Morgunblaðið - 16.09.2006, Blaðsíða 26

daglegt líf
26 LAUGARDAGUR 16. SEPTEMBER 2006 MORGUNBLAÐIÐ
„TEITUR Þórðarson var maðurinn
sem uppfyllti okkar drauma og
skilyrði,“ segir Jónas Kristinsson,
formaður stjórnar KR sport. Í Teiti
sameinast öflugur og reyndur
þjálfari fyrir meistaraflokkinn en
einnig hefur hann mikla reynslu af
stofnun og uppbyggingu Akademía
af þessu tagi. Þetta var það sem við
boðuðum þegar við stofnuðum KR
sport og nú er það loksins orðið að
veruleika. Við höfum síðan ráðið
sem yfirþjálfara Úlfar Hinriksson
en hann mun sjá um daglegar æf-
ingar, vera tengiliður við skólana
og fylgjast með framþróun strák-
ana í námi. Hann er kennari að
mennt og er að ljúka ljúka UEFA A
stigi hjá KSÍ.“
Hvernig hefur þetta mælst fyrir,
er áhuginn mikill?
„Við KR-ingar erum auðvitað að
fara af stað en starfið hófst núna í
haust og lofar mjög góðu. Við í KR
sporti erum ánægðastir með hvað
skólameistarar þeirra framhalds-
skóla sem við höfum rætt við hafa
tekið vel í samstarf og samvinnu.
Ég hef fulla trú á því, að eftir nokk-
ur ár, þá muni menn líta á knatt-
spyrnu og jafnvel aðrar íþrótta-
greinar sem jafn eftirsóknarverða
hæfileika í skólastarfi og góða eðl-
isfræðikunnáttu eða almennan
þekkingarþorsta. Skólar hampa
nemendum í síðastnefnda flokkn-
um í spurningakeppnum hérlendis
eins og í Gettu betur og afburða-
nemendur eiga möguleika á að
komast á Ólympíumót í eðlisfræði.
Afreksnemendur auka líka hróður
skóla út á við. Íþróttirnar eiga að
vera hluti af þessari menningu.“
Er Akademían aðeins fyrir KR-
inga?
„Markmiðið er vitaskuld að efla
markvisst starf yngri flokka félags-
ins og þar með meistaraflokk fram-
tíðarinnar. Það er hins vegar öllum
frjálst að ganga til liðs við KR-
Akademíuna uppfylli þeir skilyrðin
og við teljum þá til þess hæfa. Allir
þeir sem nú eru í Akademíunni eru
KR-ingar en efnilegir knattspyrnu-
menn eiga alltaf möguleika, t.d.
strákar utan af landi sem eru að
koma til náms í höfuðborginni. En
við gerum kröfur.“
Hvað kostar námið í Akademí-
unni?
„Knattspyrnumennirnir leggja
ekki út fé vegna æfinga eða keppni.
KR sport hefur sterka bakhjarla
sem tryggja rekstur Akademíunn-
ar næstu árin. Þeir fjármagna
starfssemina en kostnaðurinn er
um 5-700 þúsund á knattspyrnu-
mann á hverju ári. Strákarnir
skrifa hins vegar undir þriggja ára
samning við KR og greiða í raun
þannig fyrir veru sína í Akademí-
unni.“
En ef knattspyrnumaður
ákveður að hætta í akademíunni?
„Strákarnir eru núna 28 og ef
einn hættir þá er annar tekinn inn í
staðinn. Það er takmarkað pláss.
Þetta er Akademía.“
Afreksnemendur hafa áhrif á orðstír skólana
Jónas Kristinsson Úlfar Hinriksson
Þ
að eru margir ungir strákar kall-
aðir til í atvinnumennsku í knatt-
spyrnu en ekki allir útvaldir,“ seg-
ir Teitur Þórðarson, stjórnandi
KR-akademíunnar og þjálfari
meistaraflokks KR. „Hér á landi hafa strák-
arnir margir farið alltof ungir út og reynslu-
lausir. Námið víkur hjá mörgum fyrir æfing-
um og keppnum, enda hefur samstarf á milli
framhaldsskóla og íþróttafélaganna verið lítið
sem ekkert hingað til og því þarf að breyta.
Það er eitt að komast í atvinnumennsku, það
er annað að vera í atvinnumennsku. Kröf-
urnar eru geysilega miklar en það er vissu-
lega hægt að uppskera vel ef heppnin er í
manns liði auk hæfileika, þrotlausra æfinga
og sjálfstrausts. Meiðsli og önnur óvænt atvik
setja oft strik í reikninginn og atvinnu-
mennska reynist ekki vera sá rósrauði draum-
ur sem margur strákurinn hélt. Of oft standa
þessir strákar uppi eftir að ferlinum lýkur
með litla menntun, þar sem þeir hafa flestir
fórnað náminu fyrir boltann, en hafa hins veg-
ar ekki þénað nægilega vel til þess að geta lif-
að af fótboltatekjunum í framtíðinni eða séð
fjölskyldu farborða. Bæði atvinnumöguleikar
og möguleikar á háskólanámi eru takmark-
aðir, sérstaklega hjá þeim sem ekki hafa lokið
stúdentsprófi eða öðru sambærilegu.“
Erlendar akademíur fyrirmyndir
Sjálfur hefur Teitur, sem er í hópi bestu
knattspyrnumanna Íslands og fyrrverandi
fyrirliði íslenska landsliðsins, dvalið erlendis í
tæpa þrjá áratugi, fyrst sem atvinnumaður í
knattspyrnu og síðan sem þjálfari. Hann
þekkir því vel til mála þar og hefur einnig lok-
ið FIFA PRO þjálfarastigi sem er það æðsta
innan samtakanna.
„Ég var reyndar orðinn 25 ára þegar ég fór
til Jönköping í Svíþjóð frá Skaganum árið
1977 en oftar en ekki eru íslenskir strákar að
fara út og freista gæfunnar 16–18 ára og það
er einfaldlega ekki haldið nægilega vel utan
um þá. Erlendis, þar sem ég þekki til, eru að-
stæður allt aðrar. Þar starfrækja klúbbarnir
akademíur sem við sækjum fyrirmyndina til
og sjá til þess að strákarnir geti stundað
framhaldsskólanám samhliða æfingum. Þar er
ástundun íþróttarinnar og námið í akademí-
unni jafnvel metið til eininga í framhaldsskól-
unum. Ef, af einhverjum ástæðum, strákun-
um tekst síðan ekki að hasla sér völl í
atvinnumennsku geta þeir haldið áfram í námi
og valið sér þann framtíðarstarfsvettvang sem
þeir kjósa,“ segir Teitur sem hefur komið að
stofnun slíkra akademía í Frakklandi, Noregi
og Eistlandi þar sem hann var landsliðsþjálf-
ari.
Hugarfarið mikilvægt hæfileikamanni
Markmið Akademíunnar er að búa til
afreksknattspyrnumenn í KR, leikmenn sem
geta orðið landsliðsmenn og atvinnumenn.
Áherslan er ekki aðeins á boltaæfingar heldur
er einnig hugað að öðrum fræðum eins og
íþróttasálarfræði.
Í hópíþrótt eins og fótbolta skiptir þekking
og reynsla gífurlega miklu máli, skilningur á
leiknum, stöðum og kerfum. Það er ekki að-
eins mikilvægt fyrir knattspyrnumann að
þekkja styrkleika sína og veikleika eða mót-
herjanna heldur einnig meðspilaranna. Fót-
bolti byggist á því að ellefu leikmenn spili
saman sem einn. Sjálfstraust er annað lykil-
atriði. Það skiptir engu máli hversu hæfi-
leikaríkur knattspyrnumaður er ef hann hefur
ekki rétta viðhorfið til leiksins og liðsins,
sjálfstraust til þess að taka áhættu og ákvarð-
anir, þá er hætt við að hann nái aldrei langt.
Við leggjum því mikla áherslu á að vinna með
þessa þætti sem gagnast strákunum síðan vel
í lífinu sjálfu,“ segir Teitur sem hefur sjálfur
öll knattspyrnuhugtökin á hreinu á norsku.
„Mínir fyrirlestrar eru að sjálfsögðu á ís-
lensku en glærurnar á norsku. Strákarnir fá
því viðbótarkennslu í því tungumáli,“ segir
hann og hlær.
Áhersla lögð á sóknarbolta
„Það gefur mér mjög mikið að vinna með
þessum ungu strákum sem hafa áhuga á því
að leggja sig í þetta. Við gerum miklar kröfur
og veljum leikmenn á aldrinum 15–19 ára inn í
akademíuna. Þeir verða ekki aðeins að standa
sig inn á vellinum heldur einnig í skólanum.
Einnig er tekið alvarlega á því ef vart verður
neyslu á áfengi, tóbaki eða öðrum vímugjöf-
um. Aginn er mikill og ef til vill ólíkur því sem
íslenskir unglingar eiga að venjast en þetta er
góður undirbúningur fyrir þá sem stefna á at-
vinnumennsku því lífið þar er ekkert öðruvísi.
Við æfum þrjá morgna í viku, frá 6.45–8.30 og
fjórum til sex sinnum á kvöldin frá 19–20.30.
Við munum einnig verða í samstarfi við er-
lenda klúbba og akademíur, svo að leikmenn-
irnir fá tækifæri til að fara utan til æfinga um
skemmri tíma og dvalar en einnig mun aka-
demían taka þátt í keppnum við aðrar erlend-
ar akademíur.
Þetta er mjög spennandi verkefni, hið
fyrsta sinnar tegundar hér á landi, ég held að
mér sé óhætt að segja það,“ segir reynslubolt-
inn sem lofar líka meiri sóknarbolta í íslenskri
knattspyrnu í framtíðinni fái hann einhverju
ráðið.
„Vitaskuld ætlum við að kenna strákunum
að spila skemmtilegan fótbolta, sóknarbolta.
Það mun taka dálítinn tíma en það er mark-
miðið. Varnarboltinn sem hér hefur verið ráð-
andi helgast af því að hver leikur er svo mik-
ilvægur því íslenska deildin er svo stutt. Lið
þarf ekki að tapa nema einum eða tveimur
leikjum til þess að vera komið í fallhættu. Það
gefur auga leið að á meðan slíkt fyrirkomulag
er við lýði pakka flest lið í vörn því það er
öruggast. Með fleiri leikjum geta lið tekið
meiri áhættu og nánast sjálfkrafa fer sókn-
arboltinn að rúlla.“
Morgunblaðið/ÞÖK
Afreksmenn framtíðar Markmið Akademíunnar er að búa til afreksknattspyrnumenn í KR, leikmenn sem geta orðið landsliðsmenn og atvinnumenn.
Í bullandi akademískri sókn
Sóknin er ekki tilviljunarkennd í KR-akademíunni, hún er
taktík. Þar spila allir með, stjórnin, þjálfararnir, knattspyrnu-
mennirnir ungu og foreldrar þeirra og unnið er að því að fá
framhaldsskólana til að grípa líka boltann á loft.
Morgunblaðið/ÞÖK
Efnilegir Strákarnir í KR Akademíunni eru allir efnilegir í fótbolta en það þarf oft meira til að
ná raunverulegum árangri og til þeirra eru gerðar miklar kröfur.
Reynslubolti Teitur Þórðarson er einn af
bestu knattspyrnumönnum sem Ísland hefur
átt og býr yfir mikilli þekkingu á íþróttinni.
Unni H. Jóhannsdóttur
uhj@mbl.is