Morgunblaðið - 12.11.2007, Side 8

8 MÁNUDAGUR 12. NÓVEMBER 2007 MORGUNBLAÐIÐ
FRÉTTIR
KENNARAHÁSKÓLI Íslands hefur gert form-
legan samstarfssamning við um 80 leik- og
grunnskóla, um náið samstarf við þjálfun kenn-
aranema. Með þessum samningum verða skól-
arnir „heimaskólar“ einstakra nemenda KHÍ
þar sem þeir munu fá starfsþjálfun og öðlast
heildarsýn á skólastarfið.
Anna Kristín Sigurðardóttir, forstöðumaður
kennarabrautar KHÍ, segir undirritunina vilja-
yfirlýsingu til aukinnar samvinnu á sviði rann-
sókna, þróunarstarfs og fræðilegs starfs.
Skilvirkari aðferðir
Fram til þessa hafa kennaranemar hlaupið
inn í starf hinna ýmsu skóla og segir Anna
Kristín það fyrirkomulag vissulega hafa haft
ýmsa kosti og verði að einhverju leyti haldið
áfram. Hins vegar taki það vissan tíma að kynn-
ast nýjum skóla og þekking kennaranemanna
geti því ekki orðið eins djúpstæð og raunin
verði með nýja fyrirkomulaginu. Mikilvæg atriði
eins og undirbúningur skólaárs og námsmat
hafi hingað til ekki verið inni í starfsþjálfuninni.
Með fyrirkomulagi „heimaskóla“ muni kenn-
araneminn kynnast starfsvettvanginum vel og
afla sér þar þekkingar og reynslu. Sú reynsla
muni svo skila sér í því hvernig hann vinni úr
fræðunum.
Hingað til hefur þessu verið öfugt farið.
Kennaranemar hafa byggt upp fræðilegu hlið-
ina fyrst, farið svo út í skólana og reynt að
koma fræðunum í framkvæmd, þróa þau og
prófa sig áfram.
Þetta nýja fyrirkomulag á að tryggja betri
kennaramenntun og betra starf hjá viðkomandi
skólum. Verkefnið fékk góðar viðtökur hjá skól-
unum þegar það var auglýst og komust færri að
en vildu.
Kennaranemar fá heimaskóla
Í höfn Björn Björgvinsson, skólastjóri Laugalækj-
arskóla, og Ólafur Proppé, rektor KHÍ.
Kennaraháskólinn semur við áttatíu skóla um þjálfun kennaranema sinna
MARGIR nota góðviðrisdaga til
að ganga og koma blóðinu af
stað. Það gerði þessi maður sem
brá sér í gönguferð við Vífils-
staðavatn um helgina. Veðrið var
líka upplagt til að stunda útivist
og mátti víða sjá fólk á gangi.
Flestir voru vel búnir enda nokk-
uð kalt í veðri.
Morgunblaðið/Sverrir
Í gönguferð í haustveðri
VERKEFNI sem miðar að því að
auka og efla jafnréttis- og kynjasjón-
armið í skólastarfi er að hefja göngu
sína. Með markvissri fræðslu og um-
ræðu frá upphafi skólagöngu er hægt
að gefa ungu fólki tækifæri til að taka
ákvarðanir varðandi framtíð sína á
eigin forsendum óháð staðalmyndum
kynjanna og hefðbundnu starfsvali,
segir í frétt frá félagsmálaráðu-
neytinu.
Meginmarkmið verkefnisins eru að
efla jafnréttisfræðslu, samþætta
kynjasjónarmið í kennslu og að auka
upplýsingaflæði um jafnréttismál.
Verkefnið er tvíþætt: sett verður upp
vefsíða þar sem upplýsingar um jafn-
réttisfræðslu verða aðgengilegar, auk
upplýsinga um verkefni sem nota má í
skólastarfi. Einnig verða fengnir
grunnskólar og leikskólar til að sinna
tilraunaverkefnum.
Að verkefninu standa félagsmála-
ráðuneytið, Jafnréttisstofa, Jafnrétt-
isráð, Reykjavíkurborg, Hafnarfjörð-
ur, Kópavogsbær og Akureyrarbær.
Jafnréttisstofa hefur umsjón með
verkefninu.
Ætla að efla
fræðslu um
jafnrétti MIÐSTJÓRN Framsóknarflokks-ins lýsir andstöðu við fram-komnar hugmyndir um einkavæð-
ingu í heilbrigðisþjónustu, sem
yrði skref í átt til tvöfalds heil-
brigðiskerfis. Þetta kemur m.a.
fram í stjórnmálaályktun stjórn-
arinnar sem hélt haustfund sinn á
Akureyri um helgina. Einnig lýsir
miðstjórn andstöðu við hug-
myndir um einkavæðingu orku-
fyrirtækja en fagnar útrás ís-
lenskrar þekkingar og reynslu á
sviði orkumála. Þá leggur stjórn-
in áherslu á að staðinn verði
vörður um Íbúðalánasjóð.
Einnig lýsir miðstjórn yfir von-
brigðum með þær aðgerðir sem
ríkisstjórnin hefur boðað til að
mæta skerðingu aflaheimilda í
þorski og segir þær ómarkvissar.
Á haustfundinum ályktaði mið-
stjórn Framsóknarflokksins sér-
staklega um að hún lýsi stuðningi
við nýjan meirihluta í borg-
arstjórn Reykjavíkur og við full-
trúa flokksins í borgarstjórn.
Fagnar útrás
þekkingar
ALÞINGISMENN og starfsmenn
Alþingis hafa fallist á það að Sam-
tök sykursjúkra mæli hjá þeim
blóðsykur. Mælingin fer fram í
Kringlunni í alþingishúsinu á mið-
vikudag, 14. nóvember.
Alþjóðadagur Samtaka syk-
ursjúkra hefur verið haldinn há-
tíðlegur á þessum degi síðan 1991
en núna í ár hafa Sameinuðu þjóð-
irnar viðurkennt daginn og dag-
skrá hans því fjölbreyttari en áð-
ur. Af þessu tilefni verða m.a.
stórhýsi um allan heim upplýst og
í Reykjavík verður Höfði baðaður
blárri birtu. Viðurkenning SÞ
skuldbindur ríki til að setja upp
áætlun um meðferð á sykursýki og
forvarnir til að koma í veg fyrir
sykursýki, tegund 2, segir í frétta-
tilkynningu.
Félag sykursjúka mun mæla
blóðsykur vegfaranda í Smáralind
laugardaginn 17. nóvember nk.
Blóðsykur
mældur
í þinginu
GJÖLD Landspítala eru 1.108 m.kr.
umfram tekjur eða 4,4%, samkvæmt
bráðabirgðauppgjöri fyrstu níu mán-
aða ársins. Launagjöld eru rúm 4%
umfram áætlun og rekstrarkostnað-
ur rúm 8%. Meginskýringin er al-
menn þensla í landinu og hækkun
rekstrarkostnaðar og þá sér í lagi S-
merktra lyfja sem hefur aukist um
rúm 14% á einu ári. Sívaxandi eft-
irspurn eftir þjónustu spítalans hef-
ur leitt til aukinnar starfsemi á
mörgum sviðum hans sem veldur því
að tekjur ná ekki að standa undir
kostnaði. Þetta kemur fram í sam-
antekt Önnu Lilju Gunnarsdóttur
framkvæmdastjóra fjárreiðna og
upplýsinga LSH í nýjasta hefti starf-
semisupplýsinga spítalans.
Á einu ári fjölgaði komum á
göngudeildir spítalans um rúm 9%,
fækkaði á dagdeildum um tæp 6% og
á sólarhringsdeildum standa þær í
stað. Heimavitjanir frá sjúkrahús-
tengdri heimaþjónustu fjölgaði á
sama tíma um 47%.
Skammtímaskuldir verulegar
Neikvæður höfuðstóll var skv.
efnahagsreikningi um mitt ár 1.570
m.kr. Skammtímakröfur LSH voru á
þeim tíma tæpur milljarður. Ber þar
hátt skuldir ýmissa heilbrigðisstofn-
ana sem átt hafa
erfitt með að
standa í skilum
við spítalann og
hefur það síst
batnað eftir því
sem líða tók á ár-
ið, skrifar Anna
Lilja. Skamm-
tímaskuldir LSH
eru verulegar og
umtalsverð van-
skil eru við birgja spítalans.
„Greiðslustaða spítalans er því afar
erfið og leiðir hún af sér dráttar-
vaxtakröfur á hendur LSH ásamt
því að öll samskipti við birgja spít-
alans verða þyngri. Stjórnendur
LSH binda vonir við það að skiln-
ingur sé hjá stjórnvöldum á orsökum
vanda spítalans og að vandanum
verði aflétt með fjáraukalögum árs-
ins,“ segir í greinargerð Önnu Lilju.
Hún segir ljóst að starfsemi Land-
spítala sé meiri en fjárveitingar
rúma. Aukin aðsókn, vaxandi sjúk-
dómsbyrði ásamt þenslu í efnahags-
lífi landsins veldur auknum rekstr-
arkostnaði. „Því er mikilvægt að
horfa til framtíðar og þeirrar þjón-
ustu sem spítalinn á að veita og að
fjármagn verði í takt við verkefni
hans,“ skrifar Anna Lilja.
4,4% halli er á
rekstri LSH
Anna Lilja
Gunnarsdóttir
Vanskil spítalans við birgja umtalsverð
♦♦♦