Morgunblaðið - 12.11.2008, Blaðsíða 23
Daglegt líf 23
MORGUNBLAÐIÐ MIÐVIKUDAGUR 12. NÓVEMBER 2008
Hallmundur Kristinsson sérástæðu til að peppa fólk upp:
Ennþá vaxa afrek mín,
og með hverjum vetri
eins og gamalt eðalvín
alltaf verða betri!
Þá Davíð Hjálmar Haraldsson:
Viljugur ertu víst að bisa;
völundur, beykir, múrari,
en ert’ekki bara eins og mysa;
alltaf að verða súrari?
Hallmundur svarar að bragði:
Hagyrðingur góður, gildur,
geri allt með sóma.
Mysuglundri mun ei skyldur,
meira líkist rjóma.
Hólmfríður Bjartmarsdóttir, Fía,
á Sandi í Aðaldal:
Mundi er okkar Ísalands
öðlingur og sómi.
Með aldri vaxa afrek hans
eins og þeyttur rjómi.
Höskuldur Jónsson:
Við þeyting ljúfur Mundi mýkist
meyrnar karl og hverfur nauð.
Á mæðutímum meira líkist
mjúku smjöri on’á brauð.
Loks Sigrún Haraldsdóttir:
Þegar vindur kælir kinn
og klakabrynja úti frýs,
þá verður hann Mundi minn
mjúkur eins og rjómaís.
VÍSNAHORN pebl@mbl.is
Eðalvín og rjómaís
Eftir Kristínu Heiðu Kristinsdóttur
khk@mbl.is
Ég held að það sé gottfyrir okkur á þessumkrepputímum að hugsatil þeirra sem búa við
svo miklu lakari lífsgæði en við.
Þess vegna ætla ég að láta allan
ágóða af sölu bókarinnar renna til
ABC barnahjálpar,“ segir Aðal-
björg Reynisdóttir sem tók sig til
og safnaði saman öllum vinsæl-
ustu uppskriftunum sem hún átti í
fórum sínum og gaf þær út á bók
sem heitir Allir geta eldað.
„Mér fannst alveg ómögulegt að
hafa ekkert að gera eftir að ég
seldi fyrirtækið mitt sem ég hafði
rekið í næstum þrjátíu ár. Ég fór
því að taka til í uppskriftaróreið-
unni sem hafði safnast fyrir í
gegnum tíðina og ákvað að slá
þetta inn í tölvu.“
Hversdagslegur
mömmumatur
Allt vatt þetta smám saman upp
á sig og fólk fór að gauka að Að-
aðlheiði játningum um að það vissi
ekki hvernig ætti að búa til
grjónagraut eða annan hvers-
dagsmat.
„Ég bætti því inn uppskrift að
grjónagraut, hafragraut, skötu,
ommilettu og fiskbollum en líka
spariréttum. Þetta eru langmest
mjög einfaldar og þægilegar upp-
skriftir og foreldrar geta gefið
börnum sínum sem eru að byrja
að búa bókina, því þar má finna
mömmumat og þær upplýsingar
sem þarf til að allir geti eldað.
Hún er líka frábær fyrir krakka
sem langar að spjara sig í eldhús-
inu, alveg niður í sjö átta ára
börn,“ segir Aðalbjörg sem bætti
ýmsum húsráðum í bókina. „Þetta
eru heilræði um allt mögulegt, til
dæmis sparnaðarráð, hvernig má
nýta matarafganga í stað þess að
henda þeim, mál og vog, hvernig á
að leggja á borð eftir hefðinni og
ótalmargt annað.“
Aðalbjörg vill hreyfa við hjart-
anu í fólki og hún segist sann-
arlega vona að andvirði mat-
reiðslubókarinnar verði til að
metta margan svangan magann
hjá þeim börnum sem ABC barna-
hjálp er með á sinni framfærslu
úti í heimi.
Allir geta eldað
Morgunblaðið/Golli
Framtakssöm Aðalbjörg hefur gefið út matreiðslubók til styrktar ABC.
Gaf út bók þar sem m.a. er að finna uppskriftir að
grjónagraut, hafragraut, skötu, ommilettu og fiskbollum
Brúnterta án
eggja
2 b. hveiti
1¼ b. sykur
1 tsk. matarsódi
2 msk. kakó
¼ bolli smjör
1¼ bolli mjólk
Öllu hrært saman.
Sett í tvö hringlaga
form og bakað við 175° í
25 mín.
Krem: 100 g súkku-
laði (ein plata), 50 g
smjör og 2 msk. síróp
brætt saman (í örbylgju-
ofni), hrærið saman.
Kælið kremið áður en
þið smyrjið því á kök-
una.
Heilræði: Fækkið innkaupaferðum, gerið vikuáætlun t.d. á
fimmtudögum þegar helgartilboðin eru í blöðunum.
Hreinlæti: Sótthreinsið t.d. borðtuskur og tannbursta sérlega þeg-
ar flensa er í gangi með því að setja það í örbylgjuofn smástund.
Mörgu má einnig stinga með í uppþvottavélina, hún sýður og sótt-
hreinsar.
Þrífið vel klósett og aðra staði þar sem bakteríur þrífast, notið
pappír eða sótthreinsaðar tuskur þar sem slíkt þarf. Passið að þrífa
vel lyklaborðið á tölvunni, notið léttrakan klút eða bréfþurrku með
góðu hreinsiefni (bleytan má ekki fara niður í lyklaborðið).
Langar þig að baka
en átt ekki egg?
Söng- og strengjasveitin Riddarar
söngsins flytur ástarljóð Páls
Ólafssonar í Iðnó miðvikudaginn
12. nóvember kl. 20.30.
Fremstur fer Páll Ólafsson skáld og
riddari frá Hallfreðarstöðum í Hróars-
tungu. Aðrir riddarar eru: Þórarinn
Hjartarson og Ösp Kristjánsdóttir, söngur,
Hjörleifur Valsson, fiðla, Kristinn G
Árnason, gítar, Birgir Bragason, bassi.
Í bland við sönginn les Ingibjörg
Hjartardóttir eldheit ástarljóð eftir Pál.
Aðgangseyrir 1500 krónur.
Sungið um ástina