Morgunblaðið - 31.12.2007, Page 29

inu um markmiðið um jafnvægi og
áframhaldandi hagsæld. Atvinnu-
lífið og verkalýðshreyfingin gera
sér grein fyrir að verðbólga og við-
varandi spenna í efnahags- og at-
vinnulífi eru engum til góðs. Mál-
flutningur forystumanna
samningsaðila við gerð komandi
kjarasamninga gefur fyrirheit um
að í þeim samningaviðræðum verði
þessi sjónarmið höfð að leiðarljósi,
um leið og leitað verði leiða til að
leiðrétta kjör þeirra sem minnst
hafa borið úr býtum á und-
anförnum árum.
Enginn skyldi þó ætla að þetta
verði áhlaupaverk. Ýmsar blikur
eru á lofti í hinu alþjóðlega hag-
kerfi sem Íslendingar hafa litla
stjórn á og nægir að nefna hækkun
olíuverðs og þróun matvælaverðs í
heiminum.
En þeim mun meiri er ábyrgð
okkar, að grípa þau tækifæri og
nýta þær lausnir sem við höfum í
hendi okkar. Ríkisstjórnin hefur
sýnt vilja sinn í verki með ábyrgum
fjárlögum og aðrir hafa sýnt vilja
til samstarfs á sömu braut. Það er
sameiginlegt viðfangsefni aðila
vinnumarkaðarins og ríkisstjórnar
að hér skapist aðstæður til þess að
fara megi saman efnahagslegt jafn-
vægi, velmegun og aukinn jöfn-
uður.
IV
Þess sjást glögg merki víða í
samfélaginu að Samfylkingin er
orðin burðarstoð í íslenskum
stjórnmálum, hinn öflugi flokkur
jafnaðarmanna sem til var stofnað
og svo margir Íslendingar líta til
um framsýna forystu á komandi ár-
um. Flokkurinn situr nú í rík-
isstjórn og er í meirihluta, einn eða
með öðrum, í flestum stærstu sveit-
arfélögum landsins, Reykjavík,
Hafnarfirði, Akureyri og Árborg,
svo aðeins fáein séu nefnd.
Samfylkingin gerir sér grein fyr-
ir ábyrgðinni sem þessu fylgir og
mun fylgja orðum eftir með verk-
um. En flokkurinn tekur ekki við
völdum til að viðhalda óbreyttu óst-
andi eða standa vörð um úreltar
hugmyndir. Hugmyndafræði jafn-
aðarmanna er sífersk og róttæk,
tekur mið af breyttum aðstæðum
og nýjum hugmyndum, með hin sí-
gildu grunnstef jöfnuðar og rétt-
lætis að leiðarljósi.
Ráðherrar Samfylkingarinnar
hafa ekki setið auðum höndum
undanfarið hálft ár. Í utanrík-
isráðuneytinu er nú unnið að gagn-
gerri stefnumörkun sem nýjar að-
stæður og breytt heimsmynd kalla
á. Þar verður áfram byggt á
traustu samstarfi við lýðræðisþjóðir
í nágrenni okkar, en stóraukin
áhersla lögð á mannréttindi og þró-
unarsamvinnu enda löngu kominn
tími til að Íslendingar verði ábyrgir
gerendur fremur en óvirkir þiggj-
endur í alþjóðasamstarfi.
Samfylkingin hefur á þessum
fyrstu mánuðum í ríkisstjórn lagt
megináherslu á velferðarmálin með
sérstaka áherslu á umtalsverðar
kjarabætur fyrir lífeyrisþega og ör-
yrkja, aðgerðir í þágu barna og
nýja sókn í jafnréttismálum. Þá er
hafin löngu tímabær vinna við
heildarendurskoðun almannatrygg-
ingakerfisins í félagsmálaráðu-
neytinu. Á næstum mánuðum verð-
ur einnig gripið til aðgerða til að
tryggja félagsleg úrræði í húsnæð-
ismálum, þar sem staðan er alger-
lega óviðunandi fyrir ungt fólk og
lágtekjuhópa.
Í viðskiptaráðuneytinu eru neyt-
enda- og samkeppnismál nú til um-
fjöllunar sem aldrei fyrr og sér
þess stað í margvíslegum til-
löguflutningi viðskiptaráðherra á
alþingi. Fleiri slíkra tillagna er að
vænta, sem stuðla að aukinni sam-
keppni, gegnsæi, réttlátum leik-
reglum á markaði og traustari
stöðu fjármálalífsins, neyt-
endavernd og öruggari viðskiptum.
Ábyrgð Íslendinga í umhverf-
ismálum er mikil, bæði innanlands
og utan, sem vörslumanna ómet-
anlegrar náttúru og ábyrgra þátt-
takenda í alþjóðsamstarfi. Lofts-
lagsmál og vernd verðmætra
náttúrusvæða eru mikilvæg verk-
efni ríkisstjórnarinnar og er afar
brýnt að standa þar vörð um hags-
muni komandi kynslóða.
Í iðnaðarráðuneytinu er nú unnið
að endurskoðun á stefnumörkun í
orkumálum sem byggist á þeirri
meginreglu að auðlindir þjóð-
arinnar skuli vera í almannaeigu og
nýtingarréttur einungis framselj-
anlegur eftir skýrt mörkuðum
reglum.
Eins og fjárlög bera með sér
fellur í hlut samgönguráðherra að
hrinda í framkvæmd mörgum
þeirra ákvarðana sem ríkisstjórnin
ákvað í sumar að yrðu forgangs-
verkefni í samgöngubótum og fjar-
skiptavæðingu landsins. Þessara
verkefna mun sjá stað víða um land
á næstu misserum enda um að
ræða einhver brýnustu viðfangsefni
okkar sem einnar þjóðar í einu
landi.
V
Ríkisstjórnin hefur farið vel af
stað og mikill meirihluti þeirra
verkefna sem getið er um í stjórn-
arsáttmálanum er þegar kominn á
góðan rekspöl. Framundan eru
kjarasamningar og krefjandi verk-
efni eins og skilgreining á eign-
arhaldi náttúruauðlinda, mótun að-
gerðaáætlunar í loftslagsmálum,
endurskoðun landbúnaðarkerfis, út-
tekt á kvótakerfinu – allt eru þetta
mikilvæg viðfangsefni sem munu
hafa afgerandi þýðingu fyrir Ísland
framtíðarinnar. En þessi ríkisstjórn
var mynduð til að takast á við stór
verkefni og það verður ögrandi að
leiða þau til farsællar niðurstöðu.
Þessi ríkisstjórn hefur þegar sýnt
styrk sinn í verki og hún mun ekki
víkja sér undan vandasömum verk-
um.
Ég óska landsmönnum öllum far-
sældar á nýju ári og þakka sam-
fylgd og stuðning á árinu sem nú
er á enda.
reynslulitlu borgarfulltrúar sjálf-
stæðismanna í sundur trjágreinina
sem þeir sjálfir sátu á, en slíkt er
vinsælt efni í teiknimyndum þegar
á að koma börnum til að hlæja.
Borgarfulltrúi Framsókn-
arflokksins, Björn Ingi Hrafnsson,
stóð sig vel og fékk einróma stuðn-
ing bæði í Reykjavík og hjá mið-
stjórn flokksins.
Framkoma sjálfstæðismanna
annars vegar við stjórnarmynd-
unina og hins vegar við slit meiri-
hlutans í Reykjavík er umhugs-
unarefni fyrir okkar flokk og
raunar geta fleiri dregið lærdóm
af. Það er vert að huga að hvernig
hinum nýja meirihluta í Reykjavík
tekst til og hvernig samstarfið
verður. Það er þó engu að kvíða í
þeim efnum að mínu mati enda eru
framsóknarmenn í Reykjavík vanir
góðu samstarfi í félagshyggju-
meirihluta í Reykjavík. Ef vel
gengur eru kannski meiri tíðindi
fólgin í tilurð þessa nýja meiri-
hluta en margur hyggur.
Viðskilnaður
Það er góð regla að gera skila-
grein, þegar skilað er af sér því
sem fólki hefur verið trúað fyrir og
nú þegar við framsóknarmenn
hverfum úr ríkisstjórn er gaman
að geta þess að Ísland er í efsta
sæti þjóða heims þar sem lífsgæði
eru mest og best samkvæmt ein-
kunnagjöf Sameinuðu þjóðanna.
Viðmiðunarárið þar er 2005,
þ.e.a.s. hálfu öðru ári áður en við
framsóknarmenn skiluðum lykl-
unum til Samfylkingarinnar.
Á ráðstefnu SÞ um loftslagsmál
á eyjunni Balí sem haldin var fyrir
skemmstu var birtur listi yfir þær
þjóðir sem best standa í umhverf-
ismálum og er Ísland þar í þriðja
sæti. Hlýtur það að vera fagnaðar-
efni fyrir okkur sem látum þessi
mál okkur miklu skipta og sýnir að
uppbygging undanfarinna ára hef-
ur átt sér stað samhliða aukinni
áherslu á umhverfis- og nátt-
úruvernd.
Ísland hefur að auki ítrekað
mælst í efstu sætum þegar litið er
til samkeppnishæfustu þjóða heims
og tekið þar stór skref fram á við
frá árinu 1995. Þá er Ísland í
þriðja sæti þegar horft er til
þeirra landa sem eru vinsamlegust
gagnvart erlendri fjárfestingu.
Hér ríkir eitthvert mesta við-
skiptafrelsi í heiminum. Atvinnu-
leysi mælist lægst hér á landi með-
al allra Evrópuríkja og þótt víðar
væri leitað. Samkvæmt skýrslu frá
Alþjóða efnahagsstofnuninni erum
við Íslendingar í 4. sæti þegar
skoðuð er staða þjóða í jafnrétt-
ismálum. Þjóðin mælist ein sú rík-
asta í heiminum og svona mætti
lengi áfram telja.
Efnahagslífið er með öðrum orð-
um blómlegt og þrátt fyrir óróa á
mörkuðum síðustu vikur, er árang-
ur síðustu ára ævintýralegur.
Kaupmáttur hefur vaxið mjög und-
anfarin ár, svo vart eru dæmi fyrir
slíku annars staðar. Nú er svo
komið að þessi þjóð sem var einna
fátækust í Evrópu fyrir aðeins 100
árum síðan er komin í fremstu röð
þjóða heims.
Framsóknarflokkurinn
Við fengum harðan dóm í síð-
ustu kosningum og að mínu áliti
óverðskuldaðan, en við höfðum
margt gott gert, en sjálfsagt einn-
ig mistök. Sárt var að sjá á eftir
afbragðsmanninum Jóni Sigurðs-
syni úr framlínunni og eru íslensk
stjórnmál fátækari fyrir vikið. Vil
ég þakka honum drengskap og
fórnfýsi í öllum störfum fyrir
flokkinn. Dómi kjósenda verðum
við samt að hlíta eins og aðrir og
ekkert dugir minna fyrir okkur
framsóknarmenn en að leggjast á
árar og rétta okkar hlut í næstu
kosningum svo um munar.
Við erum í mikilli uppbygging-
arvinnu og fyrir næstu kosningar
munu kjósendur sjá nýja stefnu-
skrá byggða á þeim íslenska, þjóð-
lega grunni sem við höfum einir
allra flokka. Við lifum á spennandi
tímum og tækifærin eru við hvert
horn. Efnahagsleg sókn síðustu
ára hefur verið hröð og miklu skil-
að bæði til einstaklinga, fyrirtækja
og opinberra sjóða. Við getum
hrósað happi yfir velgengninni. Að
fleiru er þó að hyggja, gæfan er
ekki sótt í gullið og vellíðan ekki í
verðbréf.
Menn verða að leita hinna sönnu
verðmæta sem er að finna í góðu
og grandvöru lífi sem lifað er í
kristilegum anda. Okkar skylda er
að innræta ungdómnum gott krist-
ið siðgæði eins og það sem við tók-
um í arf í okkar uppvexti og kennt
hefur verið á íslenskum heimilum í
„Íslands þúsund ár“.
Við verðum að spyrna við fótum
og ekki láta hrekja allt sem er
okkur kærast, gildismat og góða
siði til hliðar í nafni umburð-
arlyndis og tillitssemi. Ef við trú-
um því að börnum okkar sé best
borgið með kristilegu uppeldi og
kristilegri fræðslu í skólum og
kirkjum, þá eigum við að hafa
manndóm til að berjast fyrir því
sjónarmiði. Við eigum jafnframt að
vera baráttumenn fyrir því að þeir
sem vilja iðka aðra trú eða enga
hafi sín réttindi til þess.
Fólk sækir æ meir úr skarkala í
frið og grið hinna dreifðu byggða.
Kyrrðin gefur færi á að ná sam-
bandi við það sem best er inni í
manni og sambýlið við náttúruna
og sköpunarverkið lyftir sálinni.
Það er draumsýn mín, landsbyggð-
armanns sem fæddur er og uppal-
inn í sveit, að saman geti farið
blómlegar byggðir og mannlíf bæði
í sveitum og borgum og bæjum,
þannig að dreifbýlisfólk geti sótt
til þéttbýlis þjónustu og menntun
sem ekki er unnt að veita í hinum
dreifðu byggðum en borgarbúar
geti aftur á móti notið hinnar
djúpu kyrrðar og sálarfriðar sem
tærastur er í íslenskri náttúru.
Landsmönnum öllum óska ég
árs og friðar og Guðs blessunar.
MORGUNBLAÐIÐ MÁNUDAGUR 31. DESEMBER 2007 29
Útsalan
hefst 2. janúar
v/Laugalæk • sími 553 3755