Morgunblaðið - 12.11.2008, Blaðsíða 11

Fréttir 11INNLENT
MORGUNBLAÐIÐ MIÐVIKUDAGUR 12. NÓVEMBER 2008
DAGFORELDRUM í Reykjavík
mun standa til boða að sækja um
aðstöðustyrk en tillaga þess efnis
að stofna sérstakan sjóð til styrktar
dagforeldrum var samþykkt á
fundi leikskólaráðs Reykjavíkur
nýverið.
Lagt er til að árlega verði út-
hlutað aðstöðustyrkjum úr sjóðnum
til dagforeldra sem starfa í Reykja-
vík, samtals um tveimur milljónum
króna. Forgang hafa þeir dagfor-
eldrar sem lengst hafa verið við
störf.
Kæta dagforeldra
STYKKISHÓLMSBÆR fékk
skipulagsverðlaun Skipulagsfræð-
ingafélags Íslands í ár, en þau
eru veitt í samvinnu við Skipu-
lagsstofnun. Í umsögn dómnefnd-
ar segir að bærinn fái verðlaunin
fyrir stefnu og framfylgd á deili-
skipulagi. Þar gildi sú meg-
instefna að styrkja gamla bæj-
arkjarnann, þétta byggðina og
skilgreina bæjarrými, allt með
það að markmiði að bæta við það
sem fyrir er fremur en gera
gagngerar breytingar.
Með deiliskipulaginu og mark-
vissri framkvæmd þess sé ásýnd
bæjarins bætt og hann gerður
fallegri með því að sækja viðmið í
gömlu Stykkishólmshúsin.
Fram kemur að bæjaryfirvöld í
Stykkishólmi hafi sýnt framsýni
og skilning á menningarsögu-
legum og fagurfræðilegum verð-
mætum á landsvísu. Með þessu
séu ekki einungis varðveitt tengsl
við söguna, heldur hafi komið í
ljós að verndun menning-
arverðmæta í gömlum bæj-
arkjörnum hjálpi til við uppbygg-
ingu ferðaþjónustu og auki
lífsgæði bæjarbúa. Erla Friðriks-
dóttir, bæjarstjóri Stykkishólms
tók við verðlaununum.
Þá hlaut Hjálmar Sveinsson, út-
varpsmaður, viðurkenningu fyrir
umfjöllun sína um skipulagsmál í
þætti sínum Krossgötum á Rás
eitt, Hjörleifur Stefánsson fyrir
bókaskrif og Myndlistarskóli
Reykjavíkur fyrir menntastarf.
Viðurkenning Ingibjörg Jóhannsdóttir, Erla Friðriksdóttir, Hjálmar
Sveinsson og Árni Hjörleifsson við verðlaunaafhendinguna.
Stykkishólmur fékk verðlaun
fyrir nýtt skipulag bæjarins
NÝVERIÐ var
skrifað undir
samning á milli
hugbúnaðarfyr-
irtækisins Þekk-
ingar og Ak-
ureyrarbæjar um
rekstur og hýs-
ingu tölvukerfa
bæjarins. Samn-
ingurinn er gerð-
ur að und-
angengnu útboði sem fjögur
fyrirtæki tóku þátt í.
Samið var til næstu þriggja ára,
að því er segir í tilkynningu frá
Þekkingu, og mun fyrirtækið taka
við tölvuumsjóninni 1. apríl á næsta
ári. Stefán Jóhannesson fram-
kvæmdastjóri og Sigrún Björk Jak-
obsdóttir bæjarstjóri rituðu undir
samninginn.
Í dag rekur Þekking tvær starfs-
stöðvar, á Akureyri og í Kópavogi,
með yfir 50 starfsmenn.
Akureyrarbær og
Þekking semja
Sigrún Björk
Jakobsdóttir
Eftir Bergþóru Njálu Guðmundsdóttur
ben@mbl.is
RÚMLEGA 200 ára gömul rjóma-
kanna og sykurkar, sem fundu
hvort annað á Þjóðminjasafni á
dögunum, eiga hóp ættingja á
Suðurlandi, nánar tiltekið í
grennd við Selfoss. Um er að
ræða teketil, bolla, aðra rjóma-
könnu og sykurkar sem er í eigu
Ragnhildar Sigurðardóttur á
Stokkseyrarseli.
„Ég fékk þessa muni úr dán-
arbúi föðurömmu minnar sem var
fædd 1902,“ segir Ragnhildur.
„Hún fékk þetta frá móður sinni.
Langafi minn var danskur kaup-
maður á Blönduósi sem giftist Jó-
hönnu, dóttur Arnljóts Ólafssonar,
prófasts sem var ríkur og frægur
maður á sínum tíma. Hún var
mikill kvenskörungur og fyrsta
konan á landinu til að verða kosin
í sveitarstjórn, en hún var fædd
1872. Hún er af mörgum talin
vera fyrirmynd Laxness að pró-
fastsdótturinni og kaupmanns-
frúnni í Ungfrúnni góðu og Hús-
inu.“
Hún bætir því við að hafi
langamma hennar fengið stellið
góða úr búi móður sinnar pró-
fastsfrúarinnar, sé greinilegt að
þessi tegund og munstur hafi far-
ið víða um land því langa-
langamma hennar var prófastsfrú
á Langanesi. Rjómakannan og
sykurkarið, sem sagt var frá í
Morgunblaðinu á mánudag, komu
sennilega frá Aðalvík á Horn-
ströndum og Ásahreppi á Suður-
landi.
Og stellið getur státað af ein-
skærri seiglu. „Það sem er stór-
merkilegt er að það lifði af jarð-
skjálftana hér fyrir austan,“ segir
Ragnhildur. „Þetta var og er hér í
glerskáp og sem betur fer fór það
ekki í jarðskjálftunum. Þannig að
það er lukka yfir þessu bolla-
stelli.“
Á stofuborð hundraðkallsins
Ragnhildur bætir því við að hún
sé óskaplega veik fyrir gömlum
munum. „Uppáhaldshluturinn
minn er stofuborð Tryggva Gunn-
arssonar Íslandsbankastjóra, sem
var á hundraðkallinum á sínum
tíma. Kona hans var langalang-
ömmusystir mín þannig að þetta
endaði hjá mér. Eins hefur mér
alltaf þótt vænt um antikbókaskáp
sem ég á og var smíðaður ein-
hvern tíma um 1850 í Mývatns-
sveit.“
Hún segist hins vegar ekki hafa
áttað sig á því hversu merkilegt
stellið er fyrr en hún las um það í
Morgunblaðinu á mánudag. Og
þegar hún er spurð hvort hún noti
það fer hún að skellihlæja: „Nei,
mér dettur það ekki hug,“ svarar
hún og samsinnir því að sennilega
myndi enginn treysta sér til að
vaska hina sögufrægu en brot-
hættu muni upp eftir notkun.
Það er lukka yfir
þessu bollastelli
Ljósmynd/Guðmundur Karl
Ættargóss Bollastellið á sér langa sögu í fjölskyldu Ragnhildar og barna
hennar Þórólfs og Hrafnhildar Svövu sem ekki fá að leika með gripina.
Eins og sykurkar og kanna sem skoðuð
voru á Þjóðminjasafninu á dögunum
Bjóðum 10%
kynningarafslátt
og kaupauka
Kringlan, sími 533 4533
Smáralind, sími 554 3960
LA PRAIRIE HELPS YOU
FIGHT AGING - AND WIN
Fimmtudaginn 13. nóv.
og föstudaginn 14. nóv.
í HYGEA KRINGLUNNI
Velkomin á La Prairie kynningar eftirtalda
daga, milli kl. 13-18... Spennandi nýjungar!
Opinn fundur á vegum BSRB í dag, miðvikudag,
kl. 16:00–17:30 í BSRB-húsinu Grettisgötu 89
Á fundinum verður fjallað um hvernig Færeyingar og Finnar
brugðust við efnahagsþrengingum á borð við þær
sem Íslendingar upplifa nú
Framsögu hafa
Gunvør Balle sendiherra Færeyja á Íslandi
Sigurbjörg Árnadóttir framkvæmdastjóri
Fundarstjóri: Helga Jónsdóttir framkvæmdastjóri BSRB
Að loknum framsöguerindum
verður opnað fyrir spurningar úr sal
Efnahagsþrengingar
nágrannaþjóða