Morgunblaðið - 14.11.2007, Qupperneq 4

4 MIÐVIKUDAGUR 14. NÓVEMBER 2007 MORGUNBLAÐIÐ
FRÉTTIR
Eftir Elvu Björk Sverrisdóttur
elva@mbl.is
„MÉR bara datt þetta í hug. Ég kynntist
þessu krossgátuformi erlendis og ákvað að
prófa hvort það væri hægt að gera þetta á ís-
lensku,“ segir Ásdís Bergþórsdóttir, höfundur
sunnudagskrossgátu Morgunblaðsins. Hún
fékk um síðustu helgi sérstök verðlaun fyrir ís-
lenskunotkun í fjölmiðlum, ásamt Karli Th.
Birgissyni, umsjónarmanni útvarpsþáttarins
Orð skulu standa. Verðlaunin voru veitt á mál-
þingi um íslenska málstefnu.
Krossgátutegundin sem um ræðir er bresk
og nefnist á ensku cryptic crossword. Það felur
í sér að krossgátan er byggð á vísbendingum
en gengur ekki út á að fólk finni samheiti, eins
og algengt er í krossgátum.
Ásdís segir að sunnudagskrossgátan hafi
farið hægt af stað en smám saman hafi hún
eignast dygga aðdáendur. „Það bætist alltaf
eitthvað við af fólki og einhverjir detta út,“
segir hún.
Hún segist þekkja suma sem leysa krossgát-
una, en vinir og kunningjar eru í þeim hópi.
„Svo er ég með vef sem heitir krossgatan.is.
Þar hef ég verið í samskiptum við fólk,“ segir
Ásdís.
Að auki hefur hún staðið að krossgátukvöld-
um sem eru eitt mánudagskvöld í mánuði og
fara fram á Næsta bar. Þar keppa lið að því að
ráða þrjár litlar krossgátur. „Það munar miklu
að eiga einhver samskipti við þá sem leysa
[gáturnar]. Þetta var mjög einmanalegt fyrstu
árin. Ég vissi þá ekki hvort fólk gerði kross-
gáturnar og það var fremur óþægileg tilfinn-
ing,“ segir Ásdís.
„Fólk vill sína krossgátu“
Ásdís segir að það geti verið ansi strembið
að þurfa að skila af sér einni krossgátu á viku.
Þótt mikið sé að gera verði hún að skila af sér,
því „fólk vill sína krossgátu“. „En það hefur
verið mjög lærdómsríkt að vinna undir svona
álagi. Það má segja að ég hafi lært að afstressa
mig með þessu,“ segir hún. Til þess að kross-
gátugerðin gangi vel sé nauðsynlegt að vera
afslöppuð og með opinn huga. „Þá gengur
þetta best,“ segir Ásdís, sem segir mikla vinnu
að baki hverri krossgátu.
Um verðlaunin sem hún fékk fyrir íslensku-
notkun síðasta laugardag, segir Ásdís það hafa
verið nokkur húmor í því, ekki síst vegna þess
að hún er með BA-próf í ensku. Ásdís er jafn-
framt menntaður kerfisfræðingur og starfar
sem forritari. Sunnudagskrossgátu Morg-
unblaðsins býr hún til á kvöldin og í öðrum frí-
stundum. „Ég er oft með gátuna í rassvas-
anum,“ segir hún.
Dyggir aðdáendur leysa krossgátuna
 Höfundur sunnudagskrossgátu Morgunblaðsins fékk verðlaun fyrir íslenskunotkun  Hefur gert
gátuna vikulega í níu ár  Fór hægt af stað en hefur eignast aðdáendur sem ekki mega missa af gátu
Ljósmynd/Kristinn Ingvarsson
Krossgátuhöfundur Ásdís hefur samið
sunnudagskrossgátuna í níu ár.
„MAÐUR bíður alla vikuna eftir gátunni,“ seg-
ir Brynjar Örvarsson, starfsmaður Lyfjastofn-
unar, en hjá stofnuninni á sunnudagskross-
gátan sér hóp aðdáenda. Þess eru fleiri dæmi
að stemning hafi myndast á vinnustöðum í
kringum krossgáturnar. „Við erum um sex
talsins,“ segir Brynjar um krossgátuáhugann
á Lyfjastofnun. Auk þess að leysa gáturnar á
sunnudögum hafa starfsmennirnir tekið þátt í
krossgátukvöldunum á Næsta bar.
Brynjar smitaðist af áhuganum eftir hann
hóf störf á Lyfjastofnun, en hann hefur nú
leyst gáturnar í rúm tvö ár. „Ég ligg yfirleitt
yfir þessu á sunnudagskvöldinu,“ segir hann
um krossgátuiðkunina.
Starfmennirnir eru ánægðir með þetta sam-
eiginlega áhugamál. „Fyrir jólaskemmtunina í
fyrra tókum við alla starfsmennina og gerðum
gátur úr nöfnunum þeirra og létum þá um að
finna hver væri hvað,“ segir hann. Enn sé talað
um þennan skemmtilega jólaleik.
Gátugleði hjá
Lyfjastofnun
Eftir Andra Karl
andri@mbl.is
YFIR 150 mál hafa borist úrskurðarnefnd
skipulags- og byggingamála það sem af er
þessu ári, en aðeins einu sinni áður hefur fjöldi
mála farið yfir hundrað. Af þessum sökum hef-
ur afgreiðslu mála seinkað töluvert og hefur
forstöðumaður nefndarinnar greint umhverf-
isráðuneytinu frá fyrirliggjandi vandamáli.
Í reglugerð um úrskurðarnefnd segir m.a. að
hverjum þeim sem telur rétti sínum hallað með
samþykkt byggingarnefndar og/eða sveitar-
stjórnar sé heimilt að skjóta máli sínu til úr-
skurðarnefndar með kæru. Nefndin skal kveða
upp úrskurð svo fljótt sem kostur er og jafnan
innan tveggja mánaða frá því að kæra berst
henni í hendur. Sé mál hins vegar viðamikið og
auðséð að afgreiðsla taki lengri tíma skal til-
bundið. […] En af því að við erum með upp-
safnaðan vanda þá er það ekki nóg,“ segir
Hjalti. Erfitt er að segja til um meðalmáls-
meðferðartíma þar sem málin eru svo misjöfn
að umfangi.
Nefndin fær á borð til sín töluvert umfangs-
mikil mál og til dæmis fjallar hún einnig um
framkvæmdaleyfi vegna framkvæmda sem
falla undir lög um mat á umhverfisáhrifum,
samanber lagabreytingar árið 2005. „Fyrsta
málið af því tagi var vegna Þórustaðarnámu í
Ingólfsfjalli og núna erum við með Dettifoss-
veginn, þ.e. nýja veginn niður að Dettifossi.
Þar eru t.d. 300 blaðsíðna skýrslur.“
Hjalti segist nýverið hafa farið á fund hjá
ráðuneytinu til að fara yfir stöðuna, en einnig
til að búa ráðuneytið undir að nefndin þurfi á
aðstoð að halda, eigi hún að geta sinnt málum
sínum líkt og gert er ráð fyrir.
kynna það hlutaðeigandi og tiltaka afgreiðslu-
frest sem aldrei skal þó vera lengri en þrír
mánuðir.
Fjórir starfsmenn með
umfangsmikil mál
„Við vorum með svolítinn hala vegna þess að
það varð aukning úr svona 60-70 málum og upp
í hundrað mál fyrir tveimur árum. Núna er aft-
ur þessi mikla aukning,“ segir Hjalti Stein-
þórsson, forstöðumaður úrskurðarnefndarinn-
ar, en árið 2005 bárust nefndinni yfir hundrað
mál.
Hjalti segir að umhverfisráðuneytið hafi
stutt við bakið á nefndinni en vandinn hafi
hugsanlega komið upp vegna þess að of seint
var gripið í taumana, en hann var lengi vel eini
fasti starfsmaður nefndarinnar. „Núna erum
við með fjögur stöðugildi, en þar af er eitt tíma-
Uppsafnaður vandi þar sem
of seint var gripið í taumana
 Yfir 150 mál hafa borist úrskurðarnefnd skipulags- og byggingamála
 Einu sinni hafa fleiri en hundrað mál borist  Afgreiðslu hefur seinkað
„ÞETTA er skemmtilegasta íslenska veiði-
bókin og örugglega með flottustu mynd-
irnar,“ sagði Einar Sigurðsson, forstjóri Ár-
vakurs, í útgáfuteiti stangveiðibókarinnar Í
fyrsta kasti eftir ljósmyndarana Einar Fal
Ingólfsson og Kjartan Þorbjörnsson, eða
Golla, í húsakynnum Árvakurs við Hádeg-
ismóa í gær en Morgunblaðið gefur bókina
út.
Ljósmyndararnir unnu bókina í tengslum
við skrif um veiði í Morgunblaðinu. Í henni
eru hátt í 40 viðtöl og greinar, þar sem
fylgst er með veiðimönnum á bökkum fjöl-
breytilegra vatnasvæða frá því veiði-
tímabilið hefst í apríl og þar til því lýkur í
október síðustu þrjár veiðivertíðir.
Einar Falur segir að þeir hafi reynt að
endurspegla þetta sívaxandi áhugamál sem
stangveiðin sé hjá tugþúsundum manna.
Reynt hafi verið að spjalla við fólk sem
þekki viðkomandi veiðisvæði og hafi frá
ýmsu að segja.
Golli bætir við að þeir hafi nýtt eigin
veiðitíma vel og tekið viðtölin og myndirnar
í leiðinni. Bókin er í stóru broti og hana
prýða um 200 margbreytilegar ljósmyndir
sem flestar hafa ekki birst áður.
Í fyrsta kasti eftir Einar Fal Ingólfsson og Kjartan Þorbjörnsson komin út
„Skemmtileg-
asta íslenska
veiðibókin“
Morgunblaðið/Frikki
Kátir Kjartan Þorbjörnsson, Einar Falur Ingólfsson og Einar Sigurðsson í útgáfuteitinu.
ÞAU LEIÐU mistök
áttu sér stað í Morgun-
blaðinu í gær að röng
mynd birtist með and-
látsfrétt um Sigurð
Jónsson, fyrrverandi
framkvæmdastjóra
Síldarverksmiðju ríkis-
ins og Sjóvátrygginga-
félags Íslands.
Rétt mynd birtist
hér til hliðar og eru fjöl-
skyldur beggja beðnar
innilega afsökunar.
Sigurður Jónsson
BORGARRÁÐ Reykjavíkur samþykkti á
aukafundi í gær með atkvæðum meirihlutans
tillögu borgarstjóra um að leggja niður stöðu
borgarritara. Um leið var samþykkt nýtt
skipurit fyrir borgina og Ráðhús Reykjavíkur.
Þá var samþykkt að ráða Hrólf Jónsson, sviðs-
stjóra framkvæmdasviðs, framkvæmdastjóra
eignasjóðs Reykjavíkurborgar frá 1. janúar
2008. Einnig að Birgir Björn Sigurjónsson fái
leyfi frá starfi mannauðsstjóra Reykjavíkur-
borgar og verði ráðinn fjármálastjóri borgar-
innar frá 1. nóvember 2007 til eins árs.
Borgarráðsfulltrúar Sjálfstæðisflokksins
sátu hjá við atkvæðagreiðsluna um borgarrit-
ara en lögðu fram bókun. Þar sagði að þeir
væru andvígir því að leggja niður starfið „enda
engin skynsamleg rök færð fyrir þeirri til-
lögu“. Í bókuninni kom einnig fram að þeir
sætu hjá vegna þess að afgreiðsla málsins
tengdist tillögunni um ráðningu í starf fjár-
málastjóra og framkvæmdastjóra eignasjóðs
borgarinnar.
Embættið var endurstofnað 19. júní
Embætti borgarritara var stofnað að nýju
19. júní sl. í tíð fyrrverandi meirihluta. Það
hafði verið lagt niður við skipulagsbreytingar
hjá borginni á árunum 2004 til 2005. Borgarrit-
ari skyldi vera staðgengill borgarstjóra og
jafnframt yfirmaður allrar stjórnsýslu í Ráð-
húsinu, að undanskildu embætti borgarlög-
manns og skrifstofum borgarstjóra og borg-
arstjórnar. Magnúsi Þór Gylfasyni,
skrifstofustjóra borgarstjóra, var falið að
gegna starfi borgarritara þar til ráðið yrði í
stöðuna.
Embættið var auglýst og rann umsóknar-
frestur út 28. ágúst sl. Umsækjendurnir voru
Birgir Björn Sigurjónsson, mannauðsstjóri
Reykjavíkurborgar, Garðar Lárusson raf-
magnstæknifræðingur, Hrólfur Jónsson,
sviðsstjóri framkvæmdasviðs Reykjavíkur-
borgar, og Jakobína Ingunn Ólafsdóttir dokt-
orsnemi.
Embætti
borgarritara
lagt niður
♦♦♦