Morgunblaðið - 07.12.2006, Blaðsíða 4

4 FIMMTUDAGUR 7. DESEMBER 2006 MORGUNBLAÐIÐ
FRÉTTIR
Eftir Örnu Schram
arna@mbl.is
GILDISTÖKU þrjú hundruð þúsund
kr. frítekjumarks vegna atvinnu-
tekna örorkulífeyrisþega verður
flýtt, þannig að hún taki gildi hinn. 1.
janúar nk. Þessi og fleiri breytingar
voru kynntar í gær á sameiginlegum
blaðamannafundi fjármálaráðherra,
Árna M. Mathiesen og heilbrigðis- og
tryggingamálaráðherra, Sivjar Frið-
leifsdóttur. Í síðasta mánuði kynntu
ráðherrarnir breytingar á gildistöku
300 þúsund kr. frítekjumarks vegna
atvinnutekna ellilífeyrisþega, þ.e.
þeirri gildistöku verður einnig flýtt
til 1. janúar nk.
Að óbreyttu hefðu tillögur um frí-
tekjumörkin tekið gildi á árinu 2009
og 2010, en um þær er fjallað í frum-
varpi um almannatryggingar sem nú
er til meðferðar á Alþingi. Tillögurn-
ar sem ráðherrarnir kynntu í gær, og
samþykktar hafa verið í ríkisstjórn,
fela í sér breytingar á því frumvarpi.
Ráðherrarnir leggja einnig til að
elli- og örorkulífeyrisþegar geti
dreift fjármagnstekjum og tekjum af
séreignarlífeyrissparnaði sem
greiddur er út í einu lagi, á allt að tíu
ár, til þess að draga úr skerðingu
bóta frá Tryggingastofnun ríkisins.
Kostnaður allra þeirra tillagna,
sem kynntar voru í gær, er um 1,5
milljarðar króna á næstu þremur ár-
um, að því er fram kom á fundinum.
Þar af falla um 273 milljónir á næsta
ári. Að sögn fjármálaráðherra rúm-
ast sú upphæð innan fjárlaga næsta
árs, þ.e. innan þess ramma sem
Tryggingastofnun ríkisins hefur til
ráðstöfunar.
Frumvarpið um almannatrygging-
ar, sem er nú til meðferðar hjá heil-
brigðis- og trygginganefnd þingsins,
var lagt fram af Siv Friðleifsdóttur í
haust, í framhaldi af samkomulagi
stjórnvalda og Landssambands eldri
borgara um breytingar á lífeyris-
greiðslum elli- og örorkulífeyrisþega.
Tillögurnar sem kynntar voru í
gær eru ýmist viðbótartillögur við
það frumvarp eða tillögur um að ein-
stökum ákvæðum frumvarpsins
verði flýtt. Auk fyrrgreindra tillagna
leggja ráðherrarnir m.a. til að elli- og
örorkulífeyrisþegar geti valið á milli
300 þúsund kr. frítekjumarks at-
vinnutekna og þess að láta 60% at-
vinnutekna koma til skerðingar við
útreikning tekjutryggingar.
Þá er lagt til að flýtt verði gild-
istöku ákvæða um aðgreiningu á
tekjum maka og lífeyrisþega um tvö
ár, þ.e. hluti tekur gildi 1. janúar nk.
og hluti árið á eftir. Þessi aðgreining
miðast við að draga úr áhrifum
tekna maka á bótagreiðslum lífeyr-
isþega.
Siv sagði að þessar tillögur, sem og
þær tillögur sem fram koma í al-
mannatryggingafrumvarpinu, feli í
sér samtals 28 milljarða aukaútgjöld
til lífeyrisþega á næstu fjórum árum.
„Það mun líklega engin ríkisstjórn
hafa burði til þess að gera þvílíkt og
annað eins í þessum málaflokki á
næstu árum. Ég er því mjög stolt af
því að henni skuli takast það núna að
færa þessar kjarabætur til þessara
tveggja hópa,“ sagði Siv.
Gildistöku frítekjumarks örorku-
lífeyrisþega flýtt til 1. janúar nk.
Lagt til að lífeyrisþegar geti dreift
m.a. fjármagnstekjum á allt að tíu ár
til þess að draga úr skerðingu bóta
Morgunblaðið/RAX
Nýjar tillögur Fjármálaráðherra og heilbrigðisráðherra kynntu breyt-
ingar á almannatryggingafrumvarpinu í kringlu Alþingis í gær.
UNGUR fálki settist að feng sínum á Lækjartorgi í gær og lét vegfarendur
ekki spilla matarlystinni. Ólafur K. Nielsen, fuglafræðingur, sagði við mbl.is
að þetta benti til þess að fálkinn hefði verið aðframkominn af hungri.
Á veiðum í miðbænum
Morgunblaðið/RAX
„VIÐ fögnum þessari ákvörðun,“
sagði Sigursteinn Másson, formaður
Öryrkjabandalags Íslands, um frum-
varpið sem kynnt var í gær. Hann
sagði að heilbrigðisráðherra hefði
hringt í sig og kynnt sér frumvarpið.
Sigursteinn taldi að í frumvarpinu
væru tekin mjög mikilvæg skref í
rétta átt. Hann nefndi t.d. hvata í al-
mannatryggingakerfinu til atvinnu-
þátttöku. Einnig að skilja ætti á milli
tekna lífeyrisþega og maka, fyrr en
áður var ætlunin. Þá nefndi hann að
mikilvægt væri að öryrkjar fengju
frítekjumark líkt og aldraðir.
Sigursteinn sagði orðið mjög
brýnt að endurskoða almannatrygg-
ingakerfið með sérstöku tilliti til líf-
eyrisgreiðslna. Þrátt fyrir þetta
ánægjulega skref blasti við að kerfið
yrði enn flóknara en það var og við
stæðum frammi fyrir illskiljanlegu
almannatryggingakerfi.
ÖBÍ hefur ritað formönnum
stjórnmálaflokka og óskað eftir að
skipuð verði nefnd til að fara í það
verkefni ásamt viðkomandi heildar-
samtökum aldraðra og öryrkja.
Jólagjafastíll á frumvarpinu
Ólafur Ólafsson, formaður Lands-
sambands eldri borgara, sagði að
hann hefði aðeins heyrt af frumvarp-
inu í gegnum fjölmiðla og síma. Af
því að dæma sagði hann að sér sýnd-
ist að hér væri um jólagjafir að ræða
til aldraðra og öryrkja.
„Við eigum eftir að skoða þetta
betur. Okkur sýnist þetta vera í jóla-
gjafastíl,“ sagði Ólafur. Hann nefndi
að með þessu frumvarpi opnuðust
ýmsir möguleikar. Það væri til bóta
að skilja á milli tekna maka og lífeyr-
isþega. Eins hefðu öryrkjar átt að
eiga rétt á frítekjumarki, eins og nú
væri viðurkennt.
Mikilvæg skref
að mati ÖBÍ
Snertir eldri borgara og öryrkja
AÐALATRIÐIÐ er að tryggja góða
þjónustu Landspítalans, þar á meðal
að taka inn þau lyf sem við teljum
faglega rétt að taka inn,“ segir Siv
Friðleifsdóttir heilbrigðisráðherra
um fjögur ný og dýr krabbameinslyf
hjá Landspítala – háskólasjúkra-
húsi. Nú þegar hafa þrjú lyfjanna
verið tekin í notkun að sögn Jóhann-
esar Gunnarssonar lækningafor-
stjóra og fjórða lyfið bíður af-
greiðslu.
Að sögn Sivjar þarf að meta ný og
dýr lyf með tilliti til gagnsemi þeirra,
aukaverkana og annarra slíkra at-
riða. „Það er mjög mikilvægt að ný
lyf séu öflug og án aukaverkana,“
segir hún.
„Nú er staðið mun faglegar en áð-
ur að notkun s-merktra lyfja, þ.e.
hinna dýru og mikilvægu lyfja. Deild
lyfjamála á LSH, þar sem starfa yf-
irlæknir og lyfjafræðingur, yfirfara í
samráði við lyfjanefnd spítalans allar
nýjar beiðnir og umsóknir um ný lyf.
Það er bæði eðlilegt og bráðnauð-
synlegt að slíkt ferli sé til staðar.
Við höfum náð framúrskarandi ár-
angri í heilbrigðisþjónustunni á sviði
krabbameinslækninga eins og öðru
og við viljum viðhalda þeim góða ár-
angri. Þess vegna er verið að taka
þessi nýju lyf í notkun.“
Dýr lyf en mikil
lífsgæði fást í staðinn
Siv segir að lyfin muni kosta tölu-
verða fjármuni, eða 350 milljónir
króna á næsta ári, „en í staðinn fást
auðvitað mikil lífsgæði fyrir ákveðna
einstaklinga,“ segir Siv. Um er að
ræða lyfin sunitinib og sorafenib til
að halda nýrnakrabbameini í skefj-
um og herseptin gegn brjósta-
krabbameini en tekið skal fram að
þar er um að ræða áður þekkt lyf en
með breyttri ábendingu um notkun.
Fjórða lyfið er erlotinib gegn vissri
tegund lungnakrabbameins en það
er fjórða nýja lyfið sem bíður af-
greiðslu. Um fimm sjúklingar þurfa
það lyf árlega.
Ný krabbameinslyf á
LSH fyrir 350 milljónir
Í HNOTSKURN
» Samkvæmt upplýsingumsem Landspítali – háskóla-
sjúkrahús hefur látið heil-
brigðisráðherra í té er fjöldi
sjúklinga, sem lyfin eru ætluð,
á bilinu 60–80.
» Um er að ræða lyfin sun-itinib og sorafenib til að
halda nýrnakrabbameini í
skefjum og herseptin gegn
brjóstakrabbameini auk er-
lotinib sem notað er við smá-
frumulungnakrabbameini.
Kröfur
435 millj-
ónir króna
Gjaldþrot Frétta-
blaðsins ehf.
LOKIÐ er skiptum á þrotabúi
Fréttablaðsins ehf., Seltjarnarnesi.
Það var tekið til gjaldþrotaskipta í
nóvember 2002. Samkvæmt frétt
Viðskiptablaðsins lauk skiptum 21.
nóvember síðastliðinn.
Úr þrotabúinu greiddist tæplega
4,1 milljón króna upp í forgangs-
kröfur og var sú fjárhæð greidd
Ábyrgðasjóði launa 18. nóvember
2005. Ekkert greiddist upp í al-
mennar kröfur.
Lýstar kröfur námu samtals
tæplega 435 milljónum króna.
Þar af voru forgangskröfur tæpar
102 milljónir króna en almennar
kröfur voru tæpar 333 milljónir,
auk áfallinna vaxta og kostnaðar
eftir úrskurðardag gjaldþrota-
skipta.