Morgunblaðið - 10.04.2007, Blaðsíða 4
4 ÞRIÐJUDAGUR 10. APRÍL 2007 MORGUNBLAÐIÐ
FRÉTTIR
Heimsferðir bjóða frábært tilboð á 15 nátta vorferð til Costa del Sol
24. apríl til 9. maí. Bjóðum frábært tilboð á síðustu sætunum. Þú
bókar sæti og 4 dögum fyrir brottför færðu að vita hvar þú gistir.
Gríptu tækifærið og njóttu vorsins á Costa del Sol.
Skógarhlíð 18 • sími 595 1000 • www.heimsferdir.is
Costa del Sol
24. apríl
frá kr. 49.990
Síðustu sætin - 15 nátta ferð
Verð kr. 49.990 - -15 nætur
Netverð á mann, m.v. 2-4 í herbergi/stúdíó/íbúð
í 15 nætur, m.v. stökktu tilboð.
Munið Mastercard
ferðaávísunina
„ÉG ER afar þakklátur öllum þeim
sem komu að þessari útgáfu. Lagið
hefur mikið tilfinningalegt gildi fyrir
okkur. Það skiptir okkur miklu máli
að eiga lag til minningar um hana,“
segir Ásgeir Ingvi Jónsson, en um
nýliðna helgi var syni hans, Nóna
Sæ, afhentur fjárstyrkur upp á ríf-
lega 3,5 milljónir króna sem safnast
höfðu með sölu geislaplötunnar
Svandís Þula – minning. Platan kom
út í byrjun árs og seldist í yfir 3.300
eintökum.
Markmiðið með útgáfu plötunnar
var að minnast hinnar fimm ára
gömlu Svandísar Þulu sem lést í
hörðum árekstri á Suðurlandsvegi 2.
desember sl. og safna fé til handa
átta ára bróður hennar, Nóna Sæ,
sem slasaðist alvarlega í slysinu og
lamaðist fyrir neðan mitti.
Að sögn Ásgeirs verður fjárstyrk-
inn lagður inn á framtíðarreikning
fyrir Nóna Sæ og mun þannig nýtast
honum í framtíðinni. „Þetta á örugg-
lega eftir að koma í góðar þarfir,“
segir Ásgeir. Aðspurður segir hann
ekki útséð með það hvernig mál
Nóna Sæs muni þróast, því þó að
hann sé nú lamaður fyrir neðan mitti
segir Ásgeir lækna ekki hafa úti-
lokað að Nóni Sær eigi eftir að geta
gengið aftur.
„Viðtökur við geislaplötunni voru
mun betri en ég þorði að vona,“ segir
Leone Tinganelli sem hafði veg og
vanda af útgáfunni, en hann samdi
lagið til minningar um Svandísi Þulu
og söng inn á plötuna ásamt Guð-
rúnu Árnýju.
Það var útgáfufélagið Frost sem
gaf út plötuna og dreifði í valdar
verslanir sem allar seldu hana án
álagningar. Að sögn Samúels Krist-
jánssonar, framkvæmdastjóra
Frost, gáfu allir tónlistarmenn og
aðrir er að útgáfunni komu vinnu
sína og útlagðan kostnað og rennur
söluandvirðið því nær óskert til
Nóna Sæs.
Á eftir að koma í góðar þarfir
Morgunblaðið/Ómar
Þakklæti Samúel Kristjánsson, útgáfustjóri Frost (lengst til hægri), afhendir Nóna Sæ söfnunarféð. Með þeim á
myndinni er söngvarinn og lagahöfundurinn Leone Tinganelli og Ásgeir Ingvi Jónsson, faðir Nóna Sæs.
ÁTTA prestar þjóðkirkjunnar hafa
kært Hjört Magna Jóhannsson,
safnaðarprest Fríkirkjunnar í
Reykjavík, til siðanefndar Presta-
félags Íslands, vegna ummæla
Hjartar í garð þjóðkirkjunnar og
starfsmanna hennar. Kærendur
telja að með ummælum sínum á op-
inberum vettvangi hafi Hjörtur
Magni siðareglur Prestafélagsins og
þar með brugðist þeim faglegu
skyldum sem þar er kveðið á um að
hann uppfylli. Meðal þess sem getið
er í kærunni eru ummæli Hjartar í
fréttaskýringaþættinum Kompási,
en þar sagði Hjörtur að hver sú
trúarstofnun sem teldi sig hafa
höndlað sannleikann yrði um leið
stórhættuleg ef ekki bara djöfulleg.
Ennfremur sagði hann að ef trúar-
stofnunin breyttist ekki, heldur færi
að láta fólk dýrka sig í stað Guðs, þá
væri hún jafnframt að brjóta fyrsta
boðorðið sem segir þú skalt ekki
aðra Guði hafa.
„Við gátum ekki setið undir þessu
ásamt mörgu öðru sem Hjörtur hef-
ur sagt,“ segir Gunnar Jóhannesson,
sóknarprestur í Hofsós- og Hóla-
prestakalli og einn kærenda. Hjört-
ur sé félagi í Prestafélagi Íslands og
sem slíkum beri honum að virða
ákveðnar leikreglur um presta og
þeirra störf sem félagsmenn hafi
kosið yfir sig. „Hjörtur hefur viðhaft
mjög eindreginn boðskap í sínum
skoðunum og við teljum hann af-
skaplega ranglátan, villandi og í
raun hrokafullan, hann virðist eiga
létt með að viðhafa stór orð um þjóð-
kirkjuna og starfsmenn hennar.“
Gunnar tekur það fram að sér þyki
miður að Hjörtur skuli hafa valið að
reka þetta mál í fjölmiðlum og telur
tímasetninguna ennfremur furðu
sæta, eins og svo margt sem Hjörtur
hefur sagt á opinberum vettvangi.
Hjörtur segir að það sé stórfurðu-
legt í sjálfu sér að kæra hafi verið
lögð fram, það eina sem hann hafi
gert var að gagnrýna umgjörð og
fyrirkomulag trúmála hér á landi í
ræðu og riti. „Ég hef bent á það að sú
óréttláta mismunun sem felst í því að
þjóðkirkjan fær tveimur milljörðum
umfram sinn rétta hlut, þegar búið
er að innheimta trúfélagsgjöldin,
geri hana ótrúverðuga.“ Í fyrr-
nefndri kæru kemur fram sú skoðun
kærenda að Hjörtur hafi gerst brot-
legur við þá frumskyldu prestsþjón-
ustunnar sem lýtur að boðun Guðs
orðs opinberlega þar sem hann hafi
notað prédikunarstólinn til að koma
sínum persónulega málflutningi
áleiðis. „Mér finnst þetta nokkuð
skondið í ljósi þess að lúterskirkjan
hefði ekki verið til ef Lúter hefði
ekki gagnrýnt ríkjandi kirkjuskipan
úr prédikunarstól.“
Siðanefndin hefur ákveðið að taka
erindi þjóðkirkjuprestanna fyrir.
„Við gátum ekki setið undir
þessu ásamt mörgu öðru“
Eftir Friðrik Ársælsson
fridrik@mbl.is
MIKIL mildi var að ekki fór illa
þegar harður árekstur varð á
Reykjanesbraut í gærmorgun. Til-
drög voru þannig að bifreið var ek-
ið yfir á öfugan vegarhelming og á
bíl sem kom úr gagnstæðri átt. Að
sögn lögreglunnar á Suðurnesjum
skemmdust bílarnir mikið og voru
fluttir af vettvangi með drátt-
arbifreið. Annar ökumanna var
færður til skoðunar á Heilbrigð-
isstofnun Suðurnesja en er ekki
mikið slasaður. Báðir ökumenn
voru í bílbelti og er talið að það hafi
bjargað því að ekki fór verr.
Sekt fyrir akstur utan vega
Lögreglan á Suðurnesjum stöðvaði
akstur tíu ökumanna mótorhjóla og
ökumanns bifreiðar fyrir akstur ut-
an vega þar sem þeir óku um Sand-
vík á Reykjanesi. Samkvæmt upp-
lýsingum frá lögreglu verða þeir
kærðir fyrir athæfið.
Ökumenn
sluppu við telj-
andi meiðsli
LÖGREGLUNNI á höfuðborgar-
svæðinu hafði í gærkvöldi verið til-
kynnt um nítján innbrot frá morgni
skírdags. Það er sambærilegt við
síðasta ár þegar 22 innbrot voru til-
kynnt eftir páskahátíðina.
Samkvæmt upplýsingum frá lög-
reglu voru tíu innbrot í bíla til-
kynnt, sex sinnum var farið inn í
fyrirtæki og þrisvar í íbúðarhús.
Ekki liggur fyrir hversu miklu var
stolið. Sá fyrirvari er á tilkynning-
unum að þeim getur fjölgað, þar
sem ekki höfðu allir skilað sér úr
ferðalögum fyrr en seint í gær-
kvöldi og eins að fjölmörg fyrirtæki
hefja starfsemi á nýjan leik í dag.
Að sögn lögreglu fjölgar innbrot-
um ekki svo neinu nemur þó að um
ferðahelgi sé að ræða. Er öflugum
forvörnum þá helst þakkað en al-
menningur er sér mjög meðvitandi
um þær hættur sem steðja að og
gera því viðeigandi ráðstafanir.
Nítján innbrot
um páskana
MAÐURINN sem varð fyrir lífs-
hættulegri hnífstunguárás í heima-
húsi á þriðjudag fyrir viku er á góð-
um batavegi, að sögn sérfræðings á
gjörgæsludeild Landspítala – há-
skólasjúkrahúss. Honum var vart
hugað líf þegar komið var á slysa-
deild en hefur verið útskrifaður af
gjörgæsludeild og liggur nú á al-
mennri deild.
Á góðum bata-
vegi eftir árás
Eftir Hjálmar Jónsson
hjalmar@mbl.is
Á ÞRIÐJA hundrað manns bíður
nú eftir hjartaþræðingu á hjarta-
deild Landspítala – háskólasjúkra-
húss og hafa biðlistar eftir hjarta-
þræðingu verið með svipuðum
hætti undanfarin ár. Það getur þýtt
5–6 mánaða bið eftir hjartaþræð-
ingu nema um bráðatilvik sé að
ræða og segir Gestur Þorgeirsson,
yfirlæknir á hjartadeild LSH, þetta
ástand óviðunandi.
Gestur sagði að undanfarið hefðu
á bilinu 200–250 manns verið á bið-
lista eftir hjartaþræðingu lengst af
og þannig hefði það verið síðustu
árin. Fyrir nokkrum árum hefði
biðlistinn verið orðinn mjög stuttur,
en þá hefði verið brugðið á það ráð
að stöðva þræðingar að sumri til
vegna skorts á aðstöðu og starfs-
fólki. Þá hefði listinn lengst aftur
og ekki náðst niður að ráði síðan.
Gestur sagði aðspurður að það
væri mjög óþægilegt fyrir fólk að
þurfa að bíða lengi eftir hjarta-
þræðingu „og þetta er ekki alveg
hættulaus biðlisti eðli málsins sam-
kvæmt“. Aðspurður hvað væri til
ráða sagði Gestur að legurými hefði
sett þeim skorður síðustu árin.
Þeim þyrfti að fjölga sem og starfs-
fólki en til þessa þyrfti aukið fjár-
magn.
„Okkur finnst þetta óviðunandi
með öllu,“ sagði Gestur aðspurður.
„Það væri hægt að efla starfsemina
með því að taka meira húsnæði
undir þetta fyrir þá sjúklinga sem
þurfa að fara í hjartaþræðingu og
síðan með því að setja fé í að halda
uppi þessari starfsemi um helgar ef
það er hægt að fá mannskap í það.“
200–250 manns bíða
eftir hjartaþræðingu
Yfirlæknir á hjartadeild Landspítala – háskólasjúkrahúss segir ástandið óviðunandi
Í HNOTSKURN»Fyrir liggur að dregiðverður úr hjartaþræð-
ingum í sumar en hjarta-
deild LSH verður þó ekki
lokað.
»Öllum bráðatilvikum ersinnt um leið og þau
koma upp.
»Gestur Þorgeirsson, yfirlæknir á hjartadeild
LSH, segir að fjölga þurfi
legurýmum og starfsfólki.