Morgunblaðið - 16.05.2008, Blaðsíða 19

MORGUNBLAÐIÐ FÖSTUDAGUR 16. MAÍ 2008 19
MENNING
Listahátíð í Reykjavík | Sjö myndlistarsýningar opnaðar síðdegis í dag
Myndlistarhlaðborð í Reykjavík
Þegar tilraunum dagsins á hinu alþjóðlega Tilraunamaraþoni sem stendur yfir í Hafnarhúsinu lýkur klukkan fimm verður opnaður fjöldi
myndlistarsýninga á minni sýningarstöðum. Þær eiga það flestar sameiginlegt meginsýningu Listahátíðar í Reykjavík í ár að fjalla um
mörkin þar sem myndlistin skarast við vísindin, byggingarlist og náttúruna. Allar hefjast þær klukkan fimm nema sýningin í Galleríi 100°
sem verður opnuð klukkustund síðar. Gunnhildur Finnsdóttir kannaði úrvalið á þessu myndlistarhlaðborði.
RADMILA Iva Jankovic stýrir samsýningu
fimm króatískra listamanna í Galleríi 100° í
Orkuveituhúsinu. Þetta er annar hluti af lista-
mannaskiptum sem Jankovic skipulagði í sam-
vinnu við íslenska listamanninn Ransu. Í sum-
ar endurgeldur hópur íslenskra listamanna
heimsóknina og sýnir í Króatíu.
„Eitt aðalmarkmiðið var að skapa vinalegt
andrúmsloft og velja listamenn sem ættu vel
saman. Þegar við fórum að vinna þetta saman
þá voru flestir með hugmyndir sem snerust
um ímynd Króatíu,“ segir Jankovic.
„Landið er til dæmis efnahagslega háð
ferðaþjónustu. Tanja Dabo er með verk á sýn-
ingunni þar sem hún er að synda og í hvert ein-
asta skipti sem hún kemur upp til að anda þá
segir hún: „Velkomin!“ Hún segir það á nýju
tungumáli í hvert skipti til að vísa í þær mörgu
þjóðir sem heimsækja landið og hvert skipti
verður hún þreyttar og þreyttari.“
Hún segir listamennina mjög ólíka og hafa
ólík viðhorf til samfélagsins. Slaven Toljs hef-
ur fjallað mikið um krótískt samfélag í sínum
verkum og hér sýnir hann „Föðurlandsvininn“
sem samanstendur af myndum af 139 ein-
staklingum sem létu lífið við að verja króatísku
borgina Dubrovnik í stríðinu. „Hann fjallar um
bældar minningar og hnattrænan kapítalisma
sem er að þurrka út öll sérkenni. Bráðum
verða allar borgir eins.“
Morgunblaðið/Kristinn Ingvarsson
„Bráðum verða
allar borgir eins“
Gallerí 100°
HALLDÓR Ásgeirsson hefur verið að vinna
með hraun og þá sérstaklega þá eiginleika
þess sem koma fram þegar það er brætt. Hann
hefur unnið að undanförnu í Japan, Frakk-
landi, á Ítalíu og Íslandi og þaðan koma stein-
arnir. „Það sem ég er að færa sönnur á er að
þetta er allt saman sama efnið, þú gerir engan
greinarmun á því hvað er hvað þegar ég bræði
þá. Það verða nokkurskonar efnahvörf með
logsuðunni, þetta er eins og að vekja upp eld-
gosið í steininum,“ segir Halldór.
Samverkamaður Halldórs á sýningunni í
ASÍ er Frakkinn Paul-Armand Gette. „Hann
er vinna með náttúruna og eldfjöllin út frá eró-
tík. Hann tengir þetta við móður jörð og skaut
kvenna,“ segir Halldór.
Þegar sýningin opnar í dag verður Halldór
úti í garði að bræða hraun, en Gette verður á
meðan með myndgjörning inni. Hann nýtur
þar aðstoðar tveggja kvenna við að fremja
nokkurskonar helgiathöfn þar sem kreist jarð-
arber, hindber og rósablóð koma við sögu.
Morgunblaðið/Árni Sæberg
Eldgosið vakið
í steinunum
Listasafn ASÍ
BRASILÍSKI listamaðurinn Ernesto Neto
sérhæfir sig í innsetningum sem liggja ein-
hvers staðar á mörkum arkitektúrs og mynd-
listar. Þekktustu verk hans eru hvítir, mjúkir
skúlptúrar sem minna á lifandi efni eða líffæri.
Í sýningunni í i8 kveður við svolítið annan tón,
þó að tengingin við byggingarlistina og líf-
færafræðina sé enn fyrir hendi.
„Þetta er skúlptúr, gerður úr þunnum ál-
plötum. Plöturnar er hægt að festa saman á
mjög lífrænan hátt og útkoman verður
skúlptúr sem hálfpartinn svífur í rýminu í full-
komnu jafnvægi. Ef þú snertir hann þá fer allt
af stað,“ segir Neto.
Verkið heitir „Bending Time“ og minnir svo-
lítið á beinagrind eða hreistur. „Þetta tengist
lífrænum arkitektúr, byggingum sem líta út
eins og dýr eða frumur,“ segir Neto. „Þetta
fjallar um það hvað lífið er í rauninni óstöð-
ugt.“
Morgunblaðið/Frikki
Óstöðugt líf
i8
SIRRA Sigrún Sigurðardóttir opnar sýningu sem ber yfirskriftina Óvissulögmálið.
„Það mætti kannski kalla þetta vídeóinnsetningu, þetta er svona samhangandi heild,“ segir
Sirra. Sýningin samanstendur af mörgum lögum, á gólfinu er skúlptúr og myndir á veggjum og
síðan er hreyfimyndum varpað yfir þetta allt.
„Ég er búin að vera að skoða síðustu mánuði hugmyndir í stærðfræði, eðlisfræði og stjörnu-
fræði, þessum greinum sem liggja að baki þeirri heimsmynd sem við höfum. Sýn okkar á alheim-
inn og hvernig hann varð til er komin þaðan,“ segir Sirra. „En ég er kannski meira að skoða
myndmálið á bak við það að útskýra þetta allt. Stöplaritið má sjá sem einhverskonar upplýsinga-
miðlun, en svona stöplar finnast líka í myndlistarheiminum. Þetta er svona blanda af myndmáli
myndlistarinnar og vísindanna.“
Morgunblaðið/RAX
Myndmál lista og vísinda
Kling & Bang
„ÉG ER að sýna fjölþætta vídeó-innsetningu
sem heitir „Sökkvun“, það er aðalverkið á sýn-
ingunni,“ segir myndlistarkonan Rúrí.
Auk þess verða minni verk á sýningunni þar
sem fjölbreyttur efniviður og tækni er nýtt en
vatnið er sem fyrr í aðalhlutverki. „Ég hef ver-
ið að vinna með fossa og vatn um víða veröld á
undanförnum árum,“ segir Rúri.
Sýningin hefur ákveðin pólitískan undirtón.
„Ég er að fjalla um sökkvun og skoða hvernig
sambýli okkar mannkynsins er við náttúruna
er háttað, hvert við stefnum. Hvaðan við kom-
um og hvert við stefnum. Sýningin er pólitísk í
víðasta samhengi þess orðs, það er náttúrlega
allt pólitískt sem snertir mannlegt samfélag.“
Morgunblaðið/Árni Sæberg
Sambýlið við
náttúruna
Start Art
ALLT þetta ár er afmælishátíð í Nýlistasafn-
inu og framlag safnsins til Listahátíðar tengist
þeirri vinnu sem nú fer þar fram við að skrá
starfsemi safnisins frá upphafi. Sænski lista-
maðurinn Karl Holmqvist hefur sett þar upp
sýningu þar sem bæði aðrir listamenn og gest-
ir taka þátt. „Ég útbjó svið þar sem verða
uppákomur allt sýningartímabilið, til loka júní,
og svo er hérna upptökuklefi þar sem fólk get-
ur tekið upp minningar sínar úr Nýlistasafn-
inu,“ segir Holmqvist. Gjörningaklúbburinn
flytur fyrsta gjörninginn á sviðinu klukkan sjö
í kvöld.
Safnið hefur í gegnum tíðina verið vett-
vangur fyrir margar listgreinar og þær fá allar
inni á sýningunni. „Sviðið er opið, svo öllum er
velkomið að halda upplestur, tónleika eða hvað
sem er hérna. Ég er búinn að skrifa ljóðabók
til heiðurs Dieter Roth sem ég ætla að lesa upp
úr í dag og svo er ég búinn að þekja allt hérna í
ljósrituðum textum. Það er margt í gangi.“
Holmqvist segir að í Nýlistasafninu sé breitt
sjónarhorn á hugtakið list. „Þetta er í takt við
þessa flúxus-hugmynd að listin takmarkist
bara af ímyndunaraflinu. Þú getur alltaf gert
eitthvað þó að þú sért bara með tvö blöð og
einn steinhnullung.“
Morgunblaðið/Árni Sæberg
Allt hægt með
blöðum og
steinhnullungi
Nýlistasafnið
ANDREA Maack er að sýna ilmvatnið „Smart“
sem hún hefur þróað síðastliðið hálft ár í sam-
vinnu við ilmvatnsgerðarmenn í frönsku borg-
inni Grasse. „Það eru bara til fjórar flöskur af
ilmvatninu og þetta eru sérgerðar flöskur og
öskjur utan um.“ Á sýningunni er líka risastór
teikning sem Andrea hefur bútað niður og geta
gestir fengið að velja sér hluta af henni og feng-
ið nokkra dropa af ilmvatni á hana.
Ilmvatnið er framhald af hugmynd sem
Andrea vann með á sýningu sem hún tók þátt í á
síðasta ári þar sem hún var að kanna hvernig
hægt væri að umbreyta sér í hina fullkomnu
veru. „Þar sýndi ég lóð sem eru með röngum
þyngdarmerkingum og maður þarf að nota heil-
ann til að láta virka. Það var sama hugmynd að
taka þessa hluti sem við notum dags daglega til
þess að gera okkur „betri“ upp á eitthvert ann-
að stig. Þú byrjar á því að nota lóðin til þess að
komast upp á næsta plan og svo seturðu á þig
ilmvatn og þá gerist eitthvað meira.“
Morgunblaðið/RAX
„Upp á
næsta plan“
Gallerí Ágúst