Morgunblaðið - 14.11.2007, Blaðsíða 42

Það er óþarfi að fjölyrða
um verk hennar, frásagnir
af þeim komast aldrei í hálf-
kvisti við sögurnar sjálfar… 48
»
reykjavíkreykjavík
Eftir Jóhann Bjarna Kolbeinsson
jbk@mbl.is
„ÞETTA er kallað samruni,“ segir
Helgi Svavar Helgason, trommuleik-
ari hljómsveitarinnar Flís, sem hefur
nú runnið saman við Hjálma. Þrír
Svíar sem áður voru í Hjálmum hafa
sagt skilið við sveitina, og lá beinast
við að fá þá félaga í Flís í þeirra stað,
enda hljóðfæraskipun þeirra sú sama.
Auk Helga eru það því þeir Davíð Þór
Jónsson hljómborðsleikari og Valdi-
mar Kolbeinn Sigurjónsson bassa-
leikari sem hafa gengið til liðs við
Hjálma.
Helgi er upphaflega frá Siglufirði,
en hann hefur meðal annars spilað
með Funkmaster 2000, Benna Hemm
Hemm og Stórsveit Samma. „Ætli ég
hafi ekki verið fimm ára þegar ég
byrjaði að spila á trommur, þá skildi
bróðir minn trommusett eftir á heim-
ilinu þegar hann flutti að heiman,“
segir hann.
„Valdi er úr Kópavogi og ég kynnt-
ist honum í FÍH þar sem hann var að
læra djasskontrabassaleik. Hann hef-
ur hins vegar spilað mikið með Sig-
urði Flosasyni, en einnig með Slow-
blow og tríói Han Bennink sem er
hollenskur djasstrommuleikari, einn
af þeim þekktustu,“ segir Helgi um
félaga sinn. „Davíð Þór er hins vegar
fæddur á Seyðisfirði en uppalinn á
Akranesi. Ég kynntist honum líka í
FÍH, þá var hann svona „chokko“
gaur og var í Stjórninni með Siggu og
Grétari þar sem hann spilaði á saxó-
fón. Hann ákvað hins vegar að hætta
því og leggja fyrir sig píanóleik.“
Helgi segir afar gaman að vera
orðinn Hjálmur. „Við lærðum öll lög-
in á einu kvöldi og nú er maður bara
að reyna að læra hvað þau öll heita,
það er eiginlega erfiðast“ segir hann
og hlær – en bætir því svo við að tríó-
ið Flís sé hvergi nærri hætt störfum.
Eins og Flís við Hjálm
Hinir nýju Hjálmar Frá vinstri: Helgi, Þorsteinn Einarsson, Guðmundur
Kristinn Jónsson, Sigurður Guðmundsson, Valdimar og Davíð Þór.
 Svo virðist
sem fregnir af
andláti Mengellu
séu stórlega ýkt-
ar. Nafnalisti yf-
ir ritstjórn
Mengellu, sem
birtist mengella.blogspot.is mun
vera uppspuni frá rótum og kann-
ast þeir sem þar voru nefndir ekk-
ert við að sinna ritstörfum fyrir
bloggið. Hins vegar hefur Dr. Gunni
upplýst að hann hafi á sínum tíma
greitt Ólafi Sindra nokkrum fyrir
textann „Ísinn“ og því er í það
minnsta ein Mengella komin fram í
dagsljósið. Í bréfi til doktorsins seg-
ir Mengella að síðan muni starfa
áfram og ekki standi til í bráð að af-
hjúpa síðuskrifara.
Mengella ekki dauð úr
öllum æðum … enn!
 Eins og sjá má þegar keyrt er
eftir Geirsgötu í Reykjavík hefur
stærðarinnar tjaldi verið komið
upp fyrir aftan Listasafn Reykja-
víkur vegna brúðkaupsveislu Jóns
Ásgeirs Jóhannessonar og Ingi-
bjargar Pálmadóttur sem fer
fram í Hafnarhúsinu um næstu
helgi. Tjaldið (eða í raun húsið)
er hin mesta völundarsmíð og
minnir um margt á viðbyggingar
sem oft má sjá fyrir utan Tate-
safnið í London – sem gefur
manni svo aftur hugmyndir um
framtíðarnot tjaldsins verði það
ekki fellt strax að brúðkaups-
veislunni lokinni.
Gólfflötur Listasafns
Reykjavíkur stækkar
 Grein Atla Bollasonar í síðustu
Lesbók hefur vakið sterk viðbrögð.
Halda því margir fram að svokölluð
greining á krúttkynslóðinni hafi
breyst í auglýsingu fyrir Sprengju-
höllina. Svo skemmtilega vill til að
hljómborðsleikari Sprengjuhall-
arinnar heitir einmitt Atli Bollason.
Krúttin æf yfir Lesbók-
argrein Atla Bollasonar
Eftir Jóhann Bjarna Kolbeinsson
jbk@mbl.is
„ÆTLI það séu ekki liðin sjö ár frá því að hug-
myndin kviknaði,“ segir Ari Kristinsson kvik-
myndagerðarmaður um Duggholufólkið, fjöl-
skyldumynd sem frumsýnd verður í desember.
Myndin hefur verið mjög lengi í bígerð, en tök-
ur á henni hófust 1. nóvember í fyrra. Í kjölfarið
tók svo við mikil eftirvinnsla enda töluvert af
tæknibrellum í myndinni.
Duggholufólkið er byggð á sögu eftir Ara
sjálfan og fjallar hún um 12 ára gamlan dreng
frá Reykjavík sem er sendur vestur á firði til
þess að dvelja hjá pabba sínum um jólin. Hann er
ekkert sérlega ánægður með þá hugmynd og
reynir að stinga af til Reykjavíkur, en við það
lendir hann í miklum ævintýrum þar sem hinar
undarlegustu verur koma fyrir. „Þetta er fjöl-
skyldumynd sem er aðallega hugsuð til að vera
skemmtileg,“ segir Ari, en viðurkennir um leið
að myndin sé svolítið draugaleg. „Já, já, það er
smá draugaþema í henni,“ segir hann og hlær.
En hvaðan er þetta nafn komið – Dugg-
holufólkið? „Þetta er bakgrunnssaga í myndinni,
saga um fólk sem fór frá Bolungarvík á jólanótt
og ætlaði að ganga yfir í Súgandafjörð. En það
kom brjálað veður á fjallinu og fólkið týndist, og
fannst svo ekki fyrr en löngu, löngu seinna. Það
urðu 18 manns úti. Þetta er þó ekki saga mynd-
arinnar, heldur meira eins og bakgrunnssaga,“
segir leikstjórinn.
Hefur áhuga á Vestfjörðum
Á meðal helstu leikara í Duggholufólkinu eru
Brynhildur Guðjónsdóttir, Margrét Vilhjálms-
dóttir, Magnús Ólafsson og Steinn Ármann
Magnússon, en aðalhlutverkin eru þó í höndum
tveggja ungra leikara, þeirra Bergþórs Þor-
valdssonar og Þórdísar Huldu Árnadóttur.
„Við prófuðum 500 krakka í fyrra og völdum
þessi tvö, Bergþór og Þórdísi, sem stóðu sig frá-
bærlega,“ segir Ari, og bætir því við að dýr leiki
einnig stór hlutverk í myndinni.
Ari, sem hefur áður leikstýrt kvikmyndunum
Stikkfrí og Pappírs Pési, er hvað þekktastur sem
kvikmyndatökumaður, en hann skaut meðal ann-
ars Börn náttúrunnar, Djöflaeyjuna og Á köldum
klaka. Hann er þó ekki á bak við tökuvélarnar að
þessu sinni, heldur Norðmaðurinn Kjell Vassdal.
„Myndin var tekin upp á Vestfjörðum í desember
og við höfðum svona þrjá og hálfan tíma af ljósi á
hverjum degi, og ófæra vegi alls staðar. En það
er hluti af sjarma Vestfjarða, hvað það er erfitt
að vera þar,“ segir Ari sem hefur áður komið að
kvikmyndagerð á Vestfjörðum, því mörg af eft-
irminnilegustu atriðunum úr Börnum náttúrunn-
ar voru einmitt tekin þar. „Ég hef lengi haft
áhuga á Vestfjörðum, en einnig á svona vetr-
armyndum,“ útskýrir Ari.
Aðspurður segir hann að framleiðslukostn-
aður hafi verið um 200 milljónir króna.
„Við fengum mjög stóran styrk úr Kvikmynda-
sjóði Íslands, úr norrænum sjóðum og iðn-
aðarráðuneytinu, og svo er Latibær meðfram-
leiðandi.“
Duggholufólkið verður frumsýnd á Íslandi fyr-
ir jól, líklega í fyrri hluta desember, en í kjölfarið
er stefnt að því að sýna hana um víða veröld.
Draugaleg skemmtun
Duggholufólkið, ný kvikmynd Ara Kristinssonar, verður frumsýnd í desember
Ísbjarnarblús Þórdís Hulda Árnadóttir í hlutverki sínu í Duggholufólkinu. 500 börn sóttu um aðalhlutverkin tvö í myndinni.
www.taka.is