Morgunblaðið - 29.11.2007, Blaðsíða 2

2 FIMMTUDAGUR 29. NÓVEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Kristján Jónsson
kjon@mbl.is
MEIRIHLUTI fjárlaganefndar Alþingis lagði í
gærkvöld fram breytingatillögur sínar við fjár-
lagafrumvarpið frá því í haust og kemur þar m.a.
fram að tekjuafgangur verður um 37,7 milljarð-
ar. Er það nær 6,9 milljörðum meiri afgangur en
gert var ráð fyrir í frumvarpinu. Tekjur verða
rúmir 469 milljarðar sem er hækkun um rúmlega
8,1 milljarð.
Meirihlutinn leggur til nettóhækkanir út-
gjalda er nema alls 1.267,9 milljónum króna.
Veruleg hækkun verður á framlögum til mennta-
mála og má nefna að varið verður 140 milljónum
tímabundið í tvö ár til frumgreinadeilda á Suð-
urnesjum og á Vestfjörðum vegna nemenda-
ígilda.
Undir liðnum Ýmis verkefni er þess getið að
Mannréttindaskrifstofa fái 10 milljónir króna.
Félagsmál fá auknar heimildir er nema rösklega
milljarði og munar þar mest um 440 milljónir til
Fæðingarorlofssjóðs en útgjöld ársins 2008 hafa
verið hækkuð í ljósi þróunar útgjalda það sem af
er árinu.
700 milljóna tímabundin lækkun
vegna hátæknisjúkrahúss
Undir liðnum Atvinnuleysistryggingasjóður er
tillaga gerð um tímabundið framlag, 140 millj-
ónir, til að auka svigrúm fiskvinnslufyrirtækja til
að halda starfsfólki á launaskrá þrátt fyrir
minnkandi þorskveiðar.
Undir liðnum Félagsmál, ýmis starfsemi er
einnig lagt til að veitt verði tímabundið 250 millj-
óna króna framlag í tvö ár til að koma til móts við
sveitarfélög sem verða fyrir tekjumissi vegna
samdráttar í þorskveiðum. Framlög til undirbún-
ings nýs hátæknisjúkrahúss eru lækkuð tíma-
bundið um 700 milljónir en Landspítali fær 200
milljónir til að styrkja reksturinn. Er sagt að með
þessari hækkun ásamt 820 milljóna króna hækk-
un rekstrargrunns og tillögu um 1.800 milljóna
króna fjárveitingu í fjáraukafrumvarpi 2007 ætti
greiðslustaða spítalans að vera í jafnvægi.
Fjárheimild til samgöngumálaráðuneytis
lækkar um nær 1.800 milljónir en þess má geta
að um er að ræða miklar tilfærslur milli liða.
Framlög til Vegagerðarinnar lækka tímabundið
um 2,5 milljarða en alls munu framkvæmdir upp
á 3,2 milljarða á næsta ári ekki verða að veruleika
„þar sem undirbúningur er of skammt á veg
kominn“.
Tekjuafgangur eykst
um 6,9 milljarða króna
Í HNOTSKURN
»Gerð er tillaga um 100 milljóna tíma-bundið framlag í tvö ár til grunn-
skráningar og endurskráningar á lítt
skráðum eða óskráðum skjalasöfnum og
til að vinna að stafrænni gerð manntala.
»Lögð er til fjárheimild upp á 90 millj-ónir, óskipt, til að mæta hugsanlegum
frávikum í forsendum áætlana um fjölda
nemendaígilda háskóla.
KARLMAÐUR á áttræðisaldri beið
bana í umferðarslysi á Suðurlands-
vegi, skammt frá Litlu kaffistof-
unni, á öðrum tímanum í gærdag.
Maðurinn ók fólksbifreið sinni yfir
á rangan vegarhelming, beint á
vinstra framhorn flutninga-
bifreiðar – sem var fulllestuð af
malarefni – og er talið að hann hafi
látist samstundis. Ökumaður vöru-
bifreiðarinnar hlaut minniháttar
meiðsli. Ökumenn voru einir í bif-
reiðum sínum.
Samkvæmt upplýsingum frá lög-
reglu var aðkoman afar slæm og
um klukkustund tók að ná mann-
inum út úr fólksbílnum. Þetta er
fjórtánda banaslysið á árinu og það
fjórða á Suðurlandsvegi.
Ekki er unnt að birta nafn hins
látna að svo stöddu. Morgunblaðið/Júlíus
Banaslys
á Suður-
landsvegi
FRAMSETNING auglýsinga Hanza-
hópsins telst til nýmælis í fasteignaheim-
inum. Fyrirtækið auglýsir endurgreiðslu
sem nemur stimpilgjöldum af vissum teg-
undum lána, við íbúðakaup á Arnar-
neshæð.
„Þetta er okkar innlegg í umræðuna um
skattakvöðina sem hvílir á lántakendum.
Mikil umræða hefur verið um afnám
stimpilgjalda undanfarin misseri, en svo
gerist aldrei neitt,“ segir Sigrún Þor-
grímsdóttir, framkvæmdastjóri Hanza-
group.
Hún þvertekur fyrir að þetta sé ör-
þrifaráð vegna sölutregðu og segir Hanza
hafa yfirburðastöðu á fasteignamarkaði í
Garðabæ. Vissulega værum við til í að
selja meira, en þetta er ekkert örþrifaráð,
frekar félagslegt innlegg í samfélags-
umræðuna, það er um að gera að nýta
auglýsingarnar til að vekja fólk til um-
hugsunar og kveikja í pólitíkinni.“
Björgvin G. Sigurðsson viðskiptaráð-
herra tilkynnti í lok október sl. að ryðja
skyldi úr vegi samkeppnishindrunum eins
og vörugjöldum, stimpilgjöldum og upp-
greiðslugjöldum banka, unnið er að
skýrslu um málið.
Endurgreiða
stimpilgjöldin
HÉRAÐSDÓMUR Suðurlands dæmdi í
gær rúmlega þrítugan karlmann til að
greiða 70 þúsund krónur í sekt fyrir að
aka bifreið undir áhrifum kannabisefna.
Kannabisefnið mældist eingöngu í þvagi
en ekki í blóði en dómurinn taldi að það
skipti engu máli þar sem lögin væru skýr;
menn væru undir áhrifum fíkniefna ef þau
fyndust í blóði eða þvagi.
Verjandi mannsins benti á að þar sem
niðurbrotsefni kannabis hefðu eingöngu
fundist í þvagi en ekki í blóði væri útilokað
að hann hefði verið undir áhrifum efnanna
og vísaði í matsgerð frá Rannsóknarstofu í
lyfja- og eiturefnafræði máli sínu til stuðn-
ings, en þar kom fram að efnamæling í
blóði benti ekki til þess að ökumaðurinn
hefði verið undir áhrifum kannabisefna.
Þá minnti hann á fyrirmæli frá rík-
issaksóknara til lögreglustjóra um að
ákæra einungis ef fíkniefni fyndust í blóði.
Á þessi rök féllst dómurinn ekki og
maðurinn var sviptur ökurétti í þrjá mán-
uði og dæmdur til að greiða sakarkostnað
og málsvarnarlaun. Auk sektarinnar nem-
ur kostnaður hans því um 330 þúsund kr.
Ekki undir áhrif-
um en þó dæmdur
MARGRÉT Þorbjörg
Garðarsdóttir andaðist
á hjúkrunarheimilinu
Sóltúni í gær, níræð að
aldri. Hún fæddist í
Reykjavík 12. apríl
1917, dóttir Garðars
Gíslasonar stórkaup-
manns í Reykjavík og
Þóru Sigfúsdóttur hús-
freyju.
Margrét stundaði
nám við Verslunar-
skóla Íslands. Síðar
sótti hún einn vetur
húsmæðraskóla í Dan-
mörku. Eftir að móðir
hennar féll frá þegar Margrét var
tvítug hélt hún í þrjú ár heimili fyr-
ir föður sinn áður en hún giftist
Halldóri H. Jónssyni arkitekt, 12.
apríl 1940. Halldór var sonur Jóns
Björnssonar frá Bæ, kaupmanns í
Borgarnesi og konu hans Helgu
Maríu Björnsdóttur frá Svarfhóli.
Halldór lést 6. febrúar 1992.
Margrét hélt heimili allt þar til
hún var komin hátt á níræðisaldur,
fyrst á Laufásvegi, þar sem hún
hafði búið í foreldrahúsum en þar
stofnuðu þau Halldór sitt fyrsta
heimili. Síðan reistu þau sér
framtíðarheimili við Ægisíðu, sem
Halldór teiknaði.
Viðfangsefni Hall-
dórs voru fjölmörg,
bæði sem arkitekts en
ekki síður sem stjórn-
armanns margra stór-
fyrirtækja og féllu því
eðlilega margvísleg
verkefni því tengd á
hendur Margrétar.
Eftir að Halldór féll
frá tóku Margrét og
Geir Borg upp traust
vináttusamband þar til
Geir lést í lok árs
2003.
Margrét bjó heima
þar til hreyfigetan skertist við tvö
erfið beinbrot en dvaldi eftir það
við góða umönnun á hjúkrunar-
heimilinu Sóltúni síðustu þrjú árin.
Margrét og Halldór eignuðust þrjá
syni: Garðar, f. 5. júlí 1942, arki-
tekt, kvæntur Birnu Geirsdóttur,
Jón, f. 17. maí 1946, hæstarétt-
arlögmaður, kvæntur Ingigerði
Jónsdóttur hjúkrunarfræðingi og
Halldór Þór, f. 2. maí 1951, raf-
magnsverkfræðingur og flugstjóri,
kvæntur Margréti Pálsdóttur,
kennara og flugfreyju. Barnabörnin
eru sex og barnabarnabörnin eru
sjö.
Andlát
Margrét Garðarsdóttir
„ÉG VERÐ glaðari við að sjá skip-
ið núna heldur en þegar ég fékk
það afhent,“ sagði Ari Axel Jóns-
son, eigandi Dregg Shipping sem á
og gerir út flutningaskipið Axel, í
gærkvöldi þegar um þrír klukku-
tímar voru í að skipið kæmi til
hafnar á Akureyri. Ari sagðist af-
skaplega þakklátur öllum þeim
sem komið hefðu að aðgerðum og
tók fram að full samvinna hefði
verið á milli útgerðar og Landhelg-
isgæslu Íslands.
Axel steytti á blindskeri rétt fyr-
ir utan Hornarfjörð á þriðjudags-
morgun og gekk ferðin til Akur-
eyrar ekki áfallalaust fyrir sig. Til
að mynda var skipt um yfirvél-
stjóra í kjölfar þess að skipið var
flutt til Fáskrúðsfjarðar. „Því er
ekki að leyna að þegar skip er í
nauðum, þá er það ólíðandi að
menn hlýði ekki skilyrðislaust. Það
getur skapað hættu,“ sagði Ari og
vísar þar til þess að yfirvélstjórinn
neitaði skipun um að setja vélar
Axels í gang eftir strandið. „Það er
eitt sem menn mega ekki gleyma;
þetta var mjög harkalegur árekst-
ur og álagið á mannskapinn hefur
verið gífurlegt. Það eru einfaldlega
ekki allir sem ráða við slíkt.“
Spurður út í skemmdirnar sagði
Ari að ekki hefði tæpara mátt
standa. „Svo vel hittist á að það fór
með beruna beint á bogann, og það
bjargaði skipinu að lenda á sterk-
asta punktinum. Ef það hefði verið
einum, tveimur metrum til hliðar
hefði skipið farið niður.“
Beittu íhlutunarákvæðum
Axel var stefnt inn á Fáskrúðs-
fjörð eftir strandið vegna íhlutunar
Gæslunnar. Líkt og kom fram í
Morgunblaðinu í gær var það fram-
kvæmdastjóra Dreggs ekki að
skapi, en hann kvartaði undan því
að hafa ekki fengið að vera með í
ráðum. Frá því að lög um mengun
hafs og stranda voru sett árið 2004
hefur íhlutunarákvæðum þeirra
nokkrum sinnum verið beitt.
Í lögunum segir að Gæslunni sé
heimilt að grípa til íhlutunar og
gera þær ráðstafanir sem taldar
eru nauðsynlegar á hafsvæðinu
innan mengunarlögsögu Íslands til
að koma í veg fyrir eða draga úr
hættu sem hafi eða ströndum staf-
ar af bráðamengun.
„Við nýttum okkur íhlutunar-
ákvæði laganna þegar við settum
skipið inn á Fáskrúðsfjörð og þetta
er sennilega í þriðja skipti sem við
nýtum okkur ákvæðið. Þess ber að
geta að ákvörðunin var tekin í sam-
ráði við Umhverfisstofnun og
flokkunarfélag skipsins,“ sagði
Halldór Nellet, framkvæmdastjóri
aðgerðasviðs LHG.
Ari Axel sagði nauðsynlegt að
hafa slík lög en þau hefðu ekki átt
við í þessu tilviki. „Við vorum
hræddir við veðrið því það var ljóst
að skipið myndi ekki þola mikinn
sjógang. Það var logn og við vorum
hræddir um að þetta tefði skipið.
En veðrið hélt og þetta fór á besta
veg. Sjónarmið okkar voru að skip-
ið læki ekki og í logni tæki 20 tíma
að sigla til Akureyrar. Við hefðum
viljað koma þessum sjónarmiðum á
framfæri.“
Full samvinna var milli
útgerðar og Gæslunnar
Afskaplega litlu mátti muna að Axel sykki á strandstað