Morgunblaðið - 31.12.2007, Síða 4

4 MÁNUDAGUR 31. DESEMBER 2007 MORGUNBLAÐIÐ
FRÉTTIR
HIN mikla úrkoma á suðvestur-
horni landsins varð til þess að
mikið bætti í læki og vötn. Líkt og
sjá má að meðfylgjandi mynd óx
vatn í Kópavogslæk svo mikið að
hann varð óþekkjanlegur. Lækur-
inn sem á venjulegum degi er um
einn metri á breidd varð að stór-
fljóti – og tugir metrar þar sem
hann var breiðastur.
Orsökin var m.a. sú að stífla við
Hafnarfjarðarveg sem gert var til
að mynda tjörn, hleypti ekki nægi-
lega miklu vatni til sjós þannig að
hið myndarlega stórfljót mynd-
aðist.
Svipuð staða kom upp í Hafnar-
firði þar sem bæjarlækurinn
flæddi yfir bakka sína og truflaði
umferð.
Kópavogs-
lækur varð
stórfljót
Ljósmynd/Jóhann Hansen
ÖLLU innanlandsflugi var aflýst í
gær vegna veðurhvellsins og miklar
tafir urðu á millilandaflugi. Þá var
báðum ferðum milli lands og Vest-
mannaeyja frestað og eins ferðum
ferjunnar Baldurs.
Sökum þess að aflýsa þurfti inn-
anlandsflugi bíða um 650 farþegar
eftir flugi í dag. Samkvæmt upplýs-
ingum frá Flugfélagi Íslands verður
allt kapp lagt á að koma öllum í
flug.
Allt millilandaflug lá niðri í gær-
morgun fyrir utan vélar frá Banda-
ríkjunum sem komu á tilsettum
tíma. Eftir hádegið hófst flug á ný
en til að mynda varð um 10 tíma
seinkun á Evrópuflugi Icelandair
og í gærkvöldi var gert ráð fyrir að
vélar á leið til Bandaríkjanna
myndu leggja af stað um miðnætti.
Að sögn Guðjóns Arngrímssonar,
upplýsingafulltrúa Icelandair, er
ekki gert ráð fyrir að tafirnar hafi
áhrif á flugsamgöngur í dag, þar
sem mun færri ferðir eru en vana-
lega.
Samgöngur
úr skorðum
„HVESSA fór með morgninum og
um hádegi var orðið hér fárviðri,“
segir Óskar Sigurpálsson, bóndi á
bænum Meðalheimi í Austur-Húna-
vatnssýslu, en skömmu fyrir hádegið
fóru að fjúka hjá honum þakplötur af
fjósi og hlöðu. Enginn slasaðist í at-
ganginum, hvorki menn né dýr. „En
áttin var þannig að þakplötum rigndi
yfir íbúðarhúsið og brotnaði rúða í
hamagangnum. Plöturnar héldu svo
áfram og höfnuðu á heimilisbílnum
sem er stórskemmdur ef ekki ónýt-
ur.“
Óskar segir bílinn, sem er jeppa-
bifreið, mikið dældaðan, framrúðuna
mölbrotna líkt og spegil auk þess
sem þakið blakti að aftan. Hann gæti
best trúað að vindhraðinn hafi verið
30-40 metrar á sekúndu. „Það var
ekki stætt. Þeir komu hingað frá
björgunarsveitinni og þurftu að
skríða á fjórum fótum.“
Mælst var til þess að heimilisfólkið
yfirgæfi húsið og færi í var þar sem
stórhætta var á að fleiri plötur fykju
á húsið. Áður voru plöturnar þó kirfi-
lega festar.
„Þakplötum
rigndi yfir“
Eftir Andra Karl
andri@mbl.is
GRÍÐARLEGT annríki var hjá
björgunarsveitum, slökkviliði og lög-
reglu um allt land í gær vegna óveð-
urs sem geisaði. Samgöngur allar
fóru úr skorðum og á höfuðborgar-
svæðinu þurfti að loka mörgum göt-
um vegna vatnselgs, en asahláka og
mikil úrkoma olli hvað mestum
vandkvæðum. Samkvæmt upplýs-
ingum frá Slysavarnarfélaginu
Landsbjörg voru útköll töluvert
fleiri vegna óveðursins í gær en í
álíka veðurofsa um miðjan mánuð-
inn. Engin alvarleg meiðsli urðu á
fólki.
Samhæfingarstöðin í Skógarhlíð
var virkjuð klukkan fjögur aðfara-
nótt sunnudags og höfðu slökkviliðs-
menn í nógu að snúast við vatnsdæl-
ingar á Suður- og Vesturlandi – þar
sem veður var hvað verst framan af.
Þegar líða tók á morgun fór útköll-
um að fjölga á höfuðborgarsvæðinu,
Suðurnesjum, Akranesi, Borgarnesi,
Blönduósi og Selfossi og til að
mynda bárust fjörutíu útköll tengd
óveðrinu á höfuðborgarsvæðinu frá
klukkan sjö til hádegis. Mest bar á
útköllum vegna foktjóns og vatns-
leka, en meðal þess sem fauk voru
þakplötur, skilti, tré og gervihnatta-
diskar. Í Hafnarfirði losnuðu m.a.
bátar í höfninni og byggingakrani
fauk auk þess sem þakklæðning
losnaði af íbúðarhúsnæði við
Strembugötu. Á Akranesi fauk
stokkur af þaki Sementsverksmiðj-
unnar ásamt hluta þaksins. Á sama
tíma voru björgunarsveitarmenn í
Reykjanesbæ að elta uppi fjúkandi
ruslatunnur, jólaskreytingar bæjar-
ins og ótal lausamuni.
Kringlumýrarbraut lokað
Miklar tafir urðu á umferð á höf-
uðborgarsvæðinu vegna hins gríðar-
mikla vatnsflaums sem um göturnar
rann. Samkvæmt upplýsingum frá
almannavörnum höfðu frárennslis-
lagnir ekki undan auk þess sem há-
flóð var klukkan ellefu í gærmorgun.
Strax eftir hádegið bárust aðvar-
anir frá lögreglu og var fólki bent á
að vera ekki á ferðinni að óþörfu.
Nokkrum götum í flestum sveitar-
félögum á höfuðborgarsvæðinu var
lokað, m.a. í Hafnarfirði þar sem
bæjarlækurinn flæddi yfir bakka
sína og niðurföll minntu helst á gos-
brunna. Einnig þurfti að loka akrein
Kringlumýrarbrautar, til norðurs, í
Fossvogi og mynduðust því langar
raðir. Lögregla hleypti bílum
framhjá eftir föngum.
Einnig stöðvaðist umferð sums
staðar vegna bifreiða sem stöðvuð-
ust í stórum pollum.
Óveður var að mestu gengið niður
á suðvesturhorninu um miðjan dag
en tilkynningum vegna vatnstjóns
rigndi nánast inn. Víða á höfuðborg-
arsvæðinu flæddi inn í kjallara og
unnu slökkviliðsmenn og björgunar-
sveitarmenn hörðum höndum að því
fram á kvöld við að losa stífluð nið-
urföll og dæla vatni. Eru dæmi um
miklar skemmdir á íbúðar- og versl-
unarhúsnæðum, m.a. urðu skemmd-
ir í verslun Intersport við Bíldshöfða
í Reykjavík.
Þá urðu töluverðar skemmdir á
gólfefni á farfuglaheimilinu Fit í
Reykjanesbæ í gærmorgun, en Bola-
fljót við Fitjabraut stíflaðast með
fyrrgreindum afleiðingum. Að sögn
forsvarsmanns farfuglaheimilisins
flæddi vatnið inn um inngang hús-
næðisins og inn á fimm herbergi og
skrifstofu. Þrátt fyrir að dæling hæf-
ist snemma er ljóst að skipta þarf
um parket á öllum herbergjunum.
Síðdegis voru allar björgunar-
sveitir á Suðurnesjum kallaðar til
höfuðborgarsvæðisins til aðstoðar
við að dæla vatni.
Rafmagnslaust á Egilsstöðum
Veðurtengd útköll bárust víðast
hvar af landinu en hófust t.a.m.
seinna á Norður- og Austurlandi –
þar sem verulega byrjaði að hvessa
um miðjan dag.
Rafmagn fór af Egilsstöðum og
nágrenni um þrjúleytið og var
stopult fram til klukkan sex þegar
það fór alfarið á nýjan leik, vegna
bilunar í tengivirki við Eyvindará.
Rafmagnið kom aftur á klukkan
21.30 í gærkvöldi. Rafmagnstruflan-
ir einskorðuðust ekki við Austurland
því víða sló línum saman og leystu
út.
Síðdegis fóru lausamunir og þak-
plötur að fjúka um Egilsstaði en
einnig rifnaði tæplega fimmtán
metra há ösp upp með rótum í Lauf-
ási – sem er skjólsælasti hluti bæj-
arins. Að sögn Þráins Sigvaldasonar,
hjá björgunarsveitinni Héraði, voru
30-40 útköll á milli klukkan sjö og
níu – öll vegna foks. Nokkuð var um
gluggabrot og að efni af bygginga-
svæðum fyki.
Asahláka og mikil úr-
koma olli vandkvæðum
Morgunblaðið/Ómar
Stórfljót Kringlumýrarbraut í Fossvogi var lokað um tíma í gærdag og ekki að ósekju. Vatnsmagnið var slíkt að á
tíma leit út fyrir að bílar væru á leið yfir stórfljót. Langar bílaraðir mynduðust en úr greiddist síðdegis.
Í HNOTSKURN
»Yfir 320 björgunarsveitar-menn frá björgunarsveitum
Slysavarnarfélagsins Lands-
bjargar, auk slökkviliðs og lög-
reglu, sinntu á fjórða hundrað
útköllum um land allt.
»Ástandið var verst á höfuð-borgarsvæðinu þar sem
beiðnir um aðstoð voru á annað
hundrað. Meðal helstu verkefna
var að dæla vatni úr kjöllurum
og losa niðurföll.
»Meira var um foktjón annarsstaðar á landinu, þakplötur
fuku af íbúðarhúsum og klæðn-
ingar losnuðu.
»Þrátt fyrir að björgunar-sveitarmenn sinntu ótal verk-
efnum tókst að halda flugelda-
sölustöðum opnum.
Töluvert tjón
í þriðja óveðrinu
í mánuðinum
Björgunarsveitir, lögregla og slökkvilið í aðalhlutverki þegar kröpp lægð gekk yfir
LÍKT og kemur fram í greininni hér að ofan voru
miklar annir hjá björgunarsveitarmönnum og
slökkviliði við að dæla úr kjöllurum sem flætt
hafði í vegna asahláku og mikillar úrkomu. Meðal
annars gerðist það á hjúkrunarheimilinu Skógar-
bæ í Reykjavík, þar sem flaumurinn var slíkur að
vatn flæddi upp úr klósettum. Engar íbúðir eru þó
í kjallaranum og aldrei stafaði af nein hætta,
hvorki íbúum né starfsfólki.
Þegar Morgunblaðið náði tali af Jónbjörgu
Sigurjónsdóttur, hjúkrunarforstjóra, í gærkvöldi
var enn unnið að því að hreinsa upp. „Þetta upp-
götvaðist upp úr klukkan eitt og leit ekki vel út, en
í svona asahláku hafa dælurnar einfaldlega ekki
undan,“ segir Jónbjörg og bendir á að húsnæðið
standi afar lágt. „Dælurnar okkar virka öllu jöfnu
en þegar það er snýr svo snöggt úr frosti og snjó
yfir í hita og rigningu fyllist allt.“
Tjónið er talið töluvert en í kjallaranum er
hjúkrunarlager, geymslur og þvottahús. Þá eru
karmar illa farnir upp að tíu sentímetrum.
Jónbjörg er afar ánægð með hvernig björg-
unarstarf gekk, ekki síst þar sem erfitt var að ná í
starfsfólk til aðstoðar, þ.e. vegna fría. Björg-
unarsveitarmenn voru hins vegar snöggir á vett-
vang, dældu vatninu upp og voru ómæld hjálp.
Á fleiri stöðum stóðu enn hreinsunarstörf yfir
þegar blaðamaður hafði samband í gærkvöldi.
Eigendur hundahótelsins að Dalsmynni stóðu enn
í ströngu, en snemma í gærmorgun flæddi vatn
inn í hótelið þegar aurskriður féllu við húsið. Eng-
an sakaði.
Að sögn Ástu Sigurðardóttur, annars eiganda
Dalsmynnis, var um hrikalega lífsreynslu að
ræða. Húsráðendur vöknuðu upp á fimmta tím-
anum aðfaranótt sunnudags og var fárviðrið þá
slíkt að ekki var stætt á milli húsa. Hún segir aur-
skriðurnar hafa fallið þannig að lækur sem rennur
skammt frá húsinu hafi yfirfyllst, breytt um far-
veg og tekið með sér jarðveg í átt að húsinu.
Vatnshæðin náði upp fyrir hefðbundin stígvél auk
þess sem geymslukjallari yfirfylltist.
Óvist er hversu mikið tjónið er en Ásta segir
þrifin sem eftir eru gríðarleg. Hún þakkar líkt og
aðrir viðmælendur björgunarsveitarmönnum og
slökkviliði hjálpina, en slökkviliðið mætti með
dælubíl á níunda tímanum í gærmorgun. Vel gekk
að dæla vatninu upp en Ásta segist þó hafa þurft
að fá að láni dælur sem voru í gangi í allan gær-
dag.
Dælurnar höfðu ekki við og flæða
fór upp úr klósettum á Skógarbæ
Morgunblaðið/Ómar
Foss Úr klósettunum rann stríður straumur.
♦♦♦
♦♦♦