Morgunblaðið - 10.04.2007, Blaðsíða 17
MORGUNBLAÐIÐ ÞRIÐJUDAGUR 10. APRÍL 2007 17
Inniheldur 22 valin bætiefni,
12 vítamín og 10 steinefni.
Eftir Kristján Jónsson
kjon@mbl.is
DES Browne, varnarmálaráðherra
Bretlands, sneri í gær við fyrri
ákvörðun ráðuneytis síns og lagði
bann við því að breskir sjóliðar seldu
fjölmiðlum frásagnir sínar af fanga-
vistinni í Íran sem lauk á fimmtu-
dag. Ráðuneytið hafði verið harð-
lega gagnrýnt fyrir að leyfa
sjóliðunum 15 að þiggja greiðslur
fyrir að veita fjölmiðlum viðtöl.
Aðalröksemd ráðuneytismanna
fyrir að heimila viðskiptin var að frá-
sagnirnar myndu hvort sem er leka
út og þá vera hafðar eftir ættingjum
eða vinum og þegin greiðsla fyrir.
Ættingjar breskra hermanna sem
fallið hafa í Írak og Afganistan töldu
að peningagreiðslurnar væru móðg-
un við minningu hinna föllnu. Einnig
gagnrýndu talsmenn íhaldsmanna á
þingi ákvörðun ráðuneytisins.
Íhaldsmaðurinn Heseltine lávarður,
fyrrverandi varnarmálaráðherra,
hafði „aldrei heyrt neitt jafn skelfi-
legt“. Einnig eru grunsemdir um að
ætlun ráðamanna hafi verið að nota
frásagnirnar í áróðursstríði gegn
Írönum.
Sjónvarpið í Teheran hefur sýnt
myndir af fólkinu í haldi þar sem það
horfði á fótboltaleik og lék borð-
tennis, ekki virtist neitt ama að því.
Hin 26 ára gamla Faye Turney, eina
konan í sjóliðahópnum, mun hafa
fengið 100.000 þúsund pund fyrir að
veita bresku sjónvarpstöðinni ITV
og götublaðinu The Sun viðtöl.
Turney segist í viðtalinu við The
Sun hafa óttast að sér yrði nauðgað í
varðhaldinu og hún hafi verið neydd
til að afklæðast og dúsa á nærklæð-
unum í klefanum. Einnig hafi hún
óttast dóm fyrir njósnir og fanga-
verðir hafi hótað að hún fengi ekki
að sjá lítið barn sitt næstu árin.
Fá ekki að selja
frásagnirnar
Reuters
Fagnaðarfundir Breski sjóliðinn Faye Turney (t.v.) ásamt eiginmanninum
Adam og dótturinni Molly eftir heimkomuna frá Íran.
TILLÖGUR hafa verið lagðar fram
um siðareglur fyrir bandaríska
bloggara í von um að hafa hemil á
þeim ruddaskap sem margir virðast
telja sjálfsagðan á miðlinum. Að
sögn The New York Times vinna
Tim O’Reilly, þekktur útgefandi, og
Jimmy Wales, stofnandi Wikipedia-
alfræðiorðabókarinnar á Netinu,
nú saman að því að semja leiðbein-
ingar í þessum efnum. Sumir net-
frömuðir eru hins vegar fullir efa-
semda og telja að hugmyndirnar
muni leiða til ritskoðunar.
Hugmyndin er að bloggarar taki
sig saman um að banna fólki að
skrifa nafnlausar athugasemdir á
gestasíður og bloggarar geti eytt
færslum gesta af bloggi sínu án
þess að vera sakaðir um ritskoðun.
Wales hefur nú sett tillögurnar
fram á vefsíðu fyrirtækis síns
[blogging.wikia.com] og vonast til
að fá sem flestar athugasemdir.
Markmiðið er að um verði að ræða
sjálfviljugar hömlur sem fólk leggi
á sig og jafnframt að gerðar verði
mismunandi leiðbeiningar, þannig
að fólk geti valið hvað það vilji nota
sem viðmiðun.
Hver flokkur hafi sitt merki og
bloggari geti sett merkið á síðuna
sína, þá vita gestir hvaða reglum
hann fylgir. Þannig gæti einn
flokkurinn sætt sig við nafnlausar
athugasemdir, annar hafnað þeim,
sá þriðji gæti sett sér strangar regl-
ur um orðróm og heitið að setja
hann aldrei á síðuna nema um-
ræddur orðrómur styðjist a.m.k.
við tvennar heimildir.
Kveikjan að tillögunum er að
þekktur bloggari vestra, Kathy
Sierra, fékk morðhótanir sem að
hluta stöfuðu af deilum um það
hvort fólk ætti að mega eyða dóna-
legum athugasemdum sem gestir
skrifa.
Vilja betri
bloggsiði