Morgunblaðið - 29.07.2007, Page 2

2 SUNNUDAGUR 29. JÚLÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÞÆR voru fljótar að forða sér, dúfurnar svöngu, þegar
laganna verði bar að garði þar sem góðhjartaðir veg-
farendur köstuðu fyrir þær brauðmolum. Af fjaðrafok-
inu að dæma mætti ætla að þær hefðu óhreint mjöl í
pokahorninu, en kannski vildu þær gefa lögreglukon-
unum jafnan skerf af veisluföngunum. Dúfur eru dag-
leg sjón í mörgum borgum Evrópu en í Reykjavík hefur
ekki borið mikið á þeim eftir að meindýraeyðar borg-
arinnar tóku til hendinni við að fækka þeim. Árið 2003
voru þær hins vegar friðaðar.
Morgunblaðið/Júlíus
Vængjasláttur við veisluborð dúfunnar
Eftir Ylfu Kristínu K. Árnadóttur
ylfa@mbl.is
MIKILL meiri-
hluti innlendra
sem erlendra
ferðamanna er
tilbúinn að greiða
aðgangseyri að
vinsælustu ferða-
mannastöðum
landsins, að því
gefnu að pening-
arnir renni til
uppbyggingar og viðhalds staðanna.
Þetta segir María Reynisdóttir en
hún skrifaði mastersritgerð í ferða-
málafræði sem fjallaði um gjaldtöku
á ferðamannasvæðum.
Í könnun sem hún lagði fyrir 252
innlenda sem erlenda ferðamenn við
Gullfoss og Skaftafell árið 2004 kom
í ljós að 92% þeirra voru tilbúin að
greiða hóflegt gjald sem miðað við
gestafjölda ársins 2003 hefði skilað
stöðunum rúmlega 100 milljónum.
Fjöldi ferðamanna hefur aukist
töluvert síðan þá.
Ekki til að fækka ferðamönnum
Aukinn straumur ferðamanna
hingað til lands hefur verið nokkuð í
umræðunni að undanförnu og hefur
verið stungið upp á gjaldtöku á vin-
sælustu stöðunum til að takmarka
fjöldann. María telur ekki rétt að
nota gjaldtökuna til að draga úr
fjölda ferðamanna þar sem eitt
markmið t.d. þjóðgarða sé að veita
fólki aðgengi að náttúrunni og því
gæti takmörkun gesta gengið gegn
því markmiði. Aðgangseyrinn ætti
að nota til að fjármagna viðhald og
uppbyggingu þeirra staða sem vant-
ar fjármagn. Að mati Maríu er vissu-
lega takmarkað hve mörgum gest-
um hver staður getur tekið á móti en
það sé engin endanleg tala. Teygst
geti á þolmörkunum; því betur sem
hægt sé að viðhalda stað þeim mun
fleiri gestum sé hægt að taka á móti.
Gjaldtaka algeng annars staðar
Stefna stjórnvalda er sú að reyna
að dreifa ferðamönnum um landið í
því skyni að minnka álagið á vissum
stöðum, segir María. Undirbúa þarf
aðra staði fyrir komu ferðamanna,
„og þá vaknar sú spurning hvaðan
þeir peningar eiga að koma. Ætlar
ríkið að veita meiri peninga í und-
irbúninginn eða er gjaldtaka
kannski leið?“ Hún segir gjaldtöku
algenga t.d. í Bandaríkjunum, Kan-
ada og Nýja-Sjálandi og er fólk þar
vant því að borga hóflegt gjald inn á
flesta staði.
Ef gjaldtaka yrði tekin upp þyrfti
að byrja á vinsælustu stöðunum, t.d.
Gullfossi, Skaftafelli og Geysi, telur
María. En hún segir fyrirkomulagið
ekki gallalaust. „Við erum með mjög
opið landslag. Kannski þyrfti að
reisa girðingar sem gæti haft nei-
kvæð sjónræn áhrif en það þyrfti að
kanna þetta nánar.“ Að lokum segir
María grundvöll vera fyrir frjáls
framlög. „Fólk er greinilega viljugt
til að borga að gefnu því skilyrði að
peningarnir fari til staðarins. Ég er
dálítið hissa á því að það sé ekki
byrjað á þessu. Með litlum tilkostn-
aði væri mjög auðvelt að búa til
frjálst framlagakerfi.“
 Flestir ferðamenn eru reiðubúnir að greiða aðgangseyri inn á vinsælustu ferðamannasvæðin fari
féð í viðhald staðanna  Staðir yrðu í betra ástandi til að taka á móti auknum fjölda ferðamanna
Gjald inn á ferðamannastaði raunhæft
Morgunblaðið/RAX
Gjaldtaka? Í framtíðinni gæti þurft
að greiða fyrir að sjá Gullfoss.
María Reynisdóttir
ELDUR kviknaði í ruslageymslu
við Hrísrima í Grafarvogi aðfara-
nótt laugardags. Fjórar íbúðir
eru í húsinu og voru íbúar sof-
andi þegar eldurinn kom upp en
engin slys urðu á fólki. Lög-
reglumenn héldu eldinum niðri
með slökkvitækjum þar til
slökkviliðið kom á staðinn og
slökkti eldinn áður en hann barst
í húsið sjálft. Reykræsta þurfti
tvær íbúðir. Eldsupptök eru óljós
en að sögn lögreglu er talið lík-
legt að hann hafi kviknað af
mannavöldum.
Flugdólgar í Keflavík
TVEIR menn á fimmtugsaldri
létu ófriðlega í flugvél Icelandair
fyrir flugtak síðdegis á laug-
ardag og þurfti lögreglan á Suð-
urnesjum að fjarlægja þá úr vél-
inni. Mennirnir, sem hafa erlent
ríkisfang, voru mjög ölvaðir að
sögn lögreglu. Þeir fengu ekki að
fara með vélinni, sem var á leið
til Kaupmannahafnar, heldur
voru þeir færðir á lögreglustöð
til skýrslutöku og var annar
þeirra látinn sofa úr sér áður en
honum var sleppt. Ekki urðu tafir
á flugi vegna uppákomunnar.
Kviknaði í
ruslageymslu
HERÞOTUR frá ríkjum Atlants-
hafsbandalagsins (NATO) munu
koma hingað til lands a.m.k. fjórum
sinnum á ári, samkvæmt áætlun um
reglubundið eftirlit með lofthelgi Ís-
lands sem fastaráð Atlantshafs-
bandalagsins samþykkti síðastliðinn
fimmtudag. Flugsveitir bandalags-
þjóða verða þá hér um tíma til æf-
inga og eftirlits, að því er sagði í
Blaðinu í gær.
Talið er að viðkomandi ríki muni
standa straum af kostnaði við að
senda flugvélar sínar hingað til
lands en að Íslendingar greiði fyrir
gistingu og uppihald flugáhafna á
öryggissvæðinu á Keflavíkurflug-
velli, tæknilega aðstoð á flugvellin-
um o.fl.
Áframhaldandi rekstur íslenska
loftvarnakerfisins, sem ratsjár-
stöðvarnar eru m.a. hluti af, og
tenging þess við sameiginlegt loft-
varnakerfi bandalagsins er forsenda
þess að eftirlitið geti farið fram.
Áætlun
NATO um
eftirlit
Flugsveitir koma
ársfjórðungslega
Fáskrúðsfjörður | Franskir dagar
voru settir með formlegum hætti á
Fáskrúðsfirði á föstudagskvöld en
þetta er í tólfta sinn sem hátíðin
er haldin. Á fimmtudag var þó far-
in svokölluð kennderísganga um
bæinn og nokkrar sýningar opn-
aðar.
Við formlega opnun á föstudag
var kveiktur varðeldur og sunginn
brekkusöngur. Bæjarstjóri
Fjarðabyggðar, Helga Jónsdóttir,
ávarpaði einnig gesti svo og full-
trúa frá vinabænum Gravelines í
Frakklandi sem viðstaddir voru og
bauð þá velkomna á hátíðina.
Þökkuðu þeir fyrir sig og sungu
lög á frönsku. Mikill fjöldi var
saman kominn við varðeldinn og
söng fram eftir kvöldi.
Í tengslum við Franska daga er
það orðinn fastur liður að haldnir
eru tónleikar í Fáskrúðsfjarð-
arkirkju þar sem Bergþór Pálsson
kemur með góða gesti. Í þetta
sinn voru með honum Sigrún
Hjálmtýsdóttir og Anna Guðný
Guðmundsdóttir og sungu þau lög
við ljóð Páls Ólafssonar o.fl. Há-
tíðinni lýkur í dag, sunnudag.
Mikill fjöldi
viðstaddur
varðeld
Franskir dagar haldnir á Fáskrúðsfirði í tólfta sinn
Morgunblaðið/Albert Kemp
ALÞJÓÐLEGT samráðsþing um
jarðveg, samfélög og hnattrænar
breytingar verður haldið hér á landi
31. ágúst til 4. september nk. Land-
græðsla ríkisins efnir til þingsins í
tilefni af aldarafmæli landgræðslu á
Íslandi. Meðal samstarfsaðila Land-
græðslunnar við þinghaldið eru
Landbúnaðarháskóli Íslands, Há-
skóli Íslands og Bændasamtök Ís-
lands. Einnig koma margar alþjóð-
legar stofnanir og samtök að þinginu
líkt og Háskóli Sameinuðu þjóðanna,
Þróunarstofnun SÞ og Alþjóðlegu
bændasamtökin.
Engin þjóð virðist hafa starfað
lengur samfellt að landgræðslu og
stöðvun jarðvegseyðingar en Íslend-
ingar, samkvæmt upplýsingum
Landgræðslunnar. Þykir þekking og
reynsla hérlendis af baráttu við land-
eyðingu og uppbyggingu vistkerfa,
sem skapast hefur á hundrað árum,
vera einstök í heiminum.
Megintilgangur samráðsþingsins
er að ræða mikilvægi jarðvegsvernd-
ar og aukins landgræðslustarfs á
heimsvísu. Þannig má vinna að sam-
eiginlegum markmiðum alþjóðasam-
félagsins um varnir gegn loftslags-
breytingum, uppblæstri og myndun
eyðimarka. Einnig markmiðum um
verndun líffræðilegrar fjölbreytni,
betri landkosti og aukið fæðuöryggi
fyrir jarðarbúa. Vinnuhópar munu
skila tillögum um leiðir að þessum
markmiðum og verða niðurstöðurn-
ar víða kynntar. Fyrsta kynningin
verður á aðildarþingi samnings SÞ
um varnir gegn eyðimerkurmyndun
(UNCCD).
Til þingsins er boðið innlendum og
erlendum sérfræðingum og fulltrú-
um alþjóðlegra stofnana og samtaka.
Reiknað er með um 100 erlendum og
40 innlendum þátttakendum. M.a.
munu forstjóri Samnings SÞ um
vernd líffræðilegrar fjölbreytni og
aðstoðarforstjóri bandarísku land-
græðslunnar flytja þar erindi.
Alþjóðlegt þing
um landgræðslu