Fréttablaðið - 04.04.2009, Page 46

4 matur
Þetta er í fyrsta skipti sem ég geri páskaegg en ég fór á námskeið hjá Hafliða Ragn-
arssyni súkkulaðimeistara sem
haldið var hjá Tómstundaskólan-
um í Mosfellsbæ,“ segir Elísabet
Guðrún Jónsdóttir lögfræðingur.
„Vinkona mín fór á svona nám-
skeið í fyrra og páskaeggið henn-
ar var svo girnilegt og flott að mig
langaði að prófa líka.“
Elísabet er mikill matgæðing-
ur og hefur gaman af að elda og
baka. „Hugmyndin um að útbúa
mitt eigið páskaegg, stútfullt af
gómsætu konfekti, heillaði mig.
Þetta var þó allt gert undir hand-
leiðslu Hafliða, sem sýndi okkur
réttu handtökin og fræddi okkur
um súkkulaði. Síðan gerðum við
líka eftirrétt,“ segir hún áhuga-
söm en námskeiðið kostaði 7.000
krónur. „Þá var allt efni innifalið
sem og fræðsla og þótti mér þetta
hverrar krónu virði,“ segir Elísa-
bet ánægð.
„Við fylltum mótin af súkkulaði
sem búið var að bræða og tempra.
Mikilvægt er að láta súkkulaðið
renna vel út í allar hliðar og búa
til kanta svo hægt sé að líma eggið
saman á þeim. Síðan er afgangs-
súkkulaði hellt úr. Svo létum við
súkkulaðið kólna og kom mér í
raun á óvart hversu fljótt súkku-
laði storknar. Þegar súkkulaðið
hafði storknað aðeins létum við
mótin á hvolf í kæli þannig
að súkkulaðihelmingarnir
myndu losna úr. Auk þessa
útbjuggum við konfekt
inn í eggið,“ útskýrir
Elísabet, sem gerði
t vær teg u nd i r.
„Önnur tegundin er
með ástaraldins-
fyllingu og hin með
tógabaunafyllingu.
Þetta eru harðir
súkkulaðimolar,
skel með fyllingu
í,“ segir hún.
Mikilvægt er að
bræða súkkulaði
rétt. „Tempra þarf
súkkulaðið með því
að hita það fyrst upp
í 45 gráður, kæla
það því næst niður
í 29 gráður og hita
það svo aftur í 31
gráðu og þá er það
tilbúið. Notaður er hita-
mælir til að fylgjast með hita-
stiginu,“ útskýrir Elísabet. Eitt
mót var notað fyrir eggið sjálft
og annað fyrir botninn. „Við límd-
um þetta saman með súkkulaði og
valdi ég ljóst súkkulaði í botninn
en dökkt í eggið sjálft. Skrautið
fengum við tilbúið frá Hafliða
en það er gert með innfluttri
skrautfilmu. Annars er hægt
að líma hvað sem er á eggið
og setja má dót og annað
smálegt inn í eggið,“
segir hún og nefnir að
páskaeggjamót fáist í
Te og kaffi.
„Ég hafði hugsað
mér að gefa eggið en
þiggjendurnir vita
ekki af því ennþá
þannig að ég er ekki
tilbúin til að upplýsa
hverjir þeir heppnu
eru að svo stöddu,“
segir Elísabet kímin
en ljóst er að enginn
verður svikinn af
því að gæða sér á
súkkulaði egginu
góða. „Fyrir mér
eru hins vegar engir
páskar nema fá Nóa
og Siríus páskaegg og
ég næli mér eflaust í eitt slíkt fyrir
páskana,“ segir Elísabet og hugsar
sér gott til glóðarinnar. - hs
Handgert páskaegg
Elísabet Guðrún Jónsdóttir er mikill matgæðingur og hefur gaman af að útbúa
ýmiss konar góðgæti. Því er ekki að furða að hún hafi drifið sig á námskeið í
páskaeggjagerð þar sem hún bjó til sitt eigið egg og fyllti það með sælgæti.
Elísabet gerði fyrsta páskaeggið á nám-
skeiði en treystir sér til þess upp á eigin
spýtur. „Þægilegast er að bræða súkkul-
aðið í örbylgjuofni en þá má bara hafa það
smá stund í einu og fylgjast vel með því.”
FR
ÉT
TA
B
LA
Ð
IÐ
/S
TE
FÁ
N
AÐ BLÁSA ÚR EGGJUM Til að blása
úr eggjum þarf títuprjón til að pota göt í
eggin að ofan og neðan (aðeins stærra
gat á breiðari enda eggsins). Síðan er
blásið úr grennri enda eggsins, yfir skál,
þannig að eggjahvítan og eggjarauðan
fái að seytla úr egginu í skálina. Þetta er
erfitt og ekki á færi lítilla barna. Síðan
eru eggin skoluð vel og lögð til þerris
á klút. Að nokkrum klukkutímum liðnum
er hægt að byrja að mála eggin.
PÁSKAUNGAR Gulir, bústnir og bollu legir
páskaungar eru hið prýðilegasta páska-
skraut. Bæði má kaupa þá fyrir pásk-
ana eða safna þeim með tíð og tíma af
páskaeggjum. Ungunum má raða með
öðru skrauti, lituðum eggjum, hérum
og blómum.
PÁSKALILJUR eru tákn um frjó-
semi jarðar og minna um leið táknrænt
á upprisuna fyrir kristna menn. Þær eru af stórri
ættkvísl sem kallaðar hafa verið
hátíðarliljur. Þær eru harðgerð-
ar jurtir og eru stóru páskaliljurnar ættaðar úr
fjalla dölum í suðurhluta Alpanna. Páskaliljur
eru til í óteljandi tilbrigðum, stórar og smáar.
Afskornar páskaliljur geta staðið nokkra daga
í vasa með köldu, hreinu vatni. Skipta þarf
um vatn daglega. Páskaliljur eiga ekki að fá
blómanæringu í vatnið og það er ekki heppi-
legt að hafa þær með öðrum blómum, þótt
ein og ein trjágrein sé í lagi.
PÁSKAHÉRINN er lík-
lega upprunninn í
Þýskalandi. Hann
kemur með körfu
fulla af lituðum eggjum sem hann felur í
görðum fyrir börn sem hafa verið prúð og
góð. Að morgni páskadags fara börnin út
í garð og leita eggjanna Hinn þýski páska-
héri hefur með tímanum borist víða um
lönd. Til dæmis barst sá siður að leita eggja
sem hérinn skildi eftir með þýskum landnem-
um til Pennsylvaníu í Bandaríkjunum. Siður-
inn hefur þó þróast í þá átt að hérinn skilur
ekki aðeins eftir lituð egg handa banda-
rískum börnum heldur körfur fullar af
súkkulaði og sælgæti.
margt smátt