Morgunblaðið - 24.05.2007, Side 18

18 FIMMTUDAGUR 24. MAÍ 2007 MORGUNBLAÐIÐ
ERLENT
Lagadeild
Umsóknarfrestur er til 5. júní. www.lagadeild.hi.is.
Skrásetningargjald allt skólaárið aðeins kr. 45.000.-
Laganám í Háskóla Íslands:
Reynsla, metnaður og gæði
NOTENDUR farsíma í Evrópusam-
bandinu munu innan fárra ára geta
notað símann sinn á ferðalögum í
öðrum ríkjum sambandsins „án
þess að óttast símareikninga sem
eru hærri en flugmiðaverðið eða
hótelreikningurinn“, að sögn
Austurríkismannsins Paul Rubig
sem á sæti á þingi ESB. Þingið sam-
þykkti í gær með miklum meiri-
hluta umdeildar tillögur um þak á
greiðslur fyrir reikisamtöl milli
símafyrirtækja.
Sem stendur borga íbúar ESB að
jafnaði fimmfalt kostnaðarverð fyr-
ir reikisamtöl í farsíma utan heima-
landsins. Fyrsta árið eftir breyting-
arnar verður ekki leyft að taka
meira en 49 evrusent, um 4,20 kr.,
fyrir mínútuna af notanda sem
hringir til annars lands og hann
mun ekki greiða meira en 24 evru-
sent fyrir mínútuna þegar hringt er
í hann. Frekari lækkanir verða síð-
an á töxtunum næstu tvö árin. Smá-
skilaboð verða undanþegin verð-
lagshömlunum, að sögn BBC.
Gert er ráð fyrir að tillögurnar
taki gildi í júlí eða ágúst verði þær
samþykktar í framkvæmdastjórn
ESB í Brussel en talið er víst að svo
muni verða. Talsmenn símafyrir-
tækja hafa andmælt kröftuglega
þessum hömlum á verðlagningu.
Segja þeir það alrangt að lögmál
samkeppninnar hafi ekki virkað á
þessum markaði. Jafnframt spá
þeir því að sum fyrirtæki muni
svara með því að hækka verð á far-
símanotkun innanlands.
Setja þak á greiðslur
fyrir reikisamtöl í ESB
DÓMSTÓLL í Serbíu hefur fundið 12 menn seka um
morðið á Zoran Djindjic, fyrrverandi forsætisráðherra
landsins. Allir sakborningarnir neituðu sök en meðal
þeirra eru nokkrir fyrrverandi leyniþjónustumenn og
félagar í glæpasamtökum.
Milorad Ulemek, 39 ára fyrrverandi foringi lög-
reglusérsveitar, var dæmdur í 40 ára fangelsi fyrir að
skipuleggja morðið. Annar liðsmaður sérsveitarinnar,
Zvezdan Jovanovic, var einnig dæmdur í 40 ára fangelsi
fyrir að skjóta Djindjic til bana fyrir utan skrifstofu hans
í Belgrad 12. mars 2003.
Tíu aðrir voru dæmdir í átta til 35 ára fangelsi fyrir aðild að morðinu.
Fimm þeirra ganga lausir.
Saksóknarar sögðu að Djindjic hefði verið myrtur til að koma í veg fyrir
að stjórnvöld í Serbíu héldu áfram umbótum í landinu og áform um að
framselja stríðsglæpamenn til stríðsglæpadómstóls Sameinuðu þjóðanna í
Haag.
Morðingjar Djindjic í fangelsi
Milorad Ulemek
TALSMAÐUR ítölsku ríkisstjórn-
arinnar sagði í gær að mikil hætta
væri á útbreiðslu sjúkdóma vegna
sorps sem hlaðist hefur upp í
Napólí og nágrenni.
Um 15.000 tonn af sorpi hafa
hlaðist upp við vegi, þar af nær
3.000 tonn í borginni sjálfri, vegna
þess að endurvinnslustöðvar hafa
ekki undan. Talsmaðurinn sagði að
þótt ekki væri hætta á farsóttum á
borð við kóleru gæti fjölgun rottna
valdið útbreiðslu sjúkdóma.
Reuters
Uppsafnaður vandi Stór sorphaug-
ur á götu í Napólí á Ítalíu.
Hættuástand
vegna sorps
PAKISTANSKIR hermenn í friðar-
gæsluliði Sameinuðu þjóðanna hafa
verið sakaðir um að hafa selt upp-
reisnarhreyfingum í Kongó vopn
fyrir gull. Friðargæsluliðið átti að
afvopna uppreisnarhreyfingarnar
sem frömdu alvarlega stríðsglæpi í
borgarastyrjöldinni í Kongó.
Vopn fyrir gull
GARY Doer, forsætisráðherra
Manitoba í Kanada síðan 1999, vann
stórsigur í kosningunum 22. maí sl.
og er fyrsti nýdemókratinn sem
leiðir flokk sinn til sigurs í þrenn-
um kosningum í röð. Í opinberri
heimsókn sinni til Íslands í fyrra-
sumar bauð hann Geir H. Haarde til
Manitoba í sumar að því gefnu að
báðir yrðu áfram forsætisráð-
herrar og boðið stendur.
Boðið stendur
Eftir Boga Þór Arason
bogi@mbl.is
ÞÚSUNDIR palestínskra flótta-
manna hafa notfært sér hlé á átökum
stjórnarhermanna og vopnaðra liðs-
manna hreyfingarinnar Fatah al-
Islam til flýja flóttamannabúðirnar
Nahr al-Bared í norðurhluta Líb-
anons.
Einn flóttamannanna sagði að
mikil neyð væri í búðunum eftir
þriggja daga átök sem hafa kostað
tugi manna lífið. „Ástandið er mjög,
mjög slæmt – ekkert rafmagn, engin
matvæli, ekkert vatn,“ sagði hann.
„Það er ekkert sjúkrahús þarna.
Margt fólk er sært og margt fólk að
deyja.“
„Þetta eru örlög Palestínumanna:
fólksflótti eftir fólksflótta,“ sagði
kona á meðal flóttafólksins. „Eins og
í flóttanum frá Palestínu 1948 flúð-
um við fótgangandi, með fatabunka á
höfðinu. Í fyrri flóttanum fögnuðu
Líbanar okkur, núna leitum við at-
hvarfs hjá öðrum palestínskum
flóttamönnum.“
Starfsmenn hjálparstofnana sögð-
ust hafa miklar áhyggjur af örlögum
fólksins sem er enn í flóttamanna-
búðunum. Talið er að um 15.000
manns, eða um helmingur íbúa búð-
anna, hafi flúið þaðan frá því í fyrra-
kvöld þegar hlé varð á átökunum.
Barist „til síðasta blóðdropa“
Talið var að vopnahléið yrði
skammvinnt og Fuad Siniora, for-
sætisráðherra Líbanons, hét því að
uppræta íslömsku hreyfinguna.
Talsmaður Fatah al-Islam sagði að
liðsmenn hreyfingarinnar myndu
„berjast til síðasta blóðdropa“ ef
hermenn yrðu sendir inn í flótta-
mannabúðirnar. Haft var eftir næst-
æðsta foringja Fatah al-Islam að
hreyfingin hefði á að skipa rúmlega
500 vopnuðum mönnum.
Að minnsta kosti 68 manns liggja í
valnum og tugir manna hafa særst í
átökunum í Nahr al-Bared, þeirra á
meðal minnst tuttugu óvopnaðir íbú-
ar flóttamannabúðanna. Þrjátíu her-
menn og átján liðsmenn Fatah al-
Islam biðu bana, að sögn palestínkra
heimildarmanna.
Reuters
Tugir særðust Særð kona í sjúkrabíl sem flutti hana og fjölskyldu hennar úr flóttamannabúðunum Nahr al-Bared
í gær. Að minnsta kosti 20 óvopnaðir íbúar búðanna liggja í valnum eftir hörð átök og tugir hafa særst.
Mikil neyð í búðum
flóttafólksins í Líbanon
Þúsundir Palestínumanna hafa flúið blóðsúthellingarnar
Í HNOTSKURN
» Nær 400.000 palestínskirflóttamenn búa í Líbanon.
Margir þeirra flúðu þangað er
Ísraelsríki var stofnað 1948.
» Samkvæmt 38 ára samn-ingi getur her Líbanons
ekki farið inn í flóttamanna-
búðirnar. Talsmaður Frels-
issamtaka Palestínumanna,
PLO, sagði þó að þau myndu
ekki leggjast gegn því að her-
menn yrðu sendir inn í búð-
irnar til að uppræta hóp ísl-
amskra öfgamanna.
New York. AFP. | Allir gulu leigubílarnir í New York eiga
að vera með vélar, sem knúnar eru með rafmagni og
bensíni, ekki síðar en árið 2012 til að draga úr loftmeng-
un, að sögn Michaels Bloombergs borgarstjóra.
Bloomberg kynnti fyrr á árinu áform um að draga úr
losun lofttegunda, sem valda loftslagsbreytingum, um
30% í New York fyrir árið 2030.
Borgarstjórinn sagði að allir nýir leigubílar borgar-
innar ættu að vera með blendingsvélar. Leigubílarnir
eru yfirleitt ekki notaðir lengur en í fimm ár þannig að
gert er ráð fyrir því að allir bílarnir verði knúnir með raf-
magni og bensíni árið 2012.
„Erum ekki nógu græn“
Alls eru rúmlega 13.000 leigubílar í New York. Bloom-
berg sagði það hafa mikla þýðingu fyrir baráttuna gegn
loftmengun að skylda alla leigubílstjóra til að nota blend-
ingsbíla. „Þetta jafngildir því að 32.000 einkabílar væru
teknir af götunum,“ sagði hann.
Leigubílarnir nota núna nær 17 lítra af bensíni á
hverja 100 kílómetra að meðaltali. Blendingsbílarnir
nota hins vegar aðeins um átta lítra á hverja 100 kíló-
metra.
Núna eru aðeins um 375 leigubílar í New York knúnir
með rafmagni og bensíni. Gert er ráð fyrir því að talan
hækki í 1.000 ekki síðar en í október á næsta ári og að um
helmingur leigubílanna verði með rafmagns- og bensín-
vélar fyrir lok ársins 2010. „Hugmyndin er að bæta orku-
nýtingu leigubílanna,“ sagði Bloomberg. „Við verðum að
gera eitthvað. Umferðin er of mikil og hún veldur of mik-
illi mengun. Við erum ekki nógu græn.“ Bloomberg
kynnti í síðasta mánuði ýmis önnur áform í baráttunni
gegn mengun og loftslagsbreytingum og sagði að meðal
annars væri gert ráð fyrir því að leggja sérstakt gjald á
bíla sem ekið er á Manhattan. Ennfremur er stefnt að
því að gróðursetja um milljón trjáa í borginni næstu tíu
árin.
Allir leigubílar New York
verði með blendingsvélar
AP
Grænir leigubílar Ráðgert er að allir leigubílar New
York verði knúnir með rafmagns- og bensínvélum.
FINNSKUR hermaður beið bana og
fjórir norskir hermenn særðust
lítilsháttar í sprengjuárás í norður-
hluta Afganistans, á svæði sem hef-
ur verið tiltölulega friðsamlegt. Er
þetta fyrsta mannfallið í 70 manna
herliði Finna í Afganistan.
Finni féll í árás