Morgunblaðið - 05.04.2006, Blaðsíða 18

18 MIÐVIKUDAGUR 5. APRÍL 2006 MORGUNBLAÐIÐ
MINNSTAÐUR
Þjórsárdalur | Hópur fólks kom
saman við Skaftholtsrétt í Gnúp-
verjahreppi síðastliðinn laugardag
og hófst handa við að hlaða upp veggi
réttarinnar sem skemmdust mikið í
jarðskjálfunum árið 2000. Af miklum
dugnaði voru veggir almenningsins,
þ.e. innri hringurinn, hlaðnir upp
strax það ár. Nú verða hlaðnir upp
milliveggir og ytri hringurinn.
Stofnaður hefur verið fé-
lagsskapur sem ber nafnið Vinir
Skaftholtsrétta. Formaður er Lilja
Loftsdóttir frá Steinsholti, hún er
fjalldrottning á afrétti Gnúpverja, og
skipar í leitir þá smalað er á haustin.
Kristján Guðmundsson, sem ættaður
er frá Skriðufelli og á frístundahús í
sveitinni, er einn stjórnarmanna og
gerði grein fyrir fyrirhuguðu verki
og fjármögnun þess. Þegar hafa
nokkrir aðilar lofað fjármagni til
uppbyggingarinnar en fjármagn til
verksins er vel þegið alls staðar frá,
að hans sögn.
Lærðir hleðslumenn hafa verið
ráðnir, Kristján Ingi Gunnarsson og
Víglundur Kristjánsson, en síðan er
gert ráð fyrir skipulagðri sjálfboða-
vinnu til að aðstoða hleðslumennina.
„Við erum að varðveita hér merki-
legar minjar og menningarverðmæti.
Talið er að hér hafi staðið réttir í um
800 ár,“ sagði Kristján. Og bætti við:
„Við ætlum að hafa gaman af þessu,
stefnum að því að fá sem flesta í fé-
lagsskapinn.“
Það leyndi sér ekki áhuginn hjá
þeim sem voru komnir saman við
Skaftholtsrétt þennan bjarta apr-
íldag og að fólk bar hlýjan hug til
réttarinnar og vill leggja hönd á plóg
við að koma henni í sitt fyrra horf.
Sýna þarf þessum stað virðingu enda
réttadagurinn mestur hátíðardaga
ársins í hverju byggðarlagi.
Erum að varðveita
menningarverðmæti
Morgunblaðið/Sigurður Sigmundsson
Endurbygging Lilja Loftsdóttir fjalldrottning og Ingunn Guðmundsdóttir sveitarstjóri tóku til hendinni við
hleðslu réttarveggjanna. Hópur vina Skaftholtsréttar hóf nýjan áfanga endurbyggingar hennar um helgina.
Eftir Sigurð Sigmundsson
LANDIÐ
Innköllun vegna rafrænnar
skráningar hlutabréfa
í Fiskeldi Eyjafjarðar hf.
Mánudaginn 15. maí 2006 verða hlutabréf í
Fiskeldi Eyjafjarðar hf. tekin til rafrænnar skrán-
ingar hjá Verðbréfaskráningu Íslands hf. í sam-
ræmi við ákvörðun stjórnar Fiskeldi Eyjafjarðar
hf. þar að lútandi. Frá þeim tíma ógildast hin
áþreifanlegu hlutabréf í fyrirtækinu í samræmi
við ákvæði laga og reglugerðar um rafræna
eignarskráningu verðbréfa.
Hér með er skorað á alla eigendur ofan-
greindra hlutabréfa sem telja nokkurn
vafa leika á að eignarhald þeirra sé rétti-
lega fært í hlutaskrá Fiskeldis Eyjafjarðar
hf. að staðreyna skráninguna með fyrir-
spurn til hlutaskrár Fiskeldi Eyjafjarðar
hf., Hjalteyri, 601 Akureyri eða í síma/
netfangi 462 7489/
arnar.jonsson@fiskey.is. Komi í ljós við
slíka könnun að eigendaskipti hafi ekki
verið skráð ber eigendum að færa sönnur
á þau gagnvart félaginu fyrir nefndan dag.
Enn fremur er skorað á alla þá sem eiga
takmörkuð réttindi til ofangreindra hluta-
bréfa, s.s. veðréttindi, að koma þeim á
framfæri við fullgilda reikningsstofnun,
þ.e. banka, verðbréfafyritæki eða spari-
sjóð sem gert hefur aðildarsamning við
Verðbréfaskráningu Íslands hf. fyrir
skráningardag.
Athygli hluthafa er vakin á að hin áþreifanlegu
hlutabréf félagsins verða ógild sjálfkrafa og
því er ekki þörf á að skila þeim til félagsins.
Jafnframt er vakin athygli á að ferli rafrænnar
skráningar hefur engin áhrif á möguleika hlut-
hafa til að eiga viðskipti með hluti sína í félag-
inu að undanskildum sjálfum skráningardegin-
um. Að lokinni rafrænni skráningu þurfa hlut-
hafar að fela reikningsstofnun umsjón með
eignarhlut sínum í félaginu til að geta framselt
hluti sína svo sem vegna sölu eða skipta.
Reikningsstofnun mun í þessu skyni stofna
VS-reikning í nafni viðkomandi hluthafa. Hlut-
höfum félagsins verður kynnt þetta bréfleiðis.
Framkvæmdastjóri.
AKUREYRI
Draumalandið | Í tilefni af útgáfu bók-
arinnar Draumalandið – sjálfshjálparbók
handa hræddri þjóð heldur höfundurinn,
Andri Snær Magnason, fyrirlestur í Sam-
komuhúsinu á Akureyri, í kvöld kl. 20. Í til-
kynningu segir: „Andri Snær fer á kostum í
bók sinni þar sem hann ræðst beint að
kjarna stærstu mála samtímans og hrærir
upp í heimsmyndinni með leiftrandi hug-
myndaflugi og hárfínum húmor!“
Einelti | Hvernig á að taka á einelti, hvern-
ig er hægt að greina orsakir þess og afleið-
ingar? Um þetta fjalla írski presturinn,
Tony Byrne og landi hans, Kathleen
Maquire sem er nunna, í Safnaðarheimili
Akureyrkirkju í kvöld kl. 20. Þau hafa bæði
unnið lengi að mannúðarmálum.
Byrne og Maguire fjalla um það gríð-
arlega álag sem einelti getur valdið. Álag
sem getur á stundum leitt til sjálfsvíga.
FJÁRMÖGNUNARFYRIRTÆKIÐ Lýsing
hefur opnað útibú á Akureyri, hið fyrsta
utan Reykjavíkur.
„Við vonumst til að geta veitt hinum
mörgu viðskiptavinum okkar á Norðaust-
urlandi betri þjónustu auk þess sem við
sjáum mörg tækifæri til sóknar fyrir fyr-
irtæki eins og okkar hér fyrir norðan,“
segir Gunnar Sigurðsson, markaðsstjóri
Lýsingar.
Gunnar segir að sú mikla uppbygging
sem staðið hefur yfir á Austurlandi, auk
fyrirsjáanlegrar uppbyggingar í tengslum
við álversbyggingu á Húsavík, hafi átt
sinn þátt í ákvörðun fyrirtækisins.
Eiríkur Haukur Hauksson veitir útibúi
Lýsingar á Akureyri forstöðu.
Lýsing opnar
útibú á Akureyri
  
HOLLVINAFÉLAG Húna II
færði Iðnaðarsafninu á Akureyri
bátinn við athöfn sem efnt var til
um borð, en félagið keypti bátinn
skömmu fyrir síðustu jól.
Húni II sem er 130 tonna eik-
arbátur, var smíðaður á Akureyri
árið 1963. Hann var gerður út til
fiskveiða í um 30 ár og bar ýmis
nöfn, m.a. Haukafell SF, Gauti HU
og Sigurður Lárusson SF. Húni II
var tekin af skipaskrá árið 1994,
talið var þá að hann hefði lokið
hlutverki sínu og lá ekki annað fyr-
ir en að eyða honum á næstu ára-
mótabrennu. Þá komu þau hjónin
Þorvaldur Skaftason og Erna Sig-
urbjörnsdóttir til skjalanna, þau
eignuðust bátinn og björguðu þar
með menningarverðmætum frá því
að lenda í björtu báli. Báturinn var
aftur settur á skipaskrá árið 1995.
Áhugamenn, með Þorstein Pét-
ursson í broddi fylkingar, stofnuðu
Hollvinafélag Húna II síðastliðið
vor, en það voru KEA, Akureyr-
arbær og ríkið sem fjármögnuðu
kaupin á bátnum, sem nú er eign
Iðnaðarsafnsins á Akureyri. Bátn-
um verður ætlaður staður við
Torfunefsbryggju, þar sem hann
verður til sýnis og menningar-
legrar kynningar á eldri tíma í út-
gerð og iðnaðarsögu bæjarins.
Húni II var smíðaður hjá Skipa-
smíðastöð KEA en á árunum 1940
til 1970 voru yfir 100 eikarbátar
smíðaðir hjá stöðinni. Húni II er
eini óbreytti báturinn af þessari
stærð sem nú er til á Íslandi.
Iðnaðarsafnið fær Húna II að gjöf
Morgunblaðið/Þorgeir Baldursson
Húni II Hollvinir Húna II færðu Iðnaðarsafninu bátinn að gjöf við at-
höfn um borð, en á þessari mynd eru frá vinstri Benedikt Sigurð-
arson, stjórnarformaður KEA, Valgerður Sverrisdóttir iðnaðar-
ráðherra, Arnbjörg Sveinsdóttir alþingismaður, Kristján Þór
Júlíusson bæjarstjóri og Þorsteinn Pétursson, einn helsti forsvars-
maður þess að kaupa bátinn til Akureyrar.
Bjargvættur Þorvaldur Skafta-
son í brúnni, hann greip í taum-
ana þegar ekki blasti annað við
bátnum en að lenda á áramóta-
brennu.
♦♦♦