Morgunblaðið - 16.07.2008, Blaðsíða 2

2 MIÐVIKUDAGUR 16. JÚLÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Skúla Á. Sigurðsson
skulias@mbl.is
ÍSRAELSHER stöðvaði í gærmorgun sjúkrabíl í
neyðarútkalli á leiðinni út úr borginni Nablus í
Palestínu. Í sjúkrabílnum voru ásamt bílstjóra,
lækni og hjúkrunarfræðingi franskur heimilda-
myndagerðarmaður og íslenski hjúkrunarfræði-
neminn Gunnar Pétursson. Gunnar er sjálfboða-
liði á vegum félagsins Íslands-Palestínu á
Vesturbakkanum og býr í Nablus.
Sjúkrabíllinn var stöðvaður við eina af varð-
stöðvunum við veginn út úr borginni. Ekin var
hjáleið framhjá stöðinni þar sem um neyðartilfelli
var að ræða og bílaröð hafði myndast við stöðina.
Gunnar segir að venjulega fari þeir óáreittir um
þessa hjáleið á sjúkrabílnum. Ísraelarnir gáfu lítið
fyrir að um neyðartilfelli væri að ræða. Hríðskota-
byssum var miðað að þeim sem í sjúkrabílnum
voru og þeim hótað. „Viltu að ég skjóti ykkur? Ég
ætti að skjóta ykkur. Ég skýt ykkur, ég skýt ykk-
ur næst þegar þið komið, ég ætti helst að skjóta
ykkur núna,“ segir Gunnar
hermanninn sem fór fyrir
sveitinni hafa öskrað á þá. Að
auki sagðist hermaðurinn
auðveldlega myndu komast
upp með að skjóta þá, hann
þyrfti bara ljúga því að hann
hefði talið þá vera félaga í
Hamas-samtökunum.
Sprengjuregn og
kúlnahríð að næturþeli
Gunnar segir yfirgang sem þennan daglegt
brauð á varðstöðvum Ísraela. „Við erum ekkert
einsdæmi, fólk er að fæða börn við varðstöðv-
arnar, fólk er að deyja við varðstöðvarnar af því
bíllinn þess er stoppaður,“ segir hann og vill
meina að þetta atvik sé ekki fréttnæmt miðað við
það sem heimamenn þurfi að ganga í gegnum á
degi hverjum. Sjálfur er hann oft stöðvaður við
varðstöðvar og yfirheyrður en yfirleitt sleppt inn-
an hálfrar klukkustundar.
Að öðru leyti segist Gunnar ekki hafa lent í
neinum vandræðum og finnst hann ekki vera í
hættu. Þó segist hann á hverri nóttu heyra
sprengingar og skothríð Ísraelshers sem hafi hert
aðgerðir sínar á svæðinu gegn Hamas. Hann hafi í
fyrsta sinn orðið smeykur þegar hermaðurinn
ógnaði honum og samferðafólki hans með vélbyss-
unni.
Daglegt brauð
Sveinn Rúnar Hauksson, formaður félagsins
Íslands-Palestínu, segir vandræði eins og þau
sem Gunnar lenti í vera daglegt brauð íbúa Vest-
urbakkans. Sjálfboðaliðar á vegum félagsins hafa
þó sloppið nokkuð vel. „Fólk verður bara eins og
aðrir fyrir óþægindum af völdum hernámsins.“ Þó
hafi tveimur sjálfboðaliðum verið vísað úr landi
fyrir engar sakir og eitt sinn varð sjálfboðaliði fyr-
ir gúmmíkúlu. Henni var skotið af löngu færi og
varð honum því ekki meint af.
Félagið hefur sent á fjórða tug sjálfboðaliða til
starfa í Palestínu á síðustu fimm árum.
„Ég ætti helst að skjóta ykkur“
 Ísraelskur hermaður hótaði íslenskum hjúkrunarfræðinema lífláti og ógnaði honum með vélbyssu
 Daglegt brauð fyrir íbúa á Vesturbakka Jórdanárinnar að sögn formanns Íslands-Palestínu
Í HNOTSKURN
» Að hindra hjúkrunarfólkí starfi sínu á herteknu
svæði er brot á Genfarsamn-
ingnum um vernd óbreyttra
borgara á stríðstímum.
» Í apríl hefti Ísraelsherför 25 sjúkrabíla Rauða
hálfmánans í Palestínu.
» Árið 2007 gerði Ísr-aelsher tuttugu árásir á
sjúkrabíla á vegum Rauða
hálfmánans.
» Vopnahlé milli Ísraelaog Hamas-samtakanna
hefur verið í gildi síðan 19.
júní.
Gunnar Pétursson
BIRGIR Sigurðsson, sviðsstjóri skipulags- og um-
hverfissviðs Kópavogsbæjar, steig fyrstur í pontu
í gær og útskýrði í grófum dráttum þær hug-
myndir sem felast í nýju tillögunni. Hann lagði
áherslu á að skipulagið væri enn í mótun.
„Þetta eru hugmyndir og nánari útfærsla á
þeim er eftir. Í þeim felast margvíslegir mögu-
leikar til að koma til móts við óskir íbúanna.“
Hann benti á að skipahöfn, sem var að finna í upphaflegu tillögunni, hefði
verið fjarlægð af teikniborðinu. Einnig væri áherslan á blandaða byggð í Kárs-
nesi í nýju tillögunni og svæði undir framtíðaratvinnu- og íbúðarhúsnæði hefði
verið minnkað frá þeim fyrri. Þetta væri í samræmi við sjónarmið íbúa.
Ómar Stefánsson, formaður bæjarráðs, sagði mikilvægt að samþykkja tillög-
una enda þyrfti að leggja hana fyrir samvinnunefnd um skipulagsmál á höfuð-
borgarsvæðinu 11. ágúst næstkomandi.
Gunnar I. Birgisson bæjarstjóri sagði nýju tillöguna vera mjög góða. „Með
þessari tillögu er komið til móts við sjónarmið íbúa. Það er alls ekki verið að
keyra þetta yfir þá, þvert á móti. Það er aðeins verið að samþykkja að skipu-
lagið verði auglýst. Skipulagið er enn í mótun og nægur tími gefst til að þróa
það áfram í samráði við íbúa á Kársnesi.“ haa@mbl.is
Segja nánari útfærslu
skipulagsins vera eftir
SKIPULAGSBREYTINGAR í Kársnesi hafa verið
ákaflega umdeildar allt frá fyrstu tillögum, sem
kynntar voru í desember árið 2006. Íbúar í Kárs-
nesi hafa haldið uppi kröftugum mótmælum gegn
tillögunum sem meðal annars fela í sér fjölgun
íbúða í Kársnesi og aukna umferð um þennan
vestasta hluta Kópavogs.
Minnihluti Samfylkingar og Vinstri grænna í bæjarstjórn lagðist gegn því að
samþykkja skipulagið enda taldi hann ekki nægilegt samráð hafa verið haft við
íbúa Kársness. „Mál af þessari stærðargráðu verður að vinna í sátt við íbúa og
þeir eru augljóslega ekki ánægðir,“ sagði Guðríður Arnardóttir, bæjarfulltrúi
Samfylkingar, á fundinum. Hún lýsti jafnframt yfir furðu sinni á því að kynn-
ingarfundur fyrir íbúana hefði verið haldinn 8. júlí enda algengt að fólk sé að
heiman á þeim tíma.
Ólafur Þ. Gunnarsson, bæjarfulltrúi Vinstri grænna, tók í sama streng og
Guðríður. Hann sagði að skynsamlegra hefði verið að gefa íbúum lengri tíma
en tvo daga til að koma með athugasemdir frá kynningarfundinum. Flosi Ei-
ríksson úr Samfylkingu var líflegur í máli sínu og spurði hvers vegna meiri-
hlutanum lægi svo ofboðslega á að klára skipulagsmálin í Kársnesi. Minnihlut-
inn lagði að lokum til að málinu yrði frestað en sú tillaga var felld. haa@mbl.is
Ekki nægilegt samráð
haft við íbúa Kársness
Eftir Halldór Armand Ásgeirsson
haa@mbl.is
BÆJARSTJÓRN Kópavogs sam-
þykkti á aukafundi í gær nýja skipu-
lagstillögu að byggð í Kársnesi. Til-
lagan fer nú í auglýsingarferli þar
sem hún er kynnt og óskað er eftir
athugasemdum. Minnihlutinn í bæj-
arstjórn var andvígur þessum áætl-
unum líkt og íbúasamtökin Betri
byggð.
Kynningarfundur um skipulagstil-
löguna var haldinn fyrir íbúa 8. júlí
síðastliðinn og tveimur dögum síðar
samþykkti bæjarráð að senda tillög-
una í formlegt auglýsingarferli.
Minnihlutinn andmælti og af því til-
efni var bæjarstjórn kölluð saman í
gær.
Arna Harðardóttir, formaður
íbúasamtakanna Betri byggðar,
sagði niðurstöðu bæjarstjórnar mjög
sorglega. Íbúasamtökin voru sérlega
ósátt við að einungis var veittur
tveggja daga frestur frá kynningar-
fundinum til að koma með athuga-
semdir við skipulagið. „Samtökin
munu halda áfram málefnalegri bar-
áttu sinni,“ segir Arna.
Kröftug rimma í Kópavogi
Morgunblaðið/Ómar
Fundur Bekkirnir voru þéttsetnir á bæjarstjórnarfundi í Kópavogi í gær. Íbúar Kársness klöppuðu ákaft eftir mál-
flutning Guðríðar Arnardóttur úr stjórnarandstöðunni og forseti bæjarstjórnar bað vinsamlega um þögn í salnum.
 Meirihluti bæjarstjórnar samþykkti nýtt skipulag um byggð í Kársnesi á auka-
fundi í gær  Tekist á um hvort nægilegt samráð hafi verið haft við íbúa
HÆSTIRÉTTUR hefur staðfest
gæsluvarðhaldsúrskurð Héraðs-
dóms Reykjavíkur yfir karlmanni
sem grunaður er um að hafa stung-
ið annan í hálsinn að morgni laug-
ardagsins 12. júlí sl. Minnstu mun-
aði að mikilvæg líffæri löskuðust,
en það hefði leitt til lífshættulegs
ástands, örkumla eða jafnvel
dauða. Maðurinn neitar sök, og sök-
um rannsóknarhagsmuna verður
hann í gæsluvarðhaldi til 18. júlí nk.
Hnífnum komið fyrir
Í greinargerð lögreglustjóra höf-
uðborgarsvæðisins kemur fram að
við leit á meintum árásarmanni hafi
fundist blóðugur hnífur. Maðurinn
hélt því fram við yfirheyrslur að
hnífnum hefði verið komið fyrir í
vasa hans. Það telur lögregla mjög
ótrúverðugt.
Fórnarlambið og félagi hans
báru að þeir hefðu gert athuga-
semdir við að meintur árásarmaður
hefði kastað af sér vatni við
skemmtistað. Hefðu þá brotist út
átök sem enduðu með hnífstung-
unni.
Neitar að
hafa beitt
hnífnum
Fórnarlambið heppið
að hafa lifað af
VÖRPULEG eðla uppgötvaðist á
förnum vegi í Keflavík í gær. Birkir
Örn Skúlason, sem er 11 ára, varð
mjög hissa er hann ók ásamt móður
sinni eftir Heiðarbóli í Keflavík og
sá eðluna, sem var eins metra löng,
á gangi í grennd við bílinn.
Þau gerðu lögreglu viðvart sem
fljótlega kom á staðinn og færði
eðluna í vörslu Heilbrigðiseftirlits
Suðurnesja. Þar verður henni farg-
að enda eru slíkar eðlur bannaðar.
haa@mbl.is
Eðla á ferð
í Keflavík
Alþýðleg Eðlan vörpulega á vappi.
„Skipulagið er enn í
mótun og nægur tími
gefst til að þróa það
áfram í samráði við
íbúa á Kársnesi.“
„Mál af þessari stærð-
argráðu verður að
vinna í sátt við íbúa og
þeir eru augljóslega
ekki ánægðir.“
Afstaða meirihlutans Afstaða minnihlutans