Morgunblaðið - 27.12.2006, Page 4

4 MIÐVIKUDAGUR 27. DESEMBER 2006 MORGUNBLAÐIÐ
FRÉTTIR
Eftir Berg Ebba Benediktsson
bergur@mbl.is
HARALDUR Hannes Guðmunds-
sonar, Íslendingurinn sem varð fyrir
fólskulegri árás í London í nóvember
kom heim fyrir jólin og hyggst ganga
í gegnum endurhæfingu hér á landi.
Að sögn Helgu Þórðardóttur, móður
Haraldar, hefur bati hans verið fram-
ar vonum og ætlar hann sér ekki að
gefast upp. „Hann ætlar ekki að láta
þessa óþokka sem réðust á hann eyði-
leggja líf sitt,“ segir hún.
Helga segir að þó að Haraldi hafi
verið sinnt af færum læknum í Lond-
on hafi hann viljað koma heim til Ís-
lands fyrir jólin til að fá frið og ró og
vera með sínu fólki. Hér mun hann
svo fara í endurhæfingu sem óvíst er
hvað standi lengi yfir. Helga segir þó
bata sonar síns ótrúlegan miðað við
þá áverka sem honum voru veittir.
„Flestir sem fá svona mikinn heila-
skaða deyja innan 24 tíma og þannig
töldum við niður fyrst. Að þeim tíma
liðnum voru okkur svo ekki gefnar
neinar vonir um hvernig hann yrði
eftir að hann myndi vakna. Við viss-
um ekki einu sinni hvort hann myndi
þekkja okkur,“ segir Helga. „Hann er
hinsvegar ótrúlega skýr í höfðinu en
er reyndar lamaður vinstra megin.
Sjónin er einnig léleg þeim megin en
við vonum að þetta muni lagast. Við
bindum miklar vonir við það enda er
Haraldur ljósmyndari og því skiptir
sjónin hann miklu máli,“ segir hún.
„Þetta verður margra mánaða ferli
en það sem skiptir öllu máli er að
hann er ákveðinn í því að ná bata.
Maður sér framfarir daglega og það
er þetta jákvæða viðhorf hans sem
skiptir mestu máli auk þess stuðnings
sem hann fær frá sínu fólki,“ segir
hún.
Spurð að því hvernig rannsókn
málsins gangi í London segir Helga
að enginn hafi verið ákærður vegna
árásarinnar enn þá en verknaðurinn
sé skoðaður sem tilraun til mann-
dráps. „Það er ljóst að árásarmenn-
irnir ætluðu sér markvisst að ganga
frá honum,“ segir Helga.
Lætur ekki óþokkana
eyðileggja líf sitt
Í HNOTSKURN
» Ráðist var á Harald Hann-es, sem er 36 ára, 19. nóv-
ember sl. er hann var á ferð á
reiðhjóli skammt frá heimili
sínu í austurhluta London.
Var árásin tilefnislaus.
» Haraldi tókst að flýja fráárásarmönnunum, sem
voru þrír talsins, en þeir veittu
honum eftirför og réðust að
honum að nýju og börðu hann
meðal annars í höfuðið með
barefli úr málmi.
Helga
Þórðardóttir
Haraldur Hannes
Guðmundsson
MIKLAR vegskemmdir urðu á veg-
inum inn í Þórsmörk í vatnavöxt-
unum á Suðurlandi í síðustu viku og
getur vegurinn verið stórhættu-
legur í slæmu skyggni. Jón Her-
mannsson renndi inn úr á jóladags-
morgun og sá þá vegskemmdirnar
sem urðu þegar Akstaðará í Merk-
urnesi flæddi yfir bakka sína.
Skarðið sem sést á myndinni er um
1,80 metrar að dýpt en jeppinn
stendur ekki alveg á botni þess.
Vegurinn í Þórsmörk
ófær og hættulegur
Ljósmynd/Jón Hermannsson
Varasöm leið Vegurinn er ófær en ef frost er í jörðu má krækja framhjá.
HÆSTIRÉTTUR hefur fellt úr
gildi gæsluvarðhald yfir karlmanni
sem er grunaður um aðild að smygli
á tæplega tveimur kílóum af kókaíni
til landsins frá Spáni. Fíkniefnin
fundust í farangri konu á Keflavík-
urflugvelli hinn 9. ágúst sl.
Í dómi Hæstaréttar kemur fram
að málið var þingfest 10. nóvember
og þá var því frestað til gagnaöfl-
unar til 23. nóvember. Í þinghaldi
þann dag óskaði verjandi mannsins
eftir því að aðalmeðferð færi fram
fyrir 20. desember en þá rynni
gæsluvarðhald yfir honum út. Hér-
aðsdómari bókaði að ekki væri hægt
að verða við því vegna anna og dag-
setti aðalmeðferð 4. janúar. Var
gæsluvarðhaldið síðar framlengt til
25. janúar.
Hæstiréttur segir að sé ákærði í
gæsluvarðhaldi beri dómara skylda
til að flýta meðferð máls. Fram-
komnar skýringar á töfum væru
ekki fullnægjandi og því felldi rétt-
urinn gæsluvarðhaldið úr gildi.
Laus vegna
dráttar á
sakamáli
UM TUTTUGU sjálfboðaliðar tóku
þátt í símsvörun hjá Hjálparsíma
Rauða krossins yfir hátíðirnar auk
starfsfólks. Fjöldi sjálfboðaliða og
annarra hjálpsamra aðila sáu einnig
til þess að gestir Konukots, sem er
neyðarskýli fyrir konur sem Rauði
krossinn rekur í samvinnu við
Reykjavíkurborg, gátu notið hátíð-
isdaganna á sem bestan hátt.
Að sögn Elvu Daggar S. Leifs-
dóttur, verkefnastjóra Hjálparsím-
ans, bárust um 160 símtöl frá fólki á
tímabilinu frá Þorláksmessu og fram
á miðjan annan dag jóla. „Helstu
ástæður símtalanna eru svipaðar og í
fyrra, en það eru sálræn vandamál,
kvíði, þunglyndi og einmanaleiki. Þá
hringir einnig fólk með geðraskanir
og einnig þeir sem eru að leita sér
upplýsinga um hvar hægt sé að kom-
ast í jólamat og þess háttar,“ segir
Elva og bætir við að það sé dýrmætt
hversu margir sjálfboðaliðar séu til-
búnir að leggja hönd á plóg yfir há-
tíðirnar. „Annars yrði að ráða fólk á
stórhátíðarkaupi sem er varla ger-
legt,“ segir hún.
Í Konukoti dvöldu fimm konur yfir
hátíðisdagana en alls hafa 60 konur
nýtt sér aðstöðu heimilisins frá upp-
hafi, eða ársins 2004. „Það er erfitt
að vita hversu margir munu koma en
samt sem áður nauðsynlegt að hafa
mat og gjafir til reiðu fyrir sem
flesta,“ segir Kristín H. Guðmunds-
dóttir, starfsmaður Reykjavíkur-
deildar Rauða krossins, og bætir við
að rúm sé fyrir átta konur á heim-
ilinu. „Í þetta skiptið vorum við svo
heppin að það hringdi til okkar kokk-
ur, Rúnar Þór Arnarson, sem bauðst
til að elda jólamatinn en auk þess
kom hér maður með graflax sem not-
aður var sem forréttur,“ segir Krist-
ín og tekur fram að konurnar hafi
einnig fengið gjafir, meðal annars
bækur sem voru gjöf frá tveimur
bókaforlögum. „Það er ekki hægt að
neita því að á aðfangadag ríkti viss
spenna sökum aðstæðna fólks en
hins vegar voru konurnar mjög
ánægðar og brostu, ekki síst vegna
framtaks kokksins,“ segir hún.
Þá starfaði Rauði krossinn ásamt
Mæðrastyrksnefndum, Hjálpar-
starfi kirkjunnar, félagsþjónustu
sveitarfélaga og Lionsklúbbum við
að veita bæði fólki framlög og fataút-
hlutanir fyrir jólin.
Margir leituðu að-
stoðar yfir hátíðirnar
Hjálparsími Rauða krossins og Konukot voru opin yfir jólin
EINN maður slasaðist þegar mik-
ill eldur kom upp í verkstæði
Malarvinnslunnar í Mývatnssveit
á jóladag. Samkvæmt upplýs-
ingum frá lögreglunni á Húsavík
hlaut maðurinn talsverð brunasár
og var hann fluttur á Landspítala
– háskólasjúkrahús eftir að hafa
verið yfir nótt á Fjórðungssjúkra-
húsinu á Akureyri. Maðurinn,
sem er starfsmaður Malarvinnsl-
unnar, var einn í húsnæðinu þeg-
ar eldurinn kom upp. Eldsupptök
eru ókunn en að sögn lögreglu er
málið í rannsókn.
Tjónið nemur tugum milljóna
Verkstæði Malarvinnslunnar
gereyðilagðist í eldinum en tré-
smíðaverkstæði og skrifstofu-
húsnæði sem standa við hlið
verkstæðisins skemmdust lítið
enda eldveggur á milli bygging-
anna.
Sigurþór Sigurðsson, fram-
kvæmdastjóri Malarvinnslunnar,
segir ljóst að tjónið hlaupi á tug-
um milljóna. Verkstæðið sé ger-
ónýtt, fjórir bílar hafi eyðilagst
auk annarra tækja.
Einn slasaðist í bruna í Mývatnssveit
Eldurinn var mikill Verkstæðið var alelda og eldurinn læsti sig í gáma og bifreið sem stóðu við húsið.