Morgunblaðið - 05.04.2006, Blaðsíða 35
MORGUNBLAÐIÐ MIÐVIKUDAGUR 5. APRÍL 2006 35
ALLT frá því að Garry Kasparov
kom fyrst fram á sjónarsviðið hefur
hann verið á meðal stigahæstu skák-
manna heims og síðan árið 1985 var
hann ávallt sá stigahæsti nema í eitt
eða tvö skipti. Alþjóðasamtök skák-
manna, FIDE, halda utan um stiga-
listann og fyrir nokkrum misserum
var sú regla sett að ef skákmaður
tefldi ekki reiknaða skák í eitt ár
myndi hann falla af listanum og fara
yfir á lista óvirkra skákmanna. Það er
nú eitt ár liðið síðan Kasparov til-
kynnti að hann væri hættur sem at-
vinnuskákmaður og 1. apríl sl. rann sú
sögulega stund upp að nafn hins
mikla meistara er ekki lengur á meðal
þeirra 100 bestu.
Kasparov með sín 2.812 stig hefði
enn verið stigahæstur en þess í stað
hefur heimsmeistarinn í skák, Búlg-
arinn Veselin Topalov, tekið stöðu
hans með 2.804 stig. Á hæla hans
kemur indverska stórstirnið Viswan-
athan Anand með 2.803 stig. Báðir
eru þeir yfir þrítugt og það er athygl-
isvert, á þeirri öld undrabarna sem
við lifum í, að meðalaldur þeirra sem
eru tíu stigahæstu í heimi skuli vera
vel yfir þrítugt. Hinum 23 ára Arm-
ena Levon Aronjan hefur þó gengið
allt í haginn undanfarin misseri og
það fleytti honum í þriðja sæti. Topp
tíu-listinn lítur annars svona út:
1. Veselin Topalov (2.804)
2. Viswanathan Anand (2.803)
3. Levon Aronjan (2.756)
4. Peter Svidler (2.743)
5. Peter Leko (2.738)
6. Ruslan Ponomarjov (2.738)
7. Alexander Morozevich (2.730)
8. Vladimir Kramnik (2.729)
9. Boris Gelfand (2.727)
10. Vassily Ivansjúk (2.723)
Þegar listinn yfir 100 stigahæstu
skákmenn heims er kannaður kemur í
ljós að Norðurlandaþjóðirnar eiga
þar þrjá fulltrúa. Danski stórmeist-
arinn Peter Heine Nielsen og norska
undrabarnið Magnus Carlsen eru í
60.–65. sæti með 2.646 stig en Jóhann
Hjartarson (2.619) er í 93.–95. sæti.
Jóhann er sem fyrr stigahæsti ís-
lenski skákmaðurinn en Hannes Hlíf-
ar Stefánsson kemur næstur með
2.579 stig. Listinn yfir tíu stigahæstu
íslensku skákmennina er annars
þessi:
1. Jóhann Hjartarson (2.619)
2. Hannes Hlífar Stefánsson (2.579)
3. Helgi Ólafsson (2.521)
4. Henrik Danielsen (2.520)
5. Jón L. Árnason (2.507)
6. Stefán Kristjánsson (2.480)
7. Helgi Áss Grétarsson (2.466)
8. Þröstur Þórhallsson (2.448)
9. Héðinn Steingrímsson (2.447)
10. Arnar Gunnarsson (2.432)
Af þessum tíu skákmönnum tefldi
Héðinn flestar reiknaðar skákir eða
19 talsins en Stefán kom næstur með
18 skákir. Hannes, Helgi Áss og
Þröstur tefldu níu reiknaðar skákir
en að þessu sinni voru ekki aðrir á
listanum sem tefldu reiknaða skák.
Lenka Ptácníková er stigahæst
kvenna með 2.183 stig en næst á eftir
henni kemur Guðlaug Þorsteinsdóttir
með 2.138 stig. Nánari upplýsingar
um stöðu íslenskra skákmanna á
stigalista FIDE er m.a. að finna á
www.sjonar.hornid.is.
Kasparov tók þátt í
ráðstefnu Glitnis
Nýverið hélt Glitnir ráðstefnu á
Hilton-hóteli í Lúxemborg sem bar
nafnið Hittið stjórnarformennina
(Meet the CEOs). Margir viðskipta-
jöfrar héldu þar fyrirlestra og er það í
sjálfu sér ekki í frásögur færandi
nema af þeirri ástæðu að Garry Kasp-
arov, fyrrverandi heimsmeistari í
skák, hélt þar einnig erindi. Eins og
við mátti búast var erindi Kasparovs
um skák en í því tengdi hann saman
áætlanagerð í skák og í viðskiptum.
Góður rómur ku hafa verið gerður að
máli hans en daginn eftir tefldi hann
fjöltefli við tuttugu manns. Á meðal
andstæðinga hans var Bjarni Ár-
mannsson, forstjóri Glitnis, sem og
reyndari skákmenn á borð við Magn-
ús Pálma Örnólfsson og Guðfríði Lilju
Grétarsdóttur. Ekki fer nákvæmum
sögum af því hvernig einstaka viður-
eignir fóru en víst er að Magnús barð-
ist af miklu harðfylgi gegn snillingn-
um frá Bakú en þurfti að lokum að
játa sig sigraðan.
Kasparov óvirkur –
Topalov stigahæstur
SKÁK
FIDE
1. apríl 2006
ALÞJÓÐLEGI SKÁKSTIGALISTINN
HELGI ÁSS GRÉTARSSON
daggi@internet.is
Jóhann Hjartarson
(2.619) er sem fyrr
stigahæsti skák-
maður Íslands.
Topalov (2.804) er
heimsmeistari og
stigahæsti skák-
maður heims.
Naumur sigur
á Íslandsmóti yngri spilara
Sveit Augasteina vann Íslands-
mót yngri spilara í sveitakeppni
2006 eftir hörkukeppni við sveit
Lærlinga og Masterminds. Auga-
steinar fengu 150 stig, einu meira
en Lærlingar og 10 stigum meira
en Masterminds. Nýkrýndir Ís-
landsmeistarar eru Inda Hrönn
Björnsdóttir, Grímur Kristinsson,
Jóhann Sigurðarson og Guðjón
Hauksson.
Meðlimir í sveit Lærlinganna
voru Ari Már Arason, Óttar Ingi
Oddsson, Elva Díana Davíðsdóttir
og Hrefna Jónsdóttir. Alls kepptu 8
sveitir um titilinn.
Keppnisstjóri var Sveinn Rúnar
Eiríksson. Allar frekar upplýsingar
er að finna á heimasíðu mótsins á
bridge.is.
Íslandsmeistararnir í yngri flokki 2006. F.v. Guðjón Hauksson, Jóhann Sig-
urðarson, Grímur Kristinsson og Inda Hrönn Björnsdóttir ásamt Guð-
mundi Baldurssyni, forseta Bridssambands Íslands, í mótslok.
BRIDS
Umsjón Arnór G.
Ragnarsson
Gullsmárabrids
Bridsdeild FEBK Gullsmára spil-
aði tvímenning á 14 borðum fimmtu-
daginn 30. marz. Miðlungur 264.
Efstu pörin í NS
Jón Stefánsson – Eysteinn Einarsson 331
Dóra Friðleifsdóttir – Jón Stefánsson 320
Þorsteinn Laufdal – Tómas Sigurðsson 293
Efst í AV
Páll Guðmss. – Elís Kristjánss. 321
Oddur Jónsson – Katarínus Jónsson 316
Guðm. Guðveigss. – Guðjón Ottóss. 305
Bridsdeild FEBK Gullsmára spil-
aði tvímenning á 14. borðum mánu-
daginn 3. apríl. Miðlungur 264
Efst NS:
Sigurður Björns. - Auðunn Bergsveins. 317
Sigtryggur Ellertsson - Ari Þórðarson 293
Guðjón Ottósson - Guðm. Guðveigss. 283
Efst AV:
Jón Páll Ingibergss. - Birgir Ísleifss. 335
Gunnar Sigurbss.- Karl Gunnarsson 317
Eysteinn Einarsson - Jón Stefánsson 316
Kristinn Guðmss. - Guðm. Magnusson 309
Síðustu spiladagar fyrir páska: 6.
og 10. apríl nk.
ÍS
LE
N
SK
A
AU
G
LÝ
SI
N
G
AS
TO
FA
N
/S
IA
.I
S
T
M
I
31
83
5
0
3/
20
06
TRYGGINGAMIÐSTÖÐIN / Sími 515 2000 / tm@tryggingamidstodin.is
Hvers vegna
gerist alltaf allt,
allt í einu?
Líf- og sjúkdómatrygging TM
Dæmi um hvað tryggingarnar bæta:
// Sjúkdómatrygging greiðir bætur þegar hinn tryggði
greinist með tiltekinn sjúkdóm eða þarf að gangast
undir aðgerð. Bætur eru greiddar út í formi eingreiðslu.
Dæmi um sjúkdóma sem falla undir trygginguna:
Hjartaáfall – kransæðaskurðaðgerð – krabbamein
hjartalokuaðgerð - skurðaðgerð á meginslagæð/ósæð
heilaáfall - góðkynja heilaæxli – MS - MND - meiriháttar
líffæraflutningar – nýrnabilun – alzheimersjúkdómur –
parkinsonssjúkdómur - alvarleg brunasár – útlimamissir
– blinda.
// Líftrygging greiðir rétthöfum bætur við fráfall þess sem
tryggður er, hvort sem það er af völdum sjúkdóma eða
slysa. Hinn vátryggði ákveður sjálfur hverjir eru rétthafar
bóta og eru þeir tilgreindir á vátryggingarskírteini.
Bætur eru greiddar út í formi eingreiðslu og eru skatt-
frjálsar. Líftrygging gildir til 70 ára aldurs hins vátryggða.
Við sumum spurningum fást bara engin svör.
Það er ekki nema einn stafur sem skilur að gæfu og ógæfu. Þannig er það líka oft í lífinu.
Þú getur minnkað áfallið með því að tryggja þig hjá tryggingafélagi sem gefur þér skýr
svör og leggur áherslu á hraðvirkan frágang tjónamála.
Það er því miður ekki hægt að sjá fyrir óorðna hluti. Það hvetur alla sem hafa fyrir öðrum
að sjá og hafa tekist á hendur fjárhagslegar skuldbindingar, að gera ráðstafanir gagnvart
hinu óvænta og tryggja fjárhagslegt öryggi sitt og sinna.
Líf- og sjúkdómatrygging TM er jafnt fyrir fjölskyldur og einstaklinga. Tryggingaráðgjafar
TM hjálpa þér að meta tryggingaþörfina og velja saman þá þætti sem reynslan sýnir að
gagnast best í hverju tilfelli fyrir sig.
Það er góð regla að lesa vel tryggingaskilmálana, þeir eru sá grundvöllur sem samskipti þín og TM byggjast á.
Hringdu í síma 515 2000 eða farðu á www.tryggingamidstodin.is og fáðu skýr svör.