Morgunblaðið - 22.09.2007, Síða 46

Persónurnar eru vissu-
lega svo fráhrindandi
og illa gerðar að þær eiga
ekki betri leik skilið … 52
»
reykjavíkreykjavík
S
æl, þetta er Katie.“ Í sím-
anum er flauelsmjúk rödd
sem talar ensku. Tölustaf-
irnir á símtækinu sýna að
þetta er breskt númer. Ég
segi halló. Röddin á línunni segir aft-
ur halló. Sekúndubroti áður en ég
missi út úr mér „Katie – hvaða Ka-
tie?“ legg ég saman tvo og tvo. „Katie
Melua? Einmitt, sæl. Ha, já. Þetta
var nú óvænt. Hvað segir þú gott?“
Tímasetning viðtalsins hefur eitt-
hvað ruglast, ég taldi það eiga að fara
fram fimm dögum síðar. Röddin á lín-
unni er hins vegar vinaleg og róleg og
til í að hinkra meðan ég tengi upp-
tökutækið. Þetta reddast.
Ímyndaður Quentin Tarantino
Það hlýtur að liggja beint við að
byrja á að ræða nýju plötuna. Af
hverju heitir hún Pictures?
„Upprunalega hugmyndin var að
búa til „concept“-plötu. Platan átti að
hafa söguþráð og þetta áttu að vera
lög fyrir ímyndaða Quentin Tarant-
ino-mynd. Þegar við byrjuðum að
semja pössuðu sum af bestu lögunum
hins vegar ekki alveg við þessa hug-
mynd, þannig að við hættum við
þetta. Við enduðum samt á því að
hafa sum laganna með eins konar
kvikmyndaþráð. Textarnir í öðrum
eru mjög sjónrænir, þannig að okkur
fannst nafnið Pictures eiga vel við.“
Þegar Katie segir „við“ á hún við
sig og framleiðandann og samstarfs-
manninn Mike Batt sem gerði hinar
plöturnar með henni.
„Tónlistarlega séð er þessi plata
ólík hinum. Hún er fjölbreyttari og
þetta er náttúrlega í fyrsta skipti sem
við höfðum ákveðið „concept“ í huga
þegar við byrjuðum,“ segir hún. Ka-
tie og Mike semja flest lögin á plöt-
unni en síðasta lagið er lag Leonards
Cohens, In my secret life.
Fjórum árum eftir að platan Call
off the Search skaut Katie Melua upp
á stjörnuhimininn hefur hún selt
meira en 7,5 milljónir platna og var í
fyrra söluhæsta evrópska tónlist-
arkonan í heiminum.
Hann yfirmaður, hún sæt
Katie er frá Georgíu en er í dag
breskur ríkisborgari. Hún fluttist til
Írlands þegar hún var átta ára og síð-
ar til London, og varð hún 23 ára um
síðustu helgi. Í gegnum símann
hljómar hún samt eins og hún sé
mörgum árum eldri.
Katie segist væntanlega hefja tón-
leikaferðalag í janúar til að fylgja
plötunni eftir. Ætlar hún að spila á Ís-
landi?
„Já, ég væri þvílíkt til í að koma til
Íslands. Vonandi geri ég það. Ég veit
samt ekki enn í hvaða löndum og ná-
kvæmlega hvar ég mun koma fram.“
Katie spilaði í Laugardalshöllinni í
apríl í fyrra og segist í sömu ferð hafa
náð að smella sér í Bláa lónið. „Það
var æðislegt. En það væri líka frá-
bært að sjá meira af landinu.“
Breska pressan er ekki þekkt fyrir
að taka fræga fólkið neinum vett-
lingatökum. Hefur Katie lent illa í
því?
„Ég er fyrst og fremst þekkt fyrir
tónlistina mína og get venjulega farið
um án þess að þekkjast í sjón eða
vera með ljósmyndara á hælunum.
Fjölmiðlar hafa ekki fjallað mikið um
einkalíf mitt og ég get lifað þokkalega
venjulegu lífi,“ segir hún en bætir við
að hún hafi hins vegar ekki mikla
stjórn á því sem er skrifað um hana,
til dæmis eftir viðtöl.
„Maður getur haft ákveðin áhrif á
umfjöllunina en fjölmiðlar geta hins
vegar magnað hitt og þetta upp og
ýkt hlutina. Það er dálítið skrýtið og
stundum erfitt. En maður verður
bara að sætta sig við að maður getur
ekki stjórnað þessu. Blaðamennirnir
eru guðlegir því það eru þeir sem
halda á pennanum. Þeir geta skrifað
það sem þeir vilja.“
Ég umla eitthvað og finnst ég allt
annað en guðleg þar sem ég sit við
símtækið og naga pennann.
– Hvað hefur til dæmis verið skrif-
að um þig sem er ýkt eða ekki alveg
rétt?
„Ja, margir hafa þá ímynd af mér
að ég sé svona feimna stelpan í næsta
húsi sem syngur hugljúf og þægileg
lög. Ég veit alveg hvaðan fólk hefur
þá hugmynd – ég sé alveg hvernig
hægt er að álykta það af tónlistinni
minni, ef menn vita ekkert um mig.
Fjölmiðlar hafa líka þessa mynd af
mér. En hún er ekkert nákvæm eða
lýsandi fyrir það hver ég er. Og
myndin af mér í fjölmiðlum verður
það auðvitað aldrei. Hvernig á ein-
hver að geta vitað hvernig önnur
manneskja er eftir hálftímalangt við-
tal? Auðvitað kæmi ég alltaf vel fram
við blaðamenn!“
Katie segir bresku pressuna ekki
endilega vera að búa til ímynd af sér
sem ekki eigi sér neina stoð í veru-
leikanum, en myndin sem dregin sé
upp sé hins vegar ekki alveg rétt.
„Vegna þess að ég vinn með Mike
heldur fólk oft að hann sé voða mikið
yfirmaðurinn og ég bara unga, sæta
stelpan sem fylgi honum. Það hefur
reyndar minnkað aðeins eftir því sem
plöturnar verða fleiri.“
Katie áréttar að hún taki samt ekki
of bókstaflega því sem um hana sé
skrifað. „Ég er reyni bara að búa til
eins góða tónlist og ég mögulega get.“
Elskar tónlistina
Katie stendur í flutningum þessa
dagana. Hún er að flytja af heimili
foreldra sinna í vesturhluta London
og út í bæ. En hvar sér hún sig eftir
10, 20 og 30 ár?
„Að gera tónlist. Vonandi. Kannski
að vinna með öðrum listamönnum og
skrifa lög með þeim,“ svarar hún.
Tónlistin, söngurinn og gítarinn er
málið. „Ég elska að semja og spila
tónlist og það er það sem ég vil gera.“
KATIE MELUA
NÝJASTA PLATA KATIE MELUA KEMUR ÚT UM MÁNAÐAMÓTIN. SIGRÍÐUR
VÍÐIS JÓNSDÓTTIR RÆDDI VIÐ SÖNGKONUNA UM PLÖTUNA, BRESKU
PRESSUNA, FRAMTÍÐ OG FLUTNINGA – OG KOMST AÐ ÞVÍ AÐ HÚN ER EKKI
BARA FEIMNA STELPAN Í NÆSTA HÚSI SEM GERIR FALLEGA TÓNLIST.
Góð Katie Melua langar til að koma aftur til Íslands og fylgja nýjustu plötunni sinni eftir með tónleikum. Platan átti fyrst að vera með lögum fyrir ímyndaða kvikmynd eftir Quentin Tarantino.