Morgunblaðið - 17.04.2008, Blaðsíða 2

2 FIMMTUDAGUR 17. APRÍL 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Önund Pál Ragnarsson
onundur@mbl.is
FÆRRI komust að en vildu þegar
opnað var á spurningar í sal Kenn-
araháskóla Íslands á sjöunda tím-
anum í gærkvöldi. Vel á annað
hundrað manns á öllum aldri voru
þar á samráðsfundi með borgaryf-
irvöldum og framkvæmdaraðilum
vegna fyrirhugaðrar byggingar mis-
lægra gatnamóta Miklubrautar og
Kringlumýrarbrautar og tengdra
stokkalausna á stofnbrautunum.
Fundurinn markaði upphaf sam-
ráðsins við íbúa og brunnu því fjöl-
mörg málefni á íbúum. Á meðal þess
sem spurt var um var fyrirkomulag
hjólreiðagatna, gönguleiða og al-
menningssamgangna, mengunar-
varnir og hreinsibúnaður í stokkum,
stærð hljóðmana, hljóðvist, hugsan-
legur umferðarhraði, umferðarþungi
og margt fleira. Ekki síður höfðu
íbúar áhyggjur af öryggismálum á
meðan framkvæmdirnar munu
standa yfir og mögulegum neikvæð-
um áhrifum breytinganna á afmark-
aða staði. T.a.m. var spurt út í stað-
setningu gangamunnanna og
mögulega svifryks- og hávaðameng-
un við þá.
Erlendar hraðbrautalausnir
Frummælendur á fundinum voru
Gísli Marteinn Baldursson, formaður
umhverfis- og samgönguráðs, Hilm-
ar Sigurðsson, formaður íbúasam-
taka Hlíða, Holta og Norðurmýrar,
og Baldvin Einarsson, yfirverkfræð-
ingur hjá Línuhönnun, sem kynnti
núverandi hugmyndir Vegagerðar-
innar um lausn samgangna á svæð-
inu. Gísli Marteinn sagði tillögurnar
sem þarna voru kynntar ekki end-
anlegar, heldur yrði settur á fót sam-
ráðshópur með íbúum. Ekki væri
ætlunin að troða ofan í kokið á íbúum
lausn sem þeir kærðu sig ekki um.
Hilmar Sigurðsson gagnrýndi
margt í tillögunum og sagði þær
minna á hraðbrautamannvirki að er-
lendri fyrirmynd, t.d. stórar hljóð-
manir meðfram Miklubraut. Hilmar
sagði nauðsynlegt að endurskoða
markmiðin með framkvæmdunum
og forgangsröðun þeirra. Í forgang
skyldi setja lífsgæði fólks sem býr
nálægt umferðaræðunum, því næst
huga að samgöngum hjólandi og
gangandi vegfarenda og í þriðja lagi
að umferðarflæðið þyrfti að hugsa til
enda og í stærra samhengi.
Baldvin lýsti svo m.a. hugsanlegri
áfangaskiptingu verksins. Fyrsti
áfangi, gatnamótin og nærliggjandi
stokkar gætu kostað 6,8 milljarða
króna á verðlagi síðustu áramóta,
annar áfangi 2,6 milljarða og sá síð-
asti 2,8. Síðari áfangarnir yrðu
stokkar og endurbætur á Miklubraut
vestan Kringlumýrarbrautar.
Samráðshópi sem inniheldur fulltrúa Reykjavíkurborgar, Vegagerðar og íbúasamtaka komið á fót
Morgunblaðið/Golli
Samráð Baldvin Einarsson lýsti hugmyndum um mislæg gatnamót. Færri komust að en vildu með spurningar.
Samráð við
íbúana um
risaverkefni
Á annað hundrað íbúa í Hlíða- og Háaleitishverfi
mættu á opinn fund, með borgarfulltrúa og fram-
kvæmdaraðilum, um gatnamót Miklubrautar og
Kringlumýrarbrautar og tengdar framkvæmdir.
onundur@mbl.is
Í HNOTSKURN
»Með stokkalausninni er ætl-unin að aðgreina mismun-
andi umferð á sérhæfðar um-
ferðaræðar, annars vegar
gegnumstreymisumferð og hins
vegar umferð inn í hverfin.
»Enn er óvíst hvar allir ganga-munnar verða staðsettir.
»Vegagerðin áætlar að arð-semi framkvæmdanna geti
verið á bilinu 10-15%.
RÍFLEGA helmingur, eða 53% for-
svarsmanna fyrirtækja og fram-
kvæmdaaðila sem eiga samskipti
við skipulagsyfirvöld sveitarfélaga
á höfuðborgarsvæðinu, telur sveit-
arfélögin sinna skipulagsmálum
illa. Rúmlega fimmtungur, 21%, tel-
ur sveitarfélögin sinna málaflokkn-
um vel, en 26% töldu að málaflokkn-
um væri hvorki sinnt vel né illa.
Þetta kemur fram í nýrri könnun
sem framkvæmd var af Capacent-
Gallup dagana 4.-14. apríl og kynnt
verður í dag á ráðstefnu sem haldin
er undir yfirskriftinni Skipulag eða
stjórnleysi? í tengslum við sýn-
inguna Verk og vit 2008.
Samkvæmt könnuninni kalla
sömu aðilar helst eftir heildarsýn,
hraðri afgreiðslu og skýrum mark-
miðum í skipulagsmálum af hálfu
sveitarfélaganna.
Athygli vekur að í könnuninni
kom einnig fram að tæp 67%, rúm-
lega tveir af hverjum þremur að-
spurðra, telja líklegt að fyrirtæki
þeirra komi að gerð nýs atvinnu-
húsnæðis á næstu tólf mánuðum.
Um 27% svöruðu að gerð nýs at-
vinnuhúsnæðis væri ólíkleg en 6%
að hún væri hvorki né.
„Þetta er staðfesting á því sem
maður hefur heyrt að væri við-
horfið á meðal forsvarsmanna fyr-
irtækja og framkvæmdaaðila til
skipulagsmála á svæðinu,“ segir
Ari Skúlason, forstöðumaður á fyr-
irtækjasviði Landsbankans. Ari tel-
ur það góð tíðindi að verktakar séu
bjartsýnir á framkvæmdir á næstu
12 mánuðum.









 
  

 


 ! 
"#$$%&
 

 
   
  

 
        !
 "! #  
  
$   


 %& '

(

)  
 

+"

,"

)  *-.
/0.
#!.
#-.
#1.
-1.
Óánægðir með
sveitarfélögin
Bjartsýnir á fram-
kvæmdir á næstu
12 mánuðum
„OKKAR afstaða hefur verið að fara
eins að og á almennum markaði,“
sagði Guðmundur H. Guðmundsson,
varaformaður samninganefndar rík-
isins, spurður út í orð Ögmundar
Jónassonar, formanns BSRB, í
Morgunblaðinu á mánudag. For-
maðurinn sagði þá vaxandi fylgi við
þá hugmynd að semja aðeins til eins
árs og „á þeim tíma gætu aðilar síðan
sæst á leiðir til að færa kjaraum-
hverfið til betri vegar“.
Guðmundur segir ekki hafa verið
tekið undir það af hálfu samninga-
nefndarinnar að gera samning ein-
ungis til eins árs. „En við höfum
samt ekki stungið upp á lokuðum
samningi til þriggja ára. Fremur er
horft til þess millivegar sem farinn
var hjá Samtökum atvinnulífsins og
Alþýðusambandi Íslands. Við erum
fyrst og fremst að horfa á einhvers
konar útfærslu á því.“ Forsendur
kjarasamninga SA og ASÍ eru að
kaupmáttur launa haldist eða aukist
og verðbólga fari lækkandi. Farið
verður yfir það í febrúar á næsta ári
hvort forsendur hafi staðist, og ef
svo er framlengjast samningarnir til
nóvember 2010. Ef ekki, verður sam-
ið um viðbrögð. Þetta ákvæði segir
Guðmundur að þjóni svipuðum til-
gangi og hugmynd Ögmundar.
Guðmundur segir samningafundi
daglega, bæði við einstök félög og
bandalög, og ágætis skriður sé á við-
ræðum þrátt fyrir ástandið í efna-
hagslífinu. „En það má kannski
segja að við og stéttarfélög ríkis-
starfsmanna eigum svolítið erfiðara
um vik, því það hefur jú farið á verri
veg síðan í febrúar.“
Vilja fara
milliveginn
Ekki hljómgrunnur fyrir eins árs
samningum hjá samninganefnd ríkisins
FORSETI Íslands, Ólafur Ragnar
Grímsson, var meðal vegfarenda
sem fyrstir komu að slysstað of-
arlega í Norðurárdal í gær en þar
hafði kona lent í bílveltu án þess þó
að slasast alvarlega að því er talið
var. Forsetinn var ásamt fylgd-
arliði og lögreglu frá Sauðárkróki á
leið heim úr opinberri heimsókn til
Skagafjarðar og stöðvuðu við slys-
staðinn.
Að sögn Stefáns Vagns Stefáns-
sonar, yfirlögregluþjóns á Sauðár-
króki, sinntu norðanmenn vett-
vangi á meðan beðið var lögreglu
og sjúkraliðs frá Borgarnesi. „Þeg-
ar okkur bar að voru komnir á
slysstað vegfarendur sem höfðu til-
kynnt slysið,“ segir hann. Hafi for-
setinn stigið út úr forsetabíl sínum
og rætt við konuna eftir að lög-
regla hafði sinnt henni. „Hann
gerði það sem hann taldi vera rétt-
ast og kom mjög vel fyrir,“ segir
Stefán.
Þegar aðstoð frá Borgarnesi
kom á vettvang hélt síðan forsetinn
ásamt fylgdarliði áfram för sinni.
Hugði að hinni slösuðu
Forsetinn ók fram á vettvang bílslyss
MIKIÐ álag var á sölukerfi Ice-
landair í gær, en þá hófst þriggja
daga tilboð sem býður félögum í
vildarklúbbi flugfélagsins að kaupa
sér ferðir með inneignarpunktum á
helmingi lægra punktaverði en áð-
ur.
Hjörvar Sæberg Högnason, sölu-
stjóri hjá Icelandair, segir að þó að
vel hafi verið mannað hafi margir
viðskiptavinir þurft að bíða lengi
eftir því að komast í samband við
sölumann. Segir hann að þegar
mest var hafi upp undir 60 manns
beðið og yfir daginn var um 1.300
símtölum sinnt.
Viðskiptavinir Icelandair safna
vildarpunktum með viðskiptum sín-
um við flugfélagið og samstarfsaðila
og segir Hjörvar að margir eigi inni
fjölda punkta en séu ekki nógu dug-
legir að nýta sér þá. Punktarnir séu
verðmætir, og með nógu mörgum
punktum má borga heilu ferðirnar.
Þó að punktarnir geti dugað fyrir
öllu farinu þurfa viðskiptavinir að
greiða þá skatta sem leggjast á
ferðina. Glöggur viðskiptavinur
hafði bent blaðamanni á að skattar
á flugmiða hefðu hækkað og stað-
festi Hjörvar það. Hækkunin skýr-
ist af því að umræddir skattar
leggjast á í erlendri mynt og stafar
hækkunin einkum af lækkuðu gengi
krónunnar.
60 á bið þegar mest var
Ljósmynd/Halldór Kolbeins
Mikið álag og mikill hasar
mbl.is | Sjónvarp
Flugvallarskattar hafa hækkað, m.a. vegna gengislækkunar