Morgunblaðið - 24.05.2007, Side 37

MORGUNBLAÐIÐ FIMMTUDAGUR 24. MAÍ 2007 37
✝ Guðbjörg Hall-varðsdóttir
fæddist að Skiphyl í
Hraunhreppi í
Mýrasýslu 18. júní
1912. Hún lést á
hjúkrunardeild
Seljahlíðar þann 18.
maí. Foreldrar
hennar voru Hall-
varður Einvarðs-
son, bóndi í Skut-
ulsey, f. 1871, d.
1912, og Sigríður
Jónsdóttir hús-
freyja, f. 1877, d.
1944. Systkini Guðbjargar eru
Jón, f. 1899, d. 1968, Einvarður, f.
1901, d. 1988, Jónatan, f. 1903, d.
1969, Sigurjón, f. 1905, d. 1987,
dvaldi síðan um tíma í Grimsby í
Bretlandi og starfaði sem þjón-
ustustúlka hjá íslenskum skip-
stjóra þar í borg. Lengst af starf-
aði hún sem launagjaldkeri, fyrst
hjá Sælgætisgerðinni Víkingi og
síðar hjá Ölgerðinni Agli Skalla-
grímssyni. Frá unga aldri ól hún
önn fyrir systur sinni Ásdísi, sem
átti við vanheilsu að stríða. Þann
8. janúar 1946 eignaðist hún son-
inn Arngeir Lúðvíksson, fram-
kvæmdastjóra, með Lúðvík Krist-
jánssyni sagnfræðingi. Arngeir er
kvæntur Halldóru F. Arnórs-
dóttur, f. 1944. Börn Arngeirs og
Halldóru eru Guðbjörg læknarit-
ari, f. 1970, Ásdís fótaðgerð-
arfræðingur, f. 1972, og Arngeir
flugvirki, f. 1976, giftur Önnu
Steinunni Gunnlaugsdóttur. Börn
Arngeirs og Önnu eru Karen Mist,
f. 9. febrúar 2000, og Rebekka
Marín, f. 2. september 2005.
Guðbjörg verður jarðsungin frá
Fríkirkjunni í Reykjavík í dag, 24.
maí, kl. 13.00.
Ásdís, f. 1908, d.
1965, Kristján, f.
1909, d. 1915, Hulda
Guðmundsdóttir, f.
1916, d. 1996, og
Kristján Guðmunds-
son, f. 1918. Guð-
björg ólst upp hjá
móður sinni á Fá-
skrúðarbakka í Mikl-
holtshreppi, en Hall-
varður lést á
fæðingarári hennar.
Guðbjörg flutti með
móður sinni og yngri
systkinum til Reykja-
víkur 1935 og bjó fjölskyldan fyrst
á Haðarstíg og síðar á Framvegs-
vegi 22b. Guðbjörg nam við
Kvennaskólann í Reykjavík og
Ástkær móðir mín var hetjan í
mínu lífi. Hún var glæsileg, grand-
vör og dugleg og vann hörðum
höndum við sitt ævistarf við erfiðar
aðstæður. Mamma var einstök
móðir sem sinnti sínu uppeldis-
starfi af mikilli kostgæfni og
kenndi mér samviskusemi og
atorku.
Jafnframt vinnu sinni utan heim-
ilis og innan sá hún um sjúka syst-
ur sína sem var mikið álag sem hún
kvartaði aldrei undan. Alltaf var
hún boðin og búin að aðstoða ætt-
ingja og vinafólk.
Mamma var heimsborgari á sína
vísu, en eftir dvöl í Bretlandi á
yngri árum talaði hún ágæta ensku
sem var ekki algengt meðal fólks af
hennar kynslóð. Ég minnist þess að
við heimsókn fjarskyldra ættingja
frá Vesturheimi var hún í essinu
sínu og eins og hún væri á heima-
velli í samræðum. Hún naut virð-
ingar ættingja og vina fyrir glæsi-
lega framkomu og takmarkalausa
óeigingirni í störfum sínum og alúð
gagnvart öðrum. Ávallt var hún
hógvær og gerði ekki miklar kröfur
til lífsins fyrir sjálfa sig. Ég á móð-
ur minni allt að þakka.
Arngeir Lúðvíksson.
Elskuleg amma okkar er látin,
tæplega 95 ára að aldri. Á stundu
sem þessari streymir upp í hugann
fjöldinn allur af góðum og dýr-
mætum minningum um ömmu
Bubbu en það var hún alltaf kölluð.
Amma Bubba var yndisleg amma
sem bar hag okkar, barnabarna
sinna og síðar langömmubarna, fyr-
ir brjósti. Hún fylgdist alla tíð
mjög vel með okkur og hafði mik-
inn áhuga á að vita hvernig okkur
gengi í námi og starfi.
Alltaf var amma boðin og búin að
koma og gæta okkar augasteinanna
sinna ef foreldrar okkar leituðu til
hennar um slíkt og var það alltaf
mikið tilhlökkunarefni þegar von
var á ömmu því ávallt lumaði hún á
einhverju góðgæti í töskunni sinni.
Það var líka alltaf yndislegt að
koma heim til ömmu, þá dekraði
hún við okkur. Í bernsku okkar
bjuggum við í göngufæri við ömmu
og þau voru ófá skrefin sem tekin
voru heim til ömmu og þar eyddum
við mörgum stundum og má segja
að heimili ömmu hafi verið eins og
okkar annað heimili.
Vorið 1979 fluttumst við fjöl-
skyldan til Bandaríkjanna og ákvað
amma þá að koma með okkur til að
dvelja um óákveðinn tíma. Það var
virkilega skemmtilegur tími einnig
sem við áttum með henni þar. Hún
var afskaplega dugleg kona og
mjög sjálfstæð. Henni var umhugað
um aðra og mátti ekkert aumt sjá,
þá var hún mætt til að annast og
hlúa að þeim veiku, fara í sendi-
ferðir og lesa fyrir þá.
Það er ein minning sem stendur
upp úr, af öllum dýrmætu minning-
unum, í ljósi þess hve amma bar
aldurinn vel og var ávallt heilsu-
hraust þó svo hún væri orðin mjög
fullorðin. Hún var þá komin á ní-
ræðisaldur og hjálpaði við að skipta
um dekk á bílnum eftir að það hafði
sprungið á honum á ferðalagi í
Borgarfirði. Það fannst henni nú
ekki mikið mál, tók varadekkið úr
skottinu og hjálpaði svo til við að
tylla því á og svo var það hún en
ekki ökumaðurinn sem sneri
tjakknum eins og hún hefði ekki
gert neitt annað um ævina. Svona
var amma, lét ekki árafjöldann hafa
áhrif á sig.
Amma var ekki bara amma okk-
ar heldur var hún líka félagi.
Ósjaldan var tekið upp tólið, hringt
í ömmu til að spyrja hvort hún vildi
koma í göngutúr, bíltúr, bíó, leik-
hús o.fl. og var amma alltaf til þó
svo hún væri komin á níræðis- og
tíræðisaldurinn.
Árið 2001 seldi amma íbúðina
sína í Hraunbænum og fluttist í
þjónustuíbúð fyrir aldraða á Dal-
braut 27. Þar undi hún hag sínum
vel og á starfsfólkið þar bestu
þakkir skildar fyrir góða umönnun
ömmu.
Það var svo fyrir u.þ.b. 2½ ári
sem ellikerling byrjaði að banka
upp á hjá ömmu. Síðan þá hefur
heilsu hennar farið hægt hrakandi
og hefur hún dvalið á hjúkrunar-
deild Seljahlíðar í tæpt ár og viljum
við þakka hjúkrunar- og starfsfólki
Seljahlíðar fyrir einstaka umönnun
ömmu.
Að leiðarlokum er okkur þakk-
læti efst í huga til ömmu fyrir allt
sem hún gaf okkur og gerði fyrir
okkur. Elsku amma, nú er þján-
ingum þínum lokið og þú komin á
þann stað sem þú varst búin að
bíða eftir að komast á um nokkurt
skeið, og nú vitum við að þér líður
vel. Minning þín er ljós í lífi okkar.
Guðbjörg, Ásdís og Arngeir.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil svo ég sofi rótt.
(Sveinbjörn Egilsson)
Elsku amma Bubba, það er sárt
að kveðja en minning þín lifir. Hvíl
í friði.
Þínar langömmustelpur,
Karen Mist og Rebekka Marín.
Guðbjörg föðursystir mín, eða
Bubba frænka, átti sér ættarstoðir
að föður í Skutulsey og móður að
Skiphyl á Mýrum, og þótt hún væri
nánast fullsköpuð á fyrri staðnum,
kom hún í heiminn á hinum síðari.
Þrengdi þá að fjölskyldunni í eynni,
sem ætt Hallvarðar hafði setið kyn-
slóðum saman, og fluttu þau þá
með tveimur stórskipum upp á
Snæfellsnes og svo landveg að Fá-
skrúðarbakka í Miklaholtshreppi.
Þeirra biðu þar svo óvægin örlög,
að innan árs var Hallvarður allur.
Á Fáskrúðarbakka hlaut ekkjan
með sjö börn að taka á málum af
eigin manndómi og ákvað að reka
búið áfram og halda hópnum saman
með það að markmiði að koma
þeim til manndóms og mennta. Um
það segir í eftirmælum: „bókakaup-
in á Fáskrúðarbakka … voru eins-
dæmi þar um slóðir á þeim árum.
… Hún setti börn sín til mennta
hvert af öðru.“ Bræðurnir fóru fyr-
ir og brutust til mennta af eigin
harðfylgi, en Bubba litla rak lest-
ina. Þegar svo tvö systkini bættust
við, fjórum og sex árum yngri, óx
hún upp í það kærleiksstarf að ann-
ast þau og kenna að lesa af stakri
fórnfýsi. Minnist Kristján yngsti
bróðirinn hennar fyrir það eins og
góðrar fóstru eða móður, enda var
ætíð mjög kært með þeim. Þrosk-
aðist hún síðan upp í alhliða hlut-
deild í störfum búsins úti sem inni,
allt til þess er móðir hennar brá
búi 1931 og fluttist suður með fjög-
ur yngstu systkinin.
Sigríður amma hélt heimili í
Reykjavík fyrir yngri börnin í svo-
kölluðum bankahúsum við Fram-
nesveg, þar til þau hurfu hvert til
síns hjónabands. Bubba giftist ekki,
þótt væri með myndarlegri og fríð-
ari stúlkum, og var næstum sem
hún gleymdi sjálfri sér í umhyggju
og fórnfýsi. Eftir lát ömmu stóð
Bubba áfram fyrir heimilinu með
Ásdísi, sem svo gætti bús og barns
frá því að sonurinn Arngeir kom
sem ljósgeisli inn í líf móður sinnar,
sem annars hefði orðið dauflegt, og
veitti þeim báðum nýtt gildi að lifa
fyrir. Þótti okkur barnabörnunum
notalegt að koma á þetta hlýlega
heimili til ömmu og systranna til
góðgjörða og hljóðskrafs, og sama
gilti síðar í Hraunbænum.
Að Kvennaskólanum loknum
gekk Guðbjörg ekki í opinbera
þjónustu eins og hin systkinin,
heldur einkaframtaksins og starfaði
sem gjaldkeri Sælgætisgerðarinnar
Víkings og naut þar óskoraðs
trausts og álits. Hún var okkur
ungviðinu þó engin sérstök nam-
mifrænka, enda ekki umhugað um
að spilla okkur, en gott gat verið að
eiga hana að á tímum torsóttra að-
fanga. Hitt var meira um vert að
eiga hana að trúnaðarvini, einlæga,
hreinskilna og háttvísa. Langt fram
á sinn háa aldur var hún skýr og
minnug á fólk og viðburði og gott
að leita til hennar um myndir og
minningar. Frá hennar ungu árum
minnnist ég sérstaklega upplífg-
andi heimsóknar hennar til okkar í
Stykkishólmi á sólskinsdögum fyrir
stríð. Loks varð það okkur til mik-
illar ánægju, að alnafni minn valdi
sér afmælisdag hennar að fæðing-
ardegi.
Blessuð sé minning elskulegrar
frænku. Innilegar samúðarkveðjur
til fjölskyldu hennar.
Bjarni Bragi Jónsson.
Guðbjörg
Hallvarðsdóttir
Fallegir legsteinar
á góðu verði
Englasteinar
Helluhrauni 10
Sími 565 2566 - www.englasteinar.is
Sendum
myndalista
✝
Elskuleg eiginkona mín, móðir okkar, tengdamóðir,
amma og langamma,
DÓRA SIGFÚSDÓTTIR,
Lækjasmára 6,
verður jarðsungin frá Dómkirkjunni í Reykjavík
þriðjudaginn 29. maí kl. 13.00.
Blóm og kransar vinsamlega afþakkaðir, en þeim
sem vilja minnast Dóru er bent á Barnaspítalasjóð
Hringsins, sími 543 3724.
Trausti Thorberg Óskarsson,
Elsa Th. Traustadóttir, Stefán Gunnarsson,
Edith Th. Traustadóttir,
Óskar Th. Traustason, Berglind Steindórsdóttir,
barnabörn og barnabarnabörn.
✝
Okkar innilegustu þakkir fyrir samúð og hlýhug við
andlát og útför ástkærs eiginmanns, föður, fóstur-
föður, tengdaföður og afa,
GUNNLEIFS KJARTANSSONAR
fv. lögreglufulltrúa,
Glitbergi 7,
Hafnarfirði.
Sérstakar þakkir færum við séra Einari Eyjólfssyni
fyrir mikinn stuðning við fjölskylduna, einnig
Lögreglunni í Reykjavík og Lögreglukórnum fyrir þeirra þátt í útförinni.
Þórunn Christiansen,
Sævar Geir Gunnleifsson,
Lárentsínus Gunnleifsson,
Gunnleifur Vignir Gunnleifsson,
Kristín Thoroddsen,
Atli Thoroddsen,
Hrafn Thoroddsen,
Halla Thoroddsen,
Helga Thoroddsen,
tengdabörn og barnabörn.
✝
Ástkær móðir okkar og tengdamóðir,
RAGNHILDUR MAGNÚSDÓTTIR,
Hrafnistu,
Hafnarfirði,
andaðist mánudaginn 21. maí.
Útförin verður auglýst síðar.
Örlygur Kristmundsson, Sigríður S. Jakobsdóttir,
Guðný Kristmundsdóttir, Magnús Guðmundsson,
Guðlaug Kristmundsdóttir, Örn Ragnarsson.
✝
Ástkær eiginkona mín, móðir okkar, tengdamóðir,
amma og langamma
AGNES GUÐNÝ HARALDSDÓTTIR
Engihjalla 17,
Kópavogi.
lést þriðjudaginn 22. maí á Landakoti.
Jarðsungið verður frá Hjallakirkju föstudaginn 1.
júní kl. 13. Blóm og kransar vinsamlegast
afþakkaðir en þeim sem vildu minnast hennar er
bent á Gigtarfélagið eða Astma- og
ofnæmisfélagið
Ólafur Bjarki Ragnarsson,
Sigríður Ólafsdóttir, Pétur Már Pétursson,
Ragnar Ólafsson, Hólmfríður Jóna Guðmundsdóttir,
Kristinn Ólafur Ólafsson, Helga Þórisdóttir,
Haraldur Ólafsson,
Helgi Ólafsson, Wan Pen Shrima Ólafsson,
barnabörn og barnabarnabarn.
✝
Ástkær faðir okkar, tengdafaðir og afi,
INGÓLFUR SIGURJÓNSSON,
Hvammsdal 9,
Vogum,
lést þriðjudaginn 22. maí.
Jarðarförin auglýst síðar.
Ingileif Ingólfsdóttir, Guðmundur F. Jónasson,
Iðunn Ingólfsdóttir, Lúðvík Rúnarsson
og barnabörn.