Morgunblaðið - 10.04.2007, Síða 38

38 ÞRIÐJUDAGUR 10. APRÍL 2007 MORGUNBLAÐIÐ
Raðauglýsingar 569 1100
Efling - stéttarfélag
Félagsfundur verður haldinn fimmtudaginn
12. apríl kl. 18.00 í Kiwanishúsinu við Engjateig.
Dagskrá:
1. Félagsmál.
2. Breytingar á reglugerð sjúkrasjóðs.
3. Önnur mál.
Félagar mætum vel og stundvíslega.
Stjórn Eflingar - stéttarfélags.
Aðalfundur
samvinnufélagsins Hreyfils verður haldinn í
Þingsal 1 á Hótel Loftleiðum þriðjudaginn
24. apríl 2007 kl. 13.30.
Dagskrá:
1. Athugað lögmæti fundarins
2. Skýrsla félagsstjórnar
3. Reikningar ársins 2006
4. Kosning í stjórn o.fl.
5. Önnur mál
Stjórnin.
Fundir/Mannfagnaðir
Félagslíf
 HLÍN 6007041019 VI
Fréttir
á SMS
I.O.O.F. Rb.1  1564108 - MA*
Hjónanámskeið
hefst í kvöld og stendur yfir í 7
vikur.
Kennari er Hafliði Kristinsson,
fjölskyldu- og hjónaráðgjafi.
Verð m. mat og kennslugögnum
15.000 kr. fyrir tvo.
Skráning er á safnaðarskrifstofu
í síma 535 4700 eða á
filadelfia@gospel.is
Nánar á www.gospel.is
EDDA 6007041019 I
Aðalfundur
Markaðsskrifstofu Ferðamála á
Norðurlandi fyrir árið 2006
verður haldinn á Hótel Kea þann 30. apríl nk.
kl. 13:00.
Venjuleg aðalfundastörf.
Stjórnin.
Sveit Eyktar sigraði í úrslita-
keppni Íslandsmótsins í sveita-
keppni sem lauk sl. laugardag. Í
sigursveitinni spiluðu Jón Baldurs-
son, Þorlákur Jónsson, Sverrir Ár-
mannsson, Aðalsteinn Jörgensen,
Bjarni Einarsson og Sigurbjörn
Haraldsson.
Í upphafi úrslitanna spiluðu 12
sveitir og var þá spilað um fjögur
efstu sætin. Íslandsmeistarar und-
anfarinna ára, þ.e. sveit Eyktar og
sveit undir stjórn Karls Sigurhjart-
arsonar spiluðu sig af öryggi í fjög-
urra liða úrslitin sem og sveit
Grant Thornton. Mikil keppni var
um fjórða sætið sem endaði með
því að sveit Myndform sem lengst
af hafði verið í fjórða sætinu náði
að halda sæti sínu. Helztu kepp-
endur þeirra um fjórða sætið voru
sveitir Skeljungs, Garða og véla og
Fisk Seafood. Hinar tvær fyrr-
nefndu byrjuðu mótið mjög illa,
einkum sveit Garða og véla sem að-
eins náði 23 stigum út úr fyrstu
þremur leikjunum.
Lokastaða efstu sveitanna eftir
undankeppnina:
Eykt 211
Karl Sigurhjartarson 209
Grant Thornton 198
Myndform 171
Garðar og vélar 168
Skeljungur 166
Fisk Seafood 159
Sveitir Eyktar og Karls stóðu
óneitanlega best að vígi fyrir loka-
átökin þar sem sveitirnar héldu
stigum sínum úr fyrri hlutanum.
Fyrir síðustu umferðina var
sveit Eyktar með 253 stig en sveit
Karls Sigurhjartarsonar með 245
stig. Þessar sveitir áttust við í síð-
ustu umferðinni og var því um
hreinan úrslitaleik að ræða. Sveit
Karls þurfti að vinna leikinn 19-11
en sveit Eyktar gef engan högg-
stað á sér og vann leikinn með 20
gegn 10 og hampaði því titlinum
annað árið í röð.
Hinn leikurinn sem átti að fara
fram samtímis þ.e. milli sveita
Grant Thornton og Myndforma var
aldrei spilaður. Sveit Myndforma
tilkynnti að hún myndi ekki mæta
til leiks. Hér er um algjört
hneyksli að ræða og verður stjórn
Bridssambandsins að ganga þannig
frá hlutum að svona hlutir gerist
ekki aftur. Þetta er bæði móðgun
við sambandið og alla þá spilara
sem hafa lagt mikið á sig að taka
þátt í undankeppnum Íslandsmóts-
ins.
Í svonefndum Butler-útreikningi
komu Bjarni Einarsson og Sigur-
björn Haraldsson með hæstu skor
eftir harða keppni við Svein R. Ei-
ríksson og Hrannar Erlingsson.
Gefið var út mótsblað á meðan
úrslitakeppnin fór fram. Ísak Örn
Sigurðsson, frkvstj. Bridssam-
bandsins ritstýrði en með honum
unnu margir liprir pennar.
Aðalkeppnisstjóri var Kristján
Hauksson sem kom frá Danmörku
til leiks en auk hans sá Ásgeir Ás-
björnsson um keppnisstjórn.
Öruggur sigur Eyktar
í Íslandsmótinu í sveitakeppni
BRIDS
Umsjón Arnór G.
Ragnarsson| norir@mbl.is
Sigurreifir Þeir voru glaðir í mótslok Íslandsmeistararnir í sveit Eyktar. Talið frá vinstri: Þorlákur Jónsson, Jón
Baldursson, Sigurbjörn Haraldsson, Aðalsteinn Jörgensen, Sverrir Ármannsson og Bjarni Einarsson.
Morgunblaðið/Arnór G. Ragnarsson
KAUPÞINGSMÓTIÐ fór fram
um páskana í annað sinn og var
haldið í húsakynnum Taflfélags
Reykjavíkur í Faxafeni 12. Keppn-
in fór fram í þremur flokkum,
stórmeistaraflokki, meistaraflokki
og kvennaflokki. Í stórmeistara-
flokki mættu til leiks þrír erlendir
stórmeistarar og einn sænskur al-
þjóðlegur meistari en í meistara-
flokki tóku þátt einn erlendur
stórmeistari og tveir útlenskir al-
þjóðlegir meistarar á meðan þrjár
ungar og efnilegar íslenskar stúlk-
ur öttu kappi við reynda franska
skákkonu í kvennaflokki.
Í stórmeistaraflokknum komst
lettneski stórmeistarinn Nor-
munds Miezis (2.521) á mikið skeið
og var enginn sem stöðvað gat sig-
urgöngu hans. Kollegi hans frá
Litháen, Aloyzas Kveinys (2.546)
lenti í öðru sæti en íslensku kepp-
endurnir náðu sér ekki fyllilega á
strik. Alþjóðlegi meistarinn Stefán
Kristjánsson (2.485), sem vantar
nokkur stig til að verða útnefndur
stórmeistari, tefldi ekki vel á
mótinu en fékk eigi að síður helm-
ing vinninga. Kollegi hans Bragi
Þorfinnsson fékk sama vinnings-
hlutfall á meðan bróðir hans,
Björn, var heillum horfinn. Loka-
staða mótsins varð þessi:
1. Normund Miezis (2.521) 7½
vinning af 9 mögulegum.
2. Aloyzas Kveinys (2.546) 6 v.
3. Emil Hermansson (2.475) 5½ v.
4.–6. Stefán Kristjánsson (2.485),
John Shaw (2.441) og Bragi Þor-
finnsson (2.384) 4½ v.
7. Róbert Harðarson (2.332) 4 v.
8.–9. Guðmundur Kjartansson
(2.279) og Jón Viktor Gunnarsson
(2.419) 3½ v.
10. Björn Þorfinnsson (2.348) 1½
v.
Í meistaraflokki hóf Ingvar Þ.
Jóhannesson (2.299) keppni af
miklum krafti og lagði m.a. skoska
stórmeistarann Colin Mcnab að
velli í annarri umferð. Að loknum
fimm umferðum var Ingvar efstur
í flokknum ásamt enska alþjóðlega
meistaranum Robert Bellin (2.381)
með 4½ vinning af 5 mögulegum.
Ingvar tefldi eftir þetta upp á að
ná áfanga að alþjóðlegum meist-
aratitli og herkænska hans skilaði
árangri þar sem hann gerði fjögur
jafntefli í síðustu umferðunum og
tryggði sér áfangann eftirsótta.
Lokastaða meistaraflokks varð
þessi:
1. Robert Bellin (2.381) 7½ v. af 9
mögulegum.
2. Ingvar Þ. Jóhannesson (2.299)
6½ v.
3. Charles Lamoureux (2.360) 5½
v.
4. Snorri G. Bergsson (2.296) 5 v.
5.–7. Colin Mcnab (2.418), Hjörvar
Steinn Grétarsson (2.156) og Sig-
urður Daði Sigfússon (2.330) 4½ v.
8. Sigurbjörn Björnsson (2.329) 3½
v.
9. Heimir Ásgeirsson (2.180) 3 v.
10. Kazimierz Olszynski (2.256) ½
v.
Fyrir utan Ingvar var Snorri G.
Bergsson eini íslenski keppandinn
sem fékk meira en helmingsvinn-
ingshlutfall í tveim sterkustu
flokkunum. Í kvennaflokki hins-
vegar náði Hallgerður Helga Þor-
steinsdóttir (1.796) að gera jafn-
tefli við Izabelle Lamoureux
(2.057) og deila með henni efsta
sætinu með 2½ vinning af 3 mögu-
legum en Elsa María Þorfinnsdótt-
ir fékk einn vinning og Jóhanna
Björg Jóhannsdóttir rak lestina
með engan vinning.
Taflfélagið Hellir og Taflfélag
Reykjavíkur stóðu saman að
mótinu og gekk það vel. Aðstæður
á skákstað voru til fyrirmyndar og
skákstjórn var í öruggum höndum
Gunnars Björnsson og fleiri góðra
manna. Íslenskir skákmenn fengu
tækifæri í stórmeistaraflokki og
meistaraflokki að ná áföngum að
alþjóðlegum titlum og er það fagn-
aðarefni að Ingvari Þ. Jóhannes-
syni tókst að ná einum slíkum.
Fyrir aðra íslenska keppendur var
mótið án efa góð reynsla og jafnvel
upphitun fyrir alþjóðlegt opið mót
sem haldið verður í Reykjavík
dagana 11.–19. apríl næstkomandi.
Nánari upplýsingar um það mót
sem og Kaupþingsmótið er að
finna á www.skak.is.
Ingvar náði alþjóðlegum áfanga
SKÁK
Taflfélagið Hellir og Taflfélag
Reykjavíkur
2. KAUPÞINGSMÓTIÐ 2007
4.–9. apríl 2007
Kaupþingsmótið Ingvar Þ. Jóhannesson krækti sér í áfanga að alþjóð-
legum meistaratitli. Teflt var í húsakynnum Taflfélags Reykjavíkur.
daggi@internet.is
Helgi Áss Grétarsson