Morgunblaðið - 24.04.2008, Síða 29

MORGUNBLAÐIÐ FIMMTUDAGUR 24. APRÍL 2008 29
Örfáar aukasýningar
Fjórða leikárið í röð
bjóðum við uppá sýningar á þessu
vinsælasta leikriti áratugarins!
Rúmlega 30.000 áhorfendur komu á 160
sýningar í Borgarleikhúsinu og um allt land.
EKKI MISSA AF
ÞESSARI BRILLJANT
LEIKSÝNINGU!!!!
Sími 568 8000
midsala@borgarleikhus.is
Sími 460 0200
midasala@leikfelag.is
BORGAR-
LEIKHÚSIÐ
Lau. 3. maí
Fim. 8. maí
Lau. 17. maí
Sun. 18. maí
Fim. 22. maí
Fös. 23. maí
LEIKFÉLAG
AKUREYRAR
Fim. 29. maí kl. 20
Fös. 30. maí kl. 19
(ath. breyttan sýningatíma)
Lau. 31. maí kl. 19
(ath. breyttan sýningatíma)
Sun. 1. júní kl. 20
ÞETTA ERU LOKASÝNINGAR VERKSINS!
Gleðilegt sumar, ágætu samferða-
menn.
Þá er sumarið loksins gengið í
garð, að minnsta kosti að nafninu til,
eftir frekar langan og erfiðan vetur,
að minnsta kosti ef tek-
ið er mið af veðurfarinu.
Menn eru glaðbeittir
byrjaðir að viðra garð-
verkfærin og huga að
görðunum sínum. Gróð-
urinn tekur brátt að
lifna við og fyrr en varir
verður allt komið í full-
an blóma.
Gleymum ekki
að næra andann
Þá má ekki gleyma
að huga að sálartetrinu
í sumar, næra andann
og hlúa að okkar andlega garði.
Veistu að í þér blundar góðilmur.
Vektu hann og nærðu hann svo hann
fái notið sín, svo angan hans fái
smogið um umhverfið og fyllt loftið.
Leyfðu anda Guðs, anda sköp-
unarkraftsins, þeim anda sem kveik-
ir líf, vekur það, nærir og viðheldur,
að anda yfir garðinn þinn svo ilm-
urinn haldist við, dofni ekki, fjari
ekki út og kafni.
Það er ekki í eðli Guðs að þrengja
sér upp á fólk. En hann býður okkur
að þiggja allt það sem hann hefur
upp á að bjóða, lífið í sinni fegurstu
mynd. Sá Guð sem Jesús Kristur
boðar okkur og birtir er ekki öfgar
heldur þvert á móti. Andi hans er
sem mildur andblær og miklu frekar
eins og ilmur sem smýgur inn og
fyllir hjörtu mannanna af himnesku
súrefni, tæru lífi og heilögum anda.
Anda sem vekur trú, von, kærleika
og frið sem er æðri okkar skilningi
en er gott að mega þiggja, hvíla í og
njóta.
Vill planta blessun sinni
í garðinn þinn
Höfundur lífsins þráir að fá tæki-
færi til þess að planta blessun sinni í
garðinum okkar hvers og eins. Hann
vill að hún fái að þroskast þar, vaxa
upp, dafna, springa út og blómstra
svo þú fáir notið hennar og getir ver-
ið honum til dýrðar og sam-
ferðamönnum þínum til heilla,
stuðnings og blessunar. Því að bless-
uninni fylgir hugarfar fyrirgefn-
ingar og þakklætis, auðmýktar og
virðingar fyrir náunganum og um-
hverfinu, sjálfum þér og Guði.
Gleymum ekki að reyta arfann
Því hvet ég okkur hvert og eitt til
þess að hugsa vel um garðinn okkar í
sumar og á öllum tímum. Höldum
honum við, vökvum hann og gleym-
um ekki að reyta arfann. Látum það
ekki gerast að blessun Guðs kafni í
illgresi í garðinum okkar vegna
hirðuleysis og trassaskapar.
Ætlað að bera ávöxt
Skilaboð Guðs í gegnum son hans,
Jesú Krist, sem klæddist mannlegu
holdi, eru að við skyldum elska hvert
annað. Og hann á enga ósk heitari en
að við berum ávöxt. Margfaldan
ávöxt, ávöxt sem varir til eilífs lífs.
Því að í hans augum erum við hvert
og eitt óendanlega dýrmætt.
Lítil sáðkorn
Í augum Guðs erum við ekki ann-
að en lítil sáðkorn. Hvorki meira né
minna. Lítil en þó óendanlega dýr-
mæt sáðkorn. Sáðkorn sem í sér fela
spennandi og óendanlega mögu-
leika.
Spurningin er bara:
Föllum við hjá götunni
eða í grýtta jörð?
Munum við visna eða
skrælna, sökum þess
að við skjótum ekki
rótum? Eða föllum við
kannski á meðal þyrna
og köfnum? Eða föll-
um við í góða jörð? Ef
svo er munum við
sannarlega bera
margfaldan ávöxt.
Það er ætlun, mark-
mið og vilji höfundar
og fullkomnara lífsins að við berum
ávöxt, ávöxt sem varir. Ávöxt sem
varir til eilífs lífs.
Góður Guð veki með okkur kær-
leika, umhyggju og auðmýkt til að
taka við blessun hans svo hún geri
gagn í garðinum okkar.
Láttu svo friðinn úr hjarta þínu
spretta sem ilmandi blóm svo hann
verði að angan sem smýgur og fyllir
loftið af friði og kærleika.
Gleðilegt sumar
Ekki gleyma að huga að
sálartetrinu segir Sigurbjörn
Þorkelsson
Sigurbjörn Þorkelsson
» Láttu friðinn úr
hjarta þínu spretta
sem ilmandi blóm svo
hann verði að angan sem
smýgur og fyllir loftið af
friði og kærleika.
Höfundur er ljóðskáld og
rithöfundur.
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni