Morgunblaðið - 21.12.2006, Síða 22

|fimmtudagur|21. 12. 2006| mbl.is
daglegtlíf
Egill Bjarnason hefur upplifað
að vera handtekinn af ísr-
aelskum hermönnum og látinn
dúsa í gæsuvarðhaldi. » 25
ferðablogg
Suður-Afríka er heillandi heim-
ur að sækja, segir Anna Pála
Sverrisdóttir, enda framandi
land mikilla andstæðna. » 24
ferðalög
Hvað kostar jólamaturinn?
Verðlagseftirlit ASÍ fór á stúf-
ana og kannaði verð á algeng-
um matvörum fyrir jólin». 22
neytendur
Hvernig er hægt að bjarga mál-
unum ef sósan er of sölt, blett-
ur kemur í dúkinn eða kakan er
föst í forminu? » 27
hollráð
Ragnar Karlsson og Þóra Eyj-
ólfsdóttir buðu fjölskyldu og
vinum í heilmikla skötuveislu
um síðustu helgi. » 28
skötuveisla
Við erum búnir að verarosalega duglegir fyrirjólin,“ segja vinirnirÞorri Hrafn, Darri Snær
og Viktor Gísli aðspurðir. „Við
bökuðum fullt af piparkökum í
heimilisfræði. Það var lang-
skemmtilegast. Þær voru líka góð-
ar.“
– Og gerðuð þið eitthvað fleira
jólalegt?
„Já, við gerðum ýmislegt, jóla-
kort og engil,“ segja þremenning-
arnir snaggaralega og eins og þeir
nenni ekki að ræða þetta frekar en
við nánari eftirgrennslan segjast
þeir allir hafa gaman af föndri og
skreytingum.
Rebekka Rós, Rannveig Klara,
Rakel Ingibjörg og Elva Björg
voru að ljúka við fallega, bláa að-
ventubók. „Það er jólasveinn í
henni, jólakúla, kerti, jólaskraut
og jólalag,“ segja þær og bresta
með það sama í söng, Jólavísur
eftir Jóhannes úr Kötlum. „Við
lærðum líka um aðventukransinn
og hvað kertin á honum heita.“
Þær voru eins og aðrir nem-
endur með það á hreinu hvers
vegna jólin væru haldin hátíðleg,
enda í skólanum sem kenndur er
við Sæmund fróða.
„Jesús fæddist á jólunum. Hann
á afmæli 24. desember.“
Allir krakkarnir hlökkuðu skilj-
anlega mest til þess að opna pakk-
ana á aðfangadag. En skyldi eng-
um finnast skrítið að fá svona
margar gjafir þegar Jesús á af-
mæli en ekki þau? „Hann er dá-
inn,“ útskýrði einn hnokkinn.
„Hann getur ekki leikið sér með
þær.“
Nokkrir nemendur áttu afmæli í
sama mánuði og Jesús og það
fannst þeim vitaskuld merkilegt.
Þeir sem ekki voru svo heppnir
blönduðu sér þó ekkert síður í um-
ræðuna sem fljótlega varð mjög
lífleg. Þeir síðarnefndu gerðu sér
nefnilega lítið fyrir og tefldu fram
öllum þeim sem þeir könnuðust við
og áttu afmæli í desember og það
var dágóður slatti. Jólasveininn
þekkti hins vegar enginn – svona í
eigin persónu. En hann er til –
það var enginn spurning í þeirra
huga.
Jólasveinar kunna töfrabrögð
Hvernig kemst jólasveinninn til
byggða þegar það er enginn snjór?
„Á bílum,“ segir strákur. „Nei,“
mótmælir stelpa. „Hann flýgur.“
„Já, sko á sleða,“ bætir önnur
við. „Já, hann getur ekki flogið,“
bætir sú þriðja við, beygir olnbog-
ana og hreyfir hendurnar fram og
til baka eins og hún sé fugl með
vængi. „Hann er ekki með vængi.“
Nú hefjast aftur líflegar umræð-
ur og ekki eru allir á eitt sáttir um
hvernig blessaður jólasveinninn
kemst til byggða eða á milli húsa.
Rannveig Klara, sem er 6 ára og í
1.–2. AZ kemst að þeirri niður-
stöðu að jólasveinarnir kunni
töfrabrögð. „Þeir gera svoleiðis
þegar þeir opna glugga. Einu sinni
galdraðist Gáttaþefur til baka frá
Spáni,“ segir hún íbyggin á svip.
Símoni, sem er 7 ára og í 1.–2
KH var þó ekki alveg sáttur við
Þvörusleiki sem honum fannst
gefa sér heldur smábarnalegt leik-
fang í skóinn í ár. ,,Hann gaf mér
frílinn í Bangsímon,“ segir hann
og hristir höfuðið. „Annars held ég
að þeir séu giska klárir, jólasvein-
arnir,“ segir hann aðspurður og er
þegar vera búinn að gera óskalist-
ann yfir jólagjafirnar.
Öll voru börnin að eigin sögn
búin að vera afskaplega góð á að-
ventunni og eiginlega enginn bú-
inn að fá kartöflu. Einn orðaði það
reyndar svo að hann hefði misst af
Askasleiki en vildi skiljanlega ekki
láta nafn síns getið.
Morgunblaðið/Ásdís
Í jólafrí Hluti af 1.-2. KH stillti sér fallega upp fyrir ljósmyndara.
Aðventubók Það er nú ekki alltaf hægt að brosa eftir pöntun. Rakel, Re-
bekka, Rannveig og Elva höfðu samt gaman af því að gera aðventubókina.
Kátir krakkar
á leið í jólafrí
Skreytimeistarar Vinunum Þorra, Viktori og Darra fannst piparkökubaksturinn vera langsamlega skemmtileg-
astur en sögðust þó aðspurðir líka vera miklir föndrarar.
Síðasti skóladagurinn er
að baki fyrir jól og lang-
þráð jólafrí framundan.
Unnur H. Jóhannsdóttir
heimsótti 6 og 7 ára nem-
endur í jólaskapi í Sæ-
mundarskóla. Þau höfðu
á aðventunni orðið margs
vísari um jólin, sveinana,
siði og galdra.