Morgunblaðið - 23.06.2007, Page 8

Morgunblaðið/Sverrir
Langferð Hópurinn frá Singapúr ferðaðist í 16 klukkustundir til að komast
á leikana en ungmennin segja það hafa verið vel þess virði.
Gaman Andrew, Jake, Nick og Zachary frá Cleveland hafa skemmt sér vel
á leikunum og finnst frábært að geta eignast vini utan sinnar heimsálfu.
Eftir Sindra Sverrisson
sindris@mbl.is
„ÉG ELSKA að vera hérna. Þetta
er allt mjög spennandi og gaman og
við kunnum vel við okkur þó það
fari smá í taugarnar á okkur að það
sé ekki myrkur á næturnar,“ sagði
Plaz frá Celje í Slóveníu, einn af
þeim 1.200 unglingum sem þessa
dagana keppa í íþróttum og njóta
lífsins í Laugardalnum í Reykjavík
á Alþjóðaleikum ungmenna.
Plaz var ennþá móður eftir hand-
boltaleik Celje við lið frá Bratislava
í Slóvakíu. Hann er mikill keppn-
ismaður og segir það skemmtileg-
asta við leikana að sjálfsögðu vera
að keppa. „En það var líka mjög
gaman á setningarhátíðinni sem
mér fannst vera stór og glæsileg.“
Öfugt við marga aðra kvartaði
Plaz lítið yfir íslensku veðráttunni.
„Veðrið er ágætt, svolítið kalt en
við erum fljótir að venjast því,“
sagði Plaz áður en hann hljóp til fé-
laganna til að fagna öðrum sig-
urleik liðsins í röð á leikunum.
Íslensku stelpurnar í uppáhaldi
Cleveland í Ohio-ríki Bandaríkj-
anna sendi 17 keppendur á leikana í
ár. Fjórir þeirra sátu og spjölluðu
þegar blaðamaður spurði hvað væri
skemmtilegast við þessa leika.
„Tja, við fórum í Bláa lónið sem
var mjög gaman því við höfum ekki
séð neitt líkt því áður en það hefur
verið skemmtilegast að kynnast
öðrum krökkum, sérstaklega frá
Hollandi.“
Aðspurðir hvort það hafi eitt-
hvað með það að gera að hollensku
stelpurnar séu sætar stendur ekki á
svörum. „Ó já, þær eru mjög sætar.
Og íslensku stelpurnar líka, þær
eru í algjöru uppáhaldi hjá okkur,“
segja strákarnir, en eitt af meg-
inmarkmiðum Alþjóðaleika ung-
menna er einmitt að vinabönd
myndist milli krakka af ólíku þjóð-
erni og líklega er ekkert verra að
ástin blómstri líka.
Í anddyri Laugardalshallar rakst
blaðamaður á frjálsíþróttahóp sem
var kominn alla leið frá Singapúr.
Ungmennin lögðu mikið á sig til að
komast til Reykjavíkur og voru
heilar 16 klukkustundir á leiðinni.
Þau sögðust því kvíða því svolítið
að fljúga heim aftur en voru virki-
lega ánægð með að hafa komið til
Íslands.
„Það hefur gengið svona upp og
ofan hjá okkur og okkur finnst
frekar kalt úti en það hafa samt all-
ir skemmt sér mjög vel,“ sagði einn
í hópnum áður en blaðamaður var
kvaddur því í uppsiglingu var hipp-
hopp-dansleikur í skautahöllinni
sem að sjálfsögðu enginn mátti
missa af.
Keppendur frá ótal löndum skemmta sér vel á Alþjóðaleikum ungmenna
Barátta Þótt að hart hafi verið barist í viðureign handboltaliðanna frá
Celje og Bratislava voru allir góðir vinir að leik loknum.
Líf og fjör í Laugardalnum
8 LAUGARDAGUR 23. JÚNÍ 2007 MORGUNBLAÐIÐ
FRÉTTIR
HJÚKRUNARFRÆÐINGAR á
Landspítala – háskólasjúkrahúsi
efna til fjöldagöngu gegn umferð-
arslysum á þriðjudaginn kl. 17 til
að vekja almenning til umhugsunar
um afleiðingar hraðaksturs og þess
að aka bíl undir áhrifum áfengis,
fíkniefna eða lyfja. Baráttukveðjur
og stuðningsyfirlýsingar hafa bor-
ist úr mörgum áttum, meðal annars
úr röðum slökkviliðs- og sjúkra-
flutningamanna, lögreglumanna,
lækna, sjúkraþjálfara, sjúkraliða,
presta og iðjuþjálfara. Þá hafa for-
stjóri, hjúkrunarforstjóri og fleiri
stjórnendur Landspítala – háskóla-
sjúkrahúss lýst stuðningi við fram-
takið, að því er fram kemur á
heimasíðu BSRB.
Fjöldaganga
BREYTINGAR á
veðurfari kalla á
breytt vöru-
framboð yfir
vetrartímann.
Þetta var með-
al þess sem fram
kom á fundi í
framkvæmda-
stjórn Ferða-
málaráðs Evrópu
í Brussel í vikunni. Á heimasíðu
Ferðamálaráðs er haft eftir Magn-
úsi Oddssyni, sem er kjörinn
fulltrúi Norður-Evrópu í ráðinu, að
umræðan á föstudag hafi snúist
„um hvernig aðalvetrarvara Mið-
Evrópu, sem byggist á snjó og er
stór hluti af ímynd þess svæðis,
kallar nú á þróun og ef til vill alger-
lega nýja vetrarvöru á þessu svæði,
þegar snjórinn er að hverfa hratt.“
Breytingar á
ferðatilhögun
Magnús Oddsson
SKIPULAGSSTOFNUN hefur bor-
ist tillaga Leiðar ehf. að matsáætl-
un vegna mats á umhverfisáhrifum
vegar við Svínavatn í Húnavatns-
hreppi og Blönduóssbæ. Hægt er að
nálgast upplýsingar og tillögu að
matsáætlun á heimasíðu Náttúru-
stofu Vestfjarða: www.nave.is.
Stefnt er að því að ákvörðun
Skipulagsstofnunar um tillögu
framkvæmdaraðila að matsáætlun
muni liggja fyrir 19. júlí 2007.
Matsáætlun
VINSTRIHREYFINGIN – grænt
framboð hefur stofnað stýrihóp um
sjávarútvegsmál sem mun fylgjast
grannt með þróun sjávarútvegs-
mála á næstunni. Atli Gíslason,
fulltrúi Vinstri grænna í sjávar-
útvegs- og landbúnaðarnefnd Al-
þingis, leiðir hópinn en aðrir
fulltrúar eru Álfheiður Ingadóttir,
Björn Valur Gíslason, Ingibjörg
Inga Guðmundsdóttir, Bjarni Jóns-
son, Ásbjörn Björgvinsson og Hjör-
leifur Guttormsson.
Stýrihópur
DREGIÐ hefur verið úr gildum um-
sóknum um lóðir í Úlfarsárdal.
Reiknistofnun Háskóla Íslands ann-
aðist útdráttinn að viðstöddum full-
trúa sýslumannsins í Reykjavík og
voru dregnar út 148 umsóknir, þar
af 33 umsóknir til vara.
Þessir umsækjendur hafa nú
fengið valnúmer, sem segir til um í
hvaða röð þeir velja sér lóðir, og fer
val á lóðum fram á sérstökum val-
fundum á þriðjudag og miðviku-
dag. Samtals bárust 378 umsóknir
um lóðir að þessu sinni. Lista yfir
þá sem dregnir voru út og nánari
upplýsingar má finna í frétt á vef
Framkvæmdasviðs.
Úlfarsárdalur