Morgunblaðið - 10.04.2007, Blaðsíða 6

6 ÞRIÐJUDAGUR 10. APRÍL 2007 MORGUNBLAÐIÐ
FRÉTTIR
„ÞARNA voru menn sem hafa jafn-
vel verið að kenna mér, þannig að ég
sagðist bara ætla að gera mitt besta
og árangurinn var framar vonum,“
segir Hjörvar Steinn Grétarsson,
fjórtán ára margfaldur Íslands- og
Norðurlandameistari í skák, sem
hlaut 4,5 vinninga, eða 50% vinn-
ingshlutfall, á Kaupþingsmóti Hellis
og Taflfélags Reykjavíkur sem lauk í
gærdag. Árangurinn verður að telj-
ast afar góður – ekki síst ef miðað er
við að hann var langyngsti keppand-
inn og andstæðingarnir afar sterkir.
Óhætt er að segja að nóg hafi ver-
ið að gera hjá Hjörvari undanfarna
daga, mótið hófst fjórða apríl sl. og
sama dag skrifaði hann undir sam-
starfssamning við Kaupþing. Þar
fyrir utan hefur staðið yfir und-
irbúningur vegna fermingar Hjörv-
ars sem fram fór í gærdag. Hann
segist hins vegar hafa náð að ein-
beita sér alveg að skákinni og látið
fjölskylduna um undirbúninginn.
Lokaleikur Hjörvars var settur á
hádegi í gær og fermingin klukkan
hálftvö og segir hann að þar hafi litlu
mátt muna. Var hann því nokkuð
feginn þegar andstæðingurinn hætti
keppni og hann fékk gærdaginn til
að undirbúa sig fyrir ferminguna.
Með fimm ára samning
við Kaupþing
Hjörvar hefur sýnt það á und-
anförnum árum að þar fer eitt mesta
efni okkar í skáklistinni. Auk þess að
hafa unnið til fjölda verðlauna er
hann jafnframt yngsti keppandi sem
teflt hefur í landsliðsflokki Skák-
þings Íslands. Það er því engin til-
viljun að Kaupþing, Hjörvar og Tafl-
félagið Hellir hafi skrifað undir
samstarfssamning til fimm ára þar
sem tilgangurinn er að efla Hjörvar
sem skákmann og styðja við tafl-
mennsku hans á innanlands sem og
erlendis.
Hjörvar segist að vonum himinlif-
andi með samninginn sem mun gera
honum kleift að taka þátt í fleiri
keppnum erlendis auk þess að hægt
er að setja upp fyrir hann þjálf-
unarbúðir. „Þetta auðveldar mikið
við kostnaðinn sem fylgir og er í
raun alveg frábært,“ segir Hjörvar
sem tekur næst þátt í Reykjavík Int-
ernational sem hefst á morgun.
Gat ekki tekið mikinn þátt í
undirbúningi fermingarinnar
Morgunblaðið/Ómar
Við ferminguna Hjörvar Steinn fermdist í Grafarvogskirkju í gærdag og
segir hann að hamingjuóskum hafi hreinlega rignt yfir sig í veislunni.
Skákmaðurinn efnilegi
Hjörvar Steinn Grét-
arsson náði góðum
árangri á Kaupþings-
móti Hellis og TR sem
lauk í gærdag – á ferm-
ingardag kappans.
andri@mbl.is
LÍÐAN mæðginanna sem lentu í
vélsleðaslysi í Grenjaárdal ofan
Grenivíkur á páskadag er eftir atvik-
um góð. Þau hlutu bæði beinbrot en
eru ekki talin alvarlega slösuð. Slys-
ið sem átti sér stað laust eftir hádeg-
ið varð með þeim hætti að konan
missti vald á vélsleða sem þau voru
á, hann valt og mæðginin urðu undir
sleðanum. Kalla þurfti út björgunar-
sveitir frá Grenivík og Akureyri og
gengu björgunaraðgerðir vel.
Þá slasaðist ökumaður fjórhjóls
nokkuð þegar hann lenti í árekstri
við jeppa skammt frá Skarðsfjöru-
vita, rétt utan við Vík í Mýrdal, síð-
degis á páskadag. Maðurinn var
fluttur með þyrlu Landhelgisgæsl-
unnar á slysadeild Landspítala – há-
skólasjúkrahúss til aðhlynningar en
hann reyndist ekki eins alvarlega
slasaður og talið var í fyrstu. Hann
var undir eftirliti lækna yfir nótt en
útskrifaður í gærdag.
Hlutu
beinbrot í
vélsleðaslysi
INGVAR Þór Jóhannesson náði sín-
um öðrum áfanga að alþjóðlegum
meistaratitli eftir stutt jafntefli við
Snorra Bergsson í níundu og síð-
ustu umferð Kaupþingsmóts Hellis
og Taflfélags Reykjavíkur sem lauk
í gær. Fyrri áfanga náði Ingvar á
Ístaksmóti Hróksins sem fram fór
fyrir þremur árum.
Ingvar lauk keppni með 6,5 vinn-
ing en enski alþjóðlegi meistarinn
Robert Bellin sigraði meistara-
flokkinn með 7,5 vinninga.
Í stórmeistaraflokki var mikill
friður í lokaumferðinni og lauk öll-
um skákum með jafntefli. Stóð þar
uppi sem sigurvegari lettneski stór-
meistarinn Nor-
munds Miezis,
með 7,5 vinninga
en næstur kom
Kveinys Aloyzas
með sex vinn-
inga. Bragi Þor-
finnsson og Stef-
án Kristjánsson
urðu efstir ís-
lensku skák-
mannanna með
4,5 vinninga. Í kvennaflokki sigr-
uðu Hallgerður Helga Þorsteins-
dóttir og hin franska Izabelle
Lamoureux en báðar luku keppni
með 2,5 vinninga.
Náði sínum öðrum áfanga
Morgunblaðið/Ómar
Við skákborðið Hjörvar Steinn
stóð sig vel á Kaupþingsmótinu.
Ingvar Þór
Jóhannesson
Eftir Silju Björk Huldudóttur
silja@mbl.is
„ÞETTA mæltist mjög vel fyrir,
enda var flutningurinn í frábærum
höndum,“ segir Atli Heimir
Sveinsson tónskáld, sem nýverið
var viðstaddur heimsfrumflutning
Tékknesku fílharmóníusveit-
arinnar á fjórðu sinfóníu sinni í
tónlistarhöllinni Rudolfinum í
Prag. Hljómsveitarstjórnin var í
höndum Zdeneks Mácals, aðal-
hljómsveitarstjóra Tékknesku
fílharmóníunnar. Að sögn Atla
Heimis var fullt út úr dyrum við
frumflutning verksins og viðtökur
tónleikagesta afar góðar.
Flutningurinn var hluti af ár-
legri tónlistarhátíð sem fram fór
dagana 24. mars til 1. apríl og
nefnist Prague Premieres. Þetta
árið var sjónum sérlega beint að
tékkneskri tónlist og tónlist frá
Norðurlöndunum, en auk Atla
Heimis áttu Íslendingarnir Jón
Nordal, Anna Sigríður Þorvalds-
dóttir og Atli Ingólfsson verk á
hátíðinni.
Vonar að Mácal fáist til að
stjórna verkinu hérlendis
„Ég á mjög erfitt með að lýsa
sinfóníunni minni í orðum,“ segir
Atli Heimir, þegar hann er beðinn
að lýsa verki sínu. „Ég held að ég
hafi aldrei skrifað svona músík áð-
ur. Ég reyni reyndar alltaf að búa
til nýjan heim í hverri sinfóníu
sem ekki hefur verið til áður,
þannig að ég held að þær séu ólík-
ar hver annarri.“
Spurður hvenær landinn fái
tækifæri til að heyra verkið segist
Atli Heimir hreinlega ekki vita
það. „Ég vona hins vegar að
Zdenek Mácal verði boðið heim og
fenginn til að stjórna verkinu,“
segir Atli Heimir og tekur fram
að það væri mikill fengur fyrir Ís-
lendinga ef Mácal þekktist slíkt
boð, enda sé hann framúrskarandi
hljómsveitarstjóri sem starfað
hafi víða um heim við góðan orðs-
tír. Atli Heimir lætur sérlega vel
af samstarfinu við Mácal. „Okkar
samvinna var mjög góð. Eins og
unga fólkið segir þá fílaði Mácal
verkið í botn,“ segir Atli Heimir
og hlær.
Vinna af hrifningu
og ást á verkinu
Spurður hvernig sé að heyra
frumflutning á stóru verki eftir
sig og hvort hljómsveitarstjór-
anum hafi tekist að veita tón-
skáldinu nýja sýn á eigið verk
svarar Atli Heimir: „Þetta er nú
ekki í fyrsta skiptið sem ég heyri
svona stórt verk eftir mig. Yf-
irleitt er þetta nú að langmestu
leyti eins og ég hafði hugsað mér
það. En það er alltaf gaman að
vinna með mönnum sem eru
óhræddir að takast á við óvana-
lega hluti og vinna vel, vinna af
hrifningu og ást á verkinu, eins og
þarna mátti greina,“ segir Atli
Heimir.
Frábærar viðtökur í Prag
Ljósmynd/Jiri Barton
Sáttur í lok tónleika Fjórðu sinfóníu Atla Heimis Sveinssonar var ein-
staklega vel tekið þegar hún var heimsfrumflutt í Prag nýverið.
LÖGREGLAN á höfuðborgarsvæð-
inu stöðvaði ofsaakstur karlmanns
á fertugsaldri aðfaranótt mánudags
en maðurinn ók á um 160 km hraða
á Reykjanesbraut, til móts við
IKEA, í Garðabæ. Unnið er að
framkvæmdum á svæðinu og er
leyfilegur hámarkshraði þar því 50
km á klukkustund. Maðurinn var
sviptur ökuréttindum á staðnum.
Samkvæmt upplýsingum frá lög-
reglu gekk fremur erfiðlega að fá
manninn til að stöðva bifreiðina en
hann sinnti ekki merkjum lögreglu
og jók heldur hraðann. Lögregla
þurfti því að elta manninn sem sá
ekki að sér fyrr en hann var kom-
inn inn í Kópavog. Að sögn lög-
reglu var hann hvorki undir áhrif-
um áfengis né vímuefna og gat
engar skýringar gefið á ökulagi
sínu.
Kannaðist
ekki við
ofsaakstur
♦♦♦
VARÐSKIP Landhelgisgæslu Ís-
lands kom í gær að handfærabáti á
meintum ólögmætum veiðum á frið-
unarsvæði í Faxaflóa. Fóru gæslu-
menn af varðskipinu um borð í bát-
inn, athuguðu aflann og skipsskjöl
auk þess sem tekin var skýrsla af
skipstjóra bátsins.
Að skýrslutöku lokinni var skip-
stjóranum gert að sigla bátnum til
hafnar í Reykjavík þar sem lögregl-
an á höfuðborgarsvæðinu tók á móti
honum. Samkvæmt upplýsingum frá
Gæslunni verður kæra send til lög-
reglustjóra höfuðborgarsvæðisins
vegna brotsins.
Á ólögleg-
um veiðum
♦♦♦
♦♦♦
KONA brenndist illa á fæti þegar
jörð brast undan henni þar sem hún
var á gangi um hverasvæði við golf-
völlinn í Hveragerði í gærdag. Lenti
hún með annan fótinn ofan í sjóðandi
heitan hver, þannig að leirinn náði
upp undir hné. Hún var flutt á Heil-
brigðisstofnun Suðurlands til að-
hlynningar.
Að sögn lögreglu hefði öllum mátt
vera það ljóst að þarna var hættulegt
að ganga og segir hún konuna hafa
lagt sig í stórhættu með athæfi sínu.
Brenndist
illa á fæti