Morgunblaðið - 12.11.2008, Blaðsíða 8

8 FréttirINNLENT
MORGUNBLAÐIÐ MIÐVIKUDAGUR 12. NÓVEMBER 2008
Eftir Ingibjörgu B. Sveinsdóttur
ingibjorg@mbl.is
VERÐ á húseignum sums staðar á sólar-
ströndum Spánar hefur í ár lækkað um 20 til 25
prósent, samkvæmt skýrslu RICS European
Housing Review sem greint er frá á viðskipta-
vefnum business.dk.
Sveinn Arnar Nikulásson, sem er starfsmað-
ur Félags húseigenda á Spáni og búsettur
skammt frá Torrevieja, segir að svo virðist sem
allnokkrir Íslendingar vilji nú selja fasteignir
sínar á Spáni, mögulega vegna hruns atvinnu-
lífs á Íslandi. „Nú er markaður kaupenda,“
bendir Sveinn á.
Raðhús á 60 þúsund evrur
Hann tekur sem dæmi að í eldri hluta Torri-
vieja sé hægt að fá raðhús með tveimur svefn-
herbergjum á 60 þúsund evrur. Fyrir tveimur
árum hafi raðhús í sama hverfi kostað um 85
þúsund evrur. Hús sem fyrir tveimur árum
kostuðu 100 þúsund evrur kosta nú um 85 þús-
und evrur. „Lækkunin er því um 15 prósent.“
Í vandræðum með afborganir
Gísli Breiðfjörð Árnason, formaður Félags
húseigenda á Spáni, kveðst telja að þeir sem
keypt hafi hús á Spáni á undanförnum tveimur
árum, í kjölfar verðhækkunar, og borgað lítið
út gætu verið í vandræðum með afborganir
vegna falls krónunnar.
„Í flestum tilfellum hefur fólk tekið lán á
Spáni þar sem engin verðtrygging er og vextir
í kringum 5 til 6 prósent. Það þótti sniðugra að
ávaxta fé sitt hér heima. Þetta gekk vel á með-
an gengið var hagstætt. Hafi spænska lánið til
dæmis numið 20 milljónum í íslenskum krón-
um í sumar hugsa ég að fólk geti verið í miklum
erfiðleikum með að standa skil á greiðslum
nú.“
Helstu erfiðleikarnir sem Gísli kveðst heyra
af eru vandræði vegna gjaldeyrismillifærslu.
„Fólk þarf að geta flutt gjaldeyri greiðlega inn
á reikning á Spáni til þess að geta staðið í skil-
um. Ég tel samt að fólk vilji eftir sem áður vera
þarna og geri allt sem það getur til þess að
halda í fasteignir sínar þar.“
Flestir Íslendinganna sem eiga fasteignir á
Spáni eiga hús í nágrenni Alicante, að sögn
Gísla.
Verðhrun á húsum á Spánarströnd
 Verðlækkunin sums staðar 20 til 25 prósent  Allnokkrir Íslendingar vilja selja fasteignir sínar á
Spáni  Í vandræðum með afborganir vegna erfiðleika á gjaldeyrismillifærslu
Morgunblaðið/Brynjar Gauti
Í sól og sumaryl Þeir sem greiddu lítið út við nýleg kaup á fasteign á Spáni geta átt í verulegum
vandræðum með afborganir vegna falls íslensku krónunnar.
Í HNOTSKURN
»Um 700 félagsmenn eru í Félagi hús-eigenda á Spáni. Aðeins einn eigandi
fasteignar er skráður í félagið þótt eig-
endur að henni séu fleiri. Talið er að
þorri íslenskra fasteignaeigenda á
Spáni sé í félaginu.
»Félagið var stofnað 1989 og fé-lagsmönnum hefur fjölgað um 180
prósent frá 2004. Ástæðurnar eru taldar
vera gott efnahagsástand á Íslandi, her-
ferð fasteignasala og hagstæðir samn-
ingar um flug til Alicante.
NEMENDUR leikskólans Síðusels á Akureyri heimsóttu
starfsmenn á Bjargi-Iðjulundi í gær og færðu þeim kerta-
stubba. Þau hlýddu áhugasöm á Jón M. Jónsson verkstjóra og
kertagerðarmeistara, lengst til vinstri, en hægra megin eru
krakkarnir með Magga, einum starfsmannanna. Kerti eru
framleidd á staðnum úr nærri 15 tonnum af úrgangsvaxi á
ári, sem brætt er á staðnum, og kertaafgangar af heimilum og
gölluð kerti úr verslunum eru þegin með þökkum. Krakk-
arnir komu með sjö kíló, sem þau söfnuðu á fáeinum dögum
heima hjá sér. „Þetta er mjög dýrmætt efni,“ sagði Ólöf Leifs-
dóttir forstöðumaður og Jón M. hvetur fólk til þess að fara
með kertastubba í endurvinnslu um leið og dagblöð eða dósir.
Um 150 krakkar heimsækja Bjarg-Iðjulund á Akureyri á þessu ári
Morgunblaðið/Skapti Hallgrímsson
Gaman að sjá kertin vaxa!
Eftir Guðna Einarsson
gudni@mbl.is
VILJAYFIRLÝSING um stofnun
Þekkingargarða í Árborg var und-
irrituð á Selfossi í gær. Fulltrúar
sveitarfélagsins Árborgar, Háskóla-
félags Suðurlands, Fræðslunets
Suðurlands, Rannsóknamiðstöðvar í
jarðskjálftaverkfræði, Nýsköpunar-
miðstöðvar, Þekkingarseturs í land-
nýtingu og Miðjunnar á Selfossi
ehf., sem m.a. á lóðaréttindi í mið-
bænum, undirrituðu yfirlýsinguna.
Björgvin G. Sigurðsson viðskipta-
ráðherra var viðstaddur undirrit-
unina og lýsti ánægju sinni með
verkefnið. Hann kvaðst hafa kynnt
það fyrir iðnaðarráðherra og
menntamálaráðherra og sagði að því
hefði verið vel tekið.
Ragnheiður Hergeirsdóttir, bæj-
arstjóri Árborgar, sagði viljayfirlýs-
inguna vera skref í þá átt að skjóta
fleiri stoðum undir atvinnulífið í
sveitarfélaginu.
„Þekkingargarðarnir eru hugsað-
ir sem miðstöð fjölmargra þekking-
arfyrirtækja og stofnana og annarra
fyrirtækja,“ sagði Ragnheiður. „Þar
er m.a. átt við starfsemi á borð við
Alþjóðlega rannsóknamiðstöð Há-
skóla Íslands í jarðskjálftaverk-
fræði, Landnýtingarsetur, Háskóla-
félag Suðurlands og Fræðslunetið.
Einnig geta t.d. komið þarna að fyr-
irtæki í skipulagsmálum, umhverf-
ismálum, jarðvinnslu, byggingar-
tækni og byggingariðnaði. Öll
þekking sem þar er getur nýst við
rannsóknir á þessum sviðum.“ Hluti
af starfsemi sem á heima í Þekking-
argörðunum er þegar til staðar en
vonast er til þess að þar spretti einn-
ig upp ný starfsemi. Ragnheiður
sagði að fyrirmyndin væri m.a.
þekkingargarðar sem gegndu lykil-
hlutverki við uppbyggingu atvinnu-
lífs í Lundi í Svíþjóð og Oulu í Finn-
landi á 8. áratug 20. aldar.
„Framtíðarsýnin er að á Selfossi
myndist þekkingarmiðbær,“ sagði
Ragnheiður. Mikilvægir bakhjarlar
hans verða t.d. Héraðsbókasafnið og
Héraðsskjalasafnið. Vonast er til að
ýmsar stofnanir Háskóla Íslands á
Suðurlandi muni tengjast Þekking-
argörðunum. Einnig öflug matvæla-
fyrirtæki á borð við MS og eins Mat-
vælastofnun.
Creditinfo Ísland greindi nýlega
atvinnulífið í Árborg og kom í ljós að
vandi fyrirtækja þar var mikill og
hlutfallslega fleiri á vanskilaskrá en
að landsmeðaltali. Ástæða þess var
m.a. rakin til þess að 40% fyrirtækja
í sveitarfélaginu voru í byggingar-
iðnaði eða fasteignaviðskiptum.
Samkomulag um stofnun
Þekkingargarða í Árborg
Fjölbreytt starfsemi til eflingar atvinnu á að rúmast undir þaki Þekkingargarða
Morgunblaðið/Guðmundur Karl
Yfirlýsing Margir hafa sammælst um að koma að stofnun Þekkingargarða.
Miðjan á Sel-
fossi ehf.
hyggst reisa
allt að því
6.000 m2 stórt
hús í mið-
bænum á Sel-
fossi undir
Þekking-
argarðana. Til greina kemur að
reisa húsið í tveimur áföngum,
að sögn Franz Jezorski, eins
eigenda Miðjunnar ehf. Hann
sagði mikla stækkunarmögu-
leika á svæðinu og bygging-
armagn þar gæti orðið allt að
24.000 m2. Svæðið sé því kjörið
til þessara nota.
„Ætlunin er að leita til nokk-
urra arkitekta og fá þá til að
leggja fram hugmyndir að hús-
inu. Síðan verður besta tillagan
valin og samið við þann arkitekt
um að teikna húsið,“ sagði
Franz. Hann sagðist finna sterk-
an meðbyr með málinu og að nú
yrði hafist handa við að fjár-
magna bygginguna. Það fjár-
magn er ekki í hendi en Miðjan
er bjartsýn á að fjármögnunin
takist. Gangi þessi áform eftir
gæti húsið eða hluti þess verið
tilbúinn undir lok ársins 2009.
Allt að 6.000 m2
þekkingarhús
Franz Jezorski
hjá Miðjunni.