Morgunblaðið - 29.11.2007, Blaðsíða 34

34 FIMMTUDAGUR 29. NÓVEMBER 2007 MORGUNBLAÐIÐ
MINNINGAR
✝ Sigurður Grét-arsson fæddist á
Egilsstöðum 17. maí
1956. Hann lést 4.
nóvember síðastlið-
inn.
Foreldrar hans
eru Þórunn Anna
María Sigurð-
ardóttir, f. 1930, og
Grétar Þór Brynj-
ólfsson, f. 1930,
bændur á Skipalæk.
Systkini Sigurðar
eru Solveig Brynja,
f. 1951, og Baldur, f.
1961.
Sigurður kvæntist Önnu Guð-
nýju Árnadóttur, f. 1956, og eru
dætur þeirra Þórunn Gréta, f.
1981, og Kristín Arna, f. 1984. Sig-
urður og Anna Guðný skildu. Eft-
irlifandi sambýliskona Sigurðar
er Gréta Jóna Sigurjónsdóttir, f.
1965, og er sonur þeirra, Sigurjón
aði m.a. á Verkfræðistofu Austur-
lands við frumhönnun Hitaveitu
Egilsstaða og Fella, hagsýsludeild
Póst- og símamálastofnunar
1979-1980 og var sveitarstjóri og
byggingarfulltrúi í Fellahreppi
1981-1982. Hann var fram-
kvæmdastjóri Verzlunarfélags
Austurlands 1982-1991, bygg-
ingafulltrúi í Fellahreppi 1986-
2004, sjálfstætt starfandi tækni-
fræðingur 1991-2001, verk-
efnastjóri hjá JVJ í Hafnarfirði
2001-2003. Hann sat í sveit-
arstjórn Fellahrepps 1990-1994
og stjórn hitaveitu Egilsstaða og
Fella um árabil. Frá árinu 2003
var hann framkvæmdastjóri Hér-
aðsverks; hefur og setið í bæj-
arstjórn Fljótsdalshéraðs frá
2004.
Útför Sigurðar fór fram í kyrr-
þey, en fyrir jarðsetningu var
kveðjuathöfn á íþróttavellinum í
Fellahreppi laugardaginn 24.
nóv. Minningarathöfn verður um
Sigurð í Neskirkju í Reykjavík í
dag, fimmtudaginn 29. nóv., kl.
15.
Torfi, f. 2007. Faðir
Grétu er Sigurjón
Jónsson, f. 1928, fv.
bóndi á Torfastöðum
í Jökulsárhlíð, en
móðir hennar Þur-
íður Magnúsdóttir, f.
1934, húsfreyja á
Torfastöðum, lést ár-
ið 1967. Systkini
Grétu eru Trausti, f.
1956, Aðalheiður, f.
1962, og Svandís, f.
1963. Gréta ólst upp
á Skriðufelli í Hlíð
hjá föðurbróður sín-
um, Ingimar Jónssyni, f. 1922, d.
1993, og Fjólu Kristjánsdóttur
konu hans, f. 1923.
Sigurður lauk landsprófi frá Al-
þýðuskólanum á Eiðum vorið
1972,brautskráðist sem bygginga-
tæknifræðingur frá Tækniskóla
Íslands 1978 og lauk sveinsprófi í
húsasmíði árið 1979. Hann starf-
Þá er svo komið að þú hefur kvatt
þetta líf Siggi og við misst traustan
vin og góðan frænda. Hraði og óvænt
atvik einkenndu iðulega líf þitt og
þannig var það þegar þú kvaddir
jarðvistina. Ótrúleg umskipti að sitja
með þér glöðum og kappsfullum á
góðri kvöldstund lýsandi öllum verk-
efnunum framundan og heyra svo
skömmu síðar að þú værir látinn.
Andlát þitt var svo sannarlega
ekki tímabært í huga okkar vina
þinna en við viljum þó frekar minn-
ast með þakklæti og gleði áranna
sem við áttum með þér en að harma
þau sem við héldum að þú ættir
framundan með fjölskyldu og vinum.
Af virðingu við þig og í þínum anda
lítum við á björtu hliðarnar sem eru
allar góðu minningarnar um þig og
lífshlaup þitt. Þú varst lánsamur í líf-
inu þótt það væri fjarri því átaka-
laust og ástæðan var meðal annars
sú að þú leystir þá erfiðleika sem
upp komu á lífsleiðinni með jafnað-
argeði og þannig að sómi var að. Þú
erfðir fágæta atorku og samvisku-
semi móðurafa þíns Sigurðar á Sól-
bakka sem kenndi okkur báðum sem
unglingum að bera virðingu fyrir
störfum okkar og leggja okkur fram
af alhug í þeim verkefnum sem okk-
ur var trúað fyrir. Það var gott vega-
nesti og þegar við bættist hvatning
góðra foreldra og takmarkalaus
ósérhlífni þín gat líf þitt ekki orðið
annað en ein samfelld glíma við
áskoranir og verkefni sem flest
leiddu af sér ríkulegan ávinning fyrir
vinnuveitendur þína og samfélagið
hér á Héraðinu. Enda ávannstu þér
virðingu og traust alls staðar þar
sem ég þekkti til. En lífið er ekki
bara vinna og þú varst líka svo lán-
samur að erfa léttleikann og höfð-
ingsskapinn sem einkenndu Brynjólf
afa og Solveigu ömmu á Ekkjufelli.
Þú varst örlátur og frábær grínisti á
góðum stundum, gerðir ósjaldan
grín að sjálfum þér og gættir þess
ávallt að særa aldrei neinn með
glettni þinni. En þú skilur ekki bara
eftir þig farsælan starfsferil og
minningar um óborganlegar góðar
stundir. Dæturnar Þórunn Gréta og
Kristín Arna, þessar myndarlegu og
duglegu stelpur, og sonurinn Sigur-
jón Torfi sem fæddist á þessu ári eru
auðvitað það dýrmætasta sem þú
lætur eftir þig. Í þeim munum við
vinir þínir sjá hæfileika þína og góð-
ar minningar lifa áfram okkur til
gleði og ánægju og til minningar um
góðan dreng sem við vorum svo lán-
söm að eiga samleið með á lífsleið-
inni.
Það var gott að eiga þig að Siggi
og þrátt fyrir allt þitt annríki þá
brást það aldrei að þú legðir okkur
lið ef um var beðið og þú gerðir það
alltaf strax, hvernig sem á stóð. Vin-
átta ykkar Birnu eftir áralangt sam-
starf var traust og þið náðuð vel
saman bæði þegar gleðin var við völd
og þegar vinar var þörf á erfiðum
stundum. Við fundum bæði að þér
var umhugað um velferð okkar eins
og annarra samferðarmanna þinna í
lífinu. Fyrir það erum við þakklát.
Hvíl í friði kæri vinur.
Elsku Gréta, Þórunn Gréta, Krist-
ín Arna og Sigurjón Torfi, við send-
um ykkur, fjölskyldunni á Skipalæk
og öðrum vandamönnum innilegar
samúðarkveðjur og biðjum Guð og
englana að vera með ykkur.
Gunnar og Birna.
Það var kyrrlátan mánudag 5.
nóvember, drungi í lofti, snjóföl á
jörð, og dálítið frost, að mér bárust
þau válegu tíðindi að frændi minn
Sigurður á Skipalæk hefði látist þá
um nóttina úti í Bandaríkjunum. Því-
líkt áfall. Hugurinn reikaði aftur til
bernskunnar þegar leiðir okkar
frænda lágu saman fyrst. Það var
svo snemma á lífsleiðinni að ég man
ekki hversu ungir við vorum. En það
er ljóst, við vorum leikfélagar og
ágætir vinir frá upphafi.
Strax í bernsku kom í ljós hversu
skarpgreindur frumkvöðull og orku-
bolti hann var í leik og uppátækjum.
Fylgdi þetta honum alla ævi og naut
hann góðs af þessum hæfileikum sín-
um í lífinu. Sem dæmi um framsýni
hans og drift minnir mig að Sigurður
hafi verið búinn að teikna sér stórt
einbýlishús og staðsetja í Fellabæ 17
ára og klára að mestu 25 ára. Þetta
hafði ekki hvarflað að okkur frænd-
um hans og félögum að gera, enda
hormónaflæðið mikið á þessum tíma
og hugurinn eflaust við annað. Við
urðum samferða í gegnum æskuna
að mestu leyti, unglingsárin með
smáhléum og námsárin í Reykjavík.
Að þeim loknum fundum við vinnu
fyrir norðan, leigðum saman íbúð um
skeið á góðum stað í miðbæ Akur-
eyrar og höfðum það fínt enda stutt í
alla menninguna og lystisemdirnar.
Sá tími líður mér seint úr minni.
Seinna lét Sigurður hjartað ráða,
flutti aftur austur á æskustöðvarnar
þar sem unnustan beið hans og fram-
tíðin en ég varð eftir nyrðra, búinn
að skjóta rótum nærri heimskauts-
baug. Með þrautseigju og dugnaði
varð hann atorkumikill athafnamað-
ur á Fljótsdalshéraði, þarf ekki að
orðlengja það meir því verkin tala og
flestum kunn sem hann þekktu.
Hann var greiðvikinn og úrræða-
góður, þess nutu amma mín og afi í
Ekkjufellsseli oftsinnis á meðan þau
lifðu, einnig frænka okkar Dísa Ein-
ars á Ullartanganum en hann var
henni mikil stoð og stytta alla tíð. Ég
veit fyrir víst að fleiri geta þakkað
honum slíka hjálpsemi. Ævinlega
gerði hann samt lítið úr þeim gjörð-
um sínum.
Það er mikið skarð höggvið í
Ekkjufellsættina að missa svo góðan
dreng langt fyrir aldur fram. Sigurð-
ur eignaðist tvær bráðmyndarlegar
dætur með fyrri konu sinni Önnu
Guðnýju Árnadóttur. En löngu síðar
eða í ár kom svo litli prinsinn, lang-
þráður sólargeisli, en hann eignaðist
Sigurður með seinni konu sinni
Grétu Jónu Sigurjónsdóttur. Mér
finnst svo ósanngjarnt til þess að
hugsa að samvera þeirra varð ekki
lengri og sá litli skuli ekki njóta föð-
urástar og reynslu pabba síns í upp-
vextinum. Ég skil bara ekkert í
máttarvöldunum hvernig þau geta
leikið okkur mannfólkið svona grátt.
Vafalaust er einhver tilgangur sem
ég átta mig alls ekki á. En nú ríður á
að hið æðra veiti móðurinni styrk og
dætrum til að takast á við sorgina við
svo brátt andlát ástvinar.
Við María mín sendum Grétu,
börnum hans Sigurðar, systkinum
og foreldrum ásamt aðstandendum
öllum, sem svo mikið hafa misst,
okkar innilegustu samúðarkveðjur.
Með tár á hvarmi og harm í brjósti
kveð ég nú frænda.
Hvíldu í friði, hittumst svo aftur
og tökum upp þráðinn á ókunnum
slóðum, kæri vinur.
Einar Ólafsson frá
Ekkjufellsseli.
Sigurður Grétarsson frá Skipalæk
er fallin frá á besta aldri. Harkalega
er höggvið að fjölskyldu hans og vin-
um og Héraðsmenn hafa misst mik-
inn framkvæmdamann og góðan
dreng.
Siggi vinur minn Grétars var
Fellamaður eins og ég. Við vorum
stoltir af þeim uppruna og flíkuðum
honum óspart. Það var steinsnar á
milli æskuheimila okkar á Helgafelli
og Skipalæk og mikill samgangur,
enda trygg vinátta milli búanna kyn-
slóð eftir kynslóð. Það var gott að
eiga Sigga að vini og granna.
Siggi var sterk persóna og góður
drengur. Því kynntist ég best fyrir
nokkrum áratugum þegar ég lá
heilsulaus á sjúkrahúsi í Reykjavík í
nokkra mánuði. Siggi heimsótti mig
nánast á hverjum degi, sagði mér
sögur og þær margar mergjaðar. Ég
beið hans og sagnastundanna með
óþreyju á hverjum degi. Og það er
ég viss um, að Sigurður átti stóran
þátt í bata mínum. Hlutur hans var
ekki minni en hjúkrunarliðsins, að
öllu því ágæta fólki ólöstuðu. Hann
mætti meira að segja við rúmstokk-
inn hjá mér á nýársnótt, örlítið
kenndur, með pelaskjatta í vasanum
og fór á kostum. Stríddi hjúkrunar-
fræðingunum óspart, eins og honum
einum var lagið, mér til mikillar
skemmtunar og heilsubótar.
Siggi Grétars gat verið einstak-
lega hugmyndaríkur. Honum datt
það til dæmis í hug einn daginn,
sveitamanninum, að gerast útgerð-
armaður. Að sjálfsögðu var hann
stórtækur þar, eins og fyrri daginn.
Hann leigði eitt stærsta úthafsveiði-
skip sem völ var á, margfalt stærra
en þeir koppar sem við eigum að
venjast við strendur landsins. Þetta
var verksmiðjuskip, sem heitir Vid-
unas. Ég fór eitt sinn með Sigga um
borð og spurði hann út í þessa út-
gerð. Siggi dæsti og svaraði eitthvað
á þessa leið: – Helgi, ég get sagt þér
að það kom mér á óvart þegar ég
tankaði dallinn fyrst, að ég þurfti að
borga 20 milljónir króna fyrir áfyll-
inguna! Ég hafði ekki tankað önnur
tæki en gamla Volvóinn minn fram
að því og það kostaði ekki svona mik-
ið!
Ég gæti skrifað langt mál um allt
það sem Siggi gerði fyrir sitt byggð-
arlag. Hann átti stóran þátt í upp-
byggingu Fellabæjar og eftir sam-
eininguna hefur Héraðið notið krafta
hans. Hann stóð að jafnaði í fremstu
víglínu sveitarstjórnarmanna og gaf
hvergi eftir í framfaramálum sinnar
Sigurður Grétarsson
✝
Ástkær móðir okkar, tengdamóðir, amma, lang-
amma og langalangamma,
RAGNHEIÐUR INGIBJÖRG ÁSMUNDSDÓTTIR,
Bröttugötu 4 b,
Borgarnesi,
verður jarðsungin frá Borgarneskirkju laugardaginn
1. desember kl. 14.00.
Ásmundur Jóhannsson, Rúna Didriksen,
Jóhannes Gylfi Jóhannsson, Ása Guðmundsdóttir,
Björn Jóhannsson, Sæunn Jónsdóttir,
Jóhann Már Jóhannsson, Guðrún Sigurbentsdóttir,
Gísli Margeir Jóhannsson,
Tryggvi Jóhannsson, Sesselja Björnsdóttir,
barnabörn, barnabarnabörn
og barnabarnabarnabörn.
✝
Ástkær eiginmaður minn, sonur, tengdasonur, faðir,
tengdafaðir og afi,
ÓSKAR HÁLFDÁNSSON,
Holtastíg 16,
Bolungarvík,
verður jarðsunginn frá Hólskirkju í Bolungarvík
laugardaginn 1. desember kl. 14:00.
Þeim sem vilja minnast hans er bent á
Björgunarsveitina Erni, Bolungarvík.
Karitas Hafliða,
Hálfdán Einarsson, Petrína H. Jónsdóttir,
Níelsína Þorvaldsdóttir,
Benedikt N. Óskarsson, Heiðrún Helgadóttir,
Hálfdán Óskarsson, Rósa S. Ásgeirsdóttir,
Ingibjörg Óskarsdóttir, Guðmundur S. Brynjólfsson,
Halldóra Óskarsdóttir, Guðmundur B. Björgvinsson
og barnabörn.
✝
Eiginmaður minn, faðir okkar, tengdafaðir og afi,
ÓLAFUR SVEINSSON
húsasmiður,
Skógargerði 7,
Reykjavík,
lést á hjúkrunarheimilinu Eir laugardaginn
24. nóvember.
Útförin fer fram frá Bústaðakirkju þriðju-
daginn 4. desember kl. 13.00.
Ásdís Aðalsteinsdóttir,
Sigríður Ólafsdóttir, Halldór Baldursson,
Hermína Dóra Ólafsdóttir,
Aðalsteinn Ólafsson
og barnabörn.
✝
Ástkær eignkona mín, móðir okkar, tengdamóðir,
amma og langamma,
HULDA SIGURHJARTARDÓTTIR
frá Siglufirði,
lést sunnudaginn 18. nóvember á Landspítalanum.
Útförin hefur farið fram í kyrrþey að ósk hinnar
látnu.
Innilegar þakkir til allra þeirra sem sýndu okkur
samúð og hlýhug við fráfall hennar.
Sérstakar þakkir til Þórarins E. Sveinssonar læknis,
sem og annarra lækna og starfsfólks á krabbameins-
deild Landspítalans.
Vigfús Friðjónsson,
Orri Vigfússon, Unnur Kristinsdóttir,
Friðjón Óli Vigfússon, Unnur Ölversdóttir,
Sigríður Margrét Vigfúsdóttir, Guðni Hjörleifsson,
barnabörn og barnabarnabörn.
✝
Elskuleg móðir okkar og tengdamóðir,
MARGRÉT GARÐARSDÓTTIR,
Ægisíðu 88,
Reykjavík,
er látin.
Garðar Halldórsson, Birna Geirsdóttir,
Jón Halldórsson, Ingigerður Jónsdóttir,
Halldór Þór Halldórsson, Margrét Pálsdóttir.