Morgunblaðið - 16.05.2008, Blaðsíða 22

22 FÖSTUDAGUR 16. MAÍ 2008 MORGUNBLAÐIÐ
AUSTURLAND
Lystisemdir Pétur Kristjánsson sýnir við Skaftfell.
MENNINGARLEG stórvirki hrökkva í gang á Aust-
urlandi sem aldrei fyrr á morgun, þegar Listahátíð í
Reykjavík kemur fljúgandi til Egilsstaða og stingur
niður fæti þar, á Eiðum og Seyðisfirði.
Ferðalagið er verkefni þriggja listastofnana á Aust-
urlandi í samstarfi við og sem hluti af Listahátíð í
Reykjavík 2008. Stofnanirnar eru Skaftfell, miðstöð
myndlistar á Austurlandi, menningarsetrið Sláturhús
á Egilsstöðum og listasetrið að Eiðum. Segja skipu-
leggjendur að Ferðalagi sé ætlað að vera ferð um sali
hins óvænta, ferðalag með listamönnunum um hug-
myndabanka þeirra, með viðkomu í hugskotum þeirra
og sálarkimum. Með Ferðalagi eigi áhorfendum að
gefast kostur á eftirminnilegri hátíð upplifana á björtu
vori á Austurlandi, með innsetningum og uppákomum
sem hreyfi við áhorfendum.
Ferð með umtalsverðum fyrirheitum
Dagskrá Ferðalags hefst kl. 16 á morgun, þegar
ferðalangar Listahátíðar lenda á Egilsstaðaflugvelli.
Farið verður þaðan út í Eiða, þar sem sýning hins
sænska Lennarts Alves og Hrafnkels Sigurðssonar
verður opnuð. Næst er viðkoma í Sláturhúsinu á Eg-
ilsstöðum laust fyrir kl. 17. Þar bjóða Paul Harfleet,
Sara Björnsdóttir, Matti Saarinen og Charles Ross
upp á skynhrif sjónrænna, hljóðrænna og tilfinninga-
legra gjörða. Síðasti áfangi Ferðalags á Austurlandi er
svo Skaftfell um kl. 19. Þar tekur hin óræða skepna
SkyrLeeBob (Erna Ómarsdóttir, Guðni Gunnarsson
og Lieven Dousselaere frá Belgíu) á móti gestum,
heimamaðurinn Pétur Kristjánsson tekur vinnuvélar
til handargagns utan dyra og Christoph Büchel frá
Sviss teygir gjörning út eftir firðinum. Stjórnandi sýn-
inganna þriggja er Björn Roth og hverfast þær um
innsetningar, gjörninga, uppákomur, dans og tónlist-
arflutning. Listahátíð flýgur svo til síns heima kl. 21
annað kvöld.
Listahátíðin Á Seyði hefst formlega á morgun
Listahátíðin Á Seyði opnar formlega á morgun í
Skaftfelli, með fyrrnefndri sýningu SkyrLeeBob, Pét-
urs Kristjánssonar og Christofs Büchels. Listahátíðin
stendur fram á haustið og er að vanda fjölbreytt og á
sér stað víða um bæinn. Í sumar sjá þau Ingólfur Arn-
arson og Elísabet Indra Ragnarsdóttir um sýning-
arhald á Vesturveggnum í Skaftfelli. Þar verða fimm
sýningar tíu listamanna og kanna Ingólfur og Elísabet
Indra snertifleti tónlistar og myndlistar í verkum
ungra íslenskra listamanna með sýningarröðinni. Sum-
arsýning Skaftfells er valin af Guðmundi Oddi Magn-
ússyni. Fyrir valinu varð listamaðurinn og Austfirð-
ingurinn Kristleifur Björnsson sem vinna mun ný verk
fyrir sýninguna. Tónleikaröð Bláu kirkjunnar er órjúf-
anlegur hluti af Á Seyði og verður í ár fagnað tíu ára
afmæli tónleikahalds í kirkjunni. Listahátíð unga
fólksins, LungA, verður á sínum stað 14.–20. júlí.
Listin í björtu vori
Fljúgandi Listahátíð í
Ferðalag um sali hins
óvænta á Austurlandi
Borgarfjörður eystri | Mikil æv-
intýr gerast nú í gamla pósthúsinu
á Borgarfirði eystri. Þar er í smíð-
um ævintýraskógur með meiru,
sem börn eiga brátt kost á að heim-
sækja og hlýða á norskættaðar
þjóðsögur.
Unnur Sveinsdóttir, sem er ekki
hvað síst þekkt fyrir leikmynda-
gerð, segir um að ræða vinabæja-
verkefni milli Fljótsdalshéraðs,
Borgarfjarðar og bæjarins Bø í
Vesterålen í Norður-Noregi. Hún
vinnur að því ásamt tveimur Norð-
mönnum og heimafólki á Borg-
arfirði, m.a. Bryndísi Snjólfsdóttur,
Helga Arngrímssyni og Arngrími
Viðari Ásgeirssyni. Verkefnið er að
sögn Unnar miðað að börnum og
upplifun þeirra á þjóðsögum og æv-
intýrum. Í pósthúsinu eru að rísa
gömul bæjargöng og baðstofa, það-
an er gengt um lágar dyr inn í mik-
inn ævintýraskóg og út úr honum
liggja leiðir m.a. í sjóinn og í kast-
ala sem hefur að geyma fjársjóð.
Meginrýmin eru þrjú og verður í
hverju þeirra hægt að heyra þrjár
norður-norskar þjóðsögur fluttar á
íslensku. Ævintýraskógurinn í
pósthúsinu verður opnaður um
Jónsmessuna og væntir Unnur þess
að hann fái að standa sem lengst og
verði ekki tekinn niður í fyr-
irsjáanlegri framtíð. Í Noregi segir
hún verið að vinna sambærilega
innsetningu fyrir börn og að þar
muni unnt að hlýða á nokkrar þjóð-
sögur Sigfúsar Sigfússonar frá og
með júlí í ár.
Ljósmynd/Bryndís Snjólfsdóttir
Landslag Gamla pósthúsið á Borgarfirði eystra er smám saman að um-
myndast í ævintýraveröld og þjóðsagnaheim fyrir forvitin börn.
Gamalt pósthús
utan um ævintýr
SUÐURNES
Garður | Umferðarmessa verður
haldin í Útskálakirkju næstkom-
andi sunnudag, kl. 11. Sóknarprest-
urinn vill með messunni ná til öku-
manna, ekki síst þeirra sem eru að
hefja akstur.
Séra Björn Sveinn Björnsson á
Útskálum boðar til umferðarmess-
unnar. „Mér finnst nauðsynlegt að
horfa til ábyrgðar okkar í lífinu,
sérstaklega til ábyrgðar okkar í
umferðinni. Í víðara samhengi má
líta á lífið sem vegferð og þar eru
vissulega umferðarreglur sem við
þurfum að hafa að leiðarljósi,“ segir
Björn. Hann vekur athygli á því að
mörg alvarleg umferðarslys hafa
orðið á svæðinu á undanförnum ár-
um, ekki síst á vorin og sumrin.
Hann segir að ökutækin séu orðin
öflug og hraðinn oft meiri en veg-
irnir þoli.
„Mér fannst rétt að gera umferð-
inni sérstök skil í messu til þess að
minna okkur á hversu mikil alvara
er fólgin í því að setjast undir stýri.
Þessu er beint sérstaklega að ungu
fólki sem kannski hefur ekki fullan
þroska til að taka þetta ábyrgð-
armikla hlutverk að sér þótt vissu-
lega séum við öll undir þá sök seld
að fara stundum ógætilega,“ segir
Björn.
Messan verður með gospel-sniði.
Stúlknakór Reykjavíkur syngur
undir stjórn Margrétar J. Pálma-
dóttur. Þá mun Jóhann Rúnar
Kristjánsson segja frá lífsreynslu
sinni en hann slasaðist alvarlega í
umferðarslysi í Sandgerði og hefur
verið bundinn við hjólastól síðan.
Efnt til
umferðar-
messu
Eftir Helga Bjarnason
helgi@mbl.is
SAMVINNA – starfsendurhæfing á
Suðurnesjum er heiti á samstarfs-
verkefni sem sett var á fót í gær.
Samvinna mun bjóða upp á heild-
stæða lausn á vanda hvers þátttak-
anda, eins og kostur er á, í samvinnu
við aðrar stofnanir og hagsmuna-
aðila á svæðinu. Ætlunin er að þátt-
takandinn verði sjálfur virkur í end-
urhæfingu sinni frá upphafi með því
að koma að gerð eigin endurhæfing-
aráætlunar.
Starfsendurhæfing hefur ekki
verið veitt á Suðurnesjum með form-
legum hætti. Fyrirmyndin er sótt
norður í land þar sem Byr – starfs-
endurhæfing hefur starfað með góð-
um árangri. Undirbúningur hefur
staðið yfir í ár og hefur Guðjónína
Sæmundsdóttir, forstöðumaður
Miðstöðvar símenntunar á Suður-
nesjum, haft forystu um hann. Hún
segir að umræðan sem kom upp um
að sérstaklega margar konur væru
öryrkjar á Suðurnesjum hefði ýtt við
fólki að hefja undirbúning að starfs-
endurhæfingu en sá góði árangur
sem náðst hefði á Norðurlandi hefði
ekki síður verið hvatning.
Stofnanir vinna saman
Starfsendurhæfingin gengur út á
það að vinna á heildrænan hátt með
einstaklinginn, út frá félagslegri, lík-
amlegri og sálrænni stöðu hans, auk
þess sem viðkomandi getur nýtt sér
námstilboð. Þær stofnanir sem ein-
staklingurinn þarf að leita til vinna
saman að því að styðja hann í því að
ná settu marki. Meðal annars er boð-
ið upp á einingabært nám á fram-
haldsskólastigi.
Nafn stofnunarinnar, Samvinna –
starfsendurhæfing á Suðurnesjum,
vísar til samvinnu allra þeirra aðila
sem koma að stofnun hennar. Einnig
til þeirrar samvinnu sem þarf að
vera í starfsendurhæfingunni, milli
fagaðila, menntastofnana, fyrir-
tækja og einstaklingsins sjálfs. Síð-
ast en ekki síst vísar nafnið í upp-
byggingu einstaklingsins til að hann
geti starfað í samvinnu við samfélag-
ið í heild.
Að sögn Guðjónínu er reiknað með
að starfsemin hefjist í haust.
Að Samvinnu standa öll sveitar-
félögin á Suðurnesjum, verkalýðs-
félögin, mennta- og heilbrigðisstofn-
anir á svæðinu, lífeyrissjóður og
Vinnumálastofnun á Suðurnesjum.
Vinna saman að
starfsendurhæfingu
Samvinna Öll sveitarfélögin og margar stofnanir og félög standa að
starfsendurhæfingu. Hér sjást nokkrir fulltrúar við undirritunina.
Í HNOTSKURN
»Markmið Samvinnu er aðendurhæfa þátttakendur til
vinnu.
»Að stuðla að auknum lífs-gæðum þátttakanda og fjöl-
skyldu hans.
»Að þátttakandi fari í vinnu aðendurhæfingu lokinni eða í
áframhaldandi nám.
Reykjanesbær | Íbúar Reykjanes-
bæjar vöknuðu upp af værum
svefni óvenju snemma morgun einn
í vikunni. Þá voru tvær af frönsku
Mirage-herþotunum að taka flugið
með tilheyrandi drunum frá Kefla-
víkurflugvelli, á frönskum morg-
untíma sem þýðir að íbúar Reykja-
nesbæjar voru vaktir upp um kl.
6.30.
Íbúar lýstu yfir áhyggjum af
þessu á íbúafundi sem Árni Sigfús-
son bæjarstjóri hélt í Njarðvík. Árni
sagðist hafa farið fram á það að
flugmennirnir æfðu framvegis á ís-
lenskum tíma. Fólki líkaði betur að
vakna við vekjaraklukkuna þótt
drunurnur væru augljóslega vernd-
arhljóð sem íbúarnir könnuðust við.
Fram kemur á vef Reykjanesbæjar
að varnarmálaskrifstofan hefði
brugðist vel við óskum bæjaryfir-
valda.
Vilja frekar
vekjarann
Reykjanesbær | Léttsveit Tónlist-
arskóla Reykjanesbæjar heldur 20
ára afmælistónleika í kvöld, kl.
19.30, í Frumleikhúsinu við Vest-
urbraut.
Léttsveitin hefur verið eitt af
flaggskipum menningarlífs Reykja-
nesbæjar í tuttugu ár. Sveitin var
stofnuð af Tónlistarskólanum í
Keflavík og færðist yfir í Tónlistar-
skóla Reykjanesbæjar við stofnun
hans árið 1999. Allan tímann hefur
Karen J. Sturlaugsson byggt upp
og stjórnað sveitinni, fyrir utan síð-
asta skólaár þegar Eyþór Ingi Kol-
beins hélt um stjórnvölinn.
Léttsveitin
fagnar afmæli
Ljósmynd/Chris Lund