
arheimilis aldraðra sjómanna
og Happdrætti Sambands ís-
lenskra berkla- og brjósthols-
sjúklinga verði heimilt að
greiða út peningavinninga í
flokkahappdrættum. Í skýring-
um með frumvarpinu segir að
með lagabreytingunum sé kom-
ið til móts við eindregnar óskir
frá umræddum happdrættum
um að fá að greiða út slíka vinn-
inga.
Í skýringum frumvarpsins
segir að Happdrætti Háskóla
Íslands muni þó eftir sem áður
greiða 20% af nettóársarði sem
einkaleyfisgjald til Tækjasjóðs.
Á hinn bóginn sé lögð til sú
breyting að einkaleyfisgjaldið
verði að hámarki 150 milljónir
króna á ári í ljósi þess að lög-
bundnu vöruhappdrættin fái
einnig leyfi til að greiða út pen-
ingavinninga.
Fái að
greiða út
vinninga í
peningum