Morgunblaðið - 29.03.2008, Page 20

20 LAUGARDAGUR 29. MARS 2008 MORGUNBLAÐIÐ
AKUREYRI
Selfoss | „Ég er ekki viss. Einhver sagði mér að
miðjubörn þörfnuðust meiri athygli en önnur, það
gæti verið satt. En annars þykir mér bara gaman
að skemmta mér og öðrum og bregða mér í allra
kvikinda líki,“ sagði Kristín Gestsdóttir, formaður
Leikfélags nemendafélags Fjölbrautaskóla Suður-
lands á Selfossi. Félagið sýnir
nýjan íslenskan söngleik í ófull-
gerðum menningarsal Hótel
Selfoss.
Kristín er á tuttugasta ald-
ursári og hefur búið á Selfossi
frá sjö ára aldri. Henni líkar vel
að búa á Selfossi, segir bæinn
fallegan og hafa upp á margt að
bjóða enda segist hún kunna vel
við að vera aðeins utan við ys og
þys höfuðborgarsvæðisins þó
það sé gott að geta skroppið þangað á rúmum hálf-
tíma.
„Þetta er annað árið í röð sem ég sit í nem-
endaráði Fjölbrautaskólans, sem formaður leik-
félagsins. Mér þykir alveg ofsalega gaman að taka
virkan þátt í félagslífi skólans daginn út og inn enda
ekki víst að maður mundi endast í þessu annars,“
sagði Kristín. Hún segist eiga sér nokkra uppá-
haldsleikara á Íslandi og nefnir þar t.d. Gunnar
Eyjólfsson, Kristbjörgu Kjeld, Eddu Björgvins,
Helgu Braga, Margréti Vilhjálmsdóttir, Sigga Sig-
urjóns og Eggert Þorleifsson. „Það væri nátt-
úrulega alveg draumurinn að verða atvinnuleikari,
planið er alla vega að fara eitthvert út til að læra
leiklist,“ segir Kristín þegar hún var spurð hvort
hana dreymdi að verða atvinnuleikari.
Rokksöngleikur
Leikfélag Fjölbrautaskólans frumsýndi á
fimmtudagskvöldið rokksöngleikinn „Til sölu“.
Þetta er stærsta og viðamesta verkefni sem félagið
hefur nokkru sinni lagt í og er sannkallaður at-
vinnumannsbragur á sýningunni. Allt er lagt í söl-
urnar svo sýningin gleðji, kæti og trylli áhorfendur
á öllum aldri.Verkið er klassísk ástarsaga en um
leið hárbeitt ádeila á það hversu langt fólk er til í að
ganga til þess að vera töff og passa inn í hópinn.
Gert er óspart grín að því hvernig reglur verða til í
samskiptum ungs fólks, þar sem allt gengur út á að
vera töff og ef þú ert það ekki, þá ertu nörd.
Leikfélagið fékk til liðs við sig fólk úr fremstu
röð til að gera sýninguna sem best úr garði gerða.
Á fjórða tug nemenda tekur þátt í uppfærslunni og
sýna þeir allir snilldartakta, ýmist við leik, söng eða
dans. Öll tónlist er lifandi og þjálfað hefur verið upp
frábært nýtt rokkband sem er algerlega að slá í
gegn. Verkið skrifaði Bjartmar Þórðarson fyrir
leikfélagið, leikstjóri er Sigrún Sól Ólafsdóttir, tón-
listarstjóri er Bassi Ólafsson, danshöfundur Unnur
Pálmarsdóttir, og Þórunn Gróa Magnúsdóttir sér
um búninga og leikmyndahönnun.
Ein sýning á ári
„Leikfélagið setur upp að jafnaði eina sýningu á
ári, yfirleitt á vorönn. Reynt er að koma því þannig
fyrir að settur sé upp söngleikur annað árið en leik-
rit minna í sniðum hitt árið. Í fyrra settum við upp
spunaverkið „Sambýlið“ og tókst vel til. Í ár höfð-
um við áheyrnarprufur fyrir söngleikinn og komust
færri að en vildu. Við sýnum í ófullgerðum menn-
ingarsal Hótel Selfoss sem er mjög flott aðstaða,
þrátt fyrir að vera ókláruð. Við höfum fengið frá-
bærar viðtökur og troðfullt var á frumsýninguna,“
sagði Kristín. Næsta sýning er annað kvöld, 30.
mars, 3. sýning 1. apríl og 4. sýning 6. apríl. Sýn-
ingar hefjast kl. 20. „Ég vil hvetja unga sem aldna
að leggja leið sína austur fyrir fjall á stórglæsilegan
söngleik okkar FSu-inga,“ sagði Kristín að lokum.
Gaman að skemmta öðrum
Til sölu Á fjórða tug nemenda Fjölbrautaskóla Suðurlands tekur þátt í rokksöngleiknum „Til sölu“.
Sýningin er sett upp af metnaði og atvinnumenn aðstoða.
Rokksöngleikur í ófullgerð-
um menningarsal hótelsins
Kristín Gestsdóttir
Í HNOTSKURN
»Kristín Gestsdóttir er fædd í Reykjavík enhefur átt heima á Selfossi frá sjö ára aldri.
Faðir hennar er Gestur Hjaltason, fram-
kvæmdastjóri og Selfyssingur, og móðir
hennar er Sólveig R. Kristinsdóttir náms-
ráðgjafi. Kristín á tvær systur.
»Hún lauk grunnskólaprófi frá Vallaskólaá Selfossi vorið 2004. Í dag stundar Krist-
ín nám í Fjölbrautaskólanum og stefnir að út-
skrift í vor. Hún starfar sem gengilbeina á
veitingastaðnum Menam á Selfossi samhliða
því að sitja í nemendaráði Fjölbrautaskóla
Suðurlands.
MENNINGARRÁÐI Suðurlands
bárust hundrað og þrettán umsóknir
um styrki til menningarverkefna.
Sótt var um styrki samtals tæplega
93 milljónir kr. Um er að ræða fyrri
úthlutun á árinu 2008.
Fram kemur á fréttavefnum sud-
urlandid.is að þetta eru heldur fleiri
umsóknir en bárust á árinu 2007. Þá
fengu 55 menningarverkefni styrki á
bilinu 30 þúsund til 2 milljónir kr.,
samtals tæplega 22 milljónir. Lægri
upphæð verður til úthlutunar að
þessu sinni vegna þess að úthlutanir
eru tvær á árinu, en búast má við að
samtals verði um 30 milljónir settar í
styrki á þessu ári.
Menningarráð hefur þegar skoðað
umsóknirnar og fjallað um þær og
mun tilkynna niðurstöðuna innan
skamms. Þær upphæðir sem sótt er
um eru umtalsvert hærri en það fjár-
magn sem sjóðurinn hefur úr að
spila.
Mikið sótt
í menning-
arstyrki
SVEITARFÉLÖGIN Árborg og Ölf-
us og Hveragerðisbær hafa hafnað
tilmælum um að greiða grunn-
skólakennurum og öðrum starfs-
mönnum sveitarfélaganna ein-
greiðslu vegna aukins álags í starfi.
Sum sveitarfélög hafa greitt
starfsmönnum sínum álag í formi
eingreiðslu. Sveitarfélögin á Ár-
borgarsvæðinu vísa til þess í álykt-
unum sínum að lagt sé upp með ný
vinnubrögð í kjaraviðræðum kenn-
ara og vonast til að það skili sér í
bættum kjörum.
Greiða kenn-
urum ekki álag
♦♦♦
ÁRBORGARSVÆÐIÐ
Gamalt Gísli klippir myndina. „Hann var búinn að fylla útihúsin af alls
konar smámunum, sem flestir hverjir voru frá því um miðja síðustu öld.“
„ÉG kynntist Sverri fyrst barn í Inn-
bænum á Akureyri en hann og faðir
minn voru ágætir vinir, fengu sér
stundum í tána og sungu þá svo und-
ir tók í Innbænum og nærsveitum,“
segir Gísli Sigurgeirsson kvik-
myndagerðarmaður um kynni sín af
Sverri Hermannssyni, smíðameist-
ara og safnara. Gísli hefur gert heim-
ildamynd um Sverri, Gamalt er gott,
sem frumsýnd verður á morgun,
þegar Sverrir verður áttræður.
„Sverrir vann í hálfa öld við smíð-
ar en þegar þrekið tók að minnka
ákvað hann að snúa sér að öðru,“
segir Gísli. „Hann hafði frá barns-
aldri safnað ýmsum munum, henti
aldri neinu, hann átti til dæmis
smíðatólin sem móðir hans hafði
fært honum á sjö ára afmælinu og
hann átti alla blýantsstubbana, sem
fallið höfðu til við smíðavinnu hans
frá 1946. Sverrir bjó í Aðalstræti 38
og þar er bakhús, sem eitt sinn var
hesthús, fjós og hlaða. Ég kom þarna
stundum strákur, en þegar ég heim-
sótti Sverri skömmu fyrir síðustu
aldamót datt af mér andlitið. Hann
var búinn að fylla útihúsin af alls
konar smámunum, sem flestir hverj-
ir voru frá því um miðja síðustu öld.
Þar að auki hafði hann komið þessu
öllu svo skemmtilega fyrir að það var
heilt ævintýri að skoða safnið. Þarna
fann ég túttuskó, sem gerðir voru úr
gúmmíslöngum, en slíkur skófatnað-
ur var algengur um miðja síðustu
öld. Þarna voru líka olíuluktir á reið-
hjól, gamlar reiknivélar, ritvélar,
hurðahandföng í tugatali, koppar,
hraðsuðukatlar, kranar, raflagna-
efni, símar, hálft annað tonn af svört-
um saumi og mínusskrúfur í þúsun-
davís.“
Gísli gerði stutta frétt um safn-
muni Sverris en sá í hendi sér að
Sverrir og lífsganga hans væri
kjarngott efni í heimildamynd.
Sverrir lauk smíðanámi upp úr
1950, en á áttunda áratugnum hóf
hann endurbætur á gömlum húsum,
sérhæfði sig í þeirri grein og starfaði
eingöngu við gömul hús í ein þrjátíu
ár. „Eitt fyrsta húsið sem hann gerði
við var Laxdalshús, sem var að hruni
komið þegar Sverrir og hans völund-
ar, hófu þar endurbætur. Þegar þeir
höfðu klætt húsið í sparifötin var það
eins og stofustáss í Innbænum.
Sagan endurtók sig við fleiri hús;
Höepfner, Tuliniusarhúsið, Grund-
arkirkju, Hólakirkju, Möðruvalla-
kirkju og skemmuna á Skipalóni, svo
nokkur dæmi séu nefnd,“ segir Gísli.
Hann telur að Sverrir hafi í raun
opnað augu Akureyringa fyrir því
hvað gömlu húsin eru mikils virði ef
þeim er vel við haldið. „Það gekk að
vísu hægt að opna augu norðan-
manna og sum þeirra voru algerlega
óopnanleg. Sverrir var til dæmis
gráti næst þegar Snorrahúsið við
Strandgötu var rifið,“ segir Gísli.
„Safnaði frá barnsaldri
og henti aldrei neinu“
Í HNOTSKURN
»Gísli Sigurgeirsson hefurgert heimildarmynd um
Sverri Hermannsson, smíða-
meistara og safnara. Sverrir
verður áttræður á morgun og þá
frumsýnir Gísli myndina vinum
og vandamönnum Sverris.
»Smámunasafn Sverris Her-mannssonar var opnað í Sól-
garði í Eyjafjarðarsveit 2003.
Gísli frumsýnir
mynd um smá-
munasafnarann
MENGUN frá Mjólkursamsölunni
Akureyri (MS) var mun minni í
fyrra en áður, eftir að hætt var að
veita óunninni mysu í frárennsl-
iskerfi bæjarins. Hátæknibúnaður
fyrirtækisins nær nú að vinna allt
prótein og stærstan hluta mjólk-
ursykursins úr mysunni.
Fjölbreyttri mjólkurvinnslu
fylgir mikið vatn, því er veitt í frá-
veitukerfið og þaðan í sjó fram. MS
Akureyri hefur unnið ötullega að
gagngerum endurbótum á fram-
leiðsluferli, skv. upplýsingum frá
fyrirtækinu, m.a. tekið upp nýja
tækni til að endurvinna verðmæt
næringarefni úr mysu. „Markmiðið
er að gera starfsemi MS Akureyri
hagkvæmari og umhverfisvænni en
áður var,“ segir í frétt frá MS.
Rannsóknastofa Línuhönnunar í
umhverfistækni (RUT Lh) er sér-
hæfð efnarannsóknastofa á sviði
mengunar og fráveitumælinga og
vinnur m.a. að því finna hag-
kvæmar lausnir á að endurnýta
verðmæti í frárennsli og draga úr
mengun. RUT Lh hefur unnið með
fjölda matvælafyrirtækja, m.a. fyr-
irtækjum sem stunda mjólk-
urvinnslu, kjötvinnslu og fiskiðnað.
Allt frá 2005 hefur RUT Lh unnið
að heildargreiningu á frárennsli
MS Akureyri. Mælingar í ársbyrjun
2006 sýndu að mysulosunin var stór
hluti af heildarmengun en í árslok
2007, eftir að ný tækni til endur-
vinnslu mysu var tekin í notkun,
urðu niðurstöður aðrar.
„Ítarlegar mælingar voru gerðar
á rennsli, föstu efni, lífrænu efni og
næringarefnum, ásamt síritamæl-
ingum á hita- og sýrustigi til að
meta tæringarálag frárennslisins.
Niðurstöður fráveitugreininganna
sýna mikla og jákvæða breytingu
mengunarálags,“ segir í frétt frá
MS Akureyri. Lífræn efnamengun
minnkaði um 84% á milli ára og
heildarmagn fasts efnis og næring-
arefna minnkaði um meira en helm-
ing.
Fyrirtækið segir tæringu í frá-
rennsli hafa minnkað verulega og
að dregið hafi úr vatnsnotkun fyr-
irtækisins. „Fráveitugreiningin
sýnir að MS Akureyri hefur beitt
hágæðaframleiðslutækni með ár-
angursríkum hætti en hún mun nýt-
ast fyrirtækinu til enn hagkvæmari
og umhverfisvænni mjólk-
urvinnslu.“
Morgunblaðið/Frikki
Minni mengun og
meiri verðmæti