Morgunblaðið - 16.09.2006, Síða 46

SKÁK
Skákhöllin Faxafeni 12
Haustmót TR
17. september – 4. október 2006
ÞEGAR skákmenn lágu í dvala yfir
sumartímann á árum áður var það
alltaf merki um að laufin á trjánum
væri að falla og að vetur konungur
væri senn að ganga í garð þegar
Haustmót Taflfélags Reykjavíkur
hófst kl. 14.00 einhvern sunnudaginn í
september eða október. Þessi sunnu-
dagur var í skáklífi Reykvíkinga stór
stund enda um meistaramót stærsta
taflfélags landsins að ræða. Síðan þá
hefur mikið vatn runnið til sjávar og
ásýnd haustmótsins tekið breyting-
um. Eitt er þó alltaf víst, klukkan tvö
hefst það og á sunnudegi þar sem tug-
ir skákmanna setjast niður til að etja
kappi saman.
Í ár hefst haustmótið sunnudaginn
17. september í Skákhöllinni í Faxa-
feni 12. Að þessu sinni verða tefldar
níu umferðir og gert er ráð fyrir að
flokkar A og B verði lokaðir. Búast
má við harðri keppni um efstu sætin í
þeim flokkum en sjálfsagt munu ung-
ir og upprennandi skákmenn bítast
um sigurlaunin í opna C-flokknum.
Mótið er að sjálfsögðu öllum opið og
er hægt að skrá sig til þátttöku á
heimasíðu TR, www.skaknet.is. Dag-
skrá mótsins verður með hefðbundnu
sniði þar eð teflt verður á sunnudög-
um, miðvikudögum og föstudögum.
Til viðbótar því verður teflt mánudag-
inn 2. október nk. sem þýðir að
mótinu lýkur miðvikudaginn 4. októ-
ber. Það rétt dugir fyrir skákþyrsta
skákmeistara sem fara með liðum
Taflfélags Reykjavíkur, Taflfélagsins
Hellis og Skákfélags Hauka í Evrópu-
keppni taflfélaga sem hefst fyrstu
helgina í október í Linz í Austurríki.
TR varð hraðskákmeistari
taflfélaga
Fyrir vasklega framgöngu for-
manns Taflfélagsins Hellis, Gunnars
Björnssonar, hefur verið haldin um
nokkurt ára skeið hraðskákkeppni
Taflfélaga. Til að byrja með var
keppnin bundin við félög á suðvest-
urhorni landsins en hin síðari ári hafa
öll félög geta tekið þátt. Keppnin
hefst að jafnaði síðsumars og lýkur
snemma á haustin. Í ár tóku ellefu lið
þátt og þegar forkeppninni lauk fóru
fram átta liða úrslit. Lið Hellis,
Hauka, TR og Skákfélag Akureyrar
komust í undanúrslit. Hellir burstaði
Hauka og TR lagði SA örugglega að
velli jafnvel þó að stórmeistarinn Jó-
hann Hjartarson tefldi fyrir norðan-
menn. Undanúrslitin voru tefld í
Skákhöllinni Faxafeni 12 hinn 4. sept-
ember sl. en viku síðar öttu risarnir
Hellir og TR kappi saman í félags-
heimili Hellis í Mjóddinni.
Skemmst er frá því að segja að liðs-
menn TR fóru á kostum í viðureign
sinni við lið Hellis. Stórmeistarinn
Þröstur Þórhallsson og alþjóðlegi
meistarinn Stefán Kristjánsson fóru
þar fremstir í flokki en þeir fengu 11
vinninga af 12 mögulegum. Kollegi
Stefáns, Jón Viktor Gunnarsson, fékk
hálfum vinningi minna svo að þeir
þrír öfluðu flestra vinninga liðsins en
þegar upp var staðið fékk TR 51½
vinning gegn 20½ vinningi Hellis-
manna. Nýkrýndur Íslandsmeistari
og methafi, stórmeistarinn Hannes
Hlífar Stefánsson, náði sér ekki al-
mennilega á strik eins og aðrir liðs-
menn Hellis en óvenjulegt er að
Hannes fái lægra skor en 50% gegn
íslenskum skákmönnum. Hannes
fékk semsagt 3 vinninga af 7 mögu-
legum en Sigurbjörn Björnsson fékk
flesta punkta Hellismanna, 5 vinninga
af 12 mögulegum. Nánari upplýsing-
ar um mótið er m.a. að finna nýrri
heimasíðu Hrannars Baldurssonar,
www. Viskulind.com\SvipmyndirUr-
Skaklifinu.htm.
Sportklúbbsmót
Landsbankans og TR
Laugardaginn 16. september verð-
ur haldið Sportklúbbsmót Lands-
bankans og TR. Skráning í mótið
hefst kl. 13.00 og mótið sjálft hefst svo
í Skákhöllinni Faxafeni 12 kl. 14.00.
Glæsileg verðlaun eru í boði og í lokin
verður boðið upp á kræsilegar veit-
ingar. Öll börn og unglingar á grunn-
skólaaldri geta tekið þátt og kostar
ekkert að vera með. Átta efstu kepp-
endurnir tefla í úrslitakeppni sem
fram fer í sal aðalbanka Landsbank-
ans Austurstræti 11 kl. 13.00 mánu-
daginn 18. september næstkomandi.
Haustvertíðin
er hafin
HELGI ÁSS GRÉTARSSON
46 LAUGARDAGUR 16. SEPTEMBER 2006 MORGUNBLAÐIÐ
MINNINGAR
Ljósmynd/Hrannar Baldursson
Frá viðureign TR og Hellis í hraðskákkeppni taflfélaga.
✝ Óskar Þorgils-son fæddist í
Reykjavík 5. mars
1919. Hann andaðist
í Hraunbúðum í
Vestmannaeyjum
hinn 6. september
síðastliðinn. For-
eldrar hans voru
Þorgils Sigtryggur
Pétursson bifreiða-
smiður, f. 18.5.
1892, d. 9.1. 1979,
og Guðný Ingigerð-
ur Eyjólfsdóttir
húsmóðir, f. 28.2.
1897, d. 11.12. 1943, búsett í
Reykjavík.
Kona Óskars var Pálína Ingunn
Benjamínsdóttir, f. 4.4. 1918. d.
6.9. 1974, húsmóðir. Börn þeirra
eru: 1) Guðný Óskarsdóttir, f. 4.9.
1948, gift Einari Steingrímssyni,
búsett í Vestmannaeyjum, og á
þrjú börn. 2) Kol-
brún Óskarsdóttir,
f. 15.8. 1949, búsett í
Vestmannaeyjum
og á fjögur börn. 3)
Óskar Gunnar Ósk-
arsson, f. 29.3. 1953,
kvæntur Þorfríði
Magnúsdóttur, bú-
settur í Reykjavík
og á einn son. 4)
Pétur Óskarsson, f.
21.8. 1954, sam-
býliskona hans er
Súsanna Blanco, bú-
settur í Reykjavík
og á tvö börn. Fyrir átti Óskar
einn son, Hrafnkel Óskarsson, f.
8.9. 1942, kvæntur Báru Þórð-
ardóttur, búsettur í Keflavík og á
þrjú börn.
Útför Óskars verður gerð frá
Landakirkju í dag og hefst at-
höfnin klukkan 14.
Elsku besti afi minn. Ég á eftir að
sakna þín sárt, það á eftir að vera
skrítið að kíkja ekki inn á „elló“ til
þín. En minningarnar gleymast
aldrei og verða aldrei teknar frá
manni. Ég man alltaf þegar ég fékk
bílprófið og spurði þig hvort þú vild-
ir lána mér bílinn þinn, aldrei stóð á
svari frá þér það var aldrei neitt mál.
Eða þegar þú bjóst hjá okkur og
tónlistin ómaði alltaf frá herberginu
þínu með „lonlí blúboys“, Vilhjálmi
Vilhjálms og svo auðvitað Nína og
Geiri. En elsku afi, ég kveð þig með
miklum söknuði og við hittumst
seinna. Ástarkveðja frá krökkunum
og elsku afi, takk fyrir að vera til.
Dóra.
Elsku afi. Mikið er skrítið að þú
skulir vera farinn frá okkur, en þú
varst orðinn svo veikur og þreyttur
og varst svo sáttur við hvíldina.
Alveg frá því í ég kom inn í fjöl-
skylduna þína hefur þú búið inni á
Elló og leið þér mjög vel þar þó það
hafi nú ekki verið svo í upphafi, en
alsæll varstu þar síðustu ár og
nefndir það oft hvað þér liði vel
þarna.
Þær voru svo góðar við þig, kon-
urnar inni á Elló síðustu vikurnar,
eins og alltaf reyndar, þó þú hafir nú
stundum látið þær heyra það ef þér
líkaði ekki eitthvað, þær stjönuðu al-
veg við þig og pössuðu að þér liði vel
alveg til síðustu stundar.
Þú varst alltaf svo glaður þegar
við komum með strákana til þín, El-
liði Snær kom alltaf með okkur til
þín og fannst þér mikið gaman að
honum og leyfðir þú honum að ráfa
um með göngugrindina þína.
Þú varst með svo góðan húmor en
flaggaðir því nú ekkert of mikið, allir
skemmtilegu bíltúrarnir með þér
þegar þú rifjaðir ýmislegt upp frá
því í gamla daga og stundum sátum
við hjá þér og bara þögðum, það var
nú líka gott, svona stundum.
En nú verða engar fleiri heim-
sóknir inn á Elló til þín í spjall, ekki
fleiri ísrúntar með þér, ekki fleiri
jólaböll á Elló með þér, þetta er
skrítin tilhugsun en þú varst svo
tilbúinn til þess að kveðja.
Við eigum eftir að sakna þín, elsku
afi.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem)
Guð blessi þig.
Þinn
Ágúst og Guðný.
Elsku besti langafi. Það er svo
skrítið að fara á leikskólann minn
núna, við keyrum alltaf fram hjá
Elló. Ég bið alltaf um að fá að fara
inn til þín, en mamma segir að nú sé
enginn afi þar lengur, að englarnir
séu að passa þig núna. Ég skil þetta
ekki alveg. Mér fannst líka svo skrít-
ið að fara inn í herbergið þitt og hitta
engan afa þar.
Þér fannst svo gaman þegar ég
kom með mömmu og pabba til þín,
þú leyfðir mér að ráfa um með
grindina þína. Við vorum sko góðir
vinir, og eitt af síðustu orðum þínum
við okkur mömmu var nafnið mitt.
Elsku afi, vonandi líður þér vel
þar sem þú ert núna, hjá öllum engl-
unum, ég elska þig. Guð geymi þig.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Þýð. S. Egilsson)
Þinn langafastrákur
Elliði Snær.
Elsku besti langafi. Það verður nú
skrítið að fara ekki inn á Elló að
heimsækja þig, taka þig með í ísbíl-
túr eða skreppa í Skýlið og fá okkur
kók og súkkulaði, þér fannst það nú
aldeilis skemmtilegt og nú verður
ekkert jólaball á Elló hjá afa, það
verður nú skrítið, því alveg sama
hversu stórir við urðum alltaf vild-
um við þó koma með á jólaballið til
þín.
En þú varst orðinn svo lasinn og
þreyttur, varst alveg tilbúinn að fara
til englanna, vonandi passa þeir þig
vel, elsku afi.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgr. Pét.)
Þínir langafastrákar
Arnar Smári og Egill Aron.
Óskar Þorgilsson
Bridsfélag Kópavogs
Félagið hefur starfsemi sína að
nýju eftir sumardvala fimmtudaginn
21. sept. næstkomandi með eins
kvölds tvímenningi.
Við gerum ráð fyrir að allir brids-
arar séu orðnir hungraðir í spila-
mennsku eftir langa hvíld og fjöl-
menni við spilaborðið hjá okkur á
komandi vetri.
Spilað er að venju í Hamraborg
11, 3. hæð, og hefst spilamennska kl.
19.30.
Aðalfundur BK verður haldinn á
sama stað miðvikudaginn 20. sept.
kl. 20.00. Dagskrá: Venjuleg aðal-
fundarstörf.
Sveit Hermanns
í fjögurra liða úrslitin
Sveit Hermanns Friðrikssonar
skellti sveit VÍS í síðasta leiknum í
átta liða úrslitunum. Lokatölurnar
85-57.
Í undanúrslitum spila því auk
Hermanns sveit Þriggja frakka,
Orkuveitunnar og sveit Garða og
véla.
BRIDS
Umsjón Arnór G.
Ragnarsson
daggi@internet.is
Innilegar þakkir til allra sem sýndu okkur samúð
og hlýhug við andlát og útför eiginmanns míns,
föður okkar, tengdaföður og afa,
RAGNARS HEIÐARS GUÐMUNDSSONAR,
Hafnargötu 32,
Siglufirði.
Guð blessi ykkur öll.
Svanhildur Freysteinsdóttir,
Freysteinn S. Ragnarsson, Kristín María Karlsdóttir,
Ragna Björk Ragnarsdóttir, Heimir Halldórsson,
Erla Ösp Ragnarsdóttir
og barnabörn.
Innilegar þakkir fyrir auðsýnda samúð og hlýhug
við andlát og útför eiginkonu minnar, systur,
móður, tengdamóður, ömmu og langömmu,
ÞÓRDÍSAR GÍSLADÓTTUR,
Klapparstíg 5,
Akureyri.
Sérstakar þakkir fær starfsfólk lyflækningadeildar
FSA fyrir frábæra umönnun.
Guð blessi ykkur öll.
Andrés Bergsson,
Arnar Andrésson, Hrefna Kristín Hannesdóttir,
Gísli Andrésson, Ingibjörg Jónsdóttir,
Jón Andrésson, Margrét Pálsdóttir,
Guðrún Andrésdóttir, Jakob Tryggvason,
ömmu- og langömmubörn.
Innilegar þakkir til allra sem sýndu okkur samúð
og hlýhug vegna andláts og útfarar föður okkar,
tengdaföður, afa, langafa og langalangafa,
SKAFTA FANNDAL JÓNASSONAR,
Sæborg,
Skagaströnd.
Sérstakar þakkir til starfsfólks lyfjadeildar FSA
og starfsfólks Sæborgar, Skagaströnd.
Hjalti Skaftason, Jónína Arndal,
Jónas Skaftason,
Vilhjálmur Skaftason, Salome Jóna Þórarinsdóttir,
Anna Eygló Skaftadóttir, Gunnþór Guðmundsson,
Þorvaldur Hreinn Skaftason, Erna Sigurbjörnsdóttir,
Valdís Edda Valdimarsdóttir, Hlíðar Sæmundsson,
barnabörn, barnabarnabörn
og barnabarnabarnabörn.