Morgunblaðið - 16.05.2008, Blaðsíða 9

Ekkert á bak við Eduniversal
SKILABOÐ þess efnis að tiltekinn
háskóli hafi lent ofarlega á lista yfir
bestu háskóla í Evrópu hafa ekkert
að segja ef ekkert býr þar að baki.
Þetta segir Ingjaldur Hannibalsson,
prófessor og forseti viðskipta- og
hagfræðideildar Háskóla Íslands.
Tilefnið er frétt sem birt var m.a. í
Morgunblaðinu í fyrradag þess efnis
að viðskiptadeild Háskólans í
Reykjavík hefði lent í 46. sæti á lista
óháðrar stofnunar, Eduniversal, yfir
bestu viðskiptaháskóla V-Evrópu.
„Við óskum Háskólanum í Reykja-
vík auðvitað til hamingju með að ná
þeim árangri að hafa komist fram úr
mörgum af þekktustu viðskiptahá-
skólum Evrópu, sem eru neðar á list-
anum. Athugun á heimasíðu Versl-
unarháskólans í Kaupmannahöfn,
sem lenti í fyrsta sæti á lista Ed-
universal, leiðir í ljós að þar er ekk-
ert um þann árangur þess skóla
fjallað. Það stafar auðvitað af því að
stjórnendur Viðskiptaháskólans í
Kaupmannahöfn vita að hann er ekki
besti viðskiptaháskólinn í Evrópu.“
Ingjaldur segir að það hafi verið
nokkuð um það fyrir nokkrum árum
að aðilar á Spáni sendu bréf til fyr-
irtækja, þar sem sagt var að eftir að
hafa fylgst með þeim hafi verið kom-
ist að þeirri niðurstöðu að þau séu
meðal þeirra bestu á sínu sviði. Síðan
hafi forsvarsmönnum fyrirtækjanna
verið boðið að koma til hátíðar á
Spáni til að taka við viðurkenningu.
„Menn mættu til Spánar en þurftu
kannski að greiða 300 þúsund krónur
eða eitthvað svoleiðis fyrir viður-
kenninguna. Þetta var auðvitað bara
fjáröflun viðkomandi aðila. Svo virð-
ist sem viðurkenning Eduniversal sé
af svipuðum toga. Það býr því ekkert
þarna að baki,“ segir Ingjaldur.
MORGUNBLAÐIÐ FÖSTUDAGUR 16. MAÍ 2008 9
FRÉTTIR
VIÐBÆTTUR sykur í fæðu ungbarna eykst að meðaltali
um tæp 150% á aðeins þriggja mánaða tímabili, 9-12 mán-
aða aldurs. Þetta er meðal niðurstaðna rannsóknar á mat-
aræði íslenskra ungbarna á árunum 2005-2007 en niður-
stöðurnar voru kynntar í Háskóla Íslands í gær.
Niðurstöðurnar voru bornar saman við sambærilega
rannsókn sem gerð var á árunum 1995-2007 og breytingar
skoðaðar sem urðu í kjölfar breyttra næringarráðlegg-
inga sem komu út árið 2003. Í ljós kom m.a. að miklar
breytingar hafa orðið á járnbúskap ungbarna. Járn-
skortsblóðleysi fannst ekki í nýjustu rannsókninni en var
áður 2,7%. Járnskortur hefur fallið úr 20% í 1,4% og of
lágar járnbirgðir farið úr 41% í 5,8%.
Stoðmjólk notuð í vaxandi mæli
Fyrri rannsóknin leiddi í ljós að eins árs börn hér á
landi höfðu lélegri járnbúskap en jafnaldrar þeirra í ná-
grannalöndum okkar. Þá var prótíninnihald í fæðu ung-
barna of hátt, t.d. sökum neyslu kúamjólkur, en það getur
stuðlað að ofþyngd seinna meir.
Árið 2003 komu út breyttar ráðleggingar um næringu
ungbarna. Þar var aukin áhersla lögð á brjóstagjöf og að
eftir sex mánaða aldur væri betra að nota stoðmjólk en
venjulega kúamjólk samhliða brjóstagjöf.
Niðurstöður nýju rannsóknarinnar gefa til kynna að
fleiri börn nærast nú eingöngu á brjóstamjólk fyrstu 4-5
mánuðina auk þess sem fleiri börn fá brjóstamjólk sam-
hliða annarri næringu fyrsta árið. Stoðmjólk er notuð í
vaxandi mæli á kostnað kúamjólkur. Hún hefur lægra
prótíninnihald en kúamjólkin auk þess sem hún er bætt
með járni og fleiri næringarefnum til að mæta vandamál-
unum sem sáust í fyrri rannsókninni. Það hefur gengið
eftir en eins og áður sagði hefur járnbúskapur ungbarna
styrkst verulega.
Neysla A-vítamíns of mikil
Þegar bornar voru saman trefjar og sykrur í mataræði
annars vegar níu mánaða barna og hins vegar 12 mánaða
barna kom í ljós að á meðan börn neyta að meðaltali svip-
aðs magns trefja verður töluverð aukning á neyslu við-
bætts sykurs. Við níu mánaða aldurinn er meðaltalið 3,5
grömm á dag en hækkar upp í 8,7 hjá 12 mánaða gömlum
börnum og er um að ræða tæplega 150% hækkun.
Í rannsókninni kom einnig í ljós að neysla ungbarna á
A-vítamíni er of mikil en neysla D-vítamíns of lítil. Þá hef-
ur neysla ávaxta aukist mikið undanfarin tíu ár og nær
hún hátt upp í ráðlagðan dagskammt fullorðinna.
Næring ungbarna batnað
síðastliðinn áratug
Í HNOTSKURN
»Niðurstöður rannsóknarinnar benda til þess aðbreyttar ráðleggingar um næringu ungbarna frá
árinu 2003 hafi bætt verulega járnbúskap eins árs
barna.
» Íslenskir foreldrar fylgja ráðleggingum um mat-aræði ungbarna almennt vel en fylgni við ráð-
leggingar um brjóstagjöf þarf að auka.
»Hvetja þarf til réttrar notkunar á D-vítamínisem bætiefni auk þess að kynna fyrir foreldrum
að mikil neysla ungbarna á prótínríkum vörum get-
ur verið skaðleg.
Morgunblaðið/Brynjar Gauti
Næring Fleiri börn fá nú eingöngu brjóstamjólk fyrstu
4-5 mánuðina, auk þess sem fleiri börn fá brjóstamjólk
samhliða annarri næringu fyrsta árið.
www.sjofnhar.is
Hverfisgötu 6 101 Reykjavík
sími 562 2862
Eddufelli 2 Bæjarlind 6
sími 557 1730 sími 554 7030
BOLIR
STR. 36-56
Jensen dagar í Fröken Júlíu
15% afsláttur á Jensen vörum Mjódd, sími 557 5900
Verið velkomnar
Kringlunni · sími 568 4900
www.kello.is
Til í allt!
ÍS
L
E
N
S
K
A
S
IA
.I
S
K
E
L
4
23
96
0
5.
20
08
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
15% afsláttur
af buxum, bolum og toppum