Morgunblaðið - 04.01.2008, Side 18

|föstudagur|4. 1. 2008| mbl.is
daglegtlíf
Eftir Jóhönnu Ingvarsdóttur
join@mbl.is
F
rítímanum mínum kýs ég
auðvitað helst að eyða í
faðmi fjölskyldunnar.
Við Eyrún, fjögurra ára
dóttir mín, erum sér-
staklega góðar saman og stefnum
ótrauðar að því að syngja og tralla á
þrettándabrennunni, sem kveikt
verður í klukkan 17.00 á sunnudaginn
með tilheyrandi flugeldagleði
skömmu síðar. Gera má ráð fyrir að
brennan verði óvenju vegleg í ár þar
sem fresta varð áramótabrennunni
sökum ótíðar. Við Nesbúar tökum þá
bara tvöfalt á því á sunnudaginn,
kveðjum gamla árið og fögnum því
nýja með stæl,“ segir Margrét Sig-
urðardóttir, æskulýðsfulltrúi og
brennustjóri Seltirninga.
Álfar, tröll og fjöldasöngur
Þrátt fyrir að hafa borið þann til-
komumikla titil að vera brennustjóri
undanfarin átta ár segist Margrét,
sem betur fer, hvorki hafa þurft að
hantera eld né olíu því sú brennu-
tækni sé í höndum góðra manna úr
áhaldahúsi bæjarins og björg-
unarsveitamanna úr Ársæli auk þess
sem bæjarbúar hjálpa til við íkveikj-
una með því að henda kyndlum á
köstinn eftir kyndilgöngu frá Mýr-
arhúsaskóla. Ársælsmenn sjá jafn-
framt um að lýsa upp himininn með
flugeldasýningu á meðan foreldra-
félög Mýrarhúsa- og Valhúsaskóla
sjá um dagskrána að öðru leyti. Og ef
að líkum lætum munu álfakóngur og
álfadrottning fara fyrir hópi álfa og
trölla auk þess sem Kertasníkir, síð-
asti jólasveinninn sem kemur og fer,
kveður mannabyggðir að þessu sinni.
Valgeir Guðjónsson ætlar svo að spila
fyrir fjöldasöng á palli við brennuna.
Má þá gera ráð fyrir að kyrjaðir verði
söngvar á borð við Álfareiðina, Ólaf
liljurós, Nú er glatt hjá álfum öllum
og Máninn hátt á himni skín.
Vindasamt á Valhúsahæð
„Mitt hlutverk snýst öllu heldur
um leyfisbréf og ábyrgð svo allt gangi
snurðulaust fyrir sig. Brennustjórinn
fylgir víst starfslýsingu æskulýðs-
fulltrúans. Hann þarf að fara eftir
gildandi reglum og fylgjast með
veðri, en ef útlit er fyrir meiri vind en
fimmtán metra á sekúndu má ekki
kveikja í enda getur gert góðan
strekking á Valhúsahæð,“ segir Mar-
grét, sem mátti lítið vera að því að
ræða mikið við blaðamann þar sem
þær mæðgurnar voru að leika saman.
„Ég ákvað að taka mér frí þessa
fyrstu vinnudaga ársins til þess að
vera með dóttur minni og núna erum
við mæðgurnar akkúrat í alls konar
pödduleikjum og mömmuleikjum
sem er bara dásamlegt,“ segir Mar-
grét á meðan dóttirin reynir að toga
móður sína frá þessari truflun, sem
stafar af einskærri brennuforvitni
blaðamanns.
Samveran er svo mikilvæg
Sem yfirmaður æskulýðsmála á
Seltjarnarnesi ber Margrét ungling-
um vel söguna. „Ég starfa með tólf til
sextán ára gömlum börnum og ung-
lingum alla daga sem mér finnast
vera bæði frumlegir, jákvæðir, dríf-
andi og skemmtilegir í alla staði. Að
því leytinu til er ég í draumastarfinu.
Þessi aldurshópur finnst mér líka
vera mun betur staddur en ég og
mínir jafnaldrar vorum á þessum
aldri. Það gengur mjög vel að aga
unglinga til í dag og ég tel að þeir
geti, ef þeir sjálfir kjósa, verið í virki-
lega góðum málum.
Mér finnst mikilvægast að tala við
börnin sem jafningja og vera til stað-
ar í leik þeirra og starfi, og gefa
krökkum tíma á þeirra forsendum í
stað þess að setja okkur sjálf sífellt í
aðalhlutverkið. Það kunna þau að
meta þegar upp er staðið. Tíminn,
sem við eyðum í börnin okkar, er
miklu dýrmætari en rándýru dauðu
hlutirnir, sem við reynum að gleðja
þau með í tíma og ótíma. Það þarf
ekkert að vera svo merkilegt það sem
við erum að gera með börnunum okk-
ar. Samveran er mikilvægust og við
mæðgurnar áttum til að mynda
dásamlega stund fyrir jólin með því
að gera saman piparkökuhús,“ segir
Margrét að lokum.
Þrettándagleðin ómar víðar
Af öðrum þrettándabrennum á höf-
uðborgarsvæðinu má nefna að kveikt
verður í brennu við Faxaskjól kl.
18.00 á morgun. Á sunnudag kl. 17.00
verður svo kveikt í báli við gamla
Gufunesbæinn í Grafarvogi. Brennur
verður við Ægissíðu kl. 17.00 og kl.
18.00 verður kveikt í bálköstum við
Sæmundarskóla í Grafarholti, við
Furugrund í Kópavogi og á Ásvöllum
í Hafnarfirði. Á Álftanesi verður
brenna kl. 19.00 og í Ullarnes-
brekkum við Varmá í Mosfellsbæ
verður kveikt í kl. 20.30. Skot-
eldasýningar verða í Mosfellsbæ,
Hafnarfirði, Kópavogi og Grafarvogi.
Tökum tvöfalt á
því á sunnudaginn
Morgunblaið/ RAX
Mæðgur Brennustjórinn Margrét Sigurðardóttir er harðákveðin í því að skemmta sér á þrettándagleði Seltirninga með Eyrúnu, 4 ára dóttur sinni.
Morgunblaðið/Golli
Þrettándagleði Jólin verða kvödd með álfabrennum víða um helgina.
Göngutúrinn Alltaf er
gott að ganga á Esjuna.
Maturinn: Steiktur fisk-
ur án kokteilsósu.
Staðurinn: Botn Hval-
fjarðar.
Skemmtilegast: Góðar
samverustundir með
fjölskyldunni eru í uppá-
haldi hjá mér.
Sundlaugin: Sundlaug
Seltjarnarness.
Veitingastaðurinn: Ca-
ruso við Laugaveg.
Uppáhaldsstaðir: Af-
ríka sem álfa og svo
geri ég ekki upp á milli
borganna Lundúna og
Parísar.
Margrét
mælir með...
ÞEGAR ökumenn tala í farsíma aka
þeir hægar og hafa betri tíma til að
bregðast við. Þetta eykur öryggið í
umferðinni sem rúmar hins vegar
ekki svo marga hægfara ökumenn á
álagstímum.
Á vefsíðu Berlingske Tidende er
greint frá rannsókn sem sýnir að
bílstjórar sem tala í farsíma eru
ekki eins snöggir til viðbragðs og
aðrir. Þvert á móti hægja þeir á um-
ferðinni með því að auka bilið á milli
sín og næsta bíls, auk þess sem þeir
bregðast hægar við en aðrir öku-
menn. Þetta segir teymi sálfræð-
inga við Háskólann í Utah sem hef-
ur sérhæft sig í að rannsaka hegðun
ökumanna sem tala í farsíma.
Niðurstöður fyrri rannsókna sýna
að ökumenn sem tala í farsíma eru
lengur að hemla og taka af stað en
aðrir bílstjórar sem hafa alla athygli
sína á akstrinum. Í þetta skipti stóðu
þátttakendur tilraunarinnar
frammi fyrir ólíkum valkostum í
umferðinni í gegn um sérstakan um-
ferðarhermi. Í ljós kom að þeir öku-
menn sem voru að spjalla í síma
hægðu ekki aðeins á sér sjálfum
heldur einnig bílstjórunum fyrir aft-
an.
Bílstjórar með farsíma höfðu
t.a.m. frekar tilhneigingu til að
halda sig fyrir aftan hægfara flutn-
ingabíl þótt það hefði flýtt fyrir um-
ferðinni að flytja sig yfir á akrein
þar sem umferðin var hraðari.
Sama vísindateymi hefur áður
birt niðurstöður sem sýndu að það
er ekki öruggara að tala í síma í
gegn um handfrjálsan búnað en að
halda á honum, vegna þess að sjálft
samtalið dreifir athygli ökumanns-
ins og eykur þar með hættuna á um-
ferðarslysi.
Vísindamennirnir segja því að
reglur sem kveða á um að ökumenn
megi eingöngu tala í gemsa með
handfrjálsum búnaði séu á misskiln-
ingi byggðar. Réttara væri að banna
farsímanotkun með öllu undir stýri.
Gemsinn hægir
á umferðinni
Morgunblaðið/Þorkell
Farsíminn Þegar maður hringir heim til að láta vita að manni seinki vegna
umferðar er maður sjálfur að seinka umferðinni.