Morgunblaðið - 16.05.2008, Blaðsíða 2

Morgunblaðið/Árni Sæberg
HEIMILI og skóli – landssamtök
foreldra veittu í gær Foreldraverð-
laun 2008 við athöfn í Þjóðmenn-
ingarhúsinu. Verðlaunin hlaut að
þessu sinni starfsfólk leikskólans
Tjarnarsels fyrir verkefni sem mið-
ar að því að skapa lestrar- og skrift-
arhvetjandi umhverfi.
Þá hlaut Grunnskóli Siglufjarðar
hvatningarverðlaun fyrir verkefnið
Átak gegn einelti og foreldrafélag
Svalbarðsskóla hlaut sömuleiðis
hvatningarverðlaun fyrir starfsemi
sína. Ingibjörg Baldursdóttir og
Svanhvít Guðbjartsdóttir hlutu sér-
staka viðurkenningu sem dugn-
aðarforkar fyrir verkefnið Þjóð-
ardagur – Börnin okkar í
Flataskóla.
Foreldra-
verðlaun
2008 veitt
2 FÖSTUDAGUR 16. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is
Björn Jóhann Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurð-
ardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is mbl.is netfrett@mbl.is Guðmundur Sv. Hermannsson
fréttastjóri gummi@mbl.is
Eftir Kristján Jónsson
kjon@mbl.is
„ÞAÐ er engin þörf á því að breyta stjórnar-
skránni nema áður hafi verið tekin ákvörðun um
það af stjórnvöldum að sótt skuli um aðild að
Evrópusambandinu,“ sagði Björn Bjarnason
dómsmálaráðherra á fundi sjálfstæðismanna í
Reykjavík í Valhöll í gær. „Þegar við gerðum
EES-samninginn og urðum aðilar að Schengen-
samstarfinu var það ákvörðun stjórnvalda sem
byggðist á mati á hagsmunum þjóðarinnar að það
væri skynsamlegt að gera þessa samninga. Þá var
leitað til stjórnlagafræðinga og þeir spurðir: sam-
rýmist það stjórnarskránni að við göngum inn í
þetta samstarf? Í báðum tilvikum var niðurstaðan
sú að það þyrfti ekki að breyta stjórnarskránni og
það hefur ekki verið gert. En í þeim umræðum var
jafnframt alltaf sagt að ef við ætluðum að stíga
stærra skref, fara inn í Evrópusambandið, að þá
yrðum við að breyta stjórnarskránni.
En áður en það er gert verða menn auðvitað að
komast að niðurstöðu um það á Alþingi að það sé
vilji fyrir því hjá stjórnmálaflokkunum að gengið
sé í sambandið, að þeir hafi tekið ákvörðun um að
stíga þetta skref og láta síðan í krafti þeirrar
ákvörðunar ganga fram breytingar á stjórnar-
skrá. Það verður engin þjóðaratkvæðagreiðsla
nema menn hafi tekið ákvörðun sem krefst þess að
gengið verði til þjóðaratkvæðagreiðslu.“
Björn sagði að í reynd hefði ekki neitt breyst
varðandi stefnu ríkisstjórnarinnar, hún hefði
markað þá stefnu frá upphafi að halda áfram að
rækta tengsl við ESB án þess að ganga til við-
ræðna um aðild á þessu kjörtímabili.
Hann sagði hagsmuni Íslendinga vel tryggða
með aðildinni að EES og Schengen. „Ég skil ekki
þá íslensku stjórnmálamenn sem telja sér sæma
að tala niður EES-samninginn og láta eins og ein-
hver vafi leiki á um gildi hans. Þetta er einstakur
samningur, lifandi samningur sem breytist eftir
því sem löggjöf breytist innan Evrópusambands-
ins og við höfum möguleika á að hafa þar áhrif.“
Átök um gjaldmiðil misnotuð?
Björn ræddi um krónuna. „Ég er þeirrar skoð-
unar að umræðurnar um gjaldmiðilinn hafi skapað
of mikla spennu. Það hefði verið betra í öllu tilliti
ef hægt hefði verið að finna mildari leiðir til að
koma á móts við sjónarmið þeirra sem telja að þeir
reki svo stór fyrirtæki á Íslandi að krónan henti
þeim ekki. Ég hef enga lausn í því efni en tel að líta
þurfi til þess sérstaklega og tel að þessi átök út af
gjaldmiðlinum hafi verið notuð, eða jafnvel mis-
notuð, til að tala um að allt myndi breytast ef við
færum inn í Evrópusambandið.
Vissulega gætum við þá tekið upp evruna eftir
nokkur ár en það myndi ekki breyta þeirri stöðu
sem við erum í núna. Og stundum hefur maður á
tilfinningunni að þeir sem eru að reka fyrirtæki
kenni því um að þeim hafi fatast flugið að séum
ekki í Evrópusambandinu. En auðvitað þurfa
menn í Evrópusambandinu líka að reka fyrirtæki
sín vel. Það er engin breyting á rekstrarumhverfi
fyrirtækja eftir því hvort þau starfa á grundvelli
EES-samningsins eða í Evrópusambandinu.“
Stjórnarskrárbreyting
óþörf nema sótt sé um
Björn Bjarnason vill úr-
lausn handa fyrirtækjum
sem telja krónuna dragbít
Morgunblaðið/Frikki
Rökræður Björn Bjarnason á fundi sjálfstæðis-
manna um Evrópumálin í Valhöll í gær.
Eftir Egil Ólafsson
egol@mbl.is
SEX fyrrverandi ráðherrar og níu
fyrrverandi þingmenn þiggja eftir-
laun frá Lífeyrissjóði starfsmanna
ríkisins samhliða því að vera að
greiða iðgjöld í sjóðinn. Það felur í
sér að þeir fá eftirlaun en eru jafn-
framt á vinnumarkaði. Þetta kemur
fram í svari LSR við fyrirspurn
Morgunblaðsins.
Fyrrverandi þingmenn og ráð-
herrar hafa frá árinu 1965 haft heim-
ild til að þiggja eftirlaun samhliða
því að vera á vinnumarkaði. Þessi
réttindi voru þó rýmkuð með nýjum
lögum árið 2003 því þá var eftir-
launaaldurinn lækkaður. Tekið skal
fram að fyrrverandi þingmenn og
ráðherrar geta ekki fengið þessi eft-
irlaun nema að sækja sérstaklega
um þau. Það hafa hins vegar ekki all-
ir sem látið hafa af þingmennsku eða
ráðherradómi og eru á vinnumarkaði
gert.
Lífeyrir ráðherra og þingmanna,
sem hefja töku lífeyris fyrir 65 ára
aldur og eru jafnframt í starfi, skerð-
ist um 6% á ári. Ráðherra sem fer í
nýtt starf 60 ára og þiggur jafnframt
lífeyri fær því 60% af þeim lífeyri
sem hann hefði annars fengið ef
hann væri ekki í starfi. Þegar hann
hættir á vinnumarkaði hækkar líf-
eyrir hans í 100%. Þeir sem eru á al-
menna markaðnum og fara á lífeyri
60 ára skerða hins vegar lífeyri sinn
til æviloka ef þeir kjósa að hefja töku
lífeyris þetta snemma.
129 þingmenn og 35
ráðherrar á eftirlaunum
Á síðasta ári fengu 129 fyrrver-
andi þingmenn eftirlaun, samtals
200,4 milljónir króna. Árið áður var
fjöldinn 115 og heildargreiðslan 186
milljónir.
Í fyrra fengu 35 fyrrverandi ráð-
herrar greidd eftirlaun samtals 49,5
milljónir. Árið áður fengu 30 fyrrver-
andi ráðherrar eftirlaun, samtals
40,1 milljón.
Sex ráðherrar fengu
eftirlaun samhliða vinnu
Í HNOTSKURN
»Með eftirlaunalögunum árið2003 var makalífeyrir þing-
manna skertur og þeim gert að
greiða hærra iðgjald í lífeyris-
sjóð.
»Breytingarnar fólu einnig ísér að lífeyrisréttindi ráð-
herra og þingmanna með langan
þingferil voru bætt. Eftir breyt-
ingarnar geta fyrrverandi ráð-
herrar farið á eftirlaun við 55
ára aldur.
TILKYNNING um að notaðar
sprautunálar væru við garðbekk á
Miklatúni hlaut fremur dræmar
undirtektir hjá Reykjavíkurborg í
gær, eins og fram kemur í bloggi
Friðriks Friðrikssonar leikara.
Í blogginu segir Friðrik að hann
hafi verið að rölta með barnavagn
um Miklatún og fundist tilvalið að
tylla sér á garðbekk til að hvíla lúin
bein. Þegar hann nálgaðist bekkinn
sá hann pakkningar utan af sprautu-
nálum og hann fann síðan notaða
plastsprautu og tvær sprautunálar.
Friðrik hringdi í þjónustunúmer
Reykjavíkurborgar og var gefið
samband við hverfisstöð þar sem
ung stúlka svaraði og Friðrik til-
kynnti erindið. „Hún spurði þá hvar
nákvæmlega þetta væri og ég sagði
henni við Rauðarárstíg. Hún svaraði
mér þá því að þetta væri ekki hennar
hverfi og ég ætti að hafa samband
við aðra stöð. Ég brást hvass við og
sagði það ekki vera í mínum verka-
hring að hendast á milli aðila sem
vörpuðu ábyrgðinni á einhverja aðra
og bað hana að taka málið að sér. Á
bakaleið rúmum klukkutíma síðar
gekk ég fram á unga konu með lítinn
dreng sem spásseraði í kringum
bekkinn. Ég sá að sprautunálarnar
voru ennþá til staðar og varaði kon-
una við. Mér blöskraði skeytingar-
leysi borgarstarfsmannsins sem
greinilega hafði látið það vera að
bregðast við nálunum og hringdi því
aftur í þjónustuverið. Þjónustu-
fulltrúinn sagðist ætla að ganga í
málið. Ég vona allra vegna að nál-
arnar séu horfnar,“ segir í blogginu,
www.frikki.blog.is.
Nálarnar voru farnar í gærkvöldi
þegar ljósmyndari blaðsins litaðist
þar um.
Nálarnar
fengu
að liggja
Ljósmynd/Friðrik
Hætta Á bloggi sínu birtir Friðrik
nokkrar myndir af ófögnuðinum.