Morgunblaðið - 27.12.2006, Blaðsíða 10

10 MIÐVIKUDAGUR 27. DESEMBER 2006 MORGUNBLAÐIÐ
FRÉTTIR
FJÖLMARGIR Íslendingar ákváðu að færa sig
vel suður lengdarbauginn í svartasta skammdeg-
inu og héldu jólin á hinum spænsku Kanarí-
eyjum. Auk þess að spila og hafa það gott á
ströndinni ákváðu einnig margir Íslendinga að
bregða sér í messu hjá sr. Jónu Lísu Þorsteins-
dóttur í Ferðamannakirkjunni á ensku strönd-
inni, en auk prestsstarfsins sinnir Jóna ferðaleið-
sögn. Á þriðja þúsund Íslendinga er nú á
eyjunum og á fimmta hundrað manns hlýddi á
jólaboðskapinn í kirkjunni. Á myndinni sjást þau
Sunna Dögg Guðmundsdóttir, Elmar Gunn-
arsson, Elína Helga Hallgrímsdóttir, Ragnheið-
ur Ásgeirsdóttir og Heiðrún Högnadóttir á
ströndinni á jóladag.
Morgunblaðið/Eggert
Á þriðja þúsund Íslendinga á Kanaríeyjum
Á ÁRABILINU 2003–2005 bárust
54 umsóknir til Orkustofnunar (OR)
um styrk til frumathugunar á að-
stæðum fyrir smáar vatnsaflsvirkj-
anir, eða frá því OR í samvinnu við
iðnaðarráðuneytið, var falið að gera
úttekt á möguleikum á nýtingu smá-
virkjana á landsbyggðinni. Frá
þessu er greint í nýjasta tölublaði
Orkumála sem OR gefur út.
Frá árinu 2000 hefur áhugi vaxið á
byggingu smávirkjana. Lengstum
hefur skilgreining á smávirkjun hér
á landi miðast við virkjun sem er með
minna uppsett afl en 300 kW en al-
þjóðlega er oft miðað við 10 MW.
Fram til ársins 2000 var uppsett afl
smávirkjana (< 300 kW) um 5,0 MW.
Við úrvinnslu umsókna sem borist
hafa OR var í fyrstu lögð áhersla á
söfnun upplýsinga úr gagnagrunni
vatnamælinga Orkustofnunar.
Í Orkumálum segir að stundum sé
hægt að yfirfæra mælingar í nálægri
á og fá þannig mat á líklegu rennsli. Í
framhaldi voru umsækjendur heim-
sóttir og þeim veitt aðstoð við upp-
setningu á kvarða til að mæla reglu-
lega vatnshæð í viðkomandi
vatnsfalli. Almennt er talið nauðsyn-
legt að stunda rennslismælingar í
a.m.k tvö til þrjú ár áður en ákvörð-
un er tekin um hvort viðkomandi
vatnsfall verði virkjað.
Fyrstu niðurstöður lágu fyrir í
nóvember 2003 en þá var lokið við
frumathugun á 31 hugsanlegum
virkjunarkosti á Austurlandi.
Í öðrum áfanga, á árunum 2004–
2005, voru framkvæmdar rennslis-
mælingar með það að markmiði að
finna lágmarksrennsli í viðkomandi
vatnsfalli.
Áhugi á
smávirkj-
unum eykst
LITLU mátti muna að stórtjón yrði
þegar eldur kviknaði í Rimaskóla í
Grafarvogi á Þorláksmessu. Eldur-
inn kviknaði á sjöunda tímanum og
voru allir menn á vakt hjá Slökkvi-
liði höfuðborgarsvæðisins kallaðir á
vettvang á fjórum bílum. Þá hafði
eldurinn, sem í fyrstu logaði upp
gafl hússins, læst sig í þakið. Gunn-
ar Örn Pétursson, stöðvarstjóri,
stýrði aðgerðum á vettvangi en
hann sagði eldinn hafa verið mikinn
þegar slökkviliðið kom á staðinn.
„Það var mjög mikill eldur þegar
við komum á staðinn – bæði í gafl-
inum og á þakinu. […] Það mátti
sáralitlu muna að þarna yrði stór-
tjón því það var með miklu harð-
fylgi sem okkur tókst að rífa þakið
og ráða niðurlögum eldsins áður en
hann bærist miklu víðar. Það var
mikill vindur á þessum tíma og ég
hélt á tímabili að þetta myndi fara á
verri veg, en þetta slapp.“
Gunnar segir að töluverðar
skemmdir hafi orðið á húsinu bæði
á gaflinum og þakinu. Þannig hafi
þurft að rífa mikið af veggklæðn-
ingu og þakklæðningu af húsinu,
sem er álklætt steinhús.
„Við rifum töluvert stóran hluta
af þakinu til þess að komast fyrir
eldinn. Þá lak vatn niður í eina
kennslustofu að minnsta kosti og
olli skemmdum og einnig komst
einhver reykur inn í skólann og olli
tjóni.“
Grunur leikur á að um íkveikju
hafi verið að ræða en skömmu áður
en eldurinn gaus upp sást til
þriggja pilta í nágrenninu. Gunnar
segir að málið sé nú í rannsókn.
Eldur í Rimaskóla
á Þorláksmessu
Morgunblaðið/Kristinn
Barist við eldinn Það var með miklu harðfylgi sem slökkviliðsmönnum
tókst að ráða niðurlögum eldsins og forða því að ekki fór verr.
Ekki útilokað að
kveikt hafi verið í
Eftir Berg Ebba Benediktsson
bergur@mbl.is
REKSTRARNIÐURSTAÐA Garða-
bæjar fyrir árið 2007 er jákvæð upp á
442 milljónir samkvæmt fjárhags-
áætlun ársins sem nýverið var sam-
þykkt í bæjarstjórn. Þá er gert ráð
fyrir að niðurgreiðsla fasteignaskatts
til elli- og örorkulífeyrisþega verði
aukin á árinu og að fimm ára börn fái
sex gjaldfrjálsar klukkustundir á dag á
leikskóla.
„Fé vegna sölu á byggingarrétti
nemur um 300 milljónum króna en
rekstrarniðurstaðan er svo um 120
milljónir króna,“ segir Gunnar Ein-
arsson, bæjarstjóri Garðabæjar, um
fjárhagsáætlunina. „Veltufé frá
rekstrinum er í kringum 14,1 prósent
sem sýnir trausta rekstrarstöðu bæj-
arins. Þá erum við að greiða niður hátt
í 700 milljónir af langtímalánum og er-
um einnig að fara í framkvæmdir,“
segir hann og bætir við að Garðabær
hafi ásamt Seltjarnarnesi lægsta út-
svarið meðal sveitarfélaga en álagn-
ingarprósenta útsvars er 12,35% á Sel-
tjarnarnesi en
12,46% í Garðabæ
og verður óbreytt
á næsta ári. „Fjár-
hagsáætlunin sýn-
ir að fjárhagur
bæjarins er
traustur og að rétt
er haldið hér á
málum,“ segir
hann.
Spurður um fyrirhugaðar fram-
kvæmdir segir Gunnar að áætlað sé að
setja 100 milljónir í byggingu nýs fim-
leikahúss á næsta ári en 2008 er gert
ráð fyrir að 200 milljónum til viðbótar
verði varið í verkefnið. „Svo verða tals-
verðar gatnagerðarframkvæmdir og
einnig framkvæmdir við grunnskóla
og leikskóla. Við einn skólann verður
t.d. komið fyrir svokölluðum batta-
velli,“ segir Gunnar.
Samkvæmt fjárhagsáætluninni er
mestum útgjöldum varið til fræðslu-
og uppeldismála eða 2.315 milljónum
sem eru 56% af heildarútgjöldum að-
alsjóðs.
Niðurgreiðsla fasteignaskatts elli-
og örorkulífeyrisþega verður aukin
með því að tekjuviðmið til niðurfell-
ingar skattsins eru hækkuð umfram
hækkun ellilífeyris á árinu 2006. Allir
aðrir lífeyrisþegar fá auk þess fastan
afslátt sem nemur 45.100 krónum. Á
næsta ári lækka leikskólagjöld fimm
ára barna sem fá fjórar gjaldfrjálsar
stundir frá 1. janúar og sex gjald-
frjálsar stundir frá 1. september nk.
Einnig verða fjárveitingar auknar til
forvarnarmála, m.a. til SOS-verkefna
og til umhverfismála vegna átaksins,
„Garðabær – snyrtilegasti bærinn“.
„Fjárhagur bæjarins er traustur“
Gunnar Einarsson
NÝ reglugerð um skipulag og fram-
kvæmd vinnuverndarstarfs á vinnu-
stöðum hefur tekið gildi. Markmið
hennar er að tryggja að fyrir hendi
sé kerfisbundið vinnuverndarstarf á
vinnustöðum, segir í fréttatilkynn-
ingu frá Vinnueftirliti ríkisins. Í því
felst einkum að atvinnurekandi ber
ábyrgð á að koma á vinnuverndar-
starfi sem tekur til fyrirtækisins í
heild og allra vinnuaðstæðna sem
geta haft áhrif á öryggi og heilsu
starfsmanna.
Samkvæmt reglugerðinni ber at-
vinnurekanda að gera skriflega áætl-
un um öryggi og heilbrigði á vinnu-
stað sem á að marka stefnu varðandi
aðbúnað, hollustuhætti og öryggi á
vinnustaðnum. Áætlunin skal m.a.
fela í sér: mat á áhættu í starfi með
tilliti til öryggis og heilsu starfs-
manna, svo kallað áhættumat, áætl-
un um heilsuvernd sem byggir á
áhættumatinu og felur í sér forvarn-
ir, samantekt á helstu niðurstöðum
áhættumats og áætlunar um heilsu-
vernd/forvarnir.
Fram kemur í tilkynningu að
Vinnueftirlitið mun fylgja nýmælum
reglugerðarinnar eftir í eftirlits-
heimsóknum á vinnustaði.
Skylt að koma
á kerfis-
bundnu vinnu-
verndarstarfi
♦♦♦
NOKKUR ungmenni söfnuðust
saman við skrúðgarðinn Sólarvé í
Grindavík í fyrrinótt og báru eld að
rusli sem þau höfðu safnað þar sam-
an. Að sögn lögreglu var ekki um
mikinn eld að ræða. Einn 21 árs karl-
maður var handtekinn á staðnum
eftir að hafa skvett eldfimum vökva á
bálköstinn þrátt fyrir fyrirmæli lög-
reglu um að slíkt væri bannað.
Maðurinn var færður til lögreglu-
stöðvar þar sem tekin var af honum
framburðarskýrsla og honum síðan
sleppt lausum. Hann má búast við
sekt fyrir uppátækið. Ekki kom til
frekari lögregluaðgerða enda voru
engin ólæti þessu samfara.
Þetta er ekki í fyrsta skipti sem
reynt er að kveikja bál við Sólarvé á
jóladagskvöld. Fyrir tveimur árum
voru gerðar þrjár tilraunir til að
kveikja í brennu í Grindavík upp úr
miðnætti á jóladagskvöld og þurftu
bæði lögreglan í Keflavík og slökkvi-
lið að hafa afskipti af brunanum.
Hugðust
kveikja eld
í Grindavík