Morgunblaðið - 05.04.2006, Blaðsíða 21

MORGUNBLAÐIÐ MIÐVIKUDAGUR 5. APRÍL 2006 21
MENNING
INNRITUN Í TÓNLISTARSKÓLA
Í REYKJAVÍK 2006-2007
Innritun í tónlistarskóla í Reykjavík er hafin
og lýkur 30. apríl 2006.
Umsóknum verður svarað á
tímabilinu 15. maí-30. júní.
Vinsamlega athugið að innritun fer
fram í gegnum Rafræna Reykjavík
á heimasíðunum:
www.reykjavik.is
www.menntasvid.is
Einnig er hægt að sækja um
hjá tónlistarskólunum.
Nánari upplýsingar um innritun
eru veittar í tónlistarskólunum
og í síma 4 11 11 11.
Í TILEFNI af tuttugu og fimm ára
samstarfsafmæli Icelandair og
Listahátíðar var nýr samstarfs-
samningur undirritaður formlega á
Hótel Nordica í gær. Þórunn Sigurð-
ardóttir, stjórnandi Listahátíðar, og
Jón Karl Ólafsson, forstjóri Iceland-
air, skrifuðu undir samninginn sem
gildir til tveggja ára. Listahátíð hóf
samstarf við Loftleiðir þegar hátíðin
var sett á laggirnar árið 1970. Þegar
Flugfélagið og Loftleiðir samein-
uðust árið 1981 og Flugleiðir litu
dagsins ljós varð samstarfið form-
legra.
„Samstarf Listahátíðar og fyrir-
tækisins sem þá hét Loftleiðir er lík-
lega elsta samstarf af þessu tagi á
Íslandi,“ sagði Þórunn við undirrit-
unina, en samstarfið felur fyrst og
fremst í sér flutning á listamönnum
og því sem þeim fylgir. Jón Karl
Stefánsson tók í sama streng og lýsti
ánægju sinni yfir að enn einn samn-
ingurinn skyldi vera undirritaður.
„Við erum löngu búin að átta okkur
á því að flugvélarnar okkar fylla sig
ekki sjálfar. Það þarf alltaf eitthvað
til að setja fólk í gang. Listahátíð er
tækifæri til þess að búa til eitthvað á
Íslandi sem dregur til sín gesti og
um það snýst ferðaþjónustan,“ sagði
Jón. „Þetta er ákaflega gott og gam-
algróið samstarf sem er búið að vera
frá því að Listahátíð var stofnuð fyr-
ir þrjátíu og sex árum,“ sagði Þór-
unn. „Þessar samgöngur eru nátt-
úrulega undirstaðan fyrir því að
hægt sé að flytja erlenda listamenn
til Íslands.“
Áhersla á landkynningu
Að sögn Þórunnar verður lögð
aukin áhersla á landkynningu á
komandi Listahátíð. „Það verður t.d.
bandarískur útvarpsþáttur sem
verður sendur út frá Listahátíð til
fleiri milljóna manna, rússneska
sjónvarpið verður með beinar út-
sendingar, það verður einnig stór
ráðstefna norræns fjölmiðlafólks
sem verður á opnunarhelginni,
þannig að við höfum gríðarlega
mörg tækifæri til þess að kynna land
og þjóð. Við byrjuðum aðeins á þess-
ari kynningu í fyrra og við finnum að
þessi vinna er að skila mjög góðum
árangri. Við höfum aldrei verið með
eins mikla ásókn af listamönnum
sem vilja koma fram á Listahátíð.“
sagði Þórunn.
Í tilefni af undirrituninni voru
tveimur heppnum keppendum í
spurningaleik Listahátíðar, sem
birtist á netinu, afhentir flugmiðar
til hins nýja áfangastaðar Manchest-
er í Bretlandi.
Listir | Endurnýja samstarfssamning
Icelandair og Lista-
hátíð saman í 25 ár
Eftir Þormóð Dagsson
thorri@mbl.is
Morgunblaðið/Kristinn
Þórunn Sigurðardóttir, stjórnandi Listahátíðar, og Jón Karl Ólafsson, for-
stjóri Icelandair, undirrita nýjan samstarfssamning.
SKOÐUM myndlist – Heimsókn í
Listasafn Reykjavíkur heitir ný bók
sem kemur út hjá Eddu-útgáfu á
laugardaginn. Um er að ræða bók
sem ætlað er að kynna börnum
myndlistarverk, og mun þetta vera í
fyrsta sinn sem bók af þessu tagi
kemur út hérlendis. Höfundar bók-
arinnar eru Anna C. Leplar og Mar-
grét Tryggvadóttir.
„Bókinni er ætlað að hvetja börn
til að skoða myndlist, og við reynum
að opna verkin fyrir börnunum,
frekar en að segja þeim hvað þau
eiga að sjá,“ segir Margrét í samtali
við Morgunblaðið.
Skoða verkin á eigin forsendum
Hugsunin er sú að skapa sama
andrúmsloft í bókinni og þegar
gengið er um sýningu, og hafa þær
Anna og Margrét skapað fjórar per-
sónur; þrjú börn og hund, sem velta
upp ýmsum spurningum í sambandi
við myndlistarverkin í bókinni. Mar-
grét segir bókina til þess fallna að
hvetja börn til að skoða verkin á eig-
in forsendum, þó að dregin séu fram
ýmis atriði í verkunum sem eru
áhugaverð. „Þess vegna höfum við
ítarlegri umfjöllun um verkin aftast í
bókinni, til þess að hún trufli ekki
skoðun verkanna sjálfra.“
Bókin hefur verið í vinnslu um
nokkurt skeið, því liðin eru næstum
þrjú ár síðan hugmyndin að henni
kviknaði. „Við Anna höfum unnið
saman lengi. Hvor í sínu horninu
höfðum við verið að hugsa um mynd-
listarbók fyrir krakka. Síðan fórum
við að ræða málin og samræma hug-
myndir,“ útskýrir Margrét, sem er
bókmenntafræðingur að mennt og
starfar sem myndritstjóri. Anna er
hins vegar bókahönnuður og mynd-
lýsir.
Bókin byggist á verkum úr safn-
eign Listasafns Reykjavíkur, sem er
skilgreint sem samtímalistasafn og
listasafn þriggja einstaklinga; Erró,
Kjarvals og Ásmundar Sveinssonar.
Því fengu þessir þrír listamenn
meira vægi í bókinni en aðrir, en í
henni gefur að líta verk eftir lista-
menn, allt frá Þórarni B. Þorláks-
syni til Gabríelu Friðriksdóttur.
„Vegna þess að bókin er unnin í
samstarfi við Listasafn Reykjavíkur
helgaðist valið á verkunum af safn-
eign þeirra. En við reynum að láta
eldri og nýrri verk kallast á, til að
sýna fram á hvernig ólík verk tala
saman, stundum meðvitað og stund-
um ómeðvitað. Oft virðist svipuð
hugmynd liggja að baki verkum frá
ólíkum tímum og það er gaman að
skoða hvernig ólíkir listamenn út-
færa þær á ólíka vegu.“
Að mati þeirra Margrétar og
Önnu er mikil þörf á bók sem þessari
fyrir börn, enda segir hún þær báðar
miklar safnakonur. „Við höfum
áhuga á hvernig myndlist er kynnt
fyrir börnum, og líka bara áhuga á
því að börnum sé sýnd myndlist yf-
irleitt. Það er kannski fyrsta skrefið,
að sýna þeim hvað til er og hvetja
þau til að skoða,“ segir Margrét og
bætir við að stundum örli á hræðslu
fólks við að sýna börnum myndlist,
þar sem hún tilheyri ekki þeirra
heimi. „Það er algjör óþarfi, því þau
eru oft miklu fordómalausari og til-
búnari til að skoða en þeir sem eldri
eru, sérstaklega litlir krakkar.“
Bækur | Bókin Skoðum myndlist – Heimsókn í Listasafn Reykjavíkur kemur út á laugardag
Fyrsta skrefið að börnum sé sýnd myndlist
Eftir Ingu Maríu Leifsdóttur
ingamaria@mbl.is
Börnin og hundurinn, aðalsögupersónur bókarinnar, skoða og bera saman hluta úr verkum eftir
Þórarin B. Þorláksson og Sigurð Guðmundsson.
Anna C. Leplar
Margrét
Tryggvadóttir
RÍKISSTJÓRNIN samþykkti í gær
að veita dönsku kvikmyndafyrirtæki
tveggja milljóna króna styrk til
gerðar á heimildarmynd um hinn
merka sellóleikara Erling Blöndal
Bengtsson. Á þessu ári eru sjötíu ár
liðin síðan Erling hóf tónlistarferil
sinn og er myndin gerð í tilefni þess.
Erling er hálfur Íslendingur og hef-
ur alltaf haldið góðu sambandi við
land og þjóð. Hann var staddur á Ís-
landi fyrir stuttu til að minnast þess
að sextíu ár eru liðin frá því að hann
hélt sína fyrstu tónleika hér á landi.
Þorgerður Katrín Gunnarsdóttir
menntamálaráðherra segir Erling
vera stórbrotinn listamann og það
hafi verið mikil samstaða innan
ríkisstjórnarinnar að styrkja þetta
verkefni. „Danirnir sóttust eftir því
að við hjálpuðum þeim við fram-
leiðslu á heimildarmynd um líf og
störf Erlings og það var ákveðið að
gera það. Þar sem um danska fram-
leiðslu er að ræða var ekki möguleiki
á að fara í gegnum Kvikmyndamið-
stöðina vegna þeirra reglna sem þar
gilda. Áætlað er að myndin kosti 10
til 12 milljónir í heildina og verður
hluti af henni tekinn upp hér á
landi.“
Þorgerður segir ríkisstjórnina
vilja koma að því að minnast þessa
merka afmælis og um leið undir-
strika mikilvægi þáttar Erlings
Blöndals í íslensku menningarlífi.
Merks afmælis minnst
Erling Blöndal
Bengtsson
Þorgerður Katrín
Gunnarsdóttir
Eftir Ingveldi Geirsdóttur
ingveldur@mbl.is
LISTASAFN Reykjavíkur
fagnar útkomu bókarinnar
með röð sýninga á Kjarvals-
stöðum sem sérstaklega eru
settar upp þannig að lesendur
bókarinnar geta notið þeirra
og bókarinnar. Sú fyrsta opn-
ar á laugardaginn og verður
þá listasmiðja fyrir börnin í
safninu.
Dagsetningar sýninganna
eru:
8. apríl–14. maí
16. maí–2. júlí
4. júlí–13. ágúst
15. ágúst–1. október
3. október–29. október
31. október–3. desember
Sýningar í tengslum
við bókina