Morgunblaðið - 10.04.2007, Side 20

20 ÞRIÐJUDAGUR 10. APRÍL 2007 MORGUNBLAÐIÐ
VESTURLAND
Eftir Guðrúnu Völu Elísdóttur
Borgarnes | Björk Jóhannsdóttir er fjölhæf
kona en titlar sig fyrst og fremst sem heilara.
„Þó fer það eftir því hvað ég er að fást við
hverju sinni, t.d. er ég mikið að hekla núna og
þá er ég yfirheklari,“ segir Björk og hlær.
Hún er menntuð myndlistarkennari og málar
einnig myndir, mest af englum, gyðjum og
orkuverum. ,,Síðast málaði ég mikið af ham-
ingjumyndum og var með sýningu á Ham-
ingjudögum á Hólmavík árið 2005. Björk er
fædd og alin upp á Hólmavík, hún er gift Stef-
áni Gíslasyni umhverfisstjórnunarfræðingi og
eiga þau þrjú börn.
Varð strax sannfærð um
að ég ætti að vera heilari
„Ég er í 63% stöðu sem umsjónarkennari 3.
bekkjar eftir nokkurra ára hlé frá kennslu, en
reyndar finnst mér kennslan ekki starf sem
hægt er að vinna við lengur.“ Björk segir að
marga nemendur skorti þá samkennd sem sé
nauðsynleg í samfélaginu. „Við kennarar töl-
um mál sem kannski enginn skilur lengur, orð
eins og að taka tillit, hugsa um aðra, vinna
saman. Við erum að krafsa í eitthvað sem
virðist úrelt en auðvitað er það algjörlega
okkar fullorðna fólksins, sérstaklega foreldra,
að kenna börnunum þetta. Svo finnst mér
„Skóli fyrir alla“ vera mistök, engu var fylgt
eftir og svo sitja kennararnir í þessu og eiga
að vera sérfræðingar í öllu, líka í að ala upp,
og lítið um úrræði. Mér finnst að skólinn eigi
að viðurkenna að þetta sé vaxið okkur yfir
höfuð. Kennarar eru að brenna út og margir
að mennta sig út úr kennslu.“
Björk starfaði við myndlistarkennslu áður.
En þegar hún var búin að kenna í u.þ.b. 10 ár
fékk hún hugboð. „Já, mér fannst allt í einu að
ég ætti að fara að gera eitthvað annað. Hvað
það var vissi ég ekki, en hjartað sagði mér að
ég ætti að hjálpa öðrum. Ég sá svo mynd í
Morgunblaðinu af konu sem var að auglýsa
eitthvert námskeið og ég vissi um leið og ég
sá myndina að þetta var það sem ég átti að
fara í. Þetta var reiki-eitthvað, ég vissi ekki
hvað það var, en fór á námskeiðið og varð
strax sannfærð um að ég ætti að verða heilari.
Björk lauk öllum þremur gráðunum en síð-
asta gráðan felur í sér ársþjálfun. „Ég hafði
frá upphafi þessa löngun til að hjálpa öðrum
og til þess eru margir möguleikar. Maður þarf
að fylgja hjartanu frekar en skynseminni og
það þýðir ekkert fyrir aðra að segja mér til ef
ég bít eitthvað í mig. Ég man ekki einu sinni
hvort ég sagði Stebba frá því þegar ég fór að
læra heilunina.
Hjartað er musteri guðs
Maður lærir að leggja hendur á fólk í bók-
staflegri merkingu, ég byrja á að leggja hend-
urnar á axlirnar á fólki og opna fyrir orkuna
til þess. Orkubrautunum má líkja við tauga-
kerfið eða blóðrásina en fólk er með orku-
stöðvar og orkubrautir, líkaminn stýrir hvert
orkan fer, t.d. streymir hún fyrst í bakið ef
eitthvað er að þar. Líkami hvers og eins stýrir
þessu sjálfur, ég opna bara tenginguna, miðla
orkunni, er í rauninni bara innstunga fyrir
orkuna sem kemur úr kerfunum fyrir utan
okkur. Orkan er í raun og veru ljós með mis-
munandi tíðni eða lit. Í gamla daga var þetta
kallað að vera með heitar hendur. Ég trúi að
þessar rásir séu í öllum og opnar í krökkum,
en við lokum fyrir þetta eftir því sem við eld-
umst. Og ég held að ef maður hefur stórt
hjarta sé maður heilari, hvaða starfi sem mað-
ur annars gegnir dags daglega. Þetta fer allt
eftir því hvernig maður kemur fram, talar og
umgengst fólk.“
Björk segist trúa því að guð sé í öllu og öll-
um, hann sé þessi kraftur sem knýi allt. „Ég
held að musteri hans sé hjartað og það sé
kærleikurinn sem við göngum fyrir. Ég lít
svo á að trú og trúarbrögð séu tvennt ólíkt,
kannski bara út af sögunni. Þegar ég var
unglingur bjó ég til þá mynd af guði að við
byggjum í honum. Ég er eins og ein fruma í
guði og hef ákveðnu hlutverki að gegna í al-
heiminum eins og hver fruma hefur ákveðnu
hlutverki að gegna í líkamanum. Það er
ástæða fyrir setningunni „ég er með yður alla
daga allt til enda veraldar“.“
Gengur með fólk í vasanum
Fólk kemur af misjöfnum ástæðum í heil-
un, segir Björk, það kemur út af andlegum og
líkamlegum vandamálum, út af veikindum,
stressi eða áföllum og er í um klukkustund í
einu. Misjafnt er hversu oft fólk kemur, því
það fer eftir ástæðum, en algengt er að það
komi þrisvar, fjórum sinnum. Björk notar
líka steina og leggur yfir fólk. „Steinar hafa
mismunandi orkutíðni og ég legg þá yfir fólk
eftir tilfinningu. Svo geng ég með fólk í vas-
anum, en ég er með nöfn fólks á miða í vas-
anum. Það er fólk sem er veikt, á sjúkra-
húsum, eða á leið í eða úr aðgerðum. Miðana
geng ég með þangað til að ég frétti að fólkið
sé komið vel áleiðis. Sumir skrifa í bænabæk-
ur en þetta er mín aðferð vegna þess að ég er
tengiliðurinn. Björk vann í fullu starfi við
heilun í tvö ár, hún ók þá til Reykjavíkur
tvisvar í viku. „Ég hætti því vegna veðranna,
það er líka þreytandi að keyra svona mikið
auk sem það kostar drjúgt. Svo er bara
þokkalega mikið að gera hér, eiginlega ótrú-
legt miðað við hvað þetta er lítið svæði. Björk
segist ekki vera skyggn eða vera miðill en
finnur fyrir návist framliðinna. „Ég upplifði
ekkert dulrænt sem barn eða unglingur en
þjálfaði mig snemma í að lesa fólk, það er
kannski meiri sálfræði. Svo var ég fyrst og
fremst ákveðin, hafði innri ró, enda er erfitt
að koma mér úr skorðum.“
Heiluninni sinnir Björk eftir kennslu á
daginn, á milli klukkan fjögur og níu. „Ég tek
fólk á þessum tíma því það er svo erfitt að
koma í heilun og fara síðan í vinnuna aftur,
maður er svo dasaður á eftir. Þá er líkaminn
að byrja að vinna úr orkunni og þarf tíma til
þess. Yfirleitt vinn ég ekki um helgar nema
um sérstök tilfelli sé að ræða.
Stundum verður maður að passa hvað mað-
ur segir, því sumum finnst þetta óttalegt
bull,“ segir Björk, „en skemmtilegast er þeg-
ar ég hef heilað fólk sem er algjörlega
vantrúað. Dæmi eru um að fólk sem hefur
verið halt lengi vegna bakvandamála lagist
alveg og fari frá mér án þess að haltra. Það
er frábær upplifun.“
Björk er með góða aðstöðu heima og má
fólk hafa samband við hana þar.
Leggur hendur á fólk
Morgunblaðið/Guðrún Vala
Fjölhæf Björk Jóhannsdóttir er heilari en fæst við ýmislegt annað, s.s. kennslu og hekl.
Siglufjörður | Á dögunum var und-
irritaður samningur milli Síldar-
minjasafns Íslands ses. og sveitarfé-
lagsins Fjallabyggðar sem tryggir
safninu sex milljón króna framlag á
ári, næstu fjögur ár. Þórir Kr. Þór-
isson bæjarstjóri og Hafþór Rós-
mundsson, stjórnarformaður safns-
ins, undirrituðu samninginn að
viðstöddum gestum í Bátahúsi Síld-
arminjasafnsins.
Samningurinn kveður m.a. á um
að framvegis muni öllum íbúum
Fjallabyggðar veittur ókeypis að-
gangur auk þess sem safnið sjálft
mun greiða fasteignagjöld og trygg-
ingar af húsunum en sveitarfélagið
sá um það áður. Við tækifærið voru
einnig tekin til formlegrar notkunar
ný sýningartæki og 50 fermetra
stórt sýningartjald sem komið var
fyrir í Bátahúsinu. Þar verða sýndar
kvikmyndir frá síldarveiðum og
síldarvinnslu frá fyrri hluta 20. ald-
ar. Til þessa verkefnis fékk Síld-
arminjasafnið 500 þúsund króna
styrk, til minningar um tvo sjómenn;
Steingrím Viggósson og Ólaf Jó-
hann Rögnvaldsson, en einnig veitti
Kívanisklúbburinn Skjöldur 200
þúsund krónum til verksins.
Breytt í sjálfseignarstofnun
Í ræðu sem Hafþór flutti við til-
efnið greindi hann frá því að Síld-
arminjasafnið væri nú orðið að
sjálfseignarstofnun og héti nú Síld-
arminjasafn Íslands ses. Áður var
fyrirkomulagið þannig að Siglu-
fjarðarkaupstaður var eigandi
safnsins en Félag áhugafólks um
minjasafn (FÁUM) gerði samning
við kaupstaðinn um að byggja safnið
upp og reka það. Bærinn lagði safn-
inu til þær eignir sem voru á staðn-
um og muni sem hann átti en FÁUM
sá síðan um að vinna úr þeim og
bæta við. Fór þannig að bærinn
eignaðist ýmsa muni og félagið aðra
og var það til þess að menn settust
niður og ræddu um að breyta form-
inu. Niðurstaðan varð sú að nýlega
var safninu breytt í sjálfseignar-
stofnun þar sem bæði Siglufjarð-
arkaupstaður og áhugamanna-
félagið lögðu því til það sem hvor
aðilinn átti.
Síldarminjasafnið fær
24 milljónir á fjórum árum
Morgunblaðið/Halldór Halldórsson
LANDIÐ
UM ÞESSAR mundir er unnið að
lagningu nýs vegar frá botni Ísa-
fjarðardjúps þar sem Reykja-
fjörður og Mjóifjörður verða brú-
aðir. Framkvæmdirnar annast
KNH verktakar á Ísafirði en
Vestfirskir verktakar ehf. sjá um
brúarsmíð á Reykjafirði og við
Hrútey í Mjóafirði. Samkvæmt
upplýsingum frá framkvæmda-
raðilum eru áætluð verklok
haustið 2008.
Ljósmynd/Þórh. Dan Johansen
Unnið að því að
brúa Reykjafjörð