Morgunblaðið - 05.04.2006, Blaðsíða 15
MORGUNBLAÐIÐ MIÐVIKUDAGUR 5. APRÍL 2006 15
ERLENT
Kúveit. AP. | Konur í Kúveit
gátu í gær í fyrsta skipti tekið
þátt í kosningum í heimalandi
sínu. Um var að ræða sveit-
arstjórnarkosningar en sam-
kvæmt fyrstu tölum var þátt-
taka kvenna fremur dræm.
Tvær konur voru á meðal
frambjóðenda. Önnur er lækn-
ir og 48 ára gömul átta barna
móðir að nafni Khalida al-
Kheder. Hin heitir Jinan
Boushehri og er 32 ára efna-
verkfræðingur.
Fordómar og hefðir gerðu
það að verkum að þær nutu
ekki sömu réttinda og aðrir
frambjóðendur úr röðum
karla. Andlit kvennanna
tveggja voru t.d. ekki á auglýs-
ingaspjöldum frambjóðenda á
kjörstað, þar sem það hefði
ekki talist sæma hefðum og
siðum landsins.
„Engin kona mun ná kosn-
ingu,“ sagði Sehim Bin Jameh,
50 ára gamall múslími, sem sat
ásamt öðrum mönnum fyrir ut-
an kjörstað.
Konur í
Kúveit fá
kosningarétt
Róm. AFP, AP. | Gífurleg reiði hefur gripið um
sig á Ítalíu eftir að lögreglan fann lík hins átján
mánaða Tommaso Onofri, en honum var rænt
af heimili sínu nálægt Parma á Norður-Ítalíu
fyrir mánuði. Hafa sumir stjórnmálamenn
kallað eftir því að dauðadómur verði tekinn
upp að nýju á Ítalíu, enda eigi þeir sem fremja
glæp sem þennan ekkert annað skilið.
Tveir menn vopnaðir hnífum rændu Onofri,
sem var flogaveikur, af heimili hans 2. mars sl.
Lögregla heyrði hins vegar ekkert frá mann-
ræningjunum í heilan mánuð og beið fjölskylda
hans, og raunar ítalska þjóðin öll, milli vonar
og ótta allan þann tíma.
Lögregla mun þó allt þar til um helgina hafa
haldið að drengurinn væri á lífi. Um helgina
fannst hins vegar lík Onofri, aðeins örfáum
kílómetrum frá heimili hans, og virðist sem
mannræningjarnir hafi myrt hann innan
klukkustundar frá því að þeir hrifsuðu hann
með sér „vegna þess að hann grét of mikið“.
Þetta hafa ítalskir fjölmiðlar a.m.k. eftir
Mario Alessi, einum þriggja manna sem hand-
teknir voru um síðustu helgi, en Alessi hefur
játað á sig aðild að ráninu. Alessi, sem er
dæmdur nauðgari, og samverkamaður hans,
Salvatore Raimondi, eru hins vegar sagðir
saka hvor annan um að hafa orðið barninu að
bana. Auk þeirra hefur unnusta Alessis verið
handtekin.
Hugðust krefjast lausnargjalds
Dagblaðið La Repubblica sagði frá því að
mennirnir hefðu orðið afar órólegir er þeir sáu
framljós lögreglubíls nálgast, skömmu eftir að
þeir höfðu tekið Onofri af heimili hans. Á Alessi
að hafa sagt, að Raimondi hefði þá tekið skóflu
og sveiflað henni í andlit barnsins, í því skyni
að stöðva grát þess.
Mennirnir munu hafa ætlað að krefja fjöl-
skyldu Onofri um eina milljón evra í lausn-
argjald, en Paolo Onofri, faðir drengsins,
stýrði pósthúsinu á staðnum, þar sem gjarnan
er geymt talsvert magn peninga. Hefur komið
fram að Alessi, sem er verkamaður, vann ný-
verið verk á húsi Onofri-fjölskyldunnar.
Mikill harmur
kveðinn að Ítölum
AP
Kona heldur á mynd af Tommaso Onofri í
Parma á sunnudag, en þá komu Ítalir víða
saman til að votta fjölskyldu hans samhug.
afsláttur af veitingum
afsláttur af Tomas Sabo vörum
afsláttur af snyrtivörum
afsláttur af Burberry töskum og Sand dömufatnaði
FRÍTT FYRIR ÞIG! Þegar þú pantar þér ný gleraugu fylgir frítt
par af sólglerjum með þínum fjærstyrkleika
Dagana 29. mars til 19. apríl njóta farþegar sem mæta í innritun fyrir klukkan 6.00 að
morgni sértilboða í verslunum flugstöðvarinnar.
Farþegum sem mæta á einkabílum fyrir klukkan 6.00 að morgni býðst
að geyma bílinn frítt í tvo sólarhringa á langtímabílastæði Securitas.
Við minnum farþega á að framkvæmdir standa yfir í Flugstöð Leifs Eiríkssonar
og hvetjum því fólk til að gefa sér góðan tíma fyrir flug.
afsláttur af Galerie kertastjökum frá Menu
afsláttur af gjafakassa sem inniheldur pressukönnu,
nýbrennt kaffi og súkkulaði. Verð nú: 2090 kr.
afsláttur af Kappa og And1 vörum og
15% afsláttur af Teva skóm
afsláttur af Lost in Iceland bolum
-ferð til fjár
Tilboðsdagar
í Flugstöð Leifs Eiríkssonar
Allir sem koma í Landsbankann í Flugstöð Leifs Eiríkssonar og
kaupa gjaldeyri fá skemmtilega litabók með Sprota og félögum
fyrir börnin
afsláttur af flugfreyjutösku (50 cm á hjólum)
Verð nú: 3490 kr.
Ef þú kaupir BLUE LAGOON mineral moisturizing krem (200ml)
eða BLUE LAGOON mineral intensive krem (200ml) eða BLUE
LAGOON algae and mineral body lotion (200ml) þá færðu BLUE
LAGOON algae and mineral sturtugel (200 ml) að gjöf
Athugið að innritun hefst kl. 5.00
20%
25%
15%
15%
15%
20%
15%
20%
30%
Belfast. AFP. | Írska lögreglan
greindi í gær frá því að lík Denis
Donaldson, fyrrverandi forystu-
manns í Sinn
Féin, stjórnmála-
armi Írska lýð-
veldishersins
(IRA), hefði fund-
ist í Donegal-
sýslu í norðvest-
urhluta Írlands.
Donaldson hafði
verið skotinn til
bana.
Donaldson
komst í fréttirnar
seint á síðasta ári en þá var greint
frá því að hann hefði um árabil verið
njósnari fyrir bresku leyniþjón-
ustuna innan Sinn Féin.
Donaldson naut mikillar virðingar
innan Sinn Féin fyrir störf sín í þágu
norður-írskra lýðveldissinna og því
kom uppljóstrunin, um að hann hefði
njósnað um félaga sína þegar varg-
öldin á Norður-Írlandi stóð sem
hæst, mönnum mjög í opna skjöldu
og var álitin mikið áfall fyrir samtök
lýðveldissinna.
Donaldson hafði búið í Donegal frá
því að flett var ofan af honum í des-
ember sl. Fram kom á vef írska rík-
isútvarpsins, RTÉ, í gærkvöldi að
víst væri talið að Donaldson hefði
verið myrtur, en lík hans mun hafa
verið illa farið. Þá kom fram að IRA
hefði sent frá sér þá yfirlýsingu að
herinn hefði ekkert haft með morðið
á Donaldson að gera.
IRA-njósn-
ari fannst
látinn
Denis
Donaldson