Morgunblaðið - 27.12.2006, Blaðsíða 36

36 MIÐVIKUDAGUR 27. DESEMBER 2006 MORGUNBLAÐIÐ
MINNINGAR
✝
Ástkær eiginmaður minn, faðir okkar, fósturfaðir,
tengdafaðir, afi og langafi,
INGVAR BREIÐFJÖRÐ,
Skólastíg 16,
Stykkishólmi,
lést á heimili sínu þriðjudaginn 19. desember.
Útför hans fer fram frá Stykkishólmskirkju föstu-
daginn 29. desember kl. 14.
Helga Magðalena Guðmundsdóttir,
Skúli Guðmundur Ingvarsson, Brynja Harðardóttir,
Páll Kristinn Ingvarsson, Kolbrún Jónsdóttir,
Atli Már Ingvarsson, Sesselja Eysteinsdóttir,
Hrefna Jónsdóttir, Gunnar Ólafsson,
barnabörn og barnabarnabörn.
✝ Þórður Þor-geirsson fæddist
í Reykjavík 28. októ-
ber 1945. Hann lést
á líknardeild Land-
spítalans í Kópavogi
17. desember síðast-
liðinn. Foreldrar
hans voru hjónin
Þorgeir Þórðarson,
f. 31. maí 1907, d. 23.
apríl 1983, og Hólm-
fríður María Guð-
steinsdóttir, f. 11.
ágúst 1914, d. 18.
maí 1989. Systur
Þórðar eru Guðbjörg, f. 26. desem-
ber 1938, og Guðrún, f. 15. júlí
1942.
Þórður kvæntist 21. júní 1969
Ingu Magdalenu Árnadóttur, f. 13.
janúar 1948. Foreldrar Ingu eru
hjónin Árni Hreiðar Árnason, f.
30. nóvember 1920, og Jytte Inge
Árnason, f. 22. maí 1923. Börn
Þórðar og Ingu eru:
1) Árni, f. 1. júní
1966. Börn hans eru
Birgitta Svava, f. 20.
sept. 1989, og Stein-
ar Þór, f. 24. apríl
1993. 2) Þorgeir, f. 7.
feb. 1971, d. 20. sept.
1982. 3) Inga Jytte,
f. 12. feb. 1973, gift
Ólafi Má Ólafssyni, f.
11. ágúst 1972. Börn
þeirra eru Þórunn
Inga, f. 3. nóv. 1996,
og Þorgeir, f. 21.
maí 2001.
Þórður ólst upp í Laugarnes-
hverfinu og gekk í Laugarnes-
skóla. Þórður var matreiðslu-
meistari að mennt og starfaði
hann við þá iðn allt þar til hann
veiktist fyrir rétt rúmu ári.
Þórður verður jarðsunginn frá
Háteigskirkju í dag og hefst at-
höfnin klukkan 13.
Elsku pabbi minn, hér sit ég og
trúi því ekki að þú sért farinn og
komir aldrei aftur. Minningarnar
streyma og af mörgu er að taka, en
fyrst og fremst er ekki hægt að
hugsa sér betri pabba en þig, ávallt
tilbúinn til að gera bókstaflega allt
fyrir mann.
Þú varst dugnaðarforkur í alla
staði og ákaflega ósérhlífinn, sér-
staklega þegar kom að vinnu. Á
hverju sumri var t.d. eitthvað dittað
að húsinu sem þér þótti svo vænt um
og var mikið í mun að hafa það vel
við haldið. Einnig hafðir þú mjög
mikinn áhuga á garðinum. Á sumrin
var nær undantekningarlaust komið
heim úr vinnunni, sest niður, fengið
sér einn kaffibolla og svo fóruð þið
mamma út að vinna í kringum húsið.
Ekki má heldur gleyma því hve
gaman þér þótti að ferðast. Þá bæði
með ferðahópnum og líka þegar þið
fóruð tvö ein. Þið fóruð um allan
heim en skemmtilegust þótti þér
samt ferðin til Kína sem stóð upp úr
fyrri ferðum. Fyrir rétt rúmu ári
síðan greinist þú með þennan illvíga
sjúkdóm sem krabbamein er, en þú
varst alltaf bjartsýnn á að þú mynd-
ir ná yfirhöndinni.
Takk fyrir allt og megi guð
vernda þig.
Að lokum vil ég þakka öllum þeim
sem komu að hjúkrun pabba, kær-
lega fyrir það frábæra starf sem það
fólk vinnur af svo mikilli alúð og um-
hyggju.
Þín dóttir,
Inga Jytte.
Elsku pabbi. Orð geta ekki lýst
söknuðinum þegar ég hugsa til þess
að þú sért farinn. Allar þær frábæru
stundir sem við áttum í Staðarseli
og þegar þú komst í heimsókn upp í
sumarbústað í kaffi og til að hjálpa
til við smíðina á honum, sem var æði
oft, og ekki vantaði áhugann á að
hjálpa til. Þetta er bara brot af þeim
minningum sem munu verða með
mér um alla ókomna tíð. Megi guð
varðveita þig um alla eilífð. Þinn
sonur.
Árni.
Elsku tengdafaðir minn, hann
Þórður, er farinn frá okkur.
Okkar kynni hófust fyrir rétt
tæplega 15 árum og hafa verið ákaf-
lega skemmtileg alla tíð síðan. Ég
og Inga Jytte vorum ákveðin í að
gifta okkur snemma og eftir aðeins
þriggja ára samband labbaðir þú
með hana inn kirkjugólfið og ég
verð að segja það að sjaldan höfum
við báðir verið jafn stoltir og þá. Ári
seinna fæddist svo Þórunn Inga og
fimm árum seinna hann Þorgeir.
Það verður að segjast að ekki var til
betri maður með börn en þú, alltaf
eitthvað að gera með þeim þegar
þau voru í heimsókn hjá þér og
Ingu. Alltaf að passa upp á að þau
fengju allt sem þau vildu og væru nú
í öruggum leik. Ekkert sem þau
gætu nú slasað sig á, en eins og við
sögðum oft í gríni að ef þú værir eft-
irlitsmaðurinn sem væri að CE-
merkja leikföngin þá væru engin
leikföng nógu örugg, því það er
hægt að slasa sig á öllu að þér
fannst.
Í gegnum tíðina hefur okkar sam-
band þróast upp í góðan vinskap
sem ekki er hægt að taka sem sjálf-
sagðan hlut. Við elskuðum jú báðir
að hafa bílana alltaf hreina og flotta,
þrifum þá hátt og lágt, tókum þá
helst alla í einu. Þegar ég hugsa um
þetta verð ég að nefna jólagjöfina
sem þú fékkst ein jólin, það var
nefnilega háþrýstidæla og þegar
leið á aðfangadagskvöld vorum við
komnir í jakkafötunum út í bílskúr
til að tengja hana og prufa svona að-
eins, en rétt þegar við vorum að
byrja vorum við vinsamlega beðnir
að koma inn, „hvað haldið þið eig-
inlega að nágrannarnir haldi“ var
kallað út. Allar sumarbústaðarferð-
irnar sem við fórum öll saman og all-
ur frábæri maturinn sem þú eldaðir,
því á maður aldrei eftir að gleyma.
Þegar þú greindist með krabba-
mein fyrir rétt rúmu ári grunaði
engan að þetta gæti tekið svona
stuttan tíma. Þú varst ákveðinn að
berjast og það var öfundsvert að
fylgjast með hve sterkan vilja þú
hafðir allt fram til síðasta dags.
Elsku Doddi, þín verður sárt
saknað, guð geymi þig.
Kveðja,
Ólafur Már.
Elsku afi, við eigum eftir að sakna
þín mjög mikið.
Þú ert farinn en verður alltaf í
hjörtum okkar. Við elskum þig og
vonum að þú vakir yfir okkur.
Við munum aldrei gleyma hversu
góður þú varst við okkur öll.
Vertu, Guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgrímur Pétursson)
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sigurður Jónsson)
Steinar Þór og Birgitta.
Látinn er, langt um aldur fram,
kær vinur minn Þórður Þorgeirs-
son. Kynni okkar Dodda, eins og
hann var gjarnan kallaður, hófust
árið 1988 í sólarlandaferð á Lignano
á Ítalíu og hefur vinskapur okkar
haldist æ síðan. Fljótlega eftir kom-
una heim frá Ítalíu var stofnaður
ferðaklúbbur þar sem stefnan var
sett á lengri ferðir á framandi slóðir.
Ferðaklúbburinn hlaut nafnið Lign-
anoklúbburinn og samanstóð hann
af fernum hjónum. Sumarið 2005
lést Sigurbjörg Ámundadóttir og nú
kveðjum við annan félaga okkar úr
þessum samrýnda félagsskap.
Fyrsta ferð ferðaklúbbsins var til
Brasilíu og á eftir fylgdu ferðir til
Taílands og Kína. Eftirminnilegir
eru einnig klúbbfundir sem haldnir
voru reglulega á veturna, þar sem
snæddur var góður matur og rifj-
aðar upp sögur úr utanlandsferðum
klúbbsins. Minningar úr þessum
ferðum munu seint gleymast.
Á milli klúbbferða ferðuðumst við
Þórður töluvert saman, þá einkum
til Kanaríeyja en einnig fórum við til
Portúgal og Prag í eftirminnilegar
ferðir. Sérstaklega eru mér minni-
stæðar gönguferðir okkar á Kanarí-
eyjum þar sem Þórður mældi með
göngumæli allar vegalengdir og
verðlaunuðum við okkur sjálfa fyrir
dugnaðinn eftir hverja gönguferð
eftir því hvað mælirinn sýndi. Verð-
launin voru í fljótandi formi. Á
kvöldin var farið út að borða og
mannlífið skoðað á leiðinni heim á
hótel.
Þórður var góður vinur og ferða-
félagi. Fyrir hönd okkar hjóna vil ég
votta Ingu, börnum og barnabörn-
um þeirra okkar dýpstu samúð á
þessum erfiða tíma.
Sigurður Sveinbjörnsson.
Í dag kveðjum við góðan vin og
vinnufélaga. Við kynntumst Dodda
þegar við byrjuðum að vinna í Múla-
kaffi, hann var mjög góður vinur og
vinnufélagi.
Okkur langar til að kveðja hann
með þessu versi.
Trúðu á tvennt í heimi
tign sem æðsta ber:
Guð í alheimsgeimi,
Guð í sjálfum þér.
(Steingr. Thorsteinsson.)
Við vottum fjölskyldu Þórðar
innilega samúð.
Alda og Bára.
Við viljum minnast vinar okkar
Þórðar Þorgeirssonar eða Dodda,
eins og hann var alltaf kallaður. Við
hjónin kynntumst honum og Ingu
fyrir um 20 árum á Lignano. Við
vorum í sumarfríi með fólki sem
þekkti Dodda. Frá þeim tíma minn-
umst við, hversu ljúfur hann var og
gott að vera með honum. Alltaf
sama góða skapið og stutt í húm-
orinn. Þannig hélst það alla tíð síð-
an. Eftir heimkomuna frá Lignano
var Asíuklúbburinn stofnaður.
Markmiðið var að fara í sumarfrí til
Asíu. Fljótlega bættust í hópinn
Sigurbjörg og Gunnar. Með Dag-
nýju og Sigga vorum við fern hjón
sem héldum áfram og greiddum
mánaðarlega í ferðasjóð. Minnst
ársfjórðungslega vorum við í mat
hvort hjá öðru. Góðar minningar frá
Þórður Þorgeirsson
Elsku afi. Við vitum að nú
ert þú hjá guði og munt alltaf
passa okkur. Við munum
aldrei gleyma þér og munum
alltaf elska þig.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Þórunn Inga og Þorgeir.
HINSTA KVEÐJA
✝
Innilegar þakkir til allra sem sýndu okkur samúð og
hlýhug við andlát og útför ástkærs eiginmanns
míns, bróður míns, föður okkar, tengdaföður, afa,
langafa,
BERGSTEINS JÓNSSONAR
prófessor emeritus,
með ósk um gleðileg jól og farsælt nýtt ár.
Guðrún Þórey Jónsdóttir,
Auður Bergsteinsdóttir, Ólafur Árni Traustason,
Soffía Sigríður Karlsdóttir, Sigurður Jónasson,
Hilmar Karlsson, Brynja Kærnested,
Guðrún Árný Karlsdóttir, Sveinbjörn Enoksson,
Bergsteinn Karlsson,
Ólafur Finnbogi Ólafsson,
Jón Bergsteinsson,
Bergsteinn Jónsson, Bára Hólmgeirsdóttir,
Anna Bergsteinsdóttir, Ólafur Sigurðsson,
Oddrún Ólafsdóttir,
Björg Ólafsdóttir,
Karl Friðrik, Ólöf Sandra, Glódís, Bjartur og Enok,
Gunnar Jónsson og fjölskylda.
✝
Ástkær maðurinn minn, faðir okkar, tengdafaðir, afi
og sonur,
HERMANN BJÖRN HARALDSSON,
Vík,
Fljótum, Skagafirði,
lést mánudaginn 18. desember.
Útför hans fer fram frá Akureyrarkirkju fimmtu-
daginn 28. desember kl. 13.30.
Sigurhanna Ólafsdóttir,
Haraldur Hermannsson, Bryndís Gyða Guðmundsdóttir,
Guðmundur Hermannsson, Kesorn Tangrod,
Bjarney Rún Haraldsdóttir,
Hermann Björn Haraldsson,
Birkir Haraldsson,
Fannar Hólm Kristinsson,
Haraldur Hermannsson, Guðmunda Hermannsdóttir.
✝
Frænka okkar,
ÓLA S. ÞORLEIFSDÓTTIR,
Dalalandi 4,
Reykjavík,
verður jarðsungin frá Norðfjarðarkirkju laugardag-
inn 30. desember kl. 13.00.
Minningarathöfn fer fram frá Fossvogskapellu
fimmtudaginn 28. desember kl. 15.00.
Aðstandendur.
✝
Okkar ástkæri, yndislegi sonur, bróður, mágur og
frændi,
GUÐMUNDUR EIÐUR GUÐMUNDSSON,
Skólatúni 4,
Álftanesi,
sem lést af slysförum laugardaginn 16. desember,
verður jarðsunginn frá Víðistaðakirkju föstudaginn
29. desember kl. 13.00.
Ásta Angela Grímsdóttir, Guðmundur Viggó Sverrisson,
Matthildur Ólöf Guðmundsdóttir, Andrés Skúli Pétursson,
Fanney Elínrós Guðmundsdóttir, Gunnar Ellertsson,
Pálmi Grímur Guðmundsson, Bjarney Katrín Gunnarsdóttir
og frændsystkini hins látna.
✝
Maðurinn minn,
GUNNAR GUÐMUNDSSON,
Lindarbrekku,
Berufirði,
lést á Sjúkrahúsinu á Egilsstöðum sunnudaginn
17. desember.
Jarðarförin fer fram frá Djúpavogskirkju föstudag-
inn 29. desember kl. 14.00.
Fyrir mína hönd og annarra vandamanna,
Þórdís Guðjónsdóttir.