Morgunblaðið - 10.04.2007, Qupperneq 16
16 ÞRIÐJUDAGUR 10. APRÍL 2007 MORGUNBLAÐIÐ
ERLENT
BRESKIR kennarar settu í gær
fram þá kröfu að mega yfirgefa
kennslustofuna þegar kæfandi hiti
geri þeim ókleift að starfa, að sögn
The Guardian. Fram kom á fundi
kennarasambandsins breska, NUT,
að í nýtískulegum skólum væru oft
stórar og margar rúður sem ykju
enn á vandann.
Bent er á að þótt nýju húsin geti
verið glæsileg í útliti séu þau óhent-
ug að þessu leyti. Hitavandinn geti
haft slæm áhrif á heilsu nemenda,
þá geti svimað og fengið krampa.
Einn kennarinn nefnir einnig til að
hlýnun vegna gróðurhúsaáhrifa sé
líkleg til að auka enn svækjuna og
valda því að loka þurfi skólum yfir
hásumarið, rétt eins og stundum
hafi ís og snjór það í för með sér að
skólahald stöðvist yfir veturinn.
Einnig var gagnrýnt á fundinum
að lögreglan setti nú samvisku-
samlega í skýrslur sínar allar ásak-
anir um að kennari hefði beitt nem-
endur kynferðislegu áreiti eða
ofbeldi, jafnvel þótt rannsókn leiddi
ekki í ljós neitt saknæmt.
Var sagt að um væri að ræða af-
leiðingar Soham-morðanna svo-
nefndu er starfsmaður skóla nauðg-
aði tveimur stúlkum og myrti þær.
Lögreglan vildi ekki eiga á hættu
að vera sökuð um að hunsa neinar
upplýsingar og gengi þess vegna
lengra en góðu hófi gegndi.
Breskir kennarar neita að
kenna í hitasvækju
Natanz. AFP. | Mahmoud Ahmadinejad, forseti Írans,
sagði í gær að framleiðsla Írana á auðguðu úrani væri
komin „á iðnaðarstig“ en þeir nota nú 264 skilvindur við
framleiðsluna sem er nokkur áfangi. „Hin mikla þjóð
Írans … mun ekki leyfa nokkrum ofbeldisfullum stór-
veldum að setja skorður við framförum hennar með því
að hafa áhrif á alþjóðasamfélagið,“ sagði forsetinn.
Nota þarf mörg þúsund skilvindur til að framleiða nóg
af efninu til að smíða kjarnorkusprengju. Íranar full-
yrða að markmið tilrauna þeirra sé friðsamleg nýting
kjarnorku til rafmagnsframleiðslu.
Íranar segjast hafa náð meiri
tökum á auðgun úrans
Mahmoud
Ahmadinejad
FIMMTI skemmtiferðageimfari
sögunnar, Bandaríkjamaðurinn
Charles Simonyi, komst í gær til al-
þjóðlegu geimstöðvarinnar, ISS.
Reuters
Harðánægður Simonyi í rússneska
geimfarinu sem flutti hann til ISS.
Skemmtiferð
í geimnum
MEÐALÁRSNEYSLA á áfengi í
Rússlandi á mann hefur þrefaldast
síðan 1990 og er nú um 15 lítrar af
sterku áfengi. Neytendasamtök
landsins segja þetta uggvænlega
þróun, einkum aukninguna meðal
kvenna og unglinga. Um 2,3 millj-
ónir af alls 142 milljónum íbúa eru
taldar vera áfengissjúklingar.
Auka drykkjuna
MARTIN Strels, 52 ára gamall
Slóveni, hefur afrekað að synda eft-
ir endilöngu Amazonfljóti í Suður-
Ameríku, alls um 5.265 kílómetra, á
66 dögum. Aðstoðarmenn Strels
sáu um að stugga við piranha-
ránfiskum, kyrkislöngum og krókó-
dílum. „Fyrir frið, vináttu og hreint
vatn,“ er slagorð Strels sem áður
hefur synt eftir Dóná, Mississippi
og Jangtze.
Amazon sigrað
Í HNOTSKURN
»Bandarískar hersveitirtóku miðborg Bagdad 9.
apríl 2003 og veittu þá aðstoð
við að fella stóra styttu af
Saddam Hussein.
»Utanríkisráðherra Íraks,Kúrdinn Hoshyar Zebari,
sagði mörg mistök hafa verið
gerð eftir innrásina. Verst
hefði verið að herinn hefði
verið leystur upp og þannig
skapað tómarúm.
Eftir Kristján Jónsson
kjon@mbl.is
FJÖGUR ár voru í gær liðin frá því
að herir bandamanna tóku Bagdad
og notuðu margir tækifærið til að
krefjast þess að erlenda herliðið
hefði sig á brott. Hundruð þúsunda
Íraka efndu til friðsamlegra útifunda
í hinum helgu borgum sjía-múslíma,
Najaf og Kufa, sunnan við Bagdad.
Öryggisráðstafanir voru hertar að
mun vegna dagsins, öll bílaumferð
var bönnuð í höfuðborginni og Najaf
til að koma í veg fyrir hryðjuverk.
Ekkert lát virðist á óöldinni í land-
inu þótt eitthvað hafi dregið úr
morðárásum hryðjuverkamanna í
Bagdad eftir að Bandaríkjamenn
sendu aukið herlið á vettvang. Sam-
steypustjórn helstu hreyfinga sjíta
og Kúrda, sem er við völd, vill ekki
að erlenda herliðið fari frá landinu
og vill fá aukið ráðrúm til að efla her-
inn svo að hann geti komið á friði.
Nýlegar skoðanakannanir í Írak
sýna mjög mikla andstöðu við er-
lenda herliðið og vonbrigði vegna
þess hve illa gengur að tryggja ör-
yggi almennra borgara. Meirihluti
aðspurðra vill þó ekki að hermenn-
irnir yfirgefi landið fyrr en búið sé að
bæta ástand öryggismála.
Fundirnir í Najaf voru haldnir að
undirlagi sjíta-klerksins Moqtada al-
Sadr sem lengi hefur barist hart
gegn Bandaríkjamönnum. Háttsett-
ur félagi í hreyfingu al-Sadrs, Salah
al-Obaydi, sagði að gangan væri
hvatning til að þjóðin yrði frelsuð.
„Óvinurinn sem hefur hernumið
landið ræðst nú gegn virðingu írösku
þjóðarinnar. Eftir fjögurra ára her-
nám eru hundruð þúsunda manna
fallin eða særð.“
Lögreglumenn voru við öllu búnir
í Najaf en ekki kom til átaka. Margir
veifuðu litlum íröskum fánum, einnig
var borinn nær tíu metra langur fáni
í göngunni. „Já, já, Írak“ stóð á
dreifimiðum sem flögruðu um stað-
inn, einnig „Já, já, Moqtada. Her-
námsliðið á að yfirgefa Írak“. Sumir
brenndu bandaríska fána og tröðk-
uðu á þeim.
Al-Sadr hefur átt ráðherra í sam-
steypustjórninni en hefur einnig
mikil tengsl við klerkana í Íran sem
eru sjítar. Hann hefur ekki sést um
hríð í Írak og fullyrða Bandaríkja-
menn að hann sé í grannlandinu en
talsmenn hans þverneita því, segja
hann vera í Írak. Vígasveitir klerks-
ins hafa verið sakaðar um að myrða
fjölda súnníta og telja Bandaríkja-
menn að hann eigi stóran þátt í blóð-
ugum átökum milli sjíta og súnníta.
Hafa Bandaríkjamenn ásamt írösk-
um hermönnum leitað uppi víga-
menn al-Sadrs síðustu daga og hand-
tekið marga. Al-Sadr hvatti menn
sína í yfirlýsingu í gær til að forðast
árásir á landa sína en einbeita sér að
árásum á Bandaríkjamenn.
Krefjast brottfarar
Bandaríkjamanna
Fjögur ár frá falli
stjórnar Saddams
Reuters
Kröfuganga Stuðningsmenn sjítaklerksins Moqtada al-Sadrs í Írak halda á
fánum í Najaf í gær. „Niður með Bandaríkin. Lifi frelsið!“ hrópaði fólkið.
BENEDIKT páfi 16. flutti hefð-
bundið ávarp sitt af svölum emb-
ættisbústaðar síns, Castelgandolfo
fyrir utan Róm, í gær og hvatti
kristna menn til að hræðast ekki að
breiða út fagnaðarerindið til fjar-
lægustu horna jarðarinnar. Sagði
hann það „brýnt fyrir karla og kon-
ur vorra tíma að þekkja og hitta
Jesúm“. Í ávarpi sínu á páskadag,
sem hann flutti eins og hefð er fyrir
af svölum Péturskirkjunnar, harm-
aði hann þjáningar í heiminum,
einkum í Írak og Afríkulöndum.
Páfi verður áttræður 16. apríl.
Reuters
Kristnir breiði út fagnaðarerindið