Morgunblaðið - 23.06.2007, Síða 42

42 LAUGARDAGUR 23. JÚNÍ 2007 MORGUNBLAÐIÐ
MESSUR Á MORGUN
AKUREYRARKIRKJA: | Sunnudagur 24.
júní. Guðsþjónusta kl. 11. Sr. Sólveig
Halla Kristjánsdóttir. Félagar úr Kór Ak-
ureyrarkirkju syngja. Organisti er Arnór
B. Vilbergsson. Kvöldkirkja: Æðruleys-
ismessa kl. 20. Athugið breyttan tíma.
Sr. Jóna Lísa Þorsteinsdóttir. Arna Vals-
dóttir, Stefán Ingólfsson og Baldvin
Ringsted sjá um tónlistina. Eftir messu
verður fundur í safnaðarheimilinu um fyr-
irhugaða messuferð til Gran Canaria í
vetur.
ÁRBÆJARKIRKJA: | Guðsþjónusta kl.
11. Sr. Þór Hauksson prédikar og þjónar
fyrir altari. Peter Maté organisti. Kirkju-
kórinn leiðir almennan safnaðarsöng.
Kirkjukaffi á eftir.
ÁSKIRKJA: | Messa kl. 11. Kór Áskirkju
syngur, organisti Kári Þormar. Guðsþjón-
usta á Hjúkrunarheimilinu Skjóli kl. 13.
Félagar úr Kór Áskirkju syngja, við hljóð-
færið Kári Þormar.
ÁSKIRKJA í Fellum: | Messa sunnudag-
inn 24. júní kl. 14. Fermd verða: Bergdís
Sigfúsdóttir, Árskógum 30, Egilsstöðum;
Lilja Vigfúsdóttir, Háafelli 2, Fellabæ;
Védís Vaka Vignisdóttir, Brúarlandi,
Fellabæ; Ísak Steingrímsson, Keldu-
skógum 4, Egilsstöðum; Viktor Stein-
grímsson, Kelduskógum 4, Egilsstöðum.
Sóknarpresturinn, Lára G. Oddsdóttir,
prédikar og þjónar fyrir altari. Organisti
er Drífa Sigurðardóttir og kór kirkjunnar
syngur. Allir velkomnir.
BREIÐHOLTSKIRKJA: | Messa kl. 11.
Prestur sr. Gísli Jónasson. Félagar úr
Söngsveitinni Fílharmóníu syngja. Org-
anisti Jón Bjarnason.
BÚSTAÐAKIRKJA: | Sunnudagurinn 24.
júní. 3 sunnudagur eftir þrenningarhátíð.
Messa klukkan 11. Organisti: Renata Iv-
an. Kór Bústaðakirkju syngur. Molasopi
eftir messu.
DÓMKIRKJAN: | Kl. 11 messa. Sr. Jak-
ob Ágúst Hjálmarsson prédikar. Dómkór-
inn syngur, organisti er Kjartan Sig-
urjónsson. Kl. 20. Æðruleysismessa.
Sr. Jakob Ágúst Hjálmarsson prédikar,
ásamt honum þjóna sr. Hjálmar Jónsson
og sr. Karl V. Matthíasson. KK og Ellen
sjá um tónlistina.
EIÐAKIRKJA: | Kvöldmessa kl. 20.30.
Sr. Ólafur Jóhann Borgþórsson prédikar.
Allir velkomnir.
FÍLADELFÍA: | English service at 12:30.
Almenn samkoma kl. 16.30. Ræðum.
Jón Þór Eyjólfsson. Gospelkór Fíladelfíu
leiðir söng. Fyrirbænir í lok samkomu.
Barnakirkjan hefst aftur 26. ág. Allir vel-
komnir. Bein útsending á Lindinni og
www.gospel.is. Samkoma á Omega kl.
20.
FRÍKIRKJAN í Reykjavík: | Kvöldmessa
kl. 20. Þema kvöldsins eru lækningar
Krists og heilun trúarinnar. Heiða Árna-
dóttir syngur einsöng, en safnaðarsöng
leiða Aðalheiður og Erla Berglind. Les-
arar eru Friðbjörg og Guðný Helga frá
Kærleikssetrinu. Ása Björk Ólafsdóttir
leiðir messuna og prédikar. Altarisganga
og smurning.
FRÍKIRKJAN KEFAS | Almenn samkoma
kl. 20. Sigrún Einarsdóttir prédikar. Á
samkomunni verður mikil lofgjörð og
brauðsbrotning, þar sem öllum er vel-
komið að taka þátt, verður í lok hennar.
Kaffi og samvera eftir samkomuna.
GRAFARVOGSKIRKJA: | Ferming-
armessa kl. 11. Prestur: séra Vigfús Þór
Árnason. Kór Grafarvogskirkju syngur.
Organisti: Bjarni Þór Jónatansson. Ferm-
ingarbörn: Ástríður Guðrún Einarsdóttir,
Hólmfríður Guðlaug Einarsdóttir, Dverg-
holti 19. Ástrós Hera Guðfinnsdóttir, Sí-
lakvísl 16. Sesselía Rán Sigurðardóttir,
Klappahlíð 30.
GRENSÁSKIRKJA: | Sunnudagur 24.
júní. Guðsþjónusta kl. 11. Samskot til
UNICEF. Kirkjukór Grensáskirkju syngur.
Organisti Árni Arinbjarnarson. Prestur
sr. Ólafur Jóhannsson. Molasopi að lok-
inni guðsþjónustu.
HAFNARFJARÐARKIRKJA: | Morgun-
söngur kl. 11. Ræðuefni: Jónsmessan.
Prestur sr. Þórhallur Heimisson. Org-
anisti Guðmundur Sigurðsson.
HALLGRÍMSKIRKJA: | Laugard. Hádeg-
istónleikar kl. 12. Björn Steinar Sól-
bergsson. Sunnud. Messa kl. 11. Sr.
Birgir Ásgeirsson prédikar og þjónar fyrir
altari. Messuþjónar aðstoða. Félagar úr
Mótettukór syngja. Organisti Björn
Steinar Sólbergsson. Klukkan 14, ensk
messa í umsjá sr. Bjarna Þórs Bjarna-
sonar. Organisti Björn Steinar Sólbergs-
son. Forsöngvari Guðrún Finnbjarn-
ardóttir. Messukaffi. Sumarkvöld við
orgelið kl. 20. Björn Steinar Sólbergs-
son leikur.
HJALLAKIRKJA: | Messa kl. 11. Skírn
og ferming. Sr. Sigfús Kristjánsson þjón-
ar. Félagar úr kór kirkjunnar syngja og
leiða safnaðarsöng. Organisti Jón Ólafur
Sigurðsson. Við minnum á bæna- og
kyrrðarstund á þriðjudag kl. 18 (sjá
einnig á www.hjallakirkja.is).
HJÁLPRÆÐISHERINN á Akureyri: |
Sunnudaginn 24. júní kl. 17 almenn
samkoma í umsjá Níelsar Jakobs Erl-
ingssonar og fjölskyldu. Allir eru vel-
komnir.
HÓLADÓMKIRKJA | Sunnudagur 24.
júní. Kaþólski dagurinn kl. 11. Messa,
Gunnar Eyjólfsson, leikari, predikar, Jón
Aðalsteinn Baldvinsson, vígslubiskup,
þjónar fyrir altari. Organisti Örn Magn-
ússon. Forsöngvari Marta Halldórs-
dóttir. Kl. 14. Dagskrá í Auðunarstofu:
Kaþólski arfurinn í ,,himnalagi“ á 17.
öld. Umsjón Örn Magnússon og Marta
Halldórsdóttir sem leika á gömul hljóð-
færi, syngja og segja frá tónlistararfi
Hólastaðar.
ÍSLENSKA KRISTSKIRKJAN: | Sam-
koma kl. 20 með mikilli lofgjörð, vitn-
isburði og fyrirbænum. Friðrik Schram
predikar.
KIRKJA JESÚ KRISTS hinna síðari daga
heilögu, Mormónakirkjan: | Ásabraut 2,
Garðabæ. Sunnudaga: kl. 11.15 sakra-
mentissamkoma, kl. 12.30 sunnudaga-
skóli, kl. 13.15 félagsfundir. Þriðjudaga:
kl. 17.30 trúarskóli, kl. 18 ætt-
fræðisafn opið, kl. 18.30 unglingastarf.
Allir eru alltaf velkomnir. www.mormon-
ar.is.
KIRKJUBÆJARKIRKJA | Messa kl. 14.
Fermdar verða: Guðný Rós Þórhalls-
dóttir, Faxatröð 1, Helga Rún Stein-
arsdóttir, Hallfreðarstöðum og Karitas
Hvönn Baldursdóttir, Kirkjubæ.
KÓPAVOGSKIRKJA: | Helgistund kl. 11.
Að henni lokinni hefst sumarferð kirkj-
unnar. Farið verður austur í Rangárþing
ekið um Landveg og Þingskálaveg og
áhugaverðir staðir skoðaðir. Heimkoma
er áætluð á milli kl. 18 og 19.
LANDSPÍTALI – háskólasjúkrahús:
Hringbraut | Guðsþjónusta kl. 10.30.
Sr. Ingileif Malmberg, organisti Birgir Ás
Guðmundsson.
LANGHOLTSKIRKJA: | Messa kl. 11.
Prestur sr. Arna Ýrr Sigurðardóttir. Org-
anisti Ólafur W. Finnsson. Félagar úr Kór
Langholtskirkju leiða söng. Kaffisopi
eftir stundina. Síðasta messan fyrir
sumarleyfi. Í júlímánuði þjónar sókn-
arprestur Bústaðakirkju Langholts-
prestakalli. Einnig er bent á messur í
Bústaðakirkju.
LAUGARNESKIRKJA: | Síðasta kvöld-
guðsþjónustan fyrir sumarleyfi verður kl.
20 á morgun. Sigurbjörn Þorkelsson,
framkvæmdastjóri og meðhjálpari kirkj-
unnar, heldur utan um guðsþjónustuna,
prédikar og leiðir bænir. Sólveig og
María lesa ritningarlestrana. Organisti
verður Reynir Jónasson og kirkjukórinn
leiðir sönginn.
NESKIRKJA: | Messa kl. 11. Félagar úr
Kór Neskirkju leiða safnaðarsöng. Org-
anisti Steingrímur Þórhallsson. Sr. Sig-
urður Árni Þórðarson prédikar og þjónar
fyrir altari. Kaffi og spjall á Torginu eftir
messu.
ÓHÁÐI SÖFNUÐURINN: | Gúllasguðs-
þjónusta kl. 11.
SAFNKIRKJAN Í ÁRBÆJARSAFNI |
Jónsmessuguðsþjónusta kl. 14. Sigrún
Steingrímsdóttir organisti stjórnar al-
mennum safnaðarsöng. Kristinn Ágúst
Friðfinnsson.
SELFOSSKIRKJA: | Messa kl. 11. Léttur
hádegisverður eftir athöfnina.
Síra Úlfar Guðmundsson á Eyrarbakka,
prófastur Árnesprófastsdæmis, messar
í sumarleyfi sóknarprests. Sr. Gunnar
Björnsson.
SELJAKIRKJA: | Sunnudagur 24. júní.
Guðsþjónusta í Skógarbæ kl. 16. Sr.
Bolli Pétur Bollason prédikar. Guðsþjón-
usta kl. 20. Sr. Bolli Pétur Bollason pré-
dikar. Kór Seljakirkju leiðir sönginn. Org-
anisti Jón Bjarnason.
SELTJARNARNESKIRKJA: | Guðsþjón-
usta kl. 11. Kammerkór kirkjunnar leiðir
sálmasöng og messusvör. Organisti er
Pavel Manasek. Sr. Hans Markús Haf-
steinsson predikar og þjónar fyrir altari.
Verið hjartanlega velkomin. Molasopi
eftir guðsþjónustuna. Minnum á heima-
síðu kirkjunnar: www. seltjarnar-
neskirkja.is
SKÁLHOLTSDÓMKIRKJA: | Messa
sunnudag 24. júní kl. 14. Sr. Egill Hall-
grímsson annast prestsþjónustuna.
Skálholtskórinn syngur. Einsöngvari
Margrét Stefánsdóttir. Jóhann Stef-
ánsson leikur á trompet. Organisti Hilm-
ar Örn Agnarsson. Sóknarprestur.
SÓLHEIMAKIRKJA |
Messa á sunnudag, 24. júní. kl. 14. Sr.
Rúnar Þór Egilsson.
VEGURINN kirkja fyrir þig | Samkoma í
Veginum að Smiðjuvegi 5 kl. 19, Erna
Eyjólfsdóttir predikar, lofgjörð, fyrirbænir
og samfélag eftir samkomu í kaffisal.
Allir hjartanlega velkomnir.
VÍDALÍNSKIRKJA: | Miðnætur-
Jónsmessa kl. 23. Hefst milli Tónlistar-
skólans og Hofstaðarústa ef veður leyf-
ir. Minnst fæðingar Jóhannesar skírara,
skírnar Jesú og skírnarinnar. Félagar úr
kór Vídalínskirkju leiða sönginn, Jóhann
Baldvins sér um undirleik Friðrik Hjartar
og Nanna Guðrún djákni þjóna. Sjá
www.gardasokn.is
VÍÐISTAÐAKIRKJA í Hafnarfirði: | Helgi-
stund á sumarkvöldi sunnudaginn 24.
júní, kl. 20. Kór Víðistaðasóknar syngur
létta söngva undir stjórn Guðmundar
Sigurðssonar. Allir velkomnir
ÞINGVALLAKIRKJA | Á Jónsmessu, 24.
júní verður fyrsta útiguðsþjónusta sum-
arsins á Þingvöllum. Messað verður á
Spönginni kl. 14 og minnst kristnitök-
unnar árið 1000.
Gengið er frá bílastæðinu við Flosagjá.
Reynir Jónasson leikur á harmonikku.
Prestur sr. Kristján Valur Ingólfsson.
Morgunblaðið/Ómar
Mosfellskirkja
Guðspjall dagsins:
Hinn týndi sauður.
Lúk. 15.
✝ Kristín ÁsaEngilberts-
dóttir fæddist í
Súðavík 11. októ-
ber 1925. Hún lést
á sjúkrahúsinu í
Neskaupstað 12.
júní síðastliðinn.
Foreldrar hennar
voru Ása Val-
gerður Eiríks-
dóttir, f. 4.10.
1901, d. 9.11. 1966,
og Engilbert Þórð-
arson, f. 29.7. 1902,
d. 24.1. 1965.
Kristín var þriðja elsta af 11
systkinum, hin eru Lárus, lát-
inn, Sólveig, látin, Jörundur,
látinn, Sólrún, Hulda, Agnes,
Jóhannes, Hildigunnur, látin,
Páll og Hafsteinn.
Kristín giftist 31.5. 1947
Steingrími Ingimundarsyni frá
Djúpavogi, f. 4.6. 1925. For-
eldrar hans voru Steinunn Tóm-
asdóttir, f. 4.2. 1890, d. 22.6.
1985, og Ingimundur Stein-
grímsson, f. 14.3. 1881, d. 4.7.
1964. Börn Kristínar og Stein-
gríms eru: 1) Ingimundur, f.
16.11. 1948, sambýliskona Arn-
heiður Kristinsdóttir, f. 21.4.
1940, þau eru bú-
sett á Akureyri. 2)
Freyr, f. 3.12.
1949, d. 1.4. 2006,
kvæntur Drífu
Ragnarsdóttur, f.
30.1. 1953, þau eru
búsett á Djúpavogi.
3) Óskar, f. 15.1.
1951, sambýliskona
Sólrún Sverr-
isdóttir, f. 23.2.
1955, þau eru bú-
sett á Reykhólum.
4) Hafsteinn, f. 5.6.
1962, sambýliskona
Kristbjörg Eiríksdóttir, f. 2.8.
1969, þau eru búsett á Djúpa-
vogi. 5) Ragnhildur, f. 9.3. 1964,
sambýlismaður Vilberg M. Ár-
mannsson, f. 23.1. 1953, þau eru
búsett í Hafnarfirði. Barnabörn
Kristínar og Steingríms eru níu
og barnabarnabörnin átta.
Kristín ólst upp í Súðavík en
flutti með eiginmanni sínum á
Djúpavog 1947 og bjó þar alla
tíð síðan. Auk húsmóðurstarfa
vann hún ýmis störf, lengst af
hjá Pósti og síma.
Útför Kristínar verður gerð
frá Djúpavogskirkju í dag og
hefst athöfnin klukkan 11.
Elsku amma.
Nú er komið að kveðjustund og
við það rifjast upp svo margar
góðar minningar. Það var alltaf
svo gaman að koma í heimsókn til
ykkar afa niður í „Símstöð“ þar
sem þið bjugguð svo lengi. Við
fengum að leika okkur með gömlu
símstöðvartækin (svo) klukkutím-
um saman og þykjast vera að
hringja í hina og þessa og gefa
samband. Einnig var fataherberg-
ið vinsælt og var það vanalega lagt
í rúst við heimsóknir okkar enda
var allt mátað og ykkur sýnt. Lita-
kassinn góði, sem geymdur var í
kústaskápnum ásamt blöðum til að
lita á og teikna, var vinsæll þegar
við komum í heimsókn. Einnig
varstu snillingur að spila danskan
(veggjabolta) og eyddir ótrúlegum
tíma í að kenna okkur, en aldrei
náðum við hafa 3 bolta í einu eins
og þú fórst svo létt með. Alveg
ótrúlegt hvað þú gast verið þol-
inmóð við okkur. Það var aldrei
neitt vandamál, í minningunni var
allt leyfilegt.
Svo munum við eftir þegar þið
afi komuð heim úr ferðalögum
ykkar um allan heim. Þá voru
myndir af fjarlægum stöðum skoð-
aðar og ávallt gotterí frá útlöndum
í skál. Þetta var svo mikill lúxus.
Ekki laust við að þessi ferðalög
ykkar hafi opnað fyrir okkur
systrum lítið sýnishorn inn í þenn-
an stóra heim og kveikt í okkur
ferðaáhugann.
Þú varst nú enginn venjuleg
amma. Ekki man maður eftir að
koma í heimsókn og þú værir að
hlusta á gömlu gufuna í útvarpinu.
Nei, yfirleitt var það Bubbi Mort-
hens sem hljómaði í tækinu. Þú
varst alltaf svo ung í anda.
Kannski voru það daglegar göngu-
ferðir þínar sem virkuðu sem
töfralyf á þig. Þú varst alltaf svo
glöð og jákvæð. Aldrei höfum við
heyrt þig kvarta, þú hafðir þann
einstaka hæfileika að sjá alltaf það
góða í hlutum og aðstæðum og
vera bjartsýn. Það er svo mikill
kostur og það var svo stór partur
af því hver þú varst. Þetta eru líka
eiginleikar sem við systurnar höf-
um reynt að temja okkur í lífinu.
Þessi ótrúlega bjartsýni og lífs-
gleði.
Takmarkið var alltaf að vera
hærri en amma þegar við vorum
að vaxa úr grasi. Það er því fyndið
að hugsa til baka. Jú, við syst-
urnar náðum allar því markmiði að
vaxa og verða hærri en þú. Það
var kannski eftir á að hyggja ekki
svo erfitt takmark þar sem þú
varst rétt um 160 cm, en því
stærri persóna og ætli það hafi
ekki bara villt okkur sýn sem
börnum. Þú varst svo ótrúlega
stór í okkar augum af því að þú
varst svo mikill persónuleiki að ef
persónuleiki þinn hefði verið
mældur hefðir þú sennilega skag-
að hátt í 2 metrana ef ekki meir.
Þessi ótrúlega smitandi hlátur,
þetta brosmilda andlit og þessi
sterki persónuleiki sem var á bak
við þetta allt. Þú varst hreint út-
sagt alveg stórkostleg amma, og
við erum svo stoltar af því að hafa
átt þig sem ömmu.
Núna kveðjum við þig með sökn-
uði og þökkum þér fyrir allar ynd-
islegu samverustundirnar. Við vit-
um að núna ertu hjá pabba og þið
munuð vaka yfir okkur.
Við elskum þig, amma,
Takk fyrir allt,
Þínar
Rán, Dröfn og Alfa.
Kristín Ása
Engilbertsdóttir
MINNINGAR
Minningarkort
535 1825
www.hjarta.is 5351800